超人大戰CY, 花生期貨又高企了, 當然, 市場亦多了好多正義L. 嘩, 汁都撈埋, 駛唔駛賺到咁盡呀??咁多錢仲要走法律隙. 一時間, 大家又挑起了地產霸權的口號.
劏房波又急不及待出來亮下相, 喂喂喂, 你撈晒, 我仲有乜撈??
邊Q個攪工廠地住宅先??
如果看官無善忘, 記唔記得當日我地689特首大大聲話不惜一切去增加供應?? 有件梁粉馬上將個工廠大改裝變成宿舍?? 當日林鄭大大聲話「特事特辦」, 只要能增加供應, 政府會運用權力去改變地契用途.
工廠都可以變住宅, 點解酒店地, 原本俾人住的地契, 你又要打壓甚至凶到要收回?? 梁粉真係大Q晒???
工廠地, 連通風採光等大問題, 落晒本咁去攪改建, 今時今日, 你凶人話要入屋查消防查乜查物??
你CY派邊隊人去查先?? 查唐唐嗰隊定係查你689嗰隊人先???
明摑你一巴
摑你一把的, 唔係李首富, 而係肚入邊有一團火的投資者. 大佬, 錢不斷係度貶值, 買多層樓收租, 做一個長期投資者啫, 又唔係殺人放火, 明知成個社會租盤唔夠, 租金乾升, 你又要攪BSD, SSD, 壓測, 減按偈成數, 將自己無能改變供求的責任, 硬塞俾業主, 而家由李首富牽頭, 唔好當我買入個酒店單位, 你當我入股李首富, 由佢發辦去招租, 我賺穩定回報, 當REITS咁收, 得唔得先?? 有邊位認為, 租酒店係會平過租屋?? 我而家係信李首富唔信你689, 駛唔駛拉去坐監?? 我就當係一個連約買入的單位, 裝修, 營運, 乜都唔駛我煩. (起碼, 無熱水無冷氣, 唔該你自己去搵個CONCIERGE, 每次完約唔駛攪水電煤, 甚至, 租客有乜破壞, 打個電話馬上有單有據, 幾多錢一目了然, 甚至個客唔交租, 我換門瑣都唔駛去土審攪餐死, 呢D, 未做過收租佬係唔會知呢D單位的吸引力.
劏房波又不斷咁講, 嗱, 呢D無保障架, 你買之前諗清楚呀. 亞波哥, 你同你老細而家亂Q咁去攪個市, 對我地業主好有保障?? 呢頭買完樓嗰頭你又攪BSD, 我係咪要深感聖恩?? 我落首富搭, 點都有保障過你件二房東掛…..
酒店拆售的反思
點解今次政府咁高調回應?? 亞伯一向都陰謀論, 如果酒店分拆成事, 四大可以唔Q再買你政府的勾地, (你慢慢拿出來賣啦), 我分拆舊地契酒店, 可以頂幾年的利潤. 你平賣地我就放入LAND BANK, 你搵內地發展商來起樓?? 咁咪睇下邊個成本低LOR. (李首富有部份酒店, 係200大元地價).
由於住宅地同工業地有價格分野, 我買工廠地都唔Q幫襯你政府買地, 我睇你點派錢買民望, 我睇你點同亞爺交待. 你用BSD一招, 將舊社區發展全部放係張震遠個袋, 你玩Q晒啦!!! 你有你高價買, 我有我低價吸(工廠地), 打官司吖笨, 政府打輸我就發大達. 政府博唔博得過??
689同商界反面, 係反官商勾結?? 錯, 只係勾唔同的商家而矣. 做到咁明顯, 你真係當所有人傻架?? 人地囤積單位嗰D你就舐晒人地卵蛋, 件件梁粉都當亞爺咁拜, 喂, 不如索性改埋國號, 將香港當封地咁去分吖笨.
而家由商界發動, 投資者和議, 一舖俾你睇下, 咁多制肘的酒店地, 一個WHATSAPPS已經賣晒, 而家香港人錢多到乜咁, 所有地產商都心中有數, 五千幾一呎, 基本上係幫市場劃咗下限, 第一劑反應咁踴躍, 加上國內要再打房地產, 四大呢類舊酒店契, 一定會替內地買家開闢一條新出路. (甚至, 買一個新住宅配售一件酒店房).
政策係改變不了市場, 只能改變資產的流向. 689而家成件義和團咁, 唸幾句咒語就話可以擋得住洋槍…. 美國, 日本, 歐洲, 內地, 而家個個印錢圍港, 銀行水浸你又唔俾佢地做生意, 我又睇下你幾神功蓋世.
呢一場, 我訓身買首富贏.
