以下呢篇文章寫於二十多個月前，那時候中原城市指數大約 80 點、還未有SSD、按揭利息低到一厘樓下、仲可以揸住 6-7 % 就可以上車！

但因為有人要攪「面子工程」，甪曬 30 萬血汗錢於一個婚禮之上，請問呢位主角值唔值得政府同情，而要用納稅者嘅金錢資助拒上車？

慳足3年儲30萬 擺酒一鋪清
(明報)2010年7月25日 星期日 05:10

【明報專訊】「結婚，債務雪球就滾動起來。」30歲出頭的王小姐慨嘆，婚前和伴侶辛苦儲得30萬元，全用在婚禮擺酒，「一鋪清袋」，置業夢遙遠得恍如摘星。結婚近兩年，她和丈夫只能月租5000元的新界上水    樓住，丈夫要兼職養家，「無計，為咗買樓生仔要頂硬上。見到老公日做10多個鐘，我都心痛」。

「為長輩為面子 像做騷」

「結婚前，我們唔去旅行、唔亂消費，終於3年內儲了30萬元。」王小姐曾經掙扎，30萬元應該用作買樓首期還是搞婚禮？「最後都用來擺酒，因為長輩期望、面子、身邊人的閒言閒語，好大壓力」。她沒有奢華世紀婚禮，「但好多雜項開支，由酒席到親戚件衫都要錢。這是香港的結婚文化，像做騷」。

王小姐和打兩份工的丈夫月入共3萬元，「要儲得40萬元首期買樓，估計至少要5年。生仔的話，又要用多一筆，十年後可能都冇自己間屋……香港人，打工直至退休，只為間樓，那是成世人的包袱」。

盼復建居屋助夾心階層

王小姐和朋友近日聚首，大呻置業苦水，「真希望曾蔭權    十月的施政報告有點具體措施，但我不敢有期望」她主動向「蝸居部落」發言人、天水圍    區議員陸頌雄訴苦，希望代向政府反映復建居屋、協助夾心階層置業訴求。她說：「我的故事一點都不特別，我好多朋友和我一樣，結婚之後，一身債。」

發表於 2010-5-3 12:05 PM 

你買唔起樓係你無X用！無得怨！！！

買唔起樓就發爛渣，呢d係無X用之中既無X用！！

我第一份工十二年前, 金融風暴讀完大學出黎做野, 果時得7500一個月, 係地盤做文職, 日日做到8點9點, 涯到03年人工多左一倍唔夠, 都係萬幾蚊

但係慳到十幾萬, 係03年尾, 買左屯門大興花園, 100萬唔駛, 做95%, 果時我先27歲

之後再儲錢, 睇書學下投資, 仲再去進修, 人工而家三萬有多, 07年頭買卓爾居三房啦…都係做95%

我都無人幫, 咁我又去嘈政府呀!!!!!

你唔努力, 何來有樓呀！！！你唔睇準時機出手, 何來有樓呀！！

要買樓, 係要自己努力工作, 努力搵錢去買, 而且要有知識, 學識, 唔識就睇多d報紙, 了解下經濟, 睇準時間出手去買, 08年尾咁平, 你唔去買? 唔係無錢就發爛渣, 然後叫政府俾錢你買, 或者起d平樓俾你, 你估呢度北韓呀, 社會主義ga!!!!

只係識個個星期日去維園嘈既年青人, 你咁X多時間, 不如諗下點樣搵多d錢好過啦, 以前我地話d敗家仔只係識伸手問老豆拎錢, 而家d八十後敗家仔仲pk, 伸手問政府拎錢, 仲要成日鬧政府

