瀏覽人次 : 16343    回應 : 6
文亮言

公務員士氣低落的原因

 

湯文亮博士

紀惠集團行政總裁
2021年4月14日

  昨日早上去到茶餐廳,有客人話林鄭恐嚇港人,如果唔打疫苗,唔裝安心出行,旅遊唔在講,分分鐘連飯都冇得食,林鄭真的是居心叵測,老闆話如果茶餐廳唔裝安心出行,問那位客人會不會入嚟食早餐,客人話,一定唔會,如果有乜冬瓜豆腐,不但冇人會通知茶餐廳內有人確診,甚至連追蹤都追唔到,咁危險的事一定唔會做,不過話分兩頭,政府有什麼政策就一定要反對,市民有反對的權利,政府亦有不理會市民反對的權力,政府不懂得運用自己權力,就不能夠怪別人,老實說,政府推任何政策推會有反對聲音,很多時候反對聲音是很大,只要政府堅持,聲音會漸漸地消失,政府若果怕反對聲音而唔敢推出或者收回有關法例,日後有什麼不良後果就要由政府全部承擔,不能委過於那些反對的人。

  老闆話記得當年政府推出禁煙法,飲食界有強烈反對聲音,尤其是經營茶餐廳的人,他們話茶餐廳是九反之地,龍蛇混雜,不少江湖中人都煙不離手在茶餐廳內打躉,如果禁煙,即是叫班江湖大佬唔好嚟,玩句說話即是趕絕茶餐廳,政府唔理反對聲音,一意孤行,禁煙後江湖大佬的確減少,代之而起的是一班佔用時間不長的白領人士,連女士也開始去茶餐廳,老闆話唔講大家未必會留意,在未禁煙之前,在茶餐廳內十個客人只有一個女仕,在禁煙之後,已經提升至四個,生意額暴升三成,而且現在的客人佔用時間較短,翻枱的次數增加,所以,茶餐廳愈開愈多,即是在疫情,除了那些網購店之外,影響最少就是茶餐廳,老闆所講我完全同意,但我不明白,至今我未聽過業界有人稱讚政府當日推行禁煙法,或者有人會話,林鄭等收人工,點解要讚,這就是做成公務員士氣低落的原因。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 十一哥 2021-04-14 17:06:15
翻版港英年代威權統治…士氣/霸氣/傲氣/官氣…公務員一定乜氣都高昂、事實…人…欺善怕惡係本性…
2. 欺善怕惡係本性 2021-04-14 17:11:26
你以為, 阿爺治下的貢丸謙虛有禮, 熱情服務, 日後本土貢丸只會跟住哩個標準做。
3. onclerkclerk 2021-04-14 17:57:11
曾蔭權任內其中兩樣德政就是立例室內禁煙及公務員五天工作制.
4. 引刀一快 2021-04-15 03:19:08
十一仔惡,惡趣味個惡。
5. 十一哥 2021-04-15 08:48:20
刀刀 又吞泡啦!打緊更唔好揸流攤…

7. 忍者 2021-04-15 12:45:22
我印象中有出入,當時大部份非吸煙人士都大力贊成。

以我自己為例,有時隔離枱食煙,我都頂唔住食多兩啖飯即走。唔通一邊聞煙,一路食咩。