|
1. yy 2015-03-11 09:04:04 |
|
"國內人士來港買樓，而他們大多數只買少住，絕不出租"怎會絕不出租呢？委託地產代理收租的國內投資者，現在還有很多，他們是在BSD實施前買的。我剛從他們手上買入一個連租約單位。買樓收租不是港人的專利，是中國人的天性了，最近到日本買樓的投資者同樣有國內人。 |
|
2. 亮劍 2015-03-11 09:52:33 |
|
呢排好多人談租管，以下係愚見：
1 若是吉屋大把，鎖匙盤一大堆，咁實施租管來托杉？
2 每一個單位的外在及內在條件，都有所不同，因此租管若要執行，應該係限制業主加租幅度，同埋強制原本的租客有優先權以市價續租，咁由今日開始，如果小業主有楼出租，佢唔攞到個價盡，他肯定细個嗰陣上数學堂瞓咗覺，因為今日的價會影響以後的價。
3 呢拾多年小業主通常以全包出租單位，但在實施租管後，小業主應該要租客交管理費，因為：A 管理費無得扣税，而且果D半新舊楼，又會所又泳池，每呎管理費要你 3.X，叫有良心；B 因為有最低工資，管理費加幅少過通漲的機會，幾乎係零……
4 第二時業主不會再提供任何「道具」，或在租约寫明呢D「道具」，乃暫借形式供租客使用，咁即係第2時你租客家电有壞，請貴客自理！
5 實施租管後，那些業主會嚴選租客，呢七八年有D業主已經要準租客提供公司任職証明，以核實你能夠交倒租，打後就算你嗰件係沙一395，亦會訂定以下條款：「任職公司要提供担保，保證租客準時交租」！
6 同實施打房政策一Q樣，對上幾年無實力者不能買楼，同一道理在實施租管後，就变成只有交「贵租」能力的租客，才能租倒楼，有理由相信租管有同市值租金掛勾條款，即最高加幅随時會变成最起碼加幅，與香港的公用事業有利潤管制变利潤保障一樣。
7 外籍家庭傭工同我講，她們頭嗰年的人工，有6成入袋要偷笑，因為要畀中介過水濕腳。如實施租管，咁應該有D「 無良業主 」會要求租客在續約時，要揾地代「辦正手續」，地代收費當然不菲，至於地代真正落袋有幾多……你懂的！
8 我绝對有理由相信，實施租管後，實質租盤應該會有所減少，地代為了求盤，咁第二時業主出租物業可免佣，而地代無奶油同你白做，咁本來呢半個月佣，就由租客硬食，亦係「 合理安排 」！
|
|
3. 傻仔強 2015-03-11 10:20:46 |
|
按2樓亮劍前所講，租管得來其實業主租客所可以商議的條件規約都好自由吓喎。咁實情對收租佬來講，租管最至命嘅影響係乜呢？煩請各前輩賜教賜教 |
|
4. 不忠實擁蠆 2015-03-11 11:12:42 |
|
|
|
5. Johnny 2015-03-11 11:15:42 |
|
聽講租管好似系限制每年加租既百分比，等租樓住既人唔使成日心驚膽跳搵地方搬。
|
|
6. 大寶二寶 2015-03-11 11:36:51 |
|
回3 強兄，5 Johnny 兄
你們是新來的？你冇睇過懶人兄嘅“租管血淚史回憶錄“自白？以前嘅租務條例係向租客傾斜，业主好難彭租客走，令到好多租客連名都改埋，叫“租霸“，差在吾同姓。
不過我相信就算推租管，條例都會修改，吾會再对业主咁唔公平，唔係市面冇哂租盤，受苦嘅咪又係買唔起樓嘅租客。
不過你同我定，我始終唔相信會推租管，所以從未担心過。
共抗之，哈哈！ |
|
7. Simon 2015-03-11 11:43:25 |
|
之前既租管唔俾人趕走租客養成惡租霸。打官司分分鐘攪個一年以上才可趕走租霸。業主深受其害。 但個人認為，如果真的有租管，新租管並不一定包括這條款的。除非政府D人真係白痴...... |
|
8. 建材跌價，只有工人加薪 2015-03-11 11:43:26 |
|
如果可以輸入外勞，新界樓供應必大增，買如岩山新界納米樓幾年後必跌2-3成！ |
