長遠房屋策略督導委員會會員包括了18名人員，運輸及房屋局局長張炳良為主席，其餘共有15及非官方人員，包括了市區重建局主席張震遠〈及前任或者現任成員，例如林筱魯和劉炳章〉、香港房屋協會高層人士〈例如副主席鄔滿海〉、房屋委員會前任或者現任委員〈例如蔡涯棉、李華明、溫文儀、蘇偉文、王坤、黃浩明及黃遠輝〉、專業人士、學者〈例如香港中文大學名譽副教授馮可立、香港理工大學建築及房地產學系教授許智文和經濟學者關焯照〉和香港政黨代表〈例如民主建港協進聯盟副主席張國鈞〉等等。

以上呢班人，學富五車、才高八斗，唔少人仲係業界之中嘅精英，弟不材有個點子提出來，希望你哋考慮考慮。

我想問條問題，唔該上面十八羅漢答吓我，「在一個星期二早上八時，有個新界港鐵站，列車訊號系統發生故障，你哋點處理」？

以你哋嘅資歷咁深，當然無難度啦，乜嘢通知運輸署、其他運輸機構、電視電台廣播，好等受影响人仕執生---呢啲前期嘢你哋肯定答得出，否則要開你哋嘅腦來驗一驗。

但到實際疏導返工返學人潮先見真章，你哋肯定會叫巴士公司派多啲車來，但人哋有車都開曬出去揾真銀啦！

小巴的士都會來坐地起價成機揾錢，但僧多粥少，而道路系統都負荷不了！

咁當你哋好辛苦揾倒幾架空嘅旅遊巴來，那些趕返工返學嘅人唔迫上車，係咪有鬼呢？？？

因為等左成半個鐘嘅人都知道，你哋手上剩低嘅彈藥就係得咁多，咁唔盡快迫上車，肯定無車坐遲到硬！

新界東北發展呢單嘢，就告示左揾地起樓係幾咁難嘅事，你哋唔解決這最根本問題，那就算日日開會都係吹水無料到！