史路比兄，
除了一些長期持有的股票外，小弟習慣每年先評估當年形勢，找出心水板塊，再篩選股票，這樣可減低個人主觀。幸好，上年底小弟看好的一些板塊，如基本金屬、基建設備、水泥等，都有不錯表現。
基本上，小弟依然維持七月底時所持的看法，這幾個月出現的狂升暴跌其實一早預咗：
＊＊＊＊＊
19. 自我陶醉 2017-07-30 23:11:47
今次港股美股升市相當有趣，散戶唔跟，乾夾倉，市寬其低，大戶集中火力谷幾隻，若然買中主角就掂哂! 像現在的慢升可以繼續日日升少少，升到有人跟，要爆升就要回番一成左右先有得諗，睇緊德國大選和美國佬縮表，未段的狂升暴跌可能在九、十月 至在明年中國正式入摩前，入市最好食定驚風散。
＊＊＊＊＊
由於升市高度集中幾隻股，如果沒有買升嗰幾隻，跑輸都盈富好正常，事實上，恒指夾到上三萬先回頭，已經超額完成，升足一年未調整過，就算要升都應該先調整一下。
騰訊近期的急升，是由恒指更改比重引發，由於騰訊比重本週要從12%降至10%，基金因而推高股價出貨，升凸再回吐，從年初百幾升到四百幾，回番15－20%一啲都唔出奇。 至於股東減持，我沒有太在意，馬化騰這個動作已經維持了很多年，而股價依然是年年上升，傳聞它的最大股東是中東資金，而非馬化騰本人。
令人擔心的反而是升勢只集中在小部份股份，這確實不太健康，一啲虛擬貨幣如Bitcoin, Ethereum, 更一年間升咗十幾倍，確實有啲未日feel。都係嗰句，入市最好食定驚風散。
哭股喪，問我是否應該放了騰訊，我話唔玩細價股，所以，不能夠給他任何意見，年輕朋友仍然不明白，但今次佢問我點解會話騰訊是細價股，我話，當大價股升得不合理就會變細價股，並不是該公司的資產淨值甚至盈利能力，如果港交所去到1,000元，匯豐見500元，我都會將這兩隻股票歸納為細價股，不過，這只是給我自己用作參考，騰訊超過400元，我不敢話不值，而是我唔識睇，既然唔識就唔應該投資，所以，我視騰訊為細價股，就一定唔會人買我買，做錯決定而遭受重大損失，今次年輕朋友話明白，他亦一向不會投資細價股，但想唔到大價股升得不合理就會變成細價股，今次輸得不值，我話有賭未為輸，如果不是買騰訊，根本不會知道大價股隨時可以變成細價股，輸得值。