主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 文亮言

瀏覽人次：76931 回應：41

樓市陷入兩難局面

2015年1月2日

湯文亮

紀惠集團行政總裁

　　年初，照例都要講今年樓市走勢如何，我認為樓市陷入一個兩難局面，進退兩難，買賣兩難都可以講得通，但學術水平不足夠，於是我用李商隱一首無題的詩，第一句「相見時難別亦難」，在香港，自從政府推出三種辣招之後，買樓難，賣樓亦難，樓市買賣兩難，做成成交量不足，慢慢地就會變成買賣兩閒，而成交量不足就是樓市隱憂，或者會有很多人不同意，他們認為就算成交量不足，但業主借貸比率低，租務不俗，對樓價有支持，就算唔升，都唔會下跌，沒有隱憂，說我只不過是危言聳聽，評論樓市已經走火入魔，今次慘，好人當賊辦。

　　今年樓市的預測並不是「相見時難別亦難」，這是大家都知道現時樓市現象，這是一個「因」，而「果」就是同一首詩下一句「春風無力百花殘」，如果成交量少，樓市就會下跌，所以，我認為今年樓價升跌，關鍵就是成交量，而成交量郤被辣招鎖死，樓價在年初乾升，成交量則進一步萎縮，年中以後，樓價就會先橫行，後向下調整，即是是如此，樓價整年計算，依然有幾個%升幅，屬先升後回格，如果樓市在回落後，成交量依然不足，樓市會一直向下，直至有心置業自住，或者投資的人入市，成交量增加，樓價才會止跌回穩，我講到好似好大件事，其實，樓價只是在窄幅上落，無論怎樣評論，估升講跌，都雖不中，亦不遠，有可能今年是樓市評論員豐收年，因為每一位都是贏家，我反而會是輸家，因為我畫蛇添足，如果跟大隊預測樓市升跌，我都不會輸，但我預測樓市走勢，就算樓價在年尾真的是升幾個%，但是先跌後升，我依然是預測錯誤，是輸家。

　　如果成交量增加，樓市是否一定上升，我相信這又不能一概而論，若果因為有物業的人受到恐嚇，情願付SSD都要賣走手上物業，就算令到成交量增加，樓價都會向下，在過去一,兩年，不少代理人士實牙實齒說樓價會下跌三至五成，如果小業主恐慌，低一,兩成賣走他們的物業，又有什麼出奇，而且他們還很開心，既望樓價繼續下跌，所以，那些小業主亦會加入唱淡行列，不過，在過去兩年，樓價不跌反升，亦很少小業主付SSD賣走他們的物業，證明樓價是唱唔落，除非有實則壞消息，而令小業主情願付SSD都要賣物業，這樣，就算成交量增加樓市都會大跌，不過，而真正令樓市下跌的理由就是那些壞消息，而非成交量大增。

上一則：

凌亂不堪的婚姻制度

下一則：

樓市之人踏人事件薄

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 亮劍 2015-01-02 08:31:41

如果以最嚴謹的尺度來睇，其實小弟估CCL都爭咗少少。

我亮劍呢幾年喺度寫了唔少嘢，其實有對又有錯，在呢度希望自己學多D嘢，以便之後的估算技巧有所提高。

直到呢一刻，我都認為家香港整體私楼，並無大幅升離價值區，因此如你有實際需要，能夠攞出起碼3成首期，每月供欵在加三厘後只佔入息3成以下，最少預一年楼按供款準備……咁其實你都應該入市買楼自住。

但只是搏投資升值者，請不要去買楼，因為家回報及風險不對稱。

2. 睇得通 2015-01-02 08:36:01

如果你/我/他不是炒家,還是堅守房產好!!!

