|
1. 88已上車 2014-10-06 10:18:06 |
|
非常認同 道出了許多人不買樓的原因 心魔比一切還可怕 有人對地產商/ 收租佬 怨恨其實都出於妒忌
所以靚樓買唔起, 折衷買普通的 普通的買唔起, 買入門的 細佬咁少人工一開始又點買到樓, 所以買了車位 踩隻腳入去再講 慢慢供供下就換上去
|
|
2. 物業初哥 2014-10-06 10:28:32 |
|
非常同意!
「Location,Location,Location」三個即為地點、座向、樓層，三者中兩個已經算是優質盤! |
|
3. ak 2014-10-06 10:28:42 |
|
it should be money money money instead5y |
|
4. 引刀一快 2014-10-06 11:04:49 |
|
同意，money money money最實際。 價夠筍， 地點、座向、樓層唔啱心水都冇問題。 |
|
5. 林太 2014-10-06 12:56:22 |
|
想一步到位需要很好的准备（很丰厚的储备）。 想一步登天只有出生当天夭折。 |
|
6. snj 2014-10-06 15:24:58 |
|
This rule is only suitable to the street block properties |
|
7. Data 2014-10-06 15:33:16 |
|
My Rules is Peoples, Peoples, Location
|
|
8. 亮劍 2014-10-06 16:12:55 |
|
呢個「Location，Location，Location」，真的害人不淺！ 过多幾個月，政府將會大晒冷，弍仟多伙居屋楼花可能隆重登場，萬眾矚目的居屋有何吸引之處？ 一言以蔽之係……平！！！ 坊間估計是市價6~7折左右，睇落吸睛喎！ 但可能大家唔知，可以在6折楼下買楼的機會，其實大把。 今時今日CCL係128.14。 直到上星期五為止，CCL已經開咗1082期。 平均計CCL大约係 67.71点，即大约係現指數的一半。
低於此指數的日子，佔呢20年幾的6成多。 而最近期CCL見67.71楼下揮手區，係07年尾。
我有唔少朋友，就係因嫌三嫌四，又要係市區新楼、又要有会所、又要高層向南、又要揀有靚景觀、又要三房双厕……條件多多但弹药唔多，蹉跎歲月之下，唯有棄買租住等！ 因為D$俾晒业主，整到首期不足關係，现在焗抽居屋！ |
|
9. 請教湯博士： 2014-10-06 17:57:54 |
|
我和老婆月入合計三萬八，有一仔五歲，什麼樓盤合適？ |
|
10. SHIT, SHIT, SHIT 2014-10-06 18:01:57 |
|
Democracy is shit, if no law and order. |
|
11. CD ROM 2014-10-06 18:06:51 |
|
不限樓, 其他消費品如車, 錶, 當budget係fixed, 所有facts就要排priority去選擇ga la...
所以有D朋友你同佢講買乜都係無意思, 嫌A嫌B, 乜野叫 "妥協", 裕D叫 "睇送食飯" , 好多人真係唔明白ga...
計我話, 正解location x 3 , 應該話係當有1個fact出現, 去同location 比既時候, 永遠記住location先行, 咁就正確啦. |
|
12. 自己供得掂 2014-10-06 19:33:03 |
|
我和老婆月入合計三萬八，有一仔五歲，什麼樓盤合適？........ 自己供得掂的樓盤........ |
|
13. Oscar Lam 2014-10-06 20:11:58 |
|