要政府推首置? 你係唔係傻ga, 想1蚊都唔駛出就買樓, 衰衰地5%你都拎唔出, 學咩人買樓呀！！1蚊都無就買樓, 借俾你, 同推你去死差唔多

況且呀八十後, 你交左幾多錢稅呀, 錢又搵唔到, 出黎做野都唔耐, 你交過幾多稅, 貢獻少, 又要伸手拎錢, 正敗家

睇完以下呢段, 我仲慶！！

"參與紮營的二十九歲袁志光表示，為節省住屋開支，自己租住港島南區六十呎的板間房已五年，月租千多元，「我工作了七至八年，月入不足一萬元，每月盡量儲收入兩成左右，已儲了十多萬元，但也付不起首期，儲的錢根本追不上樓價升幅。」"

有無攪錯呀, 你做左七至八年野, 都搵唔過一萬? 咁只有證明你無X用, 而唔係社會對你唔住lor…… , 一係細個唔俾心機讀書, 一係大個做野懶, 如果唔係, 好人好姐, 有咩理由出黎做野七至八年, 你一萬都搵唔到!!!!!!!我d friend當然會考零分至5分, 中五出黎做野, 肯博肯捱, 都可以係做工程, 做保險, 做導遊, 最少都搵到萬幾二萬啦, 你做咁多年野都月入不足一萬, 又要住港島南區, 你唔住板間房, 唔通俾你住貝沙灣呀!!!!!你有十幾萬, 入黎屯門買, 做95%, 你大把樓可以揀呀, 我捱得咁辛苦, 都住唔起港島呀, 你咁又想住南區?

仲有呀, 做得幾年野, 然後又指住九龍站上蓋話買唔起既小朋友, 你係唔係有問題呀！！駛唔駛政府借埋俾你買間凱旋門天際獨立室呀！！

都係果句啦, 而家d人想學新加坡, 倒不如學北韓仲好啦, 一人派一間大大間ga? 對你有著數, 你就要自由, 要民主, 對你無著數, 你就要社會主義, 家長式管治！！又唔想捱, 又要口多多, 你班八十後真巴閉！

八十後又要樓價d, 但係又唔俾重建, 又唔俾填海, 市區無新既土地供應, 需求上升, 供不應求, d樓又點會平呀！！

行政干預樓市係好危險, 一下子出手多左, 或者時機唔岩, 或者外圍一下逆轉

八萬五教訓再黎一次都唔出奇

當年李永達唔係叫政府壓樓價咩? 之後點呀, 政府出手重左lor, 加上金融風暴殺到, 幾多人唔掂呀....

大佬, 當然d人見自己層樓大跌七成, 好慘ga

人地買到樓, 係人地既努力得番黎, 俾你班友成日嘈, 嘈到真係出手干預, 叫政府做d咁高難度既動作, 好易出事

我而家有樓, 我真係唔想我努力得番黎既野, 俾你呢d 不思進取既人破壞lor

如果係咁

不如行共產啦

我努力做野買到個人資產, 原來到頭來要大貶值就你d唔做野既人, 就你d 想不勞而獲既人, 將我地努力既成果同你分

咁不如返番去50, 60年代既大陸

大家做又36, 唔做又36咪算lor

做七至八年野都搵唔過1萬既人

要我呢d由7500捱到上黎30000一個月既人同你分享我努存既成果, 要我身家大貶值黎就你

咩道理先！

我唔係自私

而係想問

究竟我地想行自由經濟, 資本主義

定係想毛澤東時代既共產黨黎管我地先

而家又話要起居屋

居屋?

你話無居屋係錯, 你話政府而家要起多d居屋仲要市區靚地起居屋俾你住?

你知唔知當年八萬五, 其中一部分就係起多左居屋, 夾硬起, 一時間起好多, 就係諗住滿足你而家既想法, 一大堆居屋起出黎, 天水圍, 東涌.....

但係最後點呀, 起左啦, 好多居屋呀, 但係市大跌呀, 你地呢d叫起居屋既又唔買啦, 平又唔買啦, 幾多居屋貨尾到今年...十年有多先賣清

就係你地要居屋呀, 起左好多呀, 有好多人仲買左之後, 見市跌, 兩年內俾番房委會呀...兩年回收呀.....

