|
1. 亮劍 2013-08-26 09:58:51 |
|
究竟政府應該點應對香港樓市? 首先係咪要保持銀行體系穩健先? 但佢哋做嘅係鼓勵人可以用九成按揭去買樓，又推出白居2出來，專搵無實力嘅人在高位接火棒喎！ 第二係咪要啲成年人，要為佢哋所作出嘅決定負責呢? 但實情係邊個人嘈得最大聲，政府就買佢哋怕！而唔會理呢班人有無奶油！！例如前幾年「高位放自住樓等跌」嘅人，政府就千方百計幫佢哋完夢，而唔理其他交足稅嘅人死活！！！ 第三係咪要公平對待各持份者? 但現在換樓客夾生被人焗喎！例如你有一個就來供滿，現值六七球嘅單位，咁就算你有兩百個喺手，你想升呢換件約十M嘅單位都有極大難度！你政府想幫人上車，咪針對性在上車盤嗰度想辦法囉，又洗唔洗對貴夾唔飽嘅「豪宅」拳打腳踢，打足咁多鑊先！我每晚午夜夢迴，都攪唔清點解政府每一次打房，都係要向 DE 類單位埋手，又煮重佢哋米嘅原因！
還望有高人指點下我呢一個無知嘅蛋散！ |
|
2. 叮噹 2013-08-26 10:01:06 |
|
博士講得好! |
|
3. 亮劍 2013-08-26 10:13:07 |
|
陸東我不知道，但如果他明知樓價在兩年內會下跌五成仍然不賣走物業，似乎他並不是一個精明投資者---- 博士請你立即去 7 仔買翻本 I Money 睇睇，陸東話拒已經身先士卒，出曬港樓咁濟，而呢個就係拒睇淡香港樓市嘅主因！ |
|
4. 沽空物業 2013-08-26 10:36:49 |
|
博士請你立即去 7 仔買翻本 I Money 睇睇，陸東話拒已經身先士卒，出曬港樓咁濟，而呢個就係拒睇淡香港樓市嘅主因！........... 睇來這一位陸東犯了香港大忌大忌: 沽空物業???睇來香港持有5個物業以上的業主4萬餘人士叻過佢??? |
|
5. 大虎 2013-08-26 11:00:35 |
|
噢，原來有位先生有下列邏輯： 我賣咗\未買樓，所以樓價會跌\唔會升。 咁，我唔會花$去買佢本野啦。 聽下大家仲好，哈！ |
|
6. 令人費解 2013-08-26 11:01:38 |
|
唔知點解陸東自已會跟D九流評論員如陽痿膿之流畫上等號，自眨身價。 |
|
7. 洗牌效應 2013-08-26 11:50:31 |
|
經濟評論員同堪輿學家, 應該係研究两樣唔同學派嘅品種, 共通點同最引人入勝, 兼最煞食嘅招數, 就係吹完一輪佢好似好精, 但你就知啲唔知啲嘅經典理論, 現實形勢之後, 醒你一段煞有介事但後果要你自負嘅驚人預言, 指點你迷津: 佢運情好講中咗, 你就千多謝萬多謝, 俾咗錢兼奉佢為X海明燈; 你運情唔好預言唔靈點咗你, 佢就燈神顯靈, 關人狗事, 四個大字, 貴客自理. 可能係08金融海嘯前後, 引發咗一種經濟情況, 稱為呃你落叠現象, 令到啲經濟評論員同堪輿學家, 發生咗DNA洗牌效應, 生成一類特徵係吹水唔抹咀, 衰咗由得佢嘅品種, 稱為經濟評輿學家, 可以人傳人, 暫時重未有疫苗同特效藥, 投資者宜投資時戴上口罩, 慎防被飛沫傳染, 保重銀包. |
|
8. 小業主T 2013-08-26 12:02:42 |
|
知道這裡高手眾多, 請問有沒有人知悉要求土地審裁處解釋公契的處理方法,和要花多少錢 ? 小弟大廈正在大維修,一些大單位業主認為公契要求維修費應基於每戶平勻計,其他小單位業主認為公契其實要求應基於占業權多少計,每邊都有自己的律師證明自己是正確的! 結果是所有業主都不滿, 請問各位大神能不能指點一條明路, 謝謝.