[Location, Location, Location] 一般是資金充裕的投資者的要求。對這些人來說，該物業罕有，質素高，升值能力高，抗跌能力強。如果能力許可，這樣的物業自然是一個好選擇。 |
|
14. 師nine 2014-10-06 20:23:19 |
|
以前就係3L，而家地鐵八爪魚網絡，天水圉也不再悲情了 |
|
15. 引刀一快 2014-10-06 21:41:48 |
|
To 13樓 Oscar Lam兄
“一般是資金充裕的投資者的要求。”
資金唔係絕對因素，勤力可以左右命運，多行多睇多考慮，終會搵到好嘢。 |
|
16. 引刀一快 2014-10-06 21:47:09 |
|
To 8樓 亮劍兄
“我有唔少朋友，就係因嫌三嫌四，又要係市區新楼、又要有会所、又要高層向南、又要揀有靚景觀、又要三房双厕……條件多多但弹药唔多，蹉跎歲月之下，唯有棄買租住等！ 因為D$俾晒业主，整到首期不足關係，现在焗抽居屋！”
你係用緊結果嚟推論原因，按你咁講，個個都傻仔架喇！ |
|
17. 睇得通 2014-10-07 01:29:55 |
|
買樓心得,睇餸食飯,冇咁大個頭,不要戴咁大高帽...... |
|
18. 普通人 2014-10-07 02:08:09 |
|
湯生你好,我係一個30歲的普通香港市民,宜家渣住2層樓,呢1年你的文章我日日都有睇,我好後悔如果再早2年開始日日有睇你文章,我宜家應該有4層樓 |
|
19. 蜕变中嘅懒人 2014-10-07 05:16:06 |
|
9樓兄台問：（我和老婆月入合計三萬八，有一仔五歲，什麼樓盤合適？........） 12樓兄台答：：（自己供得掂的樓盤.......） 平淡中不失精彩：問得求其，答得隨便，應酬問答典範！我鍾意！ |
|
20. 蜕变中嘅懒人 2014-10-07 05:49:52 |
|
TO 9樓 請教博士兄 講完笑真心想同兄台研究吓。 兄台問：（我和老婆月入合計三萬八，有一仔五歲，什麼樓盤合適？）
懒人提供：樓價300萬，借9成，有海景，有鐵路，有極佳升值潜力，收租金最少8000以上，可先作投資上車先自已租樓住，若小朋友學校啱車程可自住。
边度咁平？屯門碼頭區。 點解咁有信心？祥益汪先生力薦。 最大無敌理由：懶人啱啱買咗，手快有、手慢無。 僅供參考，信不信由你，哈哈哈.......
|
|
21. Oscar Lam 2014-10-07 07:04:13 |
|
引刀兄， 3Ls是眾多投資策略中的其中一項。當然，你說的勤力對投資者來說絕對正確，但二者沒有衝突。 |
|
22. yy 2014-10-07 08:09:08 |
|
將Location解釋為樓層座向真是匪夷所思，失了大方向，為此解讀而買不成的話，是咎由自取吧。Location這個說法應是給投資者作參考，只解釋為地點、地點、地點就可以了，縱使樓宇殘舊失修，但隣近中環可以了，隣近地鐵站可以了、位處名校網可以了，這些物業不愁出租，具重建價值不愁沒發展商收購。至於個人居住取捨就客觀因素太多，有隣近父母好友的，隣近工作地點的，為校網而考慮的，為空氣環境的。 |
|
23. 亮劍 2014-10-07 08:32:49 |
|
引刀兄-------- 曾特首於 2009年尾，推施政報告上電台解畫，有自稱任職醫生的女士投訴跟任職律師的丈夫合力仍供不起樓云云。 醫生加律師少說月薪十萬，一上車便要買名鑄、天匯當然力有不逮，但要買四、五百萬的樓應該綽綽有餘。 當然，如果硬要投訴一上車五百萬樓三成首期百五萬現兜兜不易負擔，「疑似女醫生」大可以二按借夠九成。 兩口子專業人士如果連五十萬也付不起，我覺得不是特首、政府、香港社會的錯。 就算你過往真的「駛大咗」，今日起才開始儲蓄，醫生入職薪酬計你六萬，律師入職計你四萬，就當你兩個各自要養家、要置裝、要食、要住、要買名牌，一個月加埋都應該儲到三成，一年就儲到三十六萬，年半點都儲到一成首期。 