主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 文亮言

瀏覽人次：29163 回應：22

誰說樓市跌，樓市就會跌

2018年1月1日

湯文亮

紀惠集團行政總裁

　　有很多人認為，那些分析員，測量師窮一生精力去硏究樓市，而且還要表示其中立性，所以他們大多數都沒有樓宇，所以，他們的預測應該是最準確，尤其是預測樓市上升，一個沒有物業的專家預測樓市上升，大家怎可能不相信，其實這是拔尖保底，拔尖大家都聽得多，這是保底，既然已經將住宅單位賣走，倒不如講樓價會上升，倘若結果下跌，則會有有實質利益，如果上升，就名譽受惠，所以，他們的預測可信但不可盡信。

　　有人話物業代理在樓市搵食，所以他們的預測最可信，那些人並不知道物業代理怎樣搵食，他們最怕樓市在什麼狀況，就是牛皮悶局，有超過四萬二千個物業代理，樓市少一些流動性都唔掂，所以，他們今日唱好，明日睇淡，甚至即時變面也可以，他們的說話不是不可以不信，當閣下付佣金的時候就可以相信，如果閣下不用付佣金，甚至有回贈，對他們的說話應該打一個折扣。

　　關鍵人物就是銀行家，如果他們想借錢出街，就會話樓市好，如果沒有這種打算，就會話樓市下跌，將物業估價降低，減少按揭成數，提高壓力測試，所以，只有銀行家話，樓市下跌，樓市就會跌，今年，大多數銀行家都持保守態度，大家亦要小心一些。

上一則：

政府根據什麼原則撤招

下一則：

金管局不能放寬逆週期措施

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 銀行家 2018-01-01 12:01:05

其實銀行家也不懂樓市，如果唔系也不會賤賣咁多銀主盤。

2. 真真薯片 2018-01-01 12:03:43

留意銀行估價變化, 尤其係如果林鄭改按揭成數, 銀行估價變化更加係關鍵

Btw祝博士新年快樂, 身體健康

3. 又是失落的一年 2018-01-01 13:08:27

等樓價跌的朋友，2018年又會是失落的一年。在等黑天鵝？2008年港股從31950點跌到10676點，足足跌咗2萬點。夠大鑊未？結果2008年開始了樓價十年狂升的序幕。

轉眼間十年已過，試同過去十，有那一年是多數專家學者高官話今年是置業的好時機？不要埋怨政府，在香港機會是公平的。2008年揸200萬可以在新界掃一打車位。現在買到一個已經偷笑。

4. 大灣區Vs香港 2018-01-01 13:28:30

十年後南山，福田，羅湖平均樓價一定跑贏新界及大部分九龍屋苑。機會在深圳。除广州，佛山，珠海外的其它大灣區地方，空置率太高，租金回報及流通率太低，樓價仍然會追不上新界。

大灣區一年升一倍？引刀一快新年飲多咗啦！我都希望我層羅湖幸福里兩房可以一年一倍。

5. 真真薯片 2018-01-01 15:51:01

深圳樓仲升緊, 香港冇得跌

6. 儍牛 2018-01-01 15:54:10

之前我傻牛在南山的住宅，也等了4年才翻一翻，引刀兄一年升一倍的說法未免太樂觀了🐮

7. 自以為是的人 2018-01-01 16:16:31

我和淡友都是希望及說樓市會跌。

8. 孟波 2018-01-01 16:39:31

儍牛兄我04年在南山區睇中漾日湾畔和蔚藍海岸兩個盆，已經傾好落訂，被在一位94年已在深圳買樓投資的朋友制止，說二三十萬不妨買間細細地玩下，但成百萬就太冒險，當時我可買可不買結果冇買，09年同價只買到仍是二線的寶安西鄉湾上六座，當時南山兩個盤已升到四倍了，湾上六座揸了三年升左一倍放左，由二線變一線食正三年升浪都得一倍，大湾區邊忽一年升到一倍我都想知。

9. 香港楼市好健康 2018-01-01 18:26:33

2017年11月份的未償還按揭貸款總額按月增加0.7%，有11,990億港元。香港住宅物業市值大約14萬億港元。當中只有1.2萬億按揭貸款，整體槓桿低到不得了。

10. Koichi Fuyumi 2018-01-01 19:46:45

的確買樓很少有人full paid的。銀行放水意向直接影響市有幾多資金流入樓市

之前博士提出一個勁有insight的看法。就係銀行在低按揭成數下把估價提高；然後一般市民又以銀行估價做基準去成交，進一步推高樓價

用這個看法做基礎，下一步可能係銀行放水意向下跌同時遇著政府還完按揭成數限制，估價突然回復正常。引發下一輪調整；最差情況係遇上呼吸plan轉按窗口，政府有機會搞出大頭佛

11. 臾罡阎旃 2018-01-01 20:50:50

港樓參考內地 , 內地升跌政策決定 , 政策中央話事.

