幾日前先講完cryptocurrency急升有未日feel, 估唔到咁快成真，短短幾日就由近兩萬美金跌到萬一。 比特幣在香港的確唔係好盛行，我認識玩比特幣嘅人，大多都係外國人或在外國留學回港人士，有啲朋友當佢係豬仔錢罌，每月洗淨散紙才會買多些少，升得咁急唔會有人現在才同佢賭身家，現在就算跌了，個個都大有斬獲。
Bitcoin成交最大在美國、韓國、日本，而香港唔流行，主要係我哋金融系統對比特幣不友善，交易商要開銀行帳戶做交收，一被發現與比特幣交易有關，帳戶就會被封鎖，要買只能將錢滙到國外交易，因而無法普及。
比特幣的最大缺點是當交易量大時，網絡擠塞會令交收時間越來越長，要成為真正網上交易工具，確實有一定難度，由於大戶操縱了整個市場的大部份供應，他們趁瘋價套利，全部有數計，趁著推出期貨大手沽空和沽出現貨套利，絕對係意料之中。
雖然比特幣對香港人冇咩用，但對很多唔同國家依然係好有價值嘅金融工具，委內瑞拉近年超級通脹，有錢都換唔到美金，黑市比特幣開咩價都大把人搶住要，在國內，要將大量人仔轉出國外，除咗名畫、古董拍賣，比特幣係一種易入易出嘅金融工具，還有那些有大量黑錢要處理嘅人，要找交易量大、國際化、易收藏、難追查嘅金融工具，亦非比特幣莫屬，它的價值就是在此，因此，不論價格幾波動，相信都不會就此消失。
論的話題，因為實在太複雜，雖然有評論員曾經撰寫有關比特幣文章，但從文章內容來看，他也不大了解比特幣，嚴格來說，大家都不了解比特幣，不會參與投資，既然如此，比特幣又有什麼風險。