有一個老闆話公司財困，原因是CFO太叻，公司根本沒有餘額借錢，但仍然可以用各種方法借到錢，當中包括用高息向基金借，以發債方法向民間籌錢，由於太容易借錢，公司投資比較寬鬆，有一些不值得投資的項目都會投資，但要還錢的時候，那些項目又賣唔走，唯有以債冚債，每一次借錢比上一次困難，如果公司沒有請到那位好叻借錢的CFO，今日就不會如此狼狽。
老闆遇到困難就怪CFO，但據我所知，那位老闆已經換了不知幾多個CFO，理由是他們唔識得借錢，公司財政冇問題，但受制於現金緊絀，唔可以繼續投資，跑輸其他企業，直至搵到今日被他大鬧的CFO，不過，當日就被他大讚，在絕無可能的情況下都可以借到錢，今次真的是成也CFO，敗也CFO。
如果那位老闆知道銀行家背後怎樣講他們，一定唔會用高息借錢，銀行家認為那些願意對外界付高利息的老闆，一定不會介意付銀行高利息，所以銀行家亦不客氣，對那些有向外界貸款的企業家要求更高利息，況且在銀行的貸款大多數有抵押，亦唔到企業家唔就範，如果唔肯就叫他們還錢，如果唔還就拍賣抵押品，很多CFO到這個階段就會跳船，留待新CFO來執手尾，所以成是蕭何，敗是蕭牆，根本是公司問題，又怎能夠賴其他人，不過，如果不懂得諉過於人，又如何能夠做一個稱職的CEO。
