PP 兄……
若果你現在開一個盤，今年首三季 CCL 破唔破 150，老實講我要上盤，但之後的劇情點發展，先係我們分歧的所在。
在2010 年中，我至親有層西半山建呎一千的舊楼被收購，实收 8 M零。
她隨即在同區買入一件相若呎碼，FP 5.5 M。
9個月後即 2011 年3月，有人出 8 M 幾，她於是將呢件嘢放咗食糊。
即喺呢9個月期間，半山某些磚頭实际升了 5成以上，係咪井噴？
但之後屋企人見倒個市继續爆上，唯有死死地氣喺 2011 年以近 9 M 入翻件同区收租。
但因為之前的升幅被過度透支，所以之後幾年，成個西半山平均計都升唔倒一格。
呢次歐洲都落埋來大QE， 唔駛問阿貴，楼市打後大半年爆上幾乎寫包单，那麼嗰D呢幾年玩租住等嘅人，仲會不會咁冷靜？
仲有呢次新居屋咁多人申請，而好肯定又有数以拾萬計的家庭，短期置居屋夢碎，那他們其中一部分在四~六月，同果班租住等出來盲搶细碼楼，將會係第二及三季報紙及电視的 B1 頭條熱選。
细码貨對上兩叁年升到核爆，現在还整多兩成落去，那麼購買力會否被透支？
前幾年有唔少被透支升幅的「豪宅」坐緊艇、捱緊價，今年第四季到下年，輪都輪到细碼貨。
