【本報訊】香港科技大學商學院副院長雷鼎鳴教授日前在私人派對上透露，去年政府推出辣招前，沽出一個物業，主要由於本港樓市風險高，不想將身家重押在高風險產品上。昨日他接受本報訪問時表示，正等待樓價下跌，然後買入較細單位。
香港不適合地產投資
土地註冊處資料顯示，雷鼎鳴手持的荔枝角曼克頓山1座低層B室，建築1,753方呎，實用1,351方呎，於2012年9月底以2,090萬元沽出，建築及實用呎價為11,922元及15,470元。該單位由雷氏與相關人士於2007年以1,336萬元一手買入，賺754萬元。
日前他在私人派對上就談及為何賣出該單位，他解釋：「政府有咁多不適當干預，樓市風險繼續存在，我就唔想將份身家，好大份押在高風險資產，族派依家我賣咗，成身輕鬆晒，但我唔係唔再去買嘅」。
記者昨日致電追訪，他稱，目前租樓暫住，等待樓價下跌，屆時或會買入較細單位。他補充，除了因為本港樓市存在高風險，亦因為香港的政治環境轉變，不適合地產投資。
對於部份人抱「炒家是罪人」的睇法，雷鼎鳴認為：「炒家是一個messenger，一個叻嘅炒家，搜集所有資料，睇好個市於是買，咁係咪等於佢托高個價？佢買樓嘅目的係賣樓，買時拉高個價，賣後㩒低個價，所以樓價長期高企，與炒家無關。政府就諗唔明，搵支槍亂咁射，射錯晒」！