|
9. 亮劍 2015-03-11 12:06:33 |
|
不過大家要居安思危，因為新地已經或即將，把呢幾年來所取得的土地狂改圖則，绝大部分起AB類单位。 可以預期單計新地，總细码楼的供應，就可多幾K甚至上萬伙。 小弟估郭氏兄弟會打蛇隨棍上，喺今明兩年將上述单位，打鐵趁熱全数晒冷。 咁會對低下價楼2手市場，做成「擠壓效應」。 因此小弟估計 2017 年楼市崩盤的機會，達5成楼上…… |
|
10. law student 2015-03-11 12:27:28 |
|
緻藍天4,700伙陸續應市, 但長實今星期開賣既悅目76伙, 市傳重新收票只有140張, 超購不足兩倍. 市場到時點哽4700個? 【經濟日報專訊】將軍澳今年可售近4,700伙陸續應市，緻藍天昨率先上載樓書，單位面積680至1,142平方呎，1,648伙全屬3至4房戶型，最快月底開售，成加辣後首個大型新盤。 長實執行董事趙國雄表示，將待同系的紅磡悅目完成銷售後，再推出緻藍天。 因項目單位數量龐大，須製作最少2萬本樓書派發予準買家，料需約兩周印刷，故推算最快月底可以開售。至於優惠詳情，包括會否推出二按等，趙國雄指，因涉及合作夥伴，要留待商討後一同公布。 全屬3至4房 680至1142呎 將軍澳緻藍天屬日出康城3期項目，由長實（00001）、南豐及港鐵（00066）合作發展，提供1,648個單位，全屬3房至4房連儲物室或工人房間隔，並以3房為主。 樓書顯示，整個項目僅提供標準單位，不設特色戶型，面積介乎680至1,142平方呎。以每層的戶型分布推算，3房戶（面積680至819平方呎）佔單位總數近72%，共有約1,182伙。 至於4房單位約佔總數28%，共約466伙，當中約309個為4房一套房單位（面積928至950平方呎）；其餘157個為4房雙套房單位（面積1,120至1,142平方呎）。 首批不少於330戶 料定價保守 根據《一手住宅物業銷售條例》，項目首張價單須涉及最少兩成單位，以1,648伙計，即不少於約330伙。 由於當區住宅造價較市區仍屬低水，加上首批單位數量龐大，相信發展商定價將較為保守，以營造入市氣氛。 參考鄰近二手屋苑，包括首都、領都及領凱等，近半年的成交呎價約在9,000元水平，料緻藍天的3房入場單位有機會在600萬元水平，較市區同級單位有所折讓，相信將獲得市場注目。 嘉悅帝景灣 擬上半年推出 此外，將軍澳亦有兩個項目擬於上半年推出，區內短期新供應共約2,556伙，包括嘉華（00173）旗下的嘉悅（372伙），以及信置（00083）與嘉華合作的帝景灣（536伙），將待獲批預售樓花同意書後，於短期內推出。 兩個項目均提供1房至4房多元化戶型，當中又以2房至3房戶為主，相信與緻藍天各有捧場客。 在下半年則預計有約2,100伙新盤可供銷售，並以中小型單位為主。 按發展商公布消息，會德豐地產將軍澳68A1區項目（約406伙），計劃於第三季推出；至於長實旗下的峻瀅II（872伙）亦正待批預售，將於下半年接力登場。華懋將軍澳66B1區項目（約840伙）亦有機會年內推出。 |
|
11. 見頂 2015-03-11 12:28:41 |
|
我估當博士認輸話跌眼鏡,轉軚唱好之時,就是差不多見頂. |
|
12. 地藏 2015-03-11 13:13:52 |
|
law student 兄說正是,這就是為何新地大部分改起AB類單位,細細粒易消化,尤其投資者,新婚人士。
至於亮劍兄的估計 2017 年樓市崩盤的機會達5成以上，耍視乎經濟變化，可以更加早，到時雪上加霜了。 |
|
13. 新手 2015-03-11 13:17:42 |
|
TO 9/F 亮劍兄,
我也留意這則新聞, 但那些盤位置比較偏遠, 我想應該不會影响市區的樓價吧?
