今晚英超煞科日，十場比賽同一時間開始。睇完英超今季最後一場比賽，球迷可能會有多少失落，我反而唔會。想起大半年前，我膽粗粗接受彩報邀請寫波經，當時以為很容易，但寫後才發覺原來幾艱難，比我寫評論樓市或者經濟文章用多不少時間。不過，我又增長不少關於足球知識，甚至將足球戰術用於投資方面。所以在新一個球季，如果有機會，我會將足球與投資結合，專欄亦將會正名為「湯文亮足球投資教室」。希望大家在賭波之餘，可以領悟到一些投資技巧。今個球季結束，代表新的球季即將開始。
今季英超盛世，英超球隊一定可以奪得歐聯，歐霸冠軍。因為4支決賽隊伍都是英超球隊，不過，在歐聯
決賽之後，所有榮耀都是俱往已，各位領隊又要忙於處理新一個球季，就算曼城利物浦，如果唔適當地引入一些優秀球員，同時放棄那些過了巔峰時期的球員，下一季成績可能會大倒退。李斯特城在幾年前奪得英超冠軍後沒有適當地調配人手，跟著的球季幾乎要降班。所以，在球季結束之後，那些領隊又會忙於買賣球員。正是貴有貴買，平有平賣，前幾隊的目的當然是爭標入前4，後幾隊則是避免降班。在他們而言，一個球季結束，代表另一個球季即將開始。
在過去的一個球季，我在每一個比賽日都會提供兩場比賽貼士。總括來說，得勝率超過八成，應該算是幾準。至於在煞科日的戰果又會如何，原來，在任何聯賽的煞科日，主場球隊的得勝率超過六成，除非一些爭標或者爭取避難降班的球隊才有機會作客取勝。既然十場波一起開波，一於賭晒十場。我預測除了曼城為了爭標可以作客贏波之外，其餘九場，主場的球隊應該可以贏波。
