主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 文亮言

瀏覽人次：24619 回應：22

不是唔賣，而是賣唔到

2018年5月5日

湯文亮

紀惠集團行政總裁

　　中原指數又創新高，不過是沒有什麼意思，這好比一些持股量過份集中股票，股票持有人不賣，股價就不會下跌，若稍為增持，股價就會上升，在求價不求量的策略下，地產商聯手不賣樓，四月只賣出僅僅超過600個新樓單位，政府在沒有其他辦法之下，唯有推出新樓空置稅，地產建設商會執行主席梁志堅終於說出實情，不是唔想賣，而是賣唔到。

　　老實說，有很多人明白梁志堅所說的是實話，但物業代理以及指數公司負責人都表示地產商看好樓市未來前景，所以惜售，令到不知內情的人以為樓市會繼續上升而匆匆入市，雖然梁志堅在迫不得已情況下說出實情，但我認為於事無補，即使現在地產商大量推出新樓盤，政府都不會改變初衷，推出新樓空置稅只是時間問題，所以，地產商情願不推盤，盡量將樓價做高，以後有減價空間，當新樓空置稅被確定，地產商大量推出新樓盤，才可以睇到樓市真面目，現在的樓價是否真正的市價，抑或是囤積居奇價。

上一則：

樓市若不爆煲，利息是不會急升

下一則：

惜售就是囤積居奇

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 十一哥 2018-05-05 09:20:42

切身感受，好想賣減D，不過真係郁唔到 !

都唔係亂嗌，跟銀號估价....梗係估最高果間啦！唔郁就係唔郁，冇計，到時要空置稅..…賣唔到係咪正苦照价哽先？

2. 真真薯片 2018-05-05 09:53:00

堅叔堅持堆填區要賣萬八兩萬蚊呎，賣唔到係個市問題定佢太貪心？

3. 貨源歸邊 2018-05-05 09:53:33

淡淡手中的貨已經大多被震走，貸源盡了強者業主手中。樓價易上難落也！

4. 轉移 2018-05-05 09:57:38

發展商會把空置稅通通轉移俾買家。推出空置稅後樓價更上一層樓。

沒有足夠的土地，一切辣招最終都是廢招，包括空置稅。

5. 十郎 2018-05-05 10:00:54

賣唔到係銀行硬先至岩。

6. 十一哥 2018-05-05 10:15:37

正苦點可以比指導價呢？工作聚焦應該集中調控供求、正苦以有限嘅土地資源冇可能同QE鬥力嘅、剛需就正正比QE所乘、妖魔正失控成長、現況就印證咗、公屋供應正係打穴道、土地資源正苦掌控在手、疏導剛需免為接火棒最後一手、低收入優先上樓、租金可根據收入評定…放寬入息上限就冇難度。

7. 十郎 2018-05-05 10:27:59

修正 :

賣唔到係銀行照價哽先至岩 !

8. 引刀一快 2018-05-05 10:39:12

大陸以前都好興囤積居奇，比如大蒜，谷到D大蒜十蚊斤，當然有人跟，咁就發一批人，死一批人。

9. 真真薯片 2018-05-05 10:59:33

在下講左N次

地霸可以囤積居奇，“賣唔到”，係因為供應完全由地霸壟斷，地霸mark幾錢就幾錢，買家一係追價，一係唔好買，地霸唔舍得減價，所以“賣唔到”，堅叔試下萬三/四蚊呎推新盤睇下賣唔賣到？

想地霸賣樓，唔係要用空置稅，而係要增加供應方既競爭性，如果正苦一年推萬五個居屋，每3個月推3，4000個居屋出黎賣，價錢平地霸4成，盡吸市場購買力，用家有得揀居屋，唔怕抽唔到，地霸售樓處即時拍晒烏蠅，睇下堅叔減唔減價，賣唔賣到？