小弟愚見 |
|
14. 新手 2015-03-11 13:23:56 |
|
不過，除了搶地，新地亦積極將單位「大變細」，當中拍住置地的元朗牛潭尾石湖圍項目，鄰近洋房項目翠逸雅苑及新地同系的葡萄園等。項目於去年九月獲批建三百幢洋房後，豈料不足半年又再申請改劃，要求將地積比提高至不多於三點六六倍，由三層高的洋房變成不超過二十九幢的三十四至三十七層高的分層住宅，平均單位面積為六百方呎左右，涉及單位數目為七千二百九十一伙，總樓面達四十四萬五千萬方呎。單位數量大增二十三倍。新地亦承認，在適合的地皮興建較多中小型單位主要為配合市場及用家需要。石湖圍項目的改劃申請，正好配合政府加大房屋供應的方向，為市民提供更多住屋選擇，現正等候城規會審批。不過，有分析認為，方案獲城規會接納的機會不大，皆因周邊項目都是以洋房為主，發展中小型單位會令規劃上出現不協調，而且就算獲批，日後都要向政府申請補地價。同屬該集團的屯門星堤二期及沙田大圍香粉寮項目，亦先後提出開細則申請，分別提出縮減單位面積約53.8%及38.4%，單位數量分別大增三點三倍及六成，至一千零四十四伙及一千三百二十五伙。
即使成功改規劃,交通配套適合嗎?
|
|
15. BBB 2015-03-11 14:07:19 |
|
To: 10 Law Student
對象似乎不一様
將軍澳新盤，不能算是上車盤吧，有幾多人比得起入場費呀，家庭收入要有四皮半以上及有起碼二百萬現金先有得諗
市場最渴求的應該是四百萬以下嘅樓， |
|
16. 打工仔 Andy 2015-03-11 14:35:41 |
|
判錯症, 落錯藥, 就是這樣............！ |
|
17. law student 2015-03-11 14:43:14 |
|
to 15. BBB Agree with you. 亦同意 9. 亮劍兄分析. |
|
18. law student 2015-03-11 14:43:15 |
|
to 15. BBB Agree with you. 亦同意 9. 亮劍兄分析. |
|
19. law student 2015-03-11 14:49:48 |
|
純粹覺得悅目屬市區盤, 都開始去貨慢, 要賣將軍澳呢o的(no offence to the owners there)供應重鎮(將軍澳今年可售近4,700伙陸續應市)肯定要更花功夫. 而長實開賣時一向重量唔重價, 我要入貨既, 一定等多幾個月(又唔係叫你等多幾年), 慢慢㨂. |
|
20. law student 2015-03-11 14:57:20 |
|
12. 地藏 Agree, 不過加多一個point, 如果愈來愈多人認為2017年崩盤, expectation肯定會提早自我實現. 由其是現時樓市已失去流通性, 如果你知道2017年崩盤, 比你有幾層樓, 又諗住出番一兩間既減磅既, 你都唔會等到2017先賣掛? |
|
21. 流浪漢 2015-03-11 15:28:01 |
|
To 20
咁要睇埋咩類單位同地區，將軍澳壓力最大。
|
|
22. 亮劍 2015-03-11 15:30:58 |
|
如果……我話如果咋，我係「某地產公司」老闆，我会咁玩。
1 你政府開售土地，我盡量爭取。 2 投倒的土地，唔理喺邊處，盡量盡快「配合政府」房策畫细則。 3 地盆快快手动工，計好時間入纸申請開賣楼花。 4 细碼樓打後年零，因政府「人為地」整到2手市場得半條人命，我一手貨只要同業主搅掂2按，都不愁銷路。 5 常識話畀我知，供應過多的東西，今日唔跌，下個月唔跌、下一年都要跌，因此细碼楼將會喺我將D貨出得七七八八嗰陣上唔倒。 6 可能……可能咋，到2017年，就將其餘细碼楼楼盤及貨尾，借頭借路找個理由來個大劈價，製造恐慌。 7 政府定必倒瀉籮蟹，就撤銷部分打房政策應對，到時就會引發「戲院走火效應」，果陣我就「雪中送屎」，再加一腳…… 8 政府之財政預算，在打後幾年，唔見赤字我跟你挽鞋。 9 當政府正在為財赤發愁之時，我就攞出幾幅有迎海咁大規模的農地出來，要求補地價。 10 地政署話平均 AV 3K喎，咁我還佢 2K合理嗎？？ |
|
23. 淡友 2015-03-11 15:34:21 |
|
|
|
24. abc 2015-03-11 16:59:37 |
|
幾千個盤又算得乜,隨時多過十萬個家庭等住上車. 我睇下個月長實好快會賣晒,大家拭目以待. |
|
25. 引刀一快 2015-03-11 17:07:12 |
|
如果有十萬個家庭瞓緊街，你講嘅嘢係成立嘅。
如果自由行可以攞埋居港權，咪成億個家庭買屋！哇，好嘢！！！！！
|
|
26. abc 2015-03-11 17:13:31 |
|
好多家庭租緊屋等買樓,好多人或家庭迫埋一間屋住. 佢地都等緊機會買樓,你唔係好清楚香港現在好多家庭的居住情況.
