|
1. 真真薯片 2017-09-20 08:48:30 |
|
康城新盤首批折實都要12788, 成個盤平均應該要賣萬3, 4
康城開呢個價, 比隔離2手高1, 2成, 不過兩房戶型, 總銀碼都係搶手貨色, 地點雖然差但係都叫有地鐵, 在下估首輪可以一Q清, 之後睇次輪加幾多, 如果加價唔太狠. 有條件成個盤一Q清
如果成個盤貴隔離2手兩成都一Q清, 咁就大件事, 如果真係發生, 9月縮表同下個有林鄭施政報告冇猛料到, 今年內CCL真係有機會再升5%, 陸9大後明年大陸樓股有冇震盪係明年既事 |
|
2. 博士粉絲 2017-09-20 08:53:45 |
|
睇落唔太近地鐵站，上兩個星期行去二期領都熱到趴低。。。 不過地霸一定話遲下可以穿商場過，但我估要行10 ~ 15分鐘 |
|
3. CKW 2017-09-20 09:22:55 |
|
汪總話依家既格局唔係慢牛 係龍二 |
|
4. 十一哥 2017-09-20 11:00:41 |
|
解讀慢牛…貨在强者手、冇人願~亦唔敢沽、股票唔賭罷就、但屋就點都要住、租又扯硬哂、樓價貴完可以再貴、頭痕底Part…地主又肯放數、年覆年等呀等…再等就果頭近、合埋眼搏一鋪…好過成日搬竇做游民…
政府衹有聚焦建公屋、以入息百分比交租、扯低租金、先係唯一出路、玩首置居屋係緩兵之計…比你有得噪…政府先可以唔洗做~慢慢做、免得過真係推冧樓市…政府使錢咪冇咁鬆動…、
做官好難揾大錢…有計…今日唔壞大袋衣食…他日董事局就實有位…過CEO癮…到時先揾真銀！ 機制又係官定嘅…吹咩 !
! ! |
|
5. 笠臣 2017-09-20 13:26:47 |
|
唔使13k一呎，平通全港，他日2021配套建成後，如商場，隧道，大橋……，一定高過目前及買唔翻 |
|
6. 博士粉絲 2017-09-20 14:50:56 |
|
新地賺4xx億，理應無財務壓力，如果等到2021一定高過目前，仲要買唔番，新地點解唔等到2019現樓落成先賣？或者屯到2021先賣？ |
|
7. 真真薯片 2017-09-20 15:06:31 |
|
脫苦海講樓：以散戶之心度大戶之腹
坊間及網上即有些人大造文章，認為新地一反常態地以「要錢唔要貨」的方式賣樓，是睇淡及市場見頂的訊號。其實一Ｑ清袋不是長實的專利，就以筆者的記憶，九龍城獅子石道1號、珀麗灣第一期、北角型品、大角咀型品．星寓等，新地都是用類似的手法，一開始就盡推（能否清貨是另一個問題）。就以獅子石道1號為例，真的一日沽清，但接貨者一樣可以賺到笑呵呵，這樣解讀為新地是睇淡後市才急推樓，恐怕是捉錯用神。 甚而有些人作進一步的曲解，認為發展商急於賣樓，然後大市回升，就表示跌眼鏡睇錯市，筆者認為這是「以散戶之心度大戶之腹」。做股票可以有好多手法：短炒係方法，每次賺5-10%就走，然後拿回本金再找尋下一個賺5-10%的機會；等足一個浪賺幾倍亦可以；甚而死渣爛渣後生時買落，臨老才賣貨亦可以。同樣道理套落地產行業亦可：大型屋邨小炒家用短炒方法，化完粧就賣；買樓收租一個浪咁炒亦得；一路住一路等升臨老至賣變現養老亦可以。 偏生成功的發展商（地產行業的一個分支）只有一個模式，就是不斷買地、不斷起樓、不斷賣樓，套完現再買地再起樓，周而復始。利潤當然有部份是來自不同時期樓價起伏時低買高賣，但絕大部份卻來自「低價買地，高價賣樓」。舉個例子，Yoho Midtown每呎樓面補地價大約八百元，呎價卻賣五六千。對於成功（留意此二字）發展商來說，能夠做到貨如轉，資金從地皮、建築、賣樓之間轉換的轉數越快，賺的錢就越多。無咁成功的就一個地盤起十年，人家可能已賣了三四次樓。 香港五大發展商，都是用貨如輪轉的方式經營，所以別表錯情了，發展商怎樣推盤，只是個別環境下的策略轉用，並無甚麼玄機在內。尚城有七百多個單位，尚豪庭只有三百多個單位，已決定了推盤的快慢，況且新地未來幾個月還有數個價碼及單位數量更大的樓盤推出：屯門站、瓏璽、56區等，把較次要的尚豪庭一次推出，乾手淨腳，不應視之為睇淡。
|
|
8. 首置引發全城恐荒 2017-09-20 16:58:52 |
|
新盤市場再掀入票搶購熱潮。新鴻基地產(00016)旗下將軍澳日出康城晉海，周二(19日)公布開價後，周三(20日)起正式收票接受登記，設於觀塘apm商場的售樓處，下午2時半起開放，大批準買家及地產代理正逼爆商場連接裕民坊的天橋，場面墟冚，料人龍上千。至於商場連接港鐵站的出口，集結大批代理蜂擁搶客，不少警員於現場協助維持秩序。
首置消息把大家嚇到出來搶樓。林鄭好野！ |
|
