歐盟最近公開指責香港政府，令到有很多人摸不著頭腦。有老友問歐盟是什麼組織，點解可以有權指責香港？甚至要香港放了那些採取激烈行動示威者。原來香港仲有人唔知道歐盟，大家千祈唔好見笑。雖然英國是歐盟一份子，但很多英國人仍然不知道歐盟是什麼。否則，就唔會搞到脫歐咁大件事。
我本來想話，歐盟原本是一個叫大西洋公約組織的軍事聯盟，對抗以前蘇聯為首的華沙公約組織。在蘇
聯解體後，華沙公約組織名存實亡。不少華沙公約的國家以及前蘇聯加盟共和國都已經加入了歐盟。本來這個組織可以在經濟上抗衡美國，但歐盟只不過是一個勾心鬥角的聯盟。在英國脫歐之後，更加無力抗衡美國，最多搵一個好似香港這樣的小地方來恰下。不過，我知道咁樣講，我朋友會覺得很悶，於是我話毆盟就好笑傲江湖裡五嶽劍派，話就話同氣連枝，其實是勾心鬥角。我這樣說老友立刻明白。
歐盟叫香港撤回「逃犯條例」，林鄭已經做左，不過錯誤用了「壽終正寢」而不是用撤回，意思差不多，而事實上歐盟內亦有國家與中國設有「逃犯互引協議」。我唔知點解一定要香港撤回，今次林鄭可能心急了一些，但點都唔需要麻煩到歐盟。而歐盟再要求香港政府立刻釋放所有和平示威者以及不作出起訴，這真是強人之所難。香港政府今日答應，明日有更大型示威遊行，或者可以叫做祝捷會。就算演變成暴動，警方亦不敢或者無謂阻撓，香港很快進入無政府狀態，唔知道這是否歐盟的最終目的。有人話唔需要太認真，今次發表指責香港的是歐洲議會，不是歐盟，沒有什麼權力，任他們吹下水。我明白，原來是二奶，大婆還未出聲，二奶咁多口，一定會被人窒。話口未完，中國政府立刻對歐洲議會作出反駁，但歐洲議會竟然冇人回應。廣東佬話齋，面是別人俾，架是自己丟，今次歐洲議會自己落自己面。