|
|
9. 大虎 2013-08-26 12:19:24 |
|
小業主T,你講嘅係一種矛盾的情况： 不會兩者並存，實有一樣錯， 有可能兩者都錯 公契冇講，按344章建築物管理條例辦，即計業權分數 |
|
10. 打擊豪宅挽救香港名聲 2013-08-26 12:24:02 |
|
香港政府官員眉精眼企, 知道習李上場, 嚴打貪腐, 貪官啲汚糟錢太多, 又唔敢擺係銀行收息, 又唔敢係大陸明目張胆投資, 驚着草保命時攞唔走, 於是就係香港不論價錢, 瞌埋眼掃豪宅, 越貴越啱, 即時數人仔, 現金交易, 攪到啲豪宅升到唔識 dup brake, 遲吓全港豪宅群大部分係貪腐資產, 習李嚴打貪腐時, 將貪腐資產充公凍結, 全港豪宅入晒冰櫃, 無貨賣, 跟住會點, 我估唔倒, 但係香港即時以黑樓港名聞世界, 豪宅辣招將汚糟錢趕去隔山買牛, 造成英, 美, 澳....貪官街, 當地樓市反彈, 保住香港名聲, 豪宅唔使入晒冰櫃. |
|
11. 小業主T 2013-08-26 12:47:16 |
|
先謝謝大虎兄指點
我們的是50年唐樓, 大概公契在50年前還不是很健全, 所以公契第4部分指出維修費應基於每戶平勻計, 但同時第5部又表明維修費應基於每戶占業權多少計, 如果情況是這樣, 我們還可不可以按344章建築物管理條例辦,即計業權分數 ? |
|
12. 大虎 2013-08-26 13:28:57 |
|
ok,344出世得遲，如果兩者兼有應該 1.主條文大於附件 2.開業主大會，票多決定（如公契冇規定，一份業權一票） 3.士審D老爺係唔會為你釋法，除非有案，你入稟話有人違反公契，因不需律師，費用不會好貴，不過要花D時間走Dek. |
|
13. 陸西 2013-08-26 13:59:24 |
|
陸東近幾年每逢年頭都話恆指年底見27000~32000, 搵一年中下都冇, 江湖地位日漸不保, 我估佢因唔識睇個股市唔敢再亂估, 自己以為樓市位高勢危, 想借預測樓市來博一舖翻身, 重新省靚自己個招牌.
|
|
14. 小業主T 2013-08-26 15:19:11 |
|
謝謝大虎兄指點. |
|
15. 掹車邊80後 2013-08-26 15:24:53 |
|
其實又唔覺得d相關行業影響得好緊要, 我搵個律師緊樓契, quote 左三個, 等左成日, 三個都未覆我 |
|
16. pass by 2013-08-26 15:50:31 |
|
just finished Lok's interview on imoney and his "Lok's absoulte return fund" performance from his company web site. It is a report of "fun"...not fund. 4 yrs since start... only about a 吉 |
|
17. 六仔要返祖國練功 2013-08-26 17:54:09 |
|
六仔呢排睇股唔掂, 又唔研究自己衰乜, 胆粗粗發狂話樓市二年內樓市泡沬爆破, 勁插五成, CY落區話齋, 唔識嚇死, 識就笑死, 唔該飛去美國請教伯南克, 再陪瞓增值吓自己, 伯南克呢幾年已經將世界經濟環境生態徹底改變晒, 泡沬突然爆破嘅機會己經大滅, 唔好仲咁迷信, 舊嘅經濟理論已經唔啱用, 你重一本通書用到老, 好快收山, 告老歸田, 講明啲, 純資本主義理論已經舉步維艱, 伯南克己經實行緊社會主義, 係師承自中國, 而家香港控制樓市嘅辣招, 連星加玻嘅政策, 本質上都係社會主義嘅調控政策, 08金融海嘯以來, 復原得最快嘅國家就係行緊社會主義嘅中國, 極度放任嘅純資本主義已受質疑, 快啲返祖國練功, 再戰江湖, 祈為考慮. |
|
18. kk 2013-08-26 19:54:29 |
|
...都攪唔清點解政府每一次打房，都係要向 DE 類單位埋手，又煮重佢哋米嘅原因！...... 因為DE類單位就是那些想上番車的大官嘅目標囉 |
|
19. 亮劍 2013-08-26 20:20:25 |
|
多謝KK指點，聽君一夕話，矛室頓開！ 我仲以為政府啲高官咁好死做醜人，又出盡力攪足七場六國大封相出來，係保護我哋呢班儍仔，免於高位接火棒添！ |
|
20. 湯文亮 2013-08-26 20:29:12 |
|
多謝KK |
|
21. 一號仔 2013-08-26 20:49:37 |
|
誠哥開賣市區樓，建築每呎六千幾，低過半年前一號西九龍三成有多，唔慌唔辣。 |
|
22. 煲浪追浪 2013-08-26 23:48:56 |
|
樓上
昇柏山
首批：82伙
32伙三房，50伙兩房，
（由1-33樓）山、市景都有，
折實兩房440萬起！
三房套加多用途房630萬起！
首82伙官方價單
http://www.therise.com.hk/THERISE/plist/THERISE_pl_eng_2013082633 |
|
23. 有記憶的人 2013-08-26 23:56:25 |
|
友人09年購入之西半山高雲臺,得知陸先生在07年蝕讓同一大廈內單位, 雖然只是個別例子...