平你地又唔買...果時大把居屋你都又唔敢買, 我果時夠膽買私樓, 而家升左

你地又要我地有樓既d樓跌黎俾你地上車....

到時大跌市

好似八萬五跌70%夠多未

夠你地買未

大把居屋你買, 大把私樓你買, 你又唔買

我地香港唔係無居屋

果時好多

但係又無人買lor....

而家無啦, 又叫起.....

起居屋係用我地納稅人d錢ga...
我唔想太多居屋, 到時又唔買....之後又有好多三房套廁居屋變公屋, 2000蚊出租lor

你唔明我講咩的話, 唔該睇下過去十幾年發生咩事先講啦

咁03年大把居屋價既居屋呀

紅磡維港景都有呀, 你又唔去買?

樓價升就叫政府起居屋, 起好啦, 樓價跌又話可以買私樓點解要買居屋, 咁居屋幾時買, 居屋邊個買呀?

而家起居屋的話, 起係天水圍你地又覺得遠唔買, 又要市區起居屋俾你地, 但係又唔俾填海, 又唔俾重建, 起係邊呀?

最衰起左啦, 又話而家d樓好平呀, 我都係唔買居屋啦

玩野呀

醒下啦, 八十後！！

Support 2. FuXking Good, Like

I support 2/F.  Give a "like" to you!!

Also, I think that spending HK$300K  on wedding banquet is stupid if she was not financially capable of doing so.  Now, you got married with your husband, rather than your parents / your parents in-law.  Why don't you choose to refuse any wedding banquet??  You can say "NO".

Why do many parents (especially "poor" parents from public estates) force your children to waste $$ on wedding banquet??  FACE.  If you have no moeny, you are already "no face". Wedding banquet cannot help you recover some face.

Also, I want to tell youngsters.  You can say "NO", because this is your marriage, not your parents'.

Support! Cannot agree more!

My monthly income was $11700 after U graduation in 1999.  Through painstaking study and super hard-working, I attain many professional qualifications and earn $70000 - 80000 now.

I don't really accept that Hong Kong is dying.  HK is full of opportunites.  Dying or not depends on your efforts.

1/F & 2/F actually point out the real scenario happened in our city since 1997.

We have heard a lot of complaints, repeated requests for increasing benefits from government, continuous intereferences of business operation...

Our government should review the current immigration policy and find out what's wrong with our education problem...

我星期六睇經濟日報，提到「蝸居部落」有 20 個成員齊齊用申請公屋嘅方式示威，脅逼香港政府係房屋政策度「做嘢」！

其中一名 20 歲嘅年輕人話，拒家要同屋企人住緊公屋，但自己只係得八千銀人工，唔能夠搬開住！

但另一方面，拒有一個要好嘅女朋友，他好想有一個私人空間，咁他便可以同拒女友玩「過夜」，呢位年青人嘅希望就係，政府起多啲公屋，同時放寬單身人仕申請資格，咁拒就唔使等成十年先上倒樓---

真係睇到人眼都凸，首先呢位人兄得嗰 20 歲，淨係掛住「窮風流」已經唔對路！

跟住拒唔好好裝備自己，襯後生學多門手藝是第二錯！

拒得嗰 20 歲，應該有氣有力，仲同啲老弱傷殘爭公屋資源係第三錯！

最後竟然有政黨支持拒哋同政府爭取咁嘅「福利」，真係唔叫你哋做「老馮」都唔得！

回應#2,

講得好，8萬5既後果到依家我仲好深刻！佢地話上唔到車，唔係真想安居安業，而係想短時間靠樓宇去賺$$$姐~~
見人賺到咁多，但自己又冇，咪同政府嘈囉~~講得難聽D，呢D80後其實同D呃綜援既新移民冇分別~~

Total agree 2# point!!!!

I like .