情況就好似早排電信商減價戰，早幾年電信商聯手加價，由百幾無限數據加到300幾得10G, d人投訴佢就話成本高又盛，本質就係想靠壟斷賺盡，上年有新競爭者劈價加入，d人咪死死氣減價囉，無限數據咪又出返黎囉，佢咪又係賺緊錢，講到尾，打破壟斷先係皇道，空置稅係歪路，淹眼法，林鄭講到尾就係唔敢掂地霸既壟斷地位，冇計啦，人地投票比佢，地霸係佢老細，點可以郁老細呢，所以政改藍絲拉隊等埋發叔，就係要保住特首由中央釗點，地霸投票確認呢個玩法，確保特首維護地霸利益，所以每一届特首對房屋問題都係拖拖拖，對真正既問題：地霸壟斷供應。視而不見，呢個就係真相

但係到今日都仲有人信正苦，信犯民拉布，唉，點極都唔明，冇野好講

10. 巴 2018-05-05 12:04:56

新界農地咪又係得兩三個發展商揸住

政府發現土地不足問題至今十年都唔填海

第時壟斷更甚

完全冇計劃將來，逗下份糧又收工

一人一票應該唔會出現呢個局面

立法會班議員又係廢到一個點

有名望既又驚得失將來做特首既投票人

民主派又唔夠票

11. 鳥5 2018-05-05 12:39:01

尾声架啦。。航空母盤掉頭5係話掉就掉㗎。。。加佣加offer送車位都不能减價，融資出十厘，零售都5會9折架，床板，桃花可棄不可平買，益行家就得。。點講呢?如一廠家濟滯銷，5通劈價零咩。。甘代理商咪死羅。零售建議價冇左跌序羅。。想一想，大陸地覇一樣。。床板夾春袋都要叫舒服。。。出到2O隻佣都要long...

12. 鳥5 2018-05-05 12:49:13

同一棟樓分三個階段賣愈賣愈高層，但愈賣愈平，好x大鑊㗎。。。

13. 鳥5 2018-05-05 12:51:23

上會隨時出事，臭朶好很大鑊。。。

14. 向泛民说不 2018-05-05 13:08:21

引刀，台湾也一样，所以农产品价格也是大起大落。现在民进党就黑什么菜虫。

15. 鳥5 2018-05-05 13:15:10

香港而家係要等由外圍導向内圍轉轉變之局。。。轉變慢一軟著陸，轉變快一硬著陸再升誰都沒有好處。。Right

16. 鳥5 2018-05-05 13:19:05

博弈美段係囚犯困局

17. 十一哥 2018-05-05 13:47:54

居屋味又係跟市價、比折扣咁解、第日幾時補價一樣考眼光、公共資源冇理由去幫人投資嘅、居屋升就Kaka聲、跌就tell住揚番比正苦、有個錢嘅草根着數哂啦！

18. 向引刀‧土著‧自醉‧浪子‧阿井說不 2018-05-05 14:47:50

中原指數又創新高，應該對大碼樓業主沒有什麼意思才對！但對細價樓主業主來講，卻意義非凡就真！典解呢？

例如‧土著‧自醉‧浪子等冇能即時購入自住樓，唯有租樓日日賺。當住夠兩年後，細價樓業主都會考慮到樓價從CCL 127升到昨日的182.17共爆爆爆升值 43.44%。在這般條件下，細價樓業主到時加租 30%，土著‧自醉‧浪子等都要焗住要留下幫細價樓業主租(兼供)樓，而覺得細價樓業主強姦時彼感溫柔。

但大價樓在同一情況下加租30%，租客可能覺得大價樓業主撳住嚟搶被強暴咁，心有不甘繼而懷恨在心不再向大價樓業主續租約，轉向租住細價樓，最多忍受租住面積冇以前咁大啫，但並非冇出路冇可選擇。所以細價樓多咗租客搶租，反過來租金價格有強勁增長作支持，細價樓因此長升長有冇憂愁。土著‧自醉‧浪子等睇住租金不斷上升，儲蓄能力卻不斷下降，更加難以負擔急速上升的樓價，前兩年還可以勉勉強強買到細價樓，現時已無能為力了，形成焗租的惡性循環境地。因此，大價樓有冇機會爆煲我無資格評論，但細價就肯定唔會爆煲沖上火星囉！

樓價貴到驚！九成屋苑租多過買　邊區最旺？(睇片)

05月04日(五)