|
|
27. 租務小陽春 2015-03-11 17:28:41 |
|
【租務小陽春】 太古城平均實用呎租42.3元 刷歷史新高 | 830 | | 建立時間: 0311 16:22 |
受惠政府出招，租務市場突然大旺。中原趙鴻運表示，指標屋苑鰂魚涌太古城，本月速錄22宗租務成交，平均實用呎價42.3元，建築呎租37元，兩者創下歷史新高水平。
金楓閣高層H室，實用面積1,111方呎，建築面積1,237方呎，業主今年1月中以2,000萬元買入，剛剛收樓即出租，獲租客以每月48,000元承租，實用呎租43.2元，回報率2.9厘 |
|
28. law student 2015-03-11 18:18:35 |
|
to 24. abc 有兩點值得討論 1. 學引刀兄話齋"如果有十萬個家庭瞓緊街，你講嘅嘢係成立嘅。"既然而家唔係大把人瞓緊街, 即係話你講o個十萬個家庭其實都有屋住緊不過想改善環境. 只可以講就算我住緊1500尺, 我都想買間深水灣獨立屋; 而深水灣獨立屋就係我既未來需求. 但咁樣咪即係講左等如無講. 2. "長實好快會賣晒", 就要睇佢個價點開. 我估計如果佢高過二手價壹兩成, 將會好難一Q 清袋. 但如果開價同二手價差唔多,到時2手要放盤一定要平壹兩成(除非所有將軍澳業主集體唔賣), 跌勢就會成型. |
|
29. 引刀一快 2015-03-11 19:02:13 |
|
law student兄
地産人士有個說法，二手嘅市場反應會比一手滯後3－6個月，依傢好大程度係二手一手互相提携，一手降價二手唔跟，拉番起一手，源頭係市場氣氛，好多人心雄，供應不足亦好大程度係業主心雄惜售，只要有某一事件發生拉開下跌帷幕，惜售變求售，鬥快走，供應就唔再俾人感覺短缺，所謂“剛需”就會軟化，驚住成世買唔到屋嘅人變成驚住買貴樓，所謂柺點，錦上添花，一沉百踩。 |
|
30. 引刀一快 2015-03-11 19:07:56 |
|
To 26樓 abc兄
香港居住情况我知道，我唔係大陸人，要學大陸咁嘅居住環境，要五個香港先夠，住火柴盒係香港人嘅宿命，改變居住環境係每個人嘅願望，但係切勿忘記重點，就係成本。 今日租金貴，但係首期難儲，如果首期係借番嚟嘅，供樓之外要還首期。 重點係，租轉買，環境、位置未必變好，因爲上車盤大多偏遠，人均居住面積亦難以大幅增長。 |
|
31. abc 2015-03-11 19:29:38 |
|
一手供應個幾千個單位又點可以同將軍澳二手幾十萬個單位比較。 就算一手開價平過二手價小小，唔通大部份二手業主會跟住劈價賣樓？現在二手市場好小盤，賣左樓都好難搵地方住，邊有人會賣樓搬屋而後去租樓住咁傻，租金又貴，搬屋又煩！ 日出康城位於垃圾區，開價唔平小小邊有人買！ 一手個幾千個單位會拖垮樓市，唔好發夢。 PS 過去數年，數以萬計家庭賣了自住樓去租屋。改善居住環境都係住屋需求！ |
|
32. hkhope1 2015-03-11 20:18:17 |
|
雖然我也是博士忠實的讀者，但是今天對博士這個關於BSD對租務市場的影響的分析卻不敢苟同。
作為BSD政策受害最深的一類人，我將我前段時間寫的分析再發一次。 政府爲了一時之快，倉促出台了BSD和DSD，試圖把非永久居民 置業需求一棍子打死。政府根本沒有考慮過，外地來港專業人士是香港居民，但是因爲居住未滿七年，不屬於永久居民。他們要在香港工作生活,他們置業也基本上 都是自住爲主，而且他們的居住需求是不會因爲辣招而消失的。 永久居民不置業還可以選擇與父母同住，這樣對市場上單位的需求不會增加。但是來港專業人士，來港后只有租樓和買樓兩個選擇。因爲BSD和DSD的關係，一個400萬的上車單位，BSD和DSD稅金已經高達70幾萬，已經遠遠超出了普通人能負擔的水平。 我們來看下數字，根據入境處的2012年年報顯示： 根據「一般就業政策」簽發的僱傭工作簽證 28625 根據「輸入內地人才計劃」簽發的僱傭工作簽證 8105 根據「資本投資者入境計劃」簽發的入境簽證 3804 根據「優秀人才入境計劃」所分配的名額 298 根據「非本地畢業生留港／回港就業安排」簽發的簽證 6756 數據來源： http://www.immd.gov.hk/publications/a_report_2012/tc/appendice/appendices-05.htm
