因為環保意識抬頭，你政府幾乎每一個增加土地嘅方案，都會遇到或大或少的阻撓，那麼持有土地及房地產嘅大小業主，睇死你呢個供應斷層不能短期解決，他們那肯平售？
根本由幾年前開始直到現在，那些仲走去買樓嘅人，一係自住、一係想去收租！
喺絕對無可能去短炒嘅市，由其是中小型單位的空置量奇低，那能稱過熱？
政府話下一年將會有兩萬個上下嘅樓花供應，講出來都幾嚇人喎！
但對上幾年嘅樓房供應，每年講緊一萬個咁上下，多定少大家定奪，咁呢個缺口，請問要不要彌補翻先？
單計呢一年，本來想買變咗租嘅人，隨時係幾萬，上六位數都唔奇，呢度絕對唔係講笑！
我再度重申，香港好多人並唔係無首期、供唔起，佢哋唔買去租，只是無信心、驚跌、驚摸頂啫！
隨著雙非童陸續來港入學、非本地大學生持續增長、境外大學生畢業生留港工作，呢度唔買都要租，在在喺度加劇房屋剛性需求！
下年發展商要推咁多盤，貼市價、送SD呢啲基本嘢，少不免將會繼續，但發展商如果唔想瀨嘢，緊要想多一點計仔出來拆招！
同你地產商提些建議：
例如東涌啦，佢近機場，大把喺機場返工嘅客睇到實。
咁有証明喺嗰度做嘅，回翻三隻佣俾人，那些空姐及機師客，仲唔排曬隊來買？
唔夠激用埋團購啦，每間指定機構嘅員工，要是集齊十單比多一隻佣，二十單隻半，三十單兩隻⋯---⋯然後那些買家齊齊分咗佢！
樓下托兒所、幼稚園同學校，喺機場做嘅員工有折頭，加上穿梭巴士及會所24小時服務⋯⋯
如果以上嘅嘢全部做整，那三個月內清倉有何難度？
第二啲盤賣樓部老細，咪照板煮碗囉，以相約方式去思維，為旗下樓盤度身定做優惠，唔使我教啦，咁兩萬嘢啫，驚都未過！