To 2/F,

Fully understand how uneasy you've been...however,I treasure freedom of speech in HK very much.Though I don't totally agree with the young 80's(I'm a young 70's),I do respect their right to voice out.If you go to the mainland,you'll know how desperate it can be when one lose his dignity against the Communist machine.

Beware that asset do "shrink" from time to time,not solely caused by political crisis,for the property market has its own cycle.

Support 2!!!

回#1 王先生(I still like this name more…)

我也是刚结婚的80後, 要保持自己和太太的思路不受其他人影響是不容易, 身邊太多比較和意見, 要無時無刻提醒自己並有紀律地執行planning… 緊記甚麼是one off item, 甚麼是終生受用…

回#2

大致讚同觀點, 不過如果針對所有80後就有欠公平了… 作為80後, 其實我身邊(主要男性) 都已經有more than一半做緊業主了, 有d自住有d出租… 致於那種佔的比例多少, 我也沒有概念…

各位業主，「蝸居部落」呢次示威，絕對不可以等閒視之！！！

根據劇本劇情發展---有人示威-->CY 研究-->從善如流-->建制派成功爭取----

橫掂七八成嘅私人屋邨都係泛民票倉，呢次仲唔一石二鳥！

CY 条废材，不断试水温。

到时就像法国，最终令有钱人转移投资去英国。大家共贫。

2樓批評得好到肉,爽!

宜家呢個時勢搞到有樓好似罪人,完全忽略各位業主的克勤克儉,奮發向上的功勞.奉勸新一屆政府在資助房屋層面一定要做好把關工作,居屋一定是要首次置業,公屋要做定期資產審查,十年太久了.我有個世侄在房署工作,見盡不少公屋霸權.

梁生很聰明,當現屆政府荷包腫脹時執政,請不要忘記我們業主的貢獻.

亮劍先生說得好,傾家蕩產地搞結婚 PARTY,睇來呢班小朋友需要的是財商教育.

Does your mother konw ?  CY,  the living costs are very expensive in Tung Chung, we would like to have a public housing in Hong Kong Island and it could be better to have free meals in the IFC, one housewife said.

Believe it or not...

政府對公屋貴戶/空置乜都無理, 我有親戚住筲箕灣好新左幾年嘅公屋, 佢旁邊5個單位,而且仲係兩房單位, 一共只有3個人住, 想見一下街坊都唔容易

而家CY就不停話要起公屋/居屋, 真係不知所謂, 新起嘅都無幾多人住, 咁樣浪費資源, 重建又有乜用? 咁落去香港真係支持唔到幾年...

其實只要有簡單的舉報機制, 如果仲有適當獎勵, 咁公屋空置問題就好快可以解決, 點解吐啖就可以捉1500, 公屋長期空置就老馮? 咁樣就係福利?

CY叫做落區都係聽D人要乜, 正常人都係乜都要多D啦, 咁叫做親民, 叫做管理? 其實只係叫派錢, 仲要派公家嘅錢, 係人都會做啦!

大家一齊來睇睇以下評論:

公屋數量是否過多？

繼續喺2011年人口普查數據內尋寶，本周我哋比較近年公私樓人口密度嘅變化，再揭示喺公營房屋呢個福利「聖牛」日漸坐大，以及私人市場逐步被政府供應擠壓下，福利房標準如何更勝自由市場範疇嘅私樓。

公屋福利尺度過寬，新政府應該撥亂反正。其中一個基本常識話：社會最低層嘅人，可以由納稅人出錢包底，並由政府執行，為其供應最基本嘅設施／服務，令彼等不至於盡失為人嘅尊嚴。但係到頭來，出資者仍然係廣大市民，所以花費「other people's money」時，政府亦須戰戰兢兢，克儉從慳。但係近年民粹當道、賄選為尚，福利自然膨脹，導致公屋每戶人口由15年前嘅3.7（各房屋類別最高密度）跌至當今嘅2.9（各房屋類別最低密度！）【圖】，甚至較私樓密度（2.92）更低嘅新境界！

