其實， 要寫呢個題目壓力好沉重。如果你係投資者， CHING就會質疑你的利益， 難道， 要一個唔係市場參與者去講， 咁又有乜權威性？？

我由寫樓市預測後來改而寫房屋政策， 就係避免加入呢D主觀情緒。（我一條友， 改變到個市場幾多？？）， 正正係呢個原因。

CY的原罪

襯2013年7月7日會有人上街， 我想呢一班會上街的人， 去諗清楚， 到底佢地上街為乜？ CY的房屋政策出了甚麼問題？ （甚至可以同記者講下）

人人都要住， 但唔係人人都要置業。價格係基本供求下的產物。

CY鍾意將供應推去前特首身上， 乜L都唔關佢事。

但大家回想一下， 如果係十年前， 沙士時， 你有無諗到自由行可以入來一千幾百萬咁去買乾你地D豪宅？

所以， 供求失衡， 可能係前政府只以本地的需求來計算， 當然應付不了突然加入的需求。

在供求失衡， 前特首就將需求分流。將自由行的購買力全部趕入豪宅。幾千萬甚至成億的物業， 全部由佢地承接。
衰D咁講， 如果要死， 都係死呢班購買力， 而出售豪宅的錢， 就流入本港的實際體系。
人地帶錢入來炒， 你咪俾佢炒LOR， 反正塘水滾塘魚， 自由行的買家， 最後多數都係轉緊個物業俾另一個自由行買家。火棒傳來傳去， 政府錢多咗， 發展商賺多咗， 起碼夠錢去派街坊。（雖然我極唔同意去派， 但起碼， 派多少俾老人家， 補貼交通費， 我極同意）

呢一套思維， 去到689上場大改變。

將購買力由上而下咁推， 關卡不斷咁設係大價樓， 唔Q俾你買， FINE， 要配合政策， 購買力咪集中係門檻最低的上車盤LOR。（無計， 689要民望， 要達成多人置業， 咁“票數”先夠多架嘛）。

小朋友同大人賽跑， 仲要縮短競賽長度， 咪更加無得跑。

上車， 變成掛在驢仔頭上的紅蘿蔔。

我想重申， 需求係不可以減少的， 需求只可以疏導。（所以， 曾生的邏輯是對的）。你肚餓， 我唔俾你食快餐， D人會捱肚餓？ 定係走晒入去麵飽舖？好似入大學咁， 你規定我幾多分先入到， 我入唔到我都會走去讀IVE， 副學士， 呢D， 係你日常生活中可以見到的例子， 偏偏好多人因為主觀因素而故意視而不見。

政策市， 就係政府想用行政手法去將需求導入佢想像的模式， 咁到底， 政府係想個市場係點？？ 

呢個， 就正正係反智的表現。

政府要趕絕炒家， FINE， 炒家去咗邊？？ 邊個係炒家？ 
政府想用家上場， 但同時又想降低需求， 咁到底係想人地上車定唔上車？ 

而最關鍵， 你又要人唔好買樓， 咁人要住架嘛， 住係邊？？ 當然係租屋啦， 但政府又打擊投資者入市， 咁何來咁多租盤？？ 

政策混亂但副作用係谷起租金， 未想買樓的， 因為政府的政策而先變成受害者。

呢個， 咪反智LOR。

經濟學有一個現象叫做INFERIOR GOODS， 即係， 市場越唔好， 人越想控制消費， 就會一窩蜂咁去搵一些較次要的消費品。結果導致越差的消費品價格越升。打仗時白米貴， 個個走去食蕃薯， 結果， 蕃薯升幅驚人。

套入而家香港的樓市， 點解新界西無論買價， 租金都上升？ 正正係因為， 越多越多外區人寧願花多點交通費及時間， 都想搵番估平價些少的居所。（當日曾生已經叫過大家咁做）。我認為係INFERIOR GOODS的現象。至於係虛火定係供求改變， 呢個就要花時間觀察。

但呢個現象， 已經反映咗， 市民對住的剛性， 個需求已經唔係靠炒出來的。政府只為做SHOW， 話俾大家聽佢已經盡咗力， 做咗嘢， 不斷咁再去出招打稻草人， 按CY的思維， 封咗的密室就唔存在， 同樣， 打完炒家， 市民的需求就會無晒一樣。

咪做成， 每一次出招， 再進一步提高門檻， 受害的人越多， 供求更失衡， 樓價越升的原因。

要解決需求， 矛頭只得一個。點樣解決需求的口味。一日香港人都只肯住市區， 人口不能從CBD向外擴散， 樓價一日都硬淨。

當年八萬五， 香港仲有幾個大發展區， 馬鞍山， 將軍澳， 天水圍， 東涌， 係一下子將人口導入去呢D地方。當大家見到你真係有咁大個區可以安置人口， 大家都會信你呢個八萬五政策。

而家， 你信政府要發展洪水橋， 粉嶺， 東北， 但班大帝肯唔肯入來， 一句悲情城市， 能夠安置的， 只有新移民， 中港矛盾已經令到政府舉步為艱。你幾多萬五都無用。

呢個， 係政府施政的BUD， 有BUD點會唔屈機？ 當基本供求完全無改變的情況下， 外圍因素根本改變不了市況。

大家細心比較下， 97年， 你身邊的朋友， 身家幾多？ 而家你問下， 一個唔起眼的朋友， 分分鐘銀行有幾百萬現金。你再套用過往的歴史數據來預測樓市， WORK唔WORK？？ 學仙姐話齋， 褲袋型經濟師， 只以自己褲袋的身家去計算個市場， 而市場就將收呢D聰明仔。

講退市， 退市講乜？？ 印少咗？ 定係回收番？？ 呢個概念攪唔清， 你將會對市況預測有根本的錯誤。

好似小朋友係浴缸玩鴨仔。你開水， 鴨仔會升高。當你扭細個水喉， 鴨仔會點？ 沉落水底？ 任何從政的人， 第一樣要做的， 就係討好選民。整色整水懶義正辭明咁去玩少少花臣實會， 印銀紙代價係通帳， 基本上已經係常識。

有統計的時間， 你可以睇下， 通脹只減慢， 咁多年只係得幾多年通縮？ 同埋， 政府係驚通帳定通縮？？ 

除非這個政府， 背後有潛台詞， 希望將這個地方的有錢人， 被另一個地方的人所取代。地產商要換人， 香港有錢人要換人， 但係SORRY， 只係換國藉而唔係改變呢個貧富架構， 咁呢個政府， 值得你去支持？？ 

覺唔覺支持呢個政府的， 都人係愛字行頭？ 呢班乜嘢人？？