19:57 更新

3/3

二手樓價屢創新高，入場門檻高、買賣盤源收窄，部分屋苑轉買為租個案大增。東網追蹤全港30大指標屋苑4月市況，當中約9成屋苑按月的租務成交多過買賣成交，個別屋苑「租多過買」近5倍，到底哪些地區的屋苑最好租？

綜合各地產代理提供的數據，30大屋苑上月租賃成交達580餘宗，儘管未進入租務旺季，但仍較同月買賣成交多出近7成。15個熱門指標上車屋苑之中，有12個屋苑出現「租多過買」情況，佔比高達8成。

市區上車盤方面，美聯黃家明表示，受啟德1號入伙影響，九龍灣兩大上車指標屋苑部分租客被搶，但上月租務市況仍較買賣為佳。其中，德福花園上月租賃成交跌一半至14宗，但畢竟屋苑尺碼相對大，入場門檻較高，買家入市態度觀望，部分人甚至轉買為租，令上月租務成交仍多於買賣1.8倍。上月屋苑僅錄5宗買賣，為今年以來最淡的月份。

港珠澳大橋開通　屯門4球盤將絕跡？(睇片)

05月05日(六)

12:24 更新

1/2

上一集《塞錢入你袋》跟大家分析港珠澳大橋開通帶來的投資機遇，當中東涌區住宅及車位最為受惠，但原來屯門都同樣受大橋即將開通消息支持，當中屯門碼頭區部分屋苑，樓價更按年升逾3成，究竟點解呢？即刻睇片啦﹗仲會介紹埋喺屯門上車以及換樓的屋苑選擇！

19. 腥港人 2018-05-05 16:43:39

你估政府好多貨咩，政府自己知自己事，梁振英畫埋啲納米居屋，一次推實比人鬧到反艇，反而今年額外推一期就諗得過，總知鎖你購買力，再出空置稅。

林鄭怕地霸係事實，但地霸如果搞到林鄭孭鑊，佢哋一樣唔好過

20. al 70 2018-05-06 01:52:06

限制外地買家入市，成本贵。

新樓自然少人争，少左買家，发展商点推高都冇用。

21. LC1 2018-05-06 05:16:30

回 9 樓

香港高地價政策其實唔係今時今日發明，而大少既發展商都黎香港投地，競爭是一回事，但只要原因係同波叔死都唔肯派錢一樣，因為樓同地，係政府主要既收入，如果政府有心令樓價下跌，的確係好多野可以做，金管局既政策証明這一點。如果香港政府推多一百萬公屋，一黎每年支出大增，二黎收入大減，政府財政如果年年見紅，香港只會不停比外國大戶追擊，這個不是前設，是曾經發生過既事實，如果你係政府，你會讓一少部份人富起來，定係含包一齊窮住過呢？

香港經濟轉型，大陸競爭力大大提升，香港没有什麼特別競爭力，唯有一直維持低稅制，高地價，E 個先係根本既問題所在，做係好容易，但係要佢做係無可能噤解，即係政改一樣。

我有個諗法係，大城市既生活成本高，係無可避，香港要在 RMB 推出國際之後，有能力唔用美金做指定貨幣，加埋係大灣區的栛同效應之下可以搵到更好既出路之前，我諗香港既地價問題都唔會改變，再者，以大陸既房價黎睇，到時大陸經濟上位，就算香港政府有心放多D地出黎，價樓都係會同大陸差唔多。都係果句，唔好亂噤賣左自己住果層樓豪賭，比你捉到，你可能住大D，你捉唔到，可能就要上街游行。

23. 真真薯片 2018-05-06 19:35:32

LC1兄

在下讚成你既睇法，對正苦黎講，點都係高樓價高收入好過低樓價鬥窮

問題係正苦明知自己底牌仲係高地價政策，但係就成日叫人唔好買樓（轉個頭自己飛身買），就唔係咁老實囉，自己唔做野，就出口術叫人唔好買，搞到好多人白交十年租，真係好冇陰公

不過林鄭呢方面好過689，起碼林鄭團隊冇成日叫人唔好買樓，林鄭比689臨走前賣晒d地扮做野，搞到依家係度煲冇米粥，其實都幾慘