如果兩口子負擔少啲或節儉啲，每月儲到半份糧 (大家唔好忘記搵一萬要儲五千當然 mission impossible，但搵十萬儲五萬就真係唔係好難)，計埋交稅一年都已經儲夠首期。 更重要的是，人生於世「冇咁大個頭唔好戴咁大頂帽」。 即使你唔認同「量入為出」呢種經濟原則，至少都應該贊同由細到大阿媽教你「睇餸食飯」。 如果真係負擔唔起，買遠啲買細啲先上車又何妨。 新界區如果肯俾到四千蚊呎好盤已經多到暈，兩口子買個八百呎大單位三房兩廳兩厠所寬敞到翻筋斗都得。 四八卅二都不過係三百幾萬！ 你話新界區唔得喎唔近番工(我又真係唔知原來咁多醫生番中環，新界咁多區冇醫院嘅)，咁奧運站算係九龍中心啦，呎價七八千好貴咁你咪揀五六百呎囉，兩個人，其實五六百呎兩房可以接受啦，五百萬埋到單都算係咁。 俾得起首期，之後供樓就更容易。 Mortgage 此東西，你嫌供得多可以供耐啲，供夠三十年，每月供幾萬，頭幾年要供二按自然辛苦啲，但疑似醫生和疑似律師年年加薪，過得六、七年兩口子搵成十幾廿萬一個月，足夠換幾次樓。 至於名鑄、天匯此等豪宅，人哋起出來不是預算你兩個「區區」專業人士買的。你們買不起，合理過合理，有甚麼好投訴。 好比投訴百幾萬一個手袋你係醫生都買唔起。大姐呀，你「區區」醫生學乜鬼人買百幾萬嘅手袋先得架？你買得起，甘比、呂麗君、陳振聰太太買咩呀？ 此女打電話上電台插特首無疑其志可嘉，但人頭豬腦、見識淺薄、吹水唔抹咀未免丟人現眼。 所以，港女有心人，奉勸你下次吹自己係銀行從業員，話金融海嘯後生意難做，老公做 big-4 又要放 no-pay，而家連銀行低息做 Mortgage 俾 staff 你哋都冇信心買樓，繼而投訴政府呢樣唔好、嗰樣唔好，咁咪 re 啲囉。 14 年 10 月 7 日後記-----如果呢個大口疑似女醫生喺 10 年頭，同佢疑似律師男友，唔係想一步到位，同時又能放下專業人士，係要住一間有體面豪宅的心魔，而是求其入件力所能及的西九四小龍「袋著先」--------- 那對上幾年，他們就可乘搭美國佬送既資產增值順風車，再襯百年難得一見的長低息期，咁還你壹佰幾拾万樓按，根本上係濕濕碎，如果加上你自己醫生同律師男友，正式考晒D專業試領正牌，咁家陣就可正正式式，進駐半山千幾兩千萬真正豪宅！ |
|
24. 引刀一快 2014-10-07 08:45:24 |
|
亮劍兄
“醫生加律師少說月薪十萬”，叫佢兩公婆死就快D去喇，正常一個都唔止十萬，你估大陸咩。 除非佢地係流氓大狀娶變形俠醫，兩個都冇收入。 政府有計劃做嘢，搵D媒去打電話啫。換一個角度嚟講，如果醫生加律師都買唔到樓，咁咩人買到樓？成個樓市生態根本就已經崩潰。
|
|
25. 蜕变中嘅懒人 2014-10-07 09:11:06 |
|
任何人對投資作出预测、評論都後霧裡看花，實際上主要靠估，結果係做精仔或魚腩，有待時間去證實。
馬後炮驗證法，係歷史學者嘅利器，以發生咗嘅事實去證明之前作出预测、評論嘅人係精仔定係魚腩，百發百中，無可異議。
多做馬後炮驗證法，可以增加往後做精仔嘅機會。 |
|
26. 蜕变中嘅懒人 2014-10-07 09:17:42 |
|
TO 24樓 引刀一快兄 香港嘅醫生收入好參差，名醫收入係好勁，但亦有街鋪醫生收入麻麻地，衰過打份工都有。 |
|
27. 東 2014-10-07 09:21:24 |
|
我和老婆月入合計三萬八，有一仔五歲，什麼樓盤合適？
月入只係用黎計按揭, 更重要的係月"可供"幾多...
可供幾多其實都唔太重要, 更更重要的係"首期"有幾多...
仲有, 你住開邊區? 你想你小朋友的校網係? 你有咩要求?
唔係釣魚的話, 就俾多啲資料啦.
咩都無講, 點答你?
答左都未必有用啦
e.g. 懶人兄答左都屯門, ok 喎... 但點知你可能原本住開港島東... ?