排除學生在外，單是上面的簽證，就有47588個外來人才來港就業，當然每年也有很多外來人才離開香港，假設三分之二的人會離開香港，就是每年還有大概三分之一的新增住房需求，這個數字是15862。 2012年BSD開始實施，2012年新來港的專業人士，要到2019年才能成爲永久居民，在這七年的時間，估計只有非常少部分人士能夠繳納稅費置業。大部分人是都會一直有租樓的需求，7年累積下來，這個群體的頂峰在2019出現，大概有11万人。
這些人將成爲是包租公，包租婆最歡迎的租客，他們從事專業工作，收入不菲，租金負擔能力強，業主加租時議價能力很低，他們沒有退路，買樓要交辣稅，也沒有父母可依靠，只能捱七年貴租。
這 些人的無奈也可以從現在豪宅到細价樓的租金走勢看出來。對於一些高端的專業人士，很多人一來港就有能力購買中等價格的物業。沒有BSD之前，他們一般會選 擇租住條件比較好的單位一兩年，等找到合適的單位就會購入自住。由於只用租住一兩年，所以可以租的豪一些，幾萬一個月租金的豪宅住一兩年他們都負擔得起。 BSD之後情況變了，這些人必須要做租7年的打算，算下成本，很多人只能去求其次，找一些中下級別的單位租住，這也就造成了豪宅租金下跌，承接力不足。反 而上車樓盤非常受這部分歡迎，既然要租七年，很多人會選擇租住入門級別的屋苑。現在上車屋苑租金大漲，跟這部分人的需求是有非常大的聯係的。
問 題是政府還陶醉在BSD已經將外來投資房產的需求打到一個相當低的比例的勝利中，沒有意識到這部分在香港居住，但是沒有居住滿七年的專業人士的住房需求， 這部分的需求不會因爲BSD而變少，他們不賣樓就要租樓。隨著這部分<剛租>的群體越來越大，細价樓市場的扭曲現象只會越來越嚴重。
政 府可以讓單程証的非永久居民跟永久居民的直系親屬聯名購買物業來豁免BSD，爲什麽不可以豁免這些來港工作專業人士的BSD，讓有居住需求的人士都可以根 據自己的負擔能力來置業。當然這個想法太天真，沒有政府/政黨人士會冒著得罪有選票人士的風險去討好一些根本沒有選票的人士。 這個扭曲的市場也就會一直持續下去，直到找到新的平衡點。 |
|
33. law student 2015-03-11 22:14:57 |
|
"一手個幾千個單位會拖垮樓市，唔好發夢。" 就憑你講呢句, 對不起, 同你既討論到此為此. 因為討論要有基礎先有趣. 請你問下或睇下樓市資料, 98-03的下跌就正正係一手樓減價帶動, 你估當時業主點解會跟住劈價賣樓?很簡單, 因為唔跟, 就賣唔出. 我咪講左, 當然二手價可以唔跌, 所有將軍澳業主集體唔賣咪得law.
"一手供應個幾千個單位又點可以同將軍澳二手幾十萬個單位比較。" 照你咁講, 當時全港既二手單位比一手單位多得多, 又點解會比一手單位拖垮呢? 可能當時個個都發緊夢, 無你咁醒.... |
|
34. 引刀一快 2015-03-11 22:29:20 |
|
abc兄
我接住law student兄嘅話嚟講，依傢CCL指數，都係少數嘅交易挺住嘅，我認爲係大多數計劃近日上車的人的心理支持，如果破頂新聞不再，總有先出逃的人。 |
|
35. 麗娜 2015-03-11 22:35:03 |
|
囘32樓 hkhope1
政 府可以讓單程証的非永久居民跟永久居民的直系親屬聯名購買物業來豁免BSD，爲什麽不可以豁免這些來港工作專業人士的BSD，讓有居住需求的人士都可以根 據自己的負擔能力來置業。當然這個想法太天真， ________
當然這個想法太天真 是太天真 請問我可以買北京上海房產嗎？我不是北京上海戶口
|
|
36. abc 2015-03-11 22:35:50 |
|
因為當年好多人失業，供唔起樓焗住劈價賣樓。 而且新樓供應源源不絕，越賣越平。 現在情況完全唔一樣，新樓供應不及需求，發展商惜售。失業率低，個個供到樓自住，點會劈價賣樓。大家對未來土地供應冇信心！ 點可以將唔同情況混為一談！ |
|