3. 尸尸 2015-01-02 10:08:29

博士的估算

即是是如此，樓價整年計算，依然有幾個%升幅，屬先升後回格。

4. Oscar Lam 2015-01-02 12:01:20

新的一年開始了，祝博士和各位朋友新年快樂！身體健康！

在下認同博士的觀點，今年的樓價將在高位橫行。記得去年初法子兄搞了個估CCL升跌遊戲，在下認同自我陶醉兄的看法，估CCL升跌如估大小，挑戰性略微不足。不如今年搞個估年底CCL遊戲，偏離最遠那幾個人請其他人飲茶。不知大家是否願意接受挑戰？哈哈！歡迎博士參加。

5. 中女社社長 2015-01-02 12:16:29

4樓Oscar: 我及一眾好友慘被走數...嗚...

6. Oscar Lam 2015-01-02 12:30:42

5樓社長兄，

如果博士肯參加，就不怕大家走數啦！而且，我這次建議的是偏離年底CCL是多那幾個人請飲茶，可能是好友，也可能是淡友，大家無分彼此。

7. 我是15樓 2015-01-02 12:35:07

引刀已經承認2014年估錯CCL低於118。

19. 引刀一快 2014-12-31 14:38:19

To 16樓撈波弟

原來你識講人話嘅呀？咁我就回答你喇。

我對2014年嘅樓價睇法就係係時候回落，CCL年中118，年尾就低于118，就係咁簡單。

就係估錯咗囉。我估錯CCL咪輸咗囉。

不過，我係輸咗一次，唔好夾硬話人輸十次，其它九次幾時發生過呀？

原因：

1，大陸經濟唔好，而且唔係一般人睇數據公報果種唔好，一定會發作。呢様嘢雖然今年嚟唔切表現喺香港樓市，出年一樣會嚟。

2，香港人普遍嘅競爭力同購買力，根本唔係好友睇嘅咁高，物價升幅高過薪水升幅，生活指數大降，當物業大比例落入所謂”强者“同埋冇定力嘅”剛需者“手上，冧市指日可待。

3，地産商唔再喞牙膏出貨，用行動表達對樓市睇法，唔通係見大家心急益大家咩。

引刀一快繼續看跌。

8. 淡友恨到了 2015-01-02 13:21:55

淡友恨到了,樓價已到非常抵買的時候

柴灣非常抵買的樓
盤
鰂魚涌非常抵買的樓盤
西營盤非常抵買的樓盤

10. 亮劍 2015-01-02 14:19:41

小弟在此拋磚引玉，先估 CCL在今年係窄幅上落格局，最高過不了 140，但最低亦跌不破 130，年底会企穩於135点楼上，而我初步估計 CCL16年係145，但17年就会跌翻落去115甚至更低，然後於此區間築底，營造下一波大浪。

12. Fireball 2015-01-02 14:44:13

My guess:

Jun 2015 - CCL140

Dec 2015 - CCL 130

13. Oscar Lam 2015-01-02 15:34:16

在下估計:

Jun 2015 - CCL 138.88

Dec 2015 - CCL 138.88

14. 廢佬 2015-01-02 16:15:22

如用其他人既預測去攞個平均數, 點可能輸. 所以遊戲以相差最遠為輸家, 一d意義都冇.

15. 自我陶醉 2015-01-02 16:43:34

Oscar兄的建議不錯，為免輸家走佬，也可考慮參加者聯合請猜得最接近的3位，金額不大，免傷和氣，或純粹牙鉸戰也可。

16. Oscar Lam 2015-01-02 16:44:38

回14樓廢佬，

相差最遠的並不一定是一個人，也可以是幾個人。舉例，有10個人參加這遊戲，相差最遠的五位請另外五位飲茶。不過，兄台如有其他好的建議也可以提出來。

17. 廢佬 2015-01-02 16:44:53

中原CCL指數連跌兩周報132.45點
觀望美議息豪宅結束5周連升

18. Oscar Lam 2015-01-02 17:00:19

陶醉兄，

你的想法跟我一樣。好像讀中學時拿到學科成績第一、第二有奬。哈哈！

19. 自我陶醉 2015-01-02 18:15:40

Oscar兄，新年快樂!