講得唔好聽，即係話資助公屋居民嘅私樓納稅人，正式進入「施比受更慘情」狀況。其中造成呢種怪象嘅原因之一，當然係政府大推限呎、限量地，而唔係供應市場需要嘅大單位，導致符合私樓市場需求嘅供應不足！可見衙門愈多介入，市場就愈扭曲嘅真理。

如果公屋每戶人口數目回復到1996年之「大於全港5%」標準【表】，即本港可能一舉多咗五萬多個公屋單位，甚至相當於未來四年公屋供應嘅80%！

咁你話係唔係政府應該賣多啲地畀私人市場，兼收回公屋土地作私人發展？但願新政府能依數據辦事，而非過度依賴民調及政治噪音作為施政指南針。

中天
letstalkproperty@gmail.com
http://chungtinproperty.blogspot.com/

我最近做了一個優化物業的動作, 想與大家分享, 從中靈感有三分來自各好友及博士.

在2009年5月, 我與太太用138萬, 做85%Mortgage, 買了個沙田市中440呎小單位, 剛一個星期前用245萬買出, 因單位實用率很低, 實用呎價有8600多元.

在同一個星期, 我們用了328萬, 做70%Mortgate, 買了沙田市中心另一個比較優質單位, 高的實用率使實用呎價只須8400多元.

這個優化的動作, 使我們換了個更好的單位之餘 (華懋變新地), 更有30萬現金套出去做一些股票投資

用實用呎價去算, 我們更是貴賣平買 (Sell: 86xx; Buy: 84xx), 在低息的現在, 把Mortgage重新由50%推回70%, 而因為對自己單位有信心, 我們選擇先買後賣, 中間用了一個星期時間完成2個交易, 有點幸運

明知現在樓價不平宜, 但推使我們做決定的很定的原因, 是因為我們換樓, 而非上車, 想想, 如果新的一層樓跌價, 對我們沒有多大的影響, 因為已賣出的樓同樣會跌價, 這樣更能把數字利潤對現

只是過了另一星期, 新的一層樓相同叫價已去到350-360萬

我們幸運, 但離不開多做功課, 了解市場

認同2/F分享。

但你所說的不一定是八十後 ，八十後也有勤力的，而且現時環境確是對年青人就業及收入增長較以往困難。居屋只給予首次置業而入息水平不超過限額的年青人是可以幫幫他們。

反而湯博士以上所說的 "很多人都將2005年購入的物業賣走，他們認為當時樓市將會下沉 心態上希望樓市跌回到2005年他們初次入市的樓價，他們便會置業"，這種先行賣出自住物業賺錢的，再低位壓價入市的，其後"事與願違"，實應自行承擔後果。

而且之前有傳媒報導的，有大學學位、家庭月入3-4萬的所謂中產，仍要求政府幫助，仍有寫出樓價貴不開心，我聽了後真的想說 "救命，這些中產有否這樣離譜的要求，傳媒有否用腦想想才去報導?

很多屯門人包括我置業的時候，那有大學位、那有月入3-4萬? 月入9千的文員便可在屯門供自住的物業，這都是長時間可以在屯門置業的情況，最近屯門起步了，他們之前置不了業是他們的問題，幫他們的傳媒、議員、官員是否有腦可以得見。

現在的年輕人工作三數年就說要買樓,我老公三十有七才擁有第一層物業,之前二十年都同阿媽住公屋,沒有一年一或數次的旅行,沒有太多的華衣美食,人工一半交母親,另一半自己使和儲蓄,雖老土但行之有效,結果能在沙士時期把握機會置業,而奶奶也在那時把老公給的家用全數歸還置業,我們結婚時約只用了十分一身家擺酒,部分拿來當首期.我們從來沒炒過樓,但因孝順,勤儉,上進加一點兒運氣已擁有自住和收租物業.

30萬擺酒一鋪清, 係死蠢, 唔抵可憐!