37. 引刀一快 2015-03-11 22:45:34 |
|
麗娜女士
有排都唔得，北上廣深唔會輕易放開限購，09年救世界所以港人同內地人享等同待遇，依傢唔止唔可以買屋，買舖都唔得，轉唔到名。除非有稅單。
|
|
38. 引刀一快 2015-03-11 23:08:31 |
|
abc兄
請問有冇數據，到底香港所有物業持有者，手上有多于一個住宅的比例？ 問題癥結在于有冇人起手開始拋售。 我認爲低失業率是觸發柺點出現嘅一大潛在原因。 低失業率一直給人經濟暢旺嘅表像，但係單單一個百分比不能顯示整個就業結構，而且很低的失業率，其實係一種高張力表現，經濟波動就會扯破。 當中總會有放棄超負荷支出的人。 |
|
39. 麗娜 2015-03-11 23:11:24 |
|
引刀兄
所以我反問32樓咯，佢在問點解佢要被BSD嘛 |
|
40. 引刀一快 2015-03-11 23:16:46 |
|
麗娜女士
香港人如果有稅單證明，可以買一間限購地區嘅住宅，但係好麻煩。 如果免BSD，會有好多好多人借人頭俾人喺香港買屋，原因你一定明白。 咁我亦會轉做全職好友。 |
|
41. 麗娜 2015-03-11 23:23:50 |
|
引刀兄
謝謝資料，我以為我根本不能買北京上海因為我沒有當地的戶口，我記得之前看過資料。如果有稅單就可以買的話，那就是我可以上海買一間，北京買一間？是用城市來分的嗎？還是用全國性來分，我們香港人屬於國外戶口，只能買一間，例如現在要是在上海買了的話，在北京就不能再買了？ |
|
42. 大寶二寶 2015-03-11 23:38:06 |
|
基本上依家市場上持份者結構性已改加上三D辣招已改變左市埸嘅自然調節机制。依家市埸參與者如下:
1. 自住嘅唔敢賣樓向下炒。換樓也幾乎堪於停頓。
2. 投資者因利息低，收租有正現金回報，加上三D下賣咗買唔番。同時揸現金會輸通漲，都傾向繼續揸磚頭。
3. 市場已冇哂短線炒家。
同98年嘅跌市唔同，果陣炒家充斥市場，八個蓋 cum 十個煲，一成首期就可上會，個個借突。經濟一逆轉唔爆至奇。反觀依家冇咗炒家，加上六至七成按，按揭資料庫同壓測，上得車嘅都有番咁上下實力，無喇喇做咩賣樓。
由於依家冇咗炒家，所以市場交易宗數小之又小，偶有一兩单业主等錢使平賣吾出奇。大方向係业主並冇誘因要賣樓，更加唔好講話要平賣。
共勉之，哈哈！
|
|
43. to law student 2015-03-11 23:43:10 |
|
請問你知唔知成個將軍澳ex康城有幾多放盤？ 對於絕大部份中細價樓業主，賣自住樓個個用都用多左錢交租，一買一賣又有SSD。 收租佬冇多個人頭重以比DSD！ 除左向下炒同移民，業主因乜事要放盤？
|
|
44. 地藏 2015-03-12 00:16:13 |
|
業主因乜事要放盤？因乜事要平賣？
以我凡人點會知,當徹底了解的時候,趨勢已形成了。
所以，要學博士講，贏在一個「準」字！ |
|
45. 引刀一快 2015-03-12 01:03:47 |
|
麗娜女士
限購之後，名下冇樓可以用稅單買一間，全國聯網。我聽日叫個廣州嘅地代，清清楚楚系統地講清楚呢方面嘅細節，如果妳仲有咩問題想問，唔好客氣。 |
|
46. 引刀一快 2015-03-12 01:05:28 |
|
|
|
47. Oscar Lam 2015-03-12 07:31:26 |
|
回41樓麗娜姐，
關於國內限購方面，我的理解是這樣，除了國內一缐城市外，其他許多城市已經放寬限購。限購是以城市來划分的，既你可以在上海買一套，在北京買一套。稅收收入証明則是指在當地城市的收入証明。在下去年去過上海看住宅和寫字樓，經多方面了解，港人身份可以買一套住宅，但須提供於上海工作的收入証明，不過這一點你可以放心，上海的地代可以幫你搞好，問題不大。如果買寫字樓則沒有限購，但不能以港人個人身份買，須於上海成立一家外資公司，以外資公司名義買，情況相對複雜。後來在下選擇了買寫字樓。順便一提，上海購房的印花稅和契稅是3.55%，比香港的4.25%便宜。
請刀兄也了解一下，如果有錯請指正。 |
|
