喺仲未有 SSD 年代，唔少「炒家」借財仔短期貸款玩薄 cut，那時候金融機構合埋眼就借錢畀你，加上楼價幾個月就可升你壹兩成，那就算繳納財仔高息亦可圍倒数，但現在有乜輪楼可炒？
其實向財仔撲水的首置者，通常係全家總動員籌旗先夠首期果班，因為他們無置業經驗，又唔上黎呢度學下嘢。咁本來值 3.6 M 嘅貨，就畀夠 4 M 人！
他們諗住銀行一樣同佢哋十下十下，估足 4 M。
當他們踏破鐵鞋，最盡只估倒 3.8 M ，咁面前只能得兩個選擇：
撻訂渣都無！
揾屋企人轆咭、借財仔……
所以置業前請上網查清楚；找一個唔係諗住開单大過天而靠得住嘅經紀；請教有經驗人士；預留最少 5 % 虚位；唔好瘋狂追價！
第二類係本來喺銀行已經過哂壓測，先頭供楼亦順頭順路，點不知供下供下，遇到一D估你唔倒的事情發生，例如突然失業、離婚、患重病、生意週轉不靈等。
如果在舊陣時，他們應該斬纜離場，但呢家因為有 SSD 要焗赌，或投降你要畀多成幾兩成；另一方面，銀行見你供得果一年唔夠就要乜要物，咁仲點肯再借多D畀你呢？在走投無路之下，呢班人咪揾幫人兄弟江湖救急囉。
第三類係正職人工收入唔錯，但浮動性大；或已持有幾個出租物業在收緊租，他們本來每月現金流大把，但在現行金管局的條例下，銀行不能「網開一面」，如此這般他們焗找財仔。
第四類係計錯數, 他們以為自己人工夠晒供就買, 點知做上會果陣，銀行先話畀佢哋知，他們仲有某些 P窿、車窿、咭数、電器產品分期付款未還，加上你 90幾年前同屋企人簽落D貸款担保..……咁绝對會影響你的壓测，你一方面唔夠時間 cut 、或無錢即時找清D数、又或者要畀一筆為數不少的罸款 , 咪迫住借財仔囉。
最近長江果個新盤悅目，有財仔提供一按，首幾年按息都好似係 2.X厘，就算加上手續費，貴銀行街息少少啫，但佢勝在無咁多規範喎。
你三年後如果收入有增長或銀行貸款條件放鬆咗，咪將成筆貸款轉回銀行囉。