由於有不能確定的加息因素，猜 2015 的CCL較難，個人認為5月底在142.8見頂， 6月底約在141附近, 12月底約為135, 但美國加息時間及加幅難料，存在一定的變數, 猜中也只是僥倖。

20. to 10樓亮劍兄 2015-01-02 18:24:12

亮劍兄

但17年就会跌翻落去115甚至更低，然後於此區間築底，營造下一波大浪。

想問是下一個大升浪還是大跌浪呢？

21. Tom 2015-01-02 18:36:18

請教師兄姐，湯博士書展何時?

新書名是什麼？

22. Tom 2015-01-02 18:36:25

請教師兄姐，湯博士書展何時?

新書名是什麼？

23. Oscar Lam 2015-01-02 18:51:18

陶醉兄，新年快樂！

老寞说，在下也是瞎猜的。估計今年香港的经济環境和2014年差不多，楼宇供應也不会大改变，利率也不会加太多。因此，我估計年终结算时，楼价可能會有5%的变動，以平稳为主。

由於楼价变動不大，今年的投資策略將继续以稳健以主，量力而为，多留现金。

24. 亮劍 2015-01-02 20:12:01

但17年就会跌翻落去115甚至更低，然後於此區間築底，營造下一波大浪。

想問是下一個大升浪還是大跌浪呢？

要解答呢個問題，首先聲明小弟係一個八卦公，我深信投資市場有如潮汐漲退、陰晴圓缺，係有軌跡嘅。

香港呢幾十年，逢見七要小心！

例如1967年暴動！

87年環球股災、97年金融風暴，就算在2007年，美國金融海嘯亦在成型中！

在見「七」要留神的陰霾下，小弟因此提議在 2017年要減磅、去槓桿！

但我深信，中國打後幾拾年有長足發展，而世界各地會以印銀纸方式去解決經濟問題停不了，因此就算17年真的有大調整，只是襯底吸納良機。

25. To Tom兄 2015-01-02 22:11:48

湯博士的新書名是「第十個人理論」

26. 我是15樓 2015-01-02 23:20:29

雲在青天水在瓶 2012-05-26 10:04:55

樓市並非在醞釀下一個升浪, 而是仍在3浪中運行.

假如牛3升浪是標準型態, 即可升至123點或再多一些. 到4浪調整時約回落至103左右, 則牛5浪可升至210點或以上. 即是說, 數年後, 中原指數仍可有一倍以上升幅.

幾年前按圖表的推算, 升幅目標均一一實現. 樓市未來的階段性目標和軌跡估計會如此:

1) 98年以來杯柄形目標----116;

2) 牛3浪升幅目標----123;

3) 牛4浪調整目標----103;

4) 97年以來大圓底目標----174;

5) 牛5浪升幅目標----210.

27. 馬高 2015-01-02 23:46:42

我估年底148，年中138，毫無懸念！加息？又如何！

28. 我是15樓 2015-01-03 00:21:06

3. 亮劍----王先生 2012-05-26 10:18:49

雲在青天水在瓶---同意見解，我加上年份。

1) 98年以來杯柄形目標----116;----2013年中

2) 牛3浪升幅目標----123;----2014年初

3) 牛4浪調整目標----103;----2014年底

4) 97年以來大圓底目標----174;----2017年以後

5) 牛5浪升幅目標----210. ----202x年

請問你心水係乜？

4. 亮劍----王先生 2012-05-26 11:23:57

以下劇情，如有雷同，實蜀不幸：-

2015 年中之後香港樓市急升嘅原因係歐美日要大印銀紙救經濟，引起惡性通貨膨脹，市民為求自保，瘋狂入場掃樓， CCL 突破 210 點之後，泡沫大爆破，跌翻落最大支持位 103 點！