48. joewong 2015-03-12 10:12:25 |
|
４０樓引刀：
我家人去年十一月在深圳買一房，有任何税单，一D麻煩都冇。 另，你何時開始話內地房市崩盘？何時崩？ |
|
49. 引刀一快 2015-03-12 14:09:34 |
|
你家人係深圳户口咪得囉。 |
|
50. 引刀一快 2015-03-12 14:12:01 |
|
|
|
51. 神州遊俠 2015-03-12 14:47:59 |
|
啱啱係江門旅遊返嚟，嗰度啲地產佬話港人只能買一間住宅，鋪就唔比買，仲有係唔比做按揭，買樓要一炮過，一次過比清所有樓價。
再問嗰度嘅房地產登記署，佢哋話限外令還在執行中。 |
|
52. joewong 2015-03-12 16:58:15 |
|
To 引刀一快
我家人非深圳户口，是香港永久居民，冇 （上面手誤）深圳税单，去年十一月在深圳买楼，一D都唔烦。
另，你何时开始话內地楼市崩盘，讲了多久？ |
|
53. 引刀一快 2015-03-12 17:24:41 |
|
To 樓上 joewong
首先，我話冧市，即係向下走，係大半年前。 你家人喺深圳買嘅係咪公寓？公寓全國唔限購。 深圳未放開限購，但係對于限購，地方處理係有出入，有時要問番當地房管所。 |
|
54. 引刀一快 2015-03-12 17:34:14 |
|
麗娜女士、Oscar Lam兄
原來全國聯網只聞樓梯響，到依傢講咗兩年幾三年都未實施，OL兄你係對嘅。
香港人身份買屋，要工作單位證明居住一年以上。社保稅單係外省非本地戶口買屋用。 |
|
55. Oscar Lam 2015-03-12 18:01:58 |
|
回刀兄，
＂香港人身份買屋，要工作單位證明居住一年以上。＂
這個由地代安排搞掂，不是問題。有時真得很佩服大陸人做事的應變能力！上有政策、下有對策。 |
|
56. 引刀一快 2015-03-12 18:36:31 |
|
|
|
57. hkhope1 2015-03-12 21:11:18 |
|
TO 麗娜大陸所有城市的限購，只是針對不在此城市工作的人士起作用的。在當地工作的人基本上市可以合法購買住房的。 香港的BSD就不同，外來人士沒有拿到永久身份之前統統要交BSD，不管你是否在香港工作生活。其實我們這些人都有在香港交稅，但是置業就一定要交BSD。 |
|
58. Oscar Lam 2015-03-12 21:54:14 |
|
回57樓hkhope1
BSD對於沒有香港永久居留權的人仕的確是一個問題，除非能夠以轉讓空殼公司股份的形式購入物業，但又涉及到未能按揭的問題。 |
|
59. hkhope1 2015-03-12 22:13:30 |
|
To Oscar Lam
我身邊太多這樣的例子，很多朋友來港兩三年，收入也不錯，也有一定的積蓄，以後也打算一直在香港發展事業，沒有BSD他們是可以置業的，但是算上BSD+DSD的開支，就要再儲蓄兩三年，再等兩三年后，基本上離七年已經不遠了，也不會這麼著急買樓了。這部分人原來對租務市場的需求大概是一個租約期（兩年），現在就要變成四個租約期（7~8年）。這部分人數量積累到一定程度，對租務市場的支撐力是很大的。不可以轉租為買，不可以選擇跟父母同住，跟房東議價的時候沒有退路可選。
|
|
60. 打工仔 Andy 2015-03-12 22:37:33 |
|
引刀兄
公寓即係商住房, 寫字樓,精品酒店及住房合二為一, 正是上有限購政策, 下有公寓對策, 例如, 深圳崗廈站的首座就是了! 對嗎? |
|
61. Oscar Lam 2015-03-12 23:11:33 |
|
回59樓hkhope1，
在下非常理解你們的情况。擁有自己的物業，能夠安居樂業是許多中國人的夢想。老實說，香港物業經過這幾年的上升後，價格已相當高，在未來供應增多的情況下，個人估計再上升的空間並不大。因此，你們也不需太急入市，等拿到永久居留權後再評估當時的市況再決定是否入市。
在這過程中，你們可以多上來這裡互相交流。這裡有很多最新的資訊，許多師兄、姐在這方面也很多經驗，相信對你們會有幫助的。 |
|