9. 真真薯片 2017-09-20 18:20:07 |
|
7年黎正苦成日都叫人唔好買樓, 結果唔聽正苦講而入市既人有樓住唔洗捱貴租, 仲賺埋紙上富貴, 聽正苦話唔入市既就不斷比市場嚴懲
到左今日, 正苦越叫人唔好買樓, d人越要搶住買, 因為正苦誠信已經破產, 情況就好似大陸中宣部話邊部係禁片, 大家就知道果套係好野, 一定要睇 |
|
11. 十一哥 2017-09-20 22:07:50 |
|
睇實啟德幾件炮仗、老表都幾頭痕、呢頭搶咗地…籌旗有阻滯、果頭重金買嘅德國佬銀號又唔多掂、政府又放水…比陀地低價補地價、老表有乜論盡…小心骨牌效應、因為呢一浸升幅…係由老表搶啟德地辣起嘅。
|
|
12. LC 2017-09-21 02:38:18 |
|
我諗對於小市民黎講，除左八成半上車果D 無房單位之外，我想其他人買樓，都係好有實力既買家，因為過唔到壓測其實就買唔到，日後是否能供得起層樓，其實要睇香港既搵錢能力，我相信而家買得起樓既一唔係老細，就係profressional。香港既搵錢能力，又可以噤講，香港條命，應該係跟大陸，香港身為一個堅離系數最強既城市，就証明搵到錢既人一直都好搵錢，如果當香港係一個大陸既城市睇，香港收既租比大陸任何一個城市比較重要貼地，（大陸五六百萬層樓你都係收幾千蚊租，香港五六百萬你有機會收兩萬）。 其實一個資源高度集中既國家／城市，我相信樓價高企係一定，我諗如果香港經濟唔好，實在有太量方法救港，其一係放鬆大陸人來港投資。我相信香港樓市大陸化只係遲早既事，即係投資回報同租金回報脫離，係噤既情況下，其實香港樓上升既空間還是存在，問題係邊一個 section. 我假設 大陸既生活水平追到香港，噤每年單程黎港既人就會減少，細價樓先會有機會失去需求，長遠黎講向下，好似日本樓噤，而中價樓同豪宅，我相信還是有後強，因為中國搵錢既能力還是有上升既空間。
其實樓市越升得慢，越遲調整，對樓市向下調既可能性就越低，因為搵到錢既人唔會因為樓市唔郁而搵少左錢，如果係股市既牛市，應該就好似博市噤講，己經係強奴之未，香港樓市既空置比較低，我想這個就算是樓市調整都係唔會變。
前題係唔會有乜金融風暴，美國縮表打劫唔成功，（成個世界都衰左幾次比美國佬，我諗而家有中國頂住，今次未必就好似以前噤成功，最少無噤容易，最少我見到之前炒RMB 既大戶都挾住條尾走），所以李嘉城E 幾年都係果句，如果買黎自住，係無乜所謂，噤大既通帳走過左，要行返轉頭實在好難。即係以前五毫一個面，要退返到以前噤既價錢，應該係世界没日，噤退返幾多先叫樓災？噤要睇香港人搵錢會唔會斬頭式噤少一半，除非港獨成功，我諗調整三成的話，睇個經濟勢頭應該都好盡。香港人重係好打得同好勤力。 |
|
13. 引刀一快 2017-09-21 06:11:08 |
|
|
|
14. 真真薯片 2017-09-21 08:40:55 |
|
刀兄,
在下段回應頭兩個字就係“7年”, 孫9招係10幾年前既事
不過正確d講, 正苦講既野, 大家要用個腦去分析下信唔信得過, 例如孫9招做唔做到, 孫9招基本上就係唔起居屋, 唔造地, 正如你個仔同你講佢既目標係唔讀書考試0分, 只要坐係度乜都唔做就會達標
但係689同林鄭話要增加供應, 你可以睇佢個計劃似唔似會做到, 而你可以見到正苦唔敢強收地霸農地, 移山填海就同地霸+犯民既環保人士配合係度拖, 理論上正苦可以好似通過高鐵咁將移山填海係垃圾會會議排到最前, 剪布格硬通過, 但係正苦搞造地從來唔急, set左個議程配合犯民同環團反兩後就放棄, 不斷拖, 如果正苦真係有心做, 好似高鐵之類要咁格硬推, 點會推唔到?所以在下認為正苦同地霸仲有地霸手下既犯民同環團其實係扯貓尾, 冇心亦冇力解決居住問題, 當然正苦有政治壓力點都要做d野, 但會局限係做比人睇, 而唔係解決問題, 置安心同港人港地就係經典, 所有政策行動最終以地霸利益為依歸, 或者林鄭最後可以解決到10%居住問題, 但係大環境係唔會變
補多句, 正苦以地霸利益為依歸, 地霸只係講大發展商, 小業主只係附和下, 好似依家咁, 樓價升一手樓熱賣, 二手樓其實好難放, 當年信置既藍灣半島因為市況差, 正苦比佢起多幾層, 擺明就係明益地霸, 小業主供唔起樓又放唔出, 正苦理得你死 |
|
大家都明白，而慢牛的意思是那隻牛已經耗盡了精力，以相當疲憊的身軀前進，現在更加是被牛主施以硬料，才能勉強向前行，用慢牛來形容樓市，是好是壞，買樓的人應該要了解慢牛的真正意思，或者，當他日樓市下跌，評論員又會說早已警告樓市是慢牛格局，買樓的人不知道慢牛的真正意思而已。