有路人問，呢幾個星期新盤邊個買左去呀？
呢個問題1997-98年個陣時都有人問過
呢個世界上乜人都有
你要投資失敗沒人阻到你-----
乜嘢係1996-97年個陣時嘅炒樓情況呢？以小弟認知，以下情況近磅啲，例如在當年每有新盤開售，好多時就會有人排隊買樓，而這班人唔少只係受僱排隊，做其佈景板或只是幫人入貨做勢咋，他們大多都是周身無蚊，只係搏排倒頭嗰啲籌号，然後就以賣籌方式轉售，炒籌搏分一杯羹！
就算可以俾倒首期或按金嘅人，呢筆錢好多時都係靠碌咭、籌旗及夾份咁班翻來，呢啲所謂「业主」之後就會攞呢啲貨去代理處放售，只係望於短期內以摸貨形式倒賣執少少，唔少人真係想都未想過有銀行上會這回事！
有些就在 2 手市場夾埋啲無良 AA ，撳啲唔知價嘅鷓鴣，然後以「市價」摸售圖利！
那麼請問在有咗呢個 SSD之後呢兩叁年，再有無發生上述事情，那怕係一單半單？
最近係唔係有港島新樓未能完成交易俾發展商殺訂？好多葡萄友就話呢啲「炒家」抵死，呢次「炒樓炒爆煲」----
呢鑊真係白狗得食、黑狗當災！
於今時今日，喺香港入親市嘅人，受乜招物招所限，你唔係自用就係投資收租。短炒？炒條毛就有得你炒！
而一個買家在落訂圈一個單位一頭半個月前後，財政狀況又點會急劇惡化？
那麼合理而正路嘅解釋，就係呢啲買家計錯數！
佢哋事前無做功課，又冇去同銀行了解一下最新按揭行情，所以估計唔倒原來銀行按揭政策咁鬼嚴，只係借得咁少錢或過唔倒壓力測試！
因此焗撻！！
