回8樓 大寶二寶兄。
兄台如懶人、同身為既得利益階層亦不忘眷顧能力不足者感受，先致敬。
懒人覺得現在居屋款式、花樣繁多，耗費政府不少資源精力，若居屋嘅作用一如兄台所講，係照顧：
1. 冇能力買私樓果班會唔會滿足於剩係有一間公屋住？
2. 入息超標冇得住公屋又買唔起私樓果班會唔會甘心於成世租樓住？
3. 眼見樓價年年升，自己享受唔到資產增值，識諗就冇問題，唔識諗就起多多公屋有用？
懶人有一計且聽可否行得通：
1. 現在居屋輪侯需時幾年，其實有部分 人/家庭 輪到時收入己超標，衍生問题多多，不贅。
2. 兄台所提3項，都屬於從心理因素或投資角度考慮。
提議：
1. 如以前做法，只起大型公屋邨、選其中两、三橦地理景觀較佳者作為居屋，如鳳德邨。此舉可以簡化工序成本，居屋亦屬政府以公帑津貼市民之用，無須太豪華。
2. 輪候到位時收入己超標失去上樓資格，若願意可即時轉買同邨居屋。
3. 購買同一居屋以收入高低計、例如分3、5、7折定價，收入僅超標者以最低折扣買、如欲多付購買亦可（作用等於预先補部分地價），收入幾乎爆表者以最高折扣買，可多付不可少付。
4. 此法亦適用於無輪候公屋者用白票申請購。
此法之好處：
1. 集中加快公屋落成量。
2. 符合公帑以不浪費而達到資助市民目的。
3. 無能力買居屋者可加快上樓。
4. 收入僅超標而能力有限者，心態上亦可有自置物業，反正可避免因欲上樓被迫隱瞞收入而犯官非，因為若輪候者隱瞞收入通常都會獲编排上樓。
5. 此舉可有效符合贫者獲多助公平原則。
6. 購買時折扣雖不同，往後待遇一律平等看待。
7. 樓價升值，按比例人人有分，永不落空；多付多升，反之亦然。
8. 公屋量與居屋量調配極灵活，應付須求彈指之間。
大寶二寶兄，請硏究是否行得通。
共諗之，哈哈。