幫佢地等於對慳儉結婚的人唔公平!

仲有, 亂花錢的人一定有藉口, 唔抵幫呀!

其實政府應該以供應去控制每年樓價升幅大概在目標通脹水平，例如5%-----

咪攪啦！香港係外向型經濟，利息、資金進出、貨幣供應、周邊國家經濟、必需品供應、經濟政策-----香港政府通通無話事權，咁點可以控制每年通脹水平？

香港自己有話事權嘅土地供應，又會受時差所左右，政府見樓市高企，咁就賣多啲地、起居屋、多建公屋、攪置業貸款----但地盆由爛地一塊去到起成一幢幢嘅樓，最快都要 2- 3 年，樓市由升轉跌剛剛對倒時間，發展商同政府又要頭痛點賣多出來嘅「貨尾」！

As everyone should remember that the property bubbles and financial crisis happened in the U.S. because of some financial institutions, which include 2 FMs and a lot of derivatives such as ABS, CDO, CDS, MBS, etc. linked to the real estates, and their problems with currency & fiscal policies. The FMs with the government help were indirectly forced to the unable singles and families to take mortgage without considering the affordability...

That's why we can see the U.S. has become the world's largest bond market...

What should we do ?

我三年前結婚，我和先生當時畢業沒幾年，月入共三萬多。幸好我們在婚前一年勉強上車再出租至結婚，現在總算不用為租樓煩惱。

回正題，籌備婚禮時我們想過旅行結婚或cocktail，到最後還是抵不住壓力而擺酒。當時把心一橫，無婚妙相、無蜜月旅行，其他雜項只限二萬元，最後擺二三線會所花了約二十萬，剛好與禮金相抵（我們很幸運，父母不要禮金，也是談判結果）。也因婚前略有儲蓄，不用借貸埋單。

如果王小姐在看的話，我想跟你說: 我曾是局內人，那三十萬當作一個教訓好了。很多時候旁人不知狀況也好，甚至我們已經聲嘶力竭地解釋，還是愛在旁說三道四要求更多。既然決定花錢買個日後兩家好關係，就要再累積成本，你的成本是首期和樓價上升的可能。

事過境遷，人也不再少不更事，旁人壓力也學會不大介懷。我覺得這點是十分重要的。只要有工作，就有儲錢的機會，哪怕慢一點。不過略有小成時，就會很多人突然出現”建議”做這做那，甚至以一些似是而非的歪理說服你。只要係認清自己的需要，便不會再做傻事了。

慳足3年儲30萬 擺酒一鋪清都未算大劑，借埋「幫人財務」找數先大鑊！！

計我話用 40 樓呢招「置諸死地而後生」值得效法，結婚前兩口子買左層樓先，再租俾人等租客同你供住先，到要結婚嗰陣就攞埋田土廳資料同雙方家長「商量」，老人家見倒啲細路咁生性，唔通仲叫你將個婚禮攪大拒咩？

其實想將個婚禮整到有咁豪得咁豪，係新人自己想威，想人有我有，為左自圓其說，咁就借老人家同朋友黎過橋，以減低自己嘅罪惡感先真

在父母來說，與結婚擺酒相比，子女以一己之力置業他們更為自豪。我爸媽老爺奶奶至今還跟人說我們買樓沒問他們拿錢。

也很理解他們想擺酒的願望(只有我先生一子而我是大女，我妹還沒對象)，但實在不想多花錢。現在結婚真不簡單。

同意  2/F 的觀點。

本人一九九五年畢業，死慳死抵十年，至買到一層沙田樓，雖然只係兩房一廳，已經十分滿足。

不管怎樣，年青人必須要養成儲蓄習慣。沒有必要的開銷，如經常更換手機，又或者周身名牌，可免則免。

甘迺迪有兩句名言：

Ask not what your country can do for you.  Ask what you can do for your country.

第二句信不信由你，但第一句一定是真的。