有災短暫停市 , 印錢 , 乜都得 .

都話樓是用來住的 , 如果炒幾間 , 斷資金鍊 , 是自找的.

12. O了 2018-01-01 21:48:56

孟波兄

難怪你唔知

實情係咁嘅

中山一帶嘅樓一年前約七八千一方，樓高兩米六至三米二不等，年尾前有新推樓盘開萬五六一方，樓高三米八至四米六都有，號稱買一間送一層。

於是有人投射落自已啲空中樓閣就升咗一倍囉。

13. 回孟波 2018-01-01 22:29:55

引刀在夢中夢見佢的中山物業一年升一倍。

14. 江湖少俠 2018-01-01 22:57:39

呢排元旦日先後，各區破頂潮愈演愈烈，因觀望加息和林鄭上場，積壓多月的購買力，開始逐漸失去耐性，在市場好物業愈來愈少的情況下，你唔買下次就更貴更差，市面開始出現搶購潮，價錢也一浪高過一浪。

估計農曆新年過後，現象會愈來愈普遍，幾十萬落錯車和未上車的，會變得愈來愈心急，搶奪樓盤會好激烈。

加上2018高鐵通車，港珠澳通車，經濟大好，大灣區計劃落實，明年樓價分分鐘上衝三成。

15. 2018樓市大牛市 2018-01-01 23:04:06

2018年二手交易估計全年會減少到三萬宗，主要是因為二手業主狠死開天價。為了補番條數，一手供應應該要有5萬間。但估計一手供應只有二萬宗左右，遠遠不能補救二手供應的減少。

2018已肯定是個大牛市。加幾次息根本冇用。

16. O了 2018-01-01 23:18:42

又再比你Del

17. O了 2018-01-01 23:20:06

孟波兄

難怪你唔知

實情係咁嘅

中山一帶嘅樓一年前約七八千一方，樓高兩米六至三米二不等，年尾前有新推樓盘開萬五六一方，樓高三米八至四米六都有，號稱買一間送一層。

於是有人投射落自已啲空中樓閣就升咗一倍囉。

18. O了 2018-01-01 23:24:21

睇吓呢樹係咪咁霸道，只何講假迅息6h9v

19. Yeung Ching Yee 2018-01-02 04:13:48

其實点樣都好。你話樓市升現今景象是巅價。就算樓市跌又能跌幾多。

20. 引刀一快 2018-01-02 08:09:07

原來咁多個唔註冊人士，都一定冇留意2017大灣區裡面發生咩情況，咁即係2017年冇喺大灣區睇貨喇。

我話2017年大灣區有唔少地方升一倍，點解有人理解為大灣區可以年年升一倍？呢D真係理解力問題，我又唔係補習老師，點同孟波、傻牛、O了、4樓、13樓，呢幾位惡補理解力？

你南山早咗升，2017慢咗，咁就代表2017成個大灣區都冇地方升得快過南山？咩概念？

孟波你早咗賣貨，係因為你D屋唔係自用，賣咗有錢賺咪得囉，駛乜自怨自艾，早早賣，或者執返身彩呢。

其他地方唔講，淨係廣州嘅新區老區，2017都有樓盤單價升一倍，你地上網check吓喇。

21. 引刀唔使撑 2018-01-02 13:21:54

中山樓盘解釋咗啦，點解

淨係廣州嘅新區老區，2017都有樓盤單價升一倍

22. 減實質利息 2018-01-02 22:18:54

中原按揭經紀董事總經理王美鳳認為，於今年銀行在按揭戰表現將會相當克制，考慮到市場息率及信貸風險上升，進一步調減按息的幅度不大，銀行若要突圍而出，戰線將轉移至現金回贈。

她透露以往客戶需敍做六百萬至一千萬元按揭貸款，才能獲百分之一點七的現金回贈，現時門檻已降至四百萬至五百萬元貸款額，未來這種趨勢將更普及。

受惠於樓市氣氛熾熱，劉圓圓對今年按揭市場樂觀，料按揭貸款金額可再升百分之五至新高水平。

為咗搶生意，銀行會加利息現金回贈，所以實質供樓利息反而可能大減。業主每兩年就可以轉按攞1.7％回贈。未供過樓的租客根本唔知現金回䁬可大幅減少業主利息支出。1.7％差不多等於免息9個月。正到暈。

不要怪責銀行。鬼叫辣招打残二手交易，搞到人冇生意。