但分析樓市,為何聽股市分析員的話? 摸不著頭腦...
|
|
24. 更正 2013-08-27 00:05:50 |
|
http://www.therise.com.hk/THERISE/plist/THERISE_pl_eng_2013082633.pdf |
|
25. 中原城市指數創辦人之一 2013-08-27 08:18:27 |
|
【iMoney智富雜誌—置業安居】今年5月，美國聯儲局第一次明確表明計劃退市，從那時開始，美國10年期國庫債券利率就開始上升，聯儲局官員的言論影響了美國債券市場，退市當然也會影響股市與樓市。不過，美國股市從5月至今一度創新高，因為聯儲局的官員們講話反反覆覆，使人摸不清到底甚麼時候才會開始退市。不過，較多人相信，聯儲局官員預測9月應該是比較好的退市時間。因此，隨着9月臨近，各類金融市場開始出現較大波動。 如果我們留意中原城市指數（CCL）走勢，我們會發現，自從今年2月，特區政府推出最新一輪的雙倍印花稅（DSD）的新打壓樓價措施後，CCL就不再創新高，在120點的水平上上下下，波動幅度不大，或者說，是稍為偏軟，不用說，成交大幅下降。 退市後料樓價不大跌 如果美國真在9月退市，樓價會不會下跌？筆者估計會，但跌幅有限。 樓市有周期，升得多、升得高，最後也一定跌得重，這是很自然，但如果升勢受阻，將來的下跌幅度也會相對較小。 如果在過去兩年多，特區政府沒有推出任何打擊樓價的措施，今日的樓價當然不止這水平，升得高才能跌得重。1997年就是如此，由高峰往下跌，目前CCL在120點左右浮沉，與1997年的100點比較，僅高了20%，而目前香港人人均收入與1997年相比，增加幅度遠不止20%，這說明目前樓市的瘋狂程度不及1997年，樓市沒有進入瘋狂期，最主要理由就是特區政府推出的打壓措施生效。打壓樓市的措施壓住了樓價升勢，同時也會在將來成為支持樓價不會大跌的因素。 3招趕炒家僅用家買樓 打壓樓價的措施有三種，三種措施都是通過徵收更高額的印花稅來達成。第一種稱之為額外印花稅（SSD），是買樓後3年內轉手者必須繳交的額外稅項，SSD把短炒的炒家趕走了，少了短炒的炒家，將來樓價下跌，也少了這群炒家爭相賣樓。第二種印花稅稱為買家印花稅（BSD），是針對非香港永久居民而設，主要針對貴價樓，因為近幾年來，貴價樓的買家以非香港居民為主，非香港居民來香港買樓，有的是參與炒作，有是為了分散風險，把資產由內地轉移到香港，少了這批人，實際上，過去一段日子，豪宅價格已經在下跌，BSD起立竿見影的效果，將來美國退市，加息的效果仍比不上BSD的效果強，因此，退市的影響力也相下降。最後談DSD，只有首次置業者將獲豁免，因此，也把買樓收租的長期投資者趕走，少了投資者，只剩下用家買樓，樓價下跌時，用家不會輕易賣樓。 撰文：曾淵滄 中原城市指數創辦人之一， |
|