62. 引刀一快 2015-03-13 00:28:28 |
|
打工仔兄
公寓唔係你想像中拆解得咁完美，第一係年期只有40年，我見到有間深圳嘅公寓，依傢賣緊貨尾，得廿幾年咋。 第二就係管理費約2－3倍。 |
|
63. 麗娜 2015-03-13 00:54:27 |
|
引刀，OL 前輩，
謝謝你們的資訊，你們真的非常好人！
回hkhope1 就算要付BSD還是可以買得到，只是成本高了，那就看菜吃飯吧，也不一定要租房的，可以買小一點的先住著，可是如果要再買第二套那就不是自住需要了，DSD是沒有必要的。希望不會讓你不開心，不過呢，小妹認為做任何投資決定肯定先要了解自己自身狀況，強弱，外圍環境，不是說任何外界條件都可以順你的意的，既來之則安之，要等7年就7年唄，等不了就付BSD，fair enough。交薪俸稅跟買房是沒任何關係。既然現在香港房價已經這麼高，Oscar前輩說得很對，也就不著急買了。
我去年也很心疼的付了DSD。。。雖然，比BSD少很多，可是還是肉痛的，不過很想買，也就沒辦法。 |
|
64. 引刀一快 2015-03-13 06:37:42 |
|
麗娜女士
相逢是緣分，交流信息，引刀只是略盡綿力，毌須客氣。
hkhope1兄 若然BSD稍作鬆懈寬鬆，會好容易鑽空子。而BSD目的為穩定樓價，如果hkhope1兄近日有看刀引刀回應，兄台亦知道引刀擔心有大量財主資金南下。
|
|
65. joewong 2015-03-13 10:05:08 |
|
５３引刀一快，
买的是５０多平米的单位。你了解不多时，请别讲到实牙实齿啦！
你说大６楼市冧，係大半年前，即旧年６-７月吗？冧几多呀？全国平均冧？抑戓那些城市冧？何时冧到你嘅目标？ |
|
66. 引刀一快 2015-03-13 18:17:19 |
|
joewong
你連大陸樓價冧緊你都唔知，係咪真係買咗樓架？
你問嘅嘢好唔實際，好似你老表撈波弟。
上年5－6月就開始跌價喇。 |
|
67. joewong 2015-03-15 10:10:17 |
|
To. 引刀 深圳中原指数一月437点，创历史新高啀 你憑想像讲野，不理事实？ |
|
68. to 引刀（by joe） 2015-03-15 10:23:22 |
|
深圳中原指數二月443。 环比漲1.35%, 比上年漲7.31%。
引刀 你查都唔查下，实牙实齿吹水。 |
|
69. 引刀一快 2015-03-15 10:25:59 |
|
|
|
70. 引刀一快 2015-03-15 10:27:13 |
|
上年年底，世聯代理嘅其中三個深圳樓盤，一日賣50億，你可以考慮去跟架。 |
|
71. to引刀（joe） 2015-03-15 11:01:49 |
|
你扯开话题，不认錯，可耻行为。 |
|
72. 引刀一快 2015-03-15 11:05:31 |
|
|
|
73. 元朗人 2015-03-15 11:06:30 |
|
引刀兄
無禮之士的串問題，有解釋或囘答的需要? 是否你近來又紅又活躍，避免不來，哈哈！
大陸地方咁大，講樓可以講極都有話題。感覺上發展商都有注重規劃（交通、外觀、附近環境配合）。看到的樓宇是較悅目和有氣勢D咁。
|
|
74. joewong 2015-03-15 11:09:57 |
|
睇完上述贴子，眾人心知。 呵呵…………，原來你就咁嘅水平。。。 |
|
75. 引刀一快 2015-03-15 12:18:59 |
|
元朗人兄
我有時鍾意陪呢D人鬥下嘴，其實係好好嘅EQ鍛煉，令自己保持精神韌性，難得人家肯拋個身岀嚟做陪練，我唔嘥咗佢。 發展商當然重視規劃，其實大陸相關規定好多，尤其係環保評價，不過，以前好多地産發展商嘅背景硬，所以比較唔守規矩，但係近十年就唔同咗。 俾個小小嘅建議你，下次得閑去南海睇樓，試下北江河鮮，近年發展咗唔少新嘅養殖魚種，好食又唔貴，飯店幾十蚊斤質量相當好。 春節過後民工回歸數量少咗好多，預計珠三角今年會有幾明顯跌幅。除非遇上難得一見嘅心頭好，否則都係果句，沒有最好只有更好，慢慢睇。 希望你能够以實惠價錢買到靚樓享受下，到時記住喺呢度同大家分享。 |
|