湯博士2012-5-26 都話樓市會升。

亮劍 2012-5-26 已經大至正確。

那個大6專家，一年後再看看你的結果啦。

29. 引刀一快 2015-01-03 04:43:14

自我陶醉兄、Oscar Lam兄

你地呢個玩法，忽略咗呢度果位百變隱者呀，到時佢注册500個帳號，由100至200串勻晒，每個落五注，派彩果時仲可以帶埋人去食添啵！

30. 引刀一快 2015-01-03 06:05:27

To 28樓撈波弟

你真係呢度最尊重我嘅人，成日俾高帽我戴叫我做專家，傻啦，我又唔會請你食咖喱魷魚嘅！

31. 自我陶醉 2015-01-03 07:39:58

To 29樓引刀兄

有辦法，每位參加者要交50元參加費，參加費可作為勝出者之獎金。話知佢由100估到300喇!

32. 小心天申置業 2015-01-03 15:18:25

如果各位想在九龍城搵樓既朋友, 一定要小心一間叫"天申置業",唔好只係為左41校網而誤墮陷阱, 以及自己攞黎勞氣!
事緣本人先係網上預約左一位"王先生"係今日三時睇樓, 及後再約了位"Maggie Ma"睇第二間! 之後先發現佢地係同一間地產, 已即時打電話俾"Maggie Ma"問佢地係米有位"王先生"都有放盤,有冇問題! "Maggie Ma"回答話: 係有, 不過各有各睇, 唔會有問題! 好啦, 我米放心去睇樓, 點知睇完第三,四個盤後, 已經三時了, 但當時因為肚餓, 米打電話俾"王先生", 打算約遲小小先睇, 點知居然同我有以下嘅對話:

本人: 王先生, 我本來約左三點睇樓, 而家想約遲小小...
王先生: 黃生, 你係米在我其他同時嘅盤到有留言..
本人: 係呀, 有, 有咩問題呢..?
王先生: 你究竟想要啲咩盤架(語氣開始好差咁問)
本人: 我之前都有同你同事講, 一房至三房單位我都想睇, 因為要睇下啲盤先決定係一個人住定兩個人住...
王先生: 咁你個範圍都好闊(語氣極差)
本人: 有咩問題先..
王先生: 我懷疑你係其他地產嘅親戚黎攞業主啲資料,跟住去自己聯絡業主搶生意...

自問租樓買樓經驗也不小, 遇過無數地產Agent, 未發生過一個咁幼稚及無理嘅agent, 如果佢有懷疑, 都冇可能對住一個客咁講嘢!
佢之後仲話而家我唔會同你睇, 唔做你生意, 真係四個字形容:不知所謂!
之後再打電話問個位"Maggie Ma"嘅Agent, 問點解之前一晚明明問左你會唔會有問題, 佢不停Repeat 5次以上...話每個人處理事件唔同! 完全不承認自己有問題, 也不去好好解釋, 只係迥避問題, 好啦, 我就問佢, 你地公司大老細係姓咩, 我要投訴王先生, 點知佢第一句話我:我無必要答你!!!! 跟住再問多佢兩次你老細係米王生, 佢話唔係, 但當時個位王生聲稱自己係老細! 那位Maggie Ma最後都唔肯講公司老細貴姓! 試問現今社會仲有咁嘅員工, 咁嘅Agent!! 本人已找了正式渠道去處理呢件事, 在此希望各位想係九龍城區為小朋友而搵樓, 衷心你們找其他也不要找這間, 佢地咁樣做生意都會一啲不負責任嘅Agent!! (((所有報張雜誌本人已寫了電郵比佢地)))

33. 引刀一快 2015-01-03 15:46:02

To 31樓自我陶醉兄

妙計，不過搵邊個揸數好呢，一係搵亮劍兄喇，好淡兩方都信佢嘅。

34. 亮劍 2015-01-03 17:17:22

引刀兄……麗娜C妹喺果邊講得對，估個市升跌，當牙較戰好D。

講真我睇升但無首置人頭，又同銀行借唔倒錢，咪齋贏牙較？

打後呢幾個月，小弟都係看漲的，君不見房協、居屋同東涌楼，都收表收到手軟，賣極都有大把準買家置業夢碎嗎？

你有幾層大陸楼喺手，可對沖大部分港楼上升風險，根本你唔知現在俾緊皮幾兩皮嘢租嘅人點惆悵，有幾惶恐。

容小弟做一個預測，個楼市要夾埋呢堆人淡倉才會回落，唔信就等着瞧！

35. 引刀一快 2015-01-03 17:44:27

亮劍兄

麗娜小姐唔係咁講嘅喎。佢話睇錯市好閒，冇討論是否設獎品。
我睇到樓市的確係好踴躍，但係我覺得回落會回得好甘。
97年樓市大冧上面冇救，今次會唔會救呢？琢磨緊我未敢下判斷。

37. 引刀一快 2015-01-03 22:52:43

彛咦，抵買喎！你快D落大定喇，唔係分分鐘俾人買咗架！我考慮可能用8萬一方同你買，希望你落咗定之後，願意割愛賣俾我喇！

38. 向泛民說不 2015-01-03 23:05:21

引刀系邊度二線城市買左樓，看你眼紅的樣子，吾緊要啦，都系要住，二線城市系無咩升，但是平啦嘛。不需要眼紅人地。

比較上海，和北京市區，深圳市區還是便宜的。

39. 向泛民說不 2015-01-03 23:40:28

不過引刀又不比太灰心，今年美金異常強勁，一般美金強勁，對樓市是有壓力的。

40. 引刀一快 2015-01-03 23:45:05

呵呵，連飯民都俾妳玩埋。

咪亂嗡喇。

41. Oscar Lam 2015-01-04 09:22:49

42. 已賣投資套樓者 2015-01-04 10:32:13

請教亮劍兄

''但只是搏投資升值者，請不要去買楼，因為家回報及風險不對稱。"

本來都選擇投資磚頭,但被迫套了現, 原來排除磚頭,對其他投資十分不安心!

在此欗看了2年多, 一直必看亮劍兄回應;很佩服和欣賞您有此胸襟與人共富,有研究、有數據和自己實戰經驗;

我奢望亮劍兄往後如有投資磚頭以外的見解,請多多分享，

不勝感铭!

43. 亮劍 2015-01-04 14:49:11

望亮劍兄往後如有投資磚頭以外的見解,請多多分享…………

非常多謝兄台抬舉，小弟股齡约30年，以長線投資為主，除此之外，我閒暇都有買D基金，

其實喺呢度幾年，多謝網主介紹或穿針引線，使我識咗唔少投資高手。

之後我們組成幾個群組，在每日互相交流過程中，實在令我獲益良多。

說句老實話，除了私楼的話題我可答幾句嘴之外，在其他投資領域例如工商舖、衍生工具、直債、纸磚頭、點同PB交手借平錢去錢揾錢…………小弟自認正在學習中。

因為未得呢D兄弟同意，而且佢哋所操控的投資工具涉及一定知識、風險同技巧，因此我唔方便公開人家的揾食绝招。

其實兄台如果有留意「珍惜香港」的留言，你會發覺他在此都漏咗少少嘢出來。

有超級高手在此，小弟呢D三腳貓功夫，實不敢班門弄斧……哈哈！

44. 麗娜 2015-01-06 19:41:45

亮劍及引刀前輩

估錯市是好閒，大前提還是手頭上要有彈藥，及不能借到盡。手上的彈藥如何生息備戰也可以討論一輪了。

博士：不只是樓市陷入兩難局面，感覺是世界經濟局勢都如是。

臨界點是否今年要看耶倫如何決策？希望這女人不要拖累全世界。

現在美金已走強到如此，很難想像如果真加息後會怎樣。

樓市陷入兩難局面

湯文亮

紀惠集團行政總裁

中原CCL指數連跌兩周報132.45點觀望美議息豪宅結束5周連升

中原CCL指數連跌兩周報132.45點
觀望美議息豪宅結束5周連升