|
|
28. 亮劍 2014-10-07 09:28:12 |
|
蜕变中嘅懒人-------女醫生呢篇文章,我貼左幾年,估計當時醫生姐姐及律師男友仲未取得專業人士身分. |
|
29. 蜕变中嘅懒人 2014-10-07 09:42:53 |
|
TO 28亮劍兄 引刀兄話呢对夫婦可能係為DT出SSD1護航一啲都唔奇噃。 |
|
30. 蜕变中嘅懒人 2014-10-07 09:42:55 |
|
TO 28亮劍兄 引刀兄話呢对夫婦可能係為DT出SSD1護航一啲都唔奇噃。 |
|
31. 引刀一快 2014-10-07 10:02:11 |
|
懶人兄
我咁講其實係出于對呢個做媒嘅“醫生”有多少憤概，呢兩公婆嘅配搭，好戲劇，兩個都係市民大衆眼中嘅，既有學歷文化又有收入同人脈嘅典型，仲好經典咁，唔係醫生嫁醫生，或者律師娶律師，而係兩個咁令大衆羡慕嘅行業交叉，即係同老百姓、小市民講：“兩個行頭嘅人都買唔到樓，加埋都買唔到！” 如果咁様跨行業嘅婚姻都買唔到樓，樓就已經唔係起嚟賣架喇，係六合彩嘅獎品。 2009年，我喺大陸入咗貨，香港猶豫咗一下，冇入，但係回想當時，我唔係手頭緊張到怕供唔起，只係聽信基金佬嘅規勸，等跌啫。連引刀咁平凡嘅人都唔覺買唔起樓，咁呢對優皮夫婦又點會有困難呢！
|
|
32. 東 2014-10-07 10:05:39 |
|
其實係果對e生律c,根本只願意住市區新樓．．．唔係咁，點特蜆我係e生律c的人上人? |
|
33. 引刀一快 2014-10-07 10:07:27 |
|
東兄
2009年， 市區新樓都唔係話買唔起啫，10000蚊呎都好好喇。 |
|
34. 東 2014-10-07 10:21:10 |
|
其實我都好唔明，點會有咁多人話買唔起樓．．．
(我唔只講果對e生律c...果對如果唔係做show，就係極品．．．)
唔好話09年，就算依家，都仲搵得到300萬下的樓啦
30萬首期，10萬雜費，月供1萬．．．
兩小口，一人搵一萬五，都供得起啦．．．
大學生做多幾年野，點會無萬五？
就算讀唔到上去，兩個後生仔，
搵間高級少少的西餐廳做waiter，月入都唔只一萬啦．．．
如果自覺兩個人，未來連一萬五都無，咁好明顯係自己問題啦．．．
咁咪同家人住下先，排公屋囉．．．
中年人都話難翻身，後生仔．．．？
唉．．．
香港再多啲呢啲人，怨天尤人，無得救了．．．
|
|
35. mt4money 2014-10-07 10:37:27 |
|
Location 對於各人的意義不同. 只應用來作為找樓的參考而已.
A 可以要返工方便的 location, B 可以要環境清靜的 location, C 要近外家.
而 location 亦包括了環境變和住客變的另外二個角度. 活生生的例子是 YOHO TOWN & 沙田第一城, 環境變和住客變 => 所以價都升都傻左.
|
|
36. i4kai 2014-10-07 11:42:54 |
|
買樓投資只講 Location, Location, Location, 跟本唔合理. 早幾年屯門D樓咪 Location 非常差, E+升到冇朋友！ 貴有貴做、平有平做姐！
自住樓叫 Location, Location, Location, 同買車叫 林寶堅尼, 林寶堅尼, 林寶堅尼, 冇分別 大把錢咪得o羅！
|
|
37. 東 2014-10-07 12:04:11 |
|
to 36
Location呢家野, 係會隨時間而變的
尋日仲叫偏遠, 政策一出, 就算鐵路要十幾年後先有, 籌碼都已經唔同晒
尋日仲叫做有海景, 明天一話賣地, 可能已經知會望屏風樓
講難聽啲, 分分鐘樓上個菲傭晾衫時一個唔小心.....前後幾秒, location可能已經唔同晒...
|
|
38. To 33. 引刀一快 2014-10-07 12:30:55 |
|
我70後，2009年才上車，西環，200萬有找。舊樓無會所無地鐵。
無所謂，一天有幾多小時在家？又不是天天用會所。唔喺搵得多，無問父母要錢。人地消費玩樂，我都有，但平有平玩/吃，我樣樣省D, 慢慢就有小小錢，之後買股票，但虧本打平手多，疊埋心水買樓自住，宜家一個double啦。當然，只是紙上富貴，但都好過無。
我認識一些80後，一上車就要新盤有會所有地鐵，有首期無？無就唔好心頭高，面對現實嘛。
機會只給有準備的人。宜家的年輕人太心急，不過很難怪，由賓賓帶大，要什麼就即刻侍候，人人為他服務、要順他意。又不願意承認不夠中國的人才競爭，又無世界視野。我認識一D70後大學畢業生，現在都過中產生活，但心態就停留在1990年以前，活在像牙塔，以為自己好民主，其實得淡笑。 |
|
39. LI 2014-10-07 13:14:28 |
|
Most of medical doctors in HK are employed by Hospital Authority, their salary scale is following government staff.
A doctor after 6 years in medical schools ( either HKU or CUHK) and completed one year of internship. He / she would become a resident doctor in public hospital, his/ her salary is point 32, ie (HK $46230). The max. point of resident doctor is point 46 ( HK $83370).
I don't know the pay of junior solicitor, hope this can give everyone a reference. ( date are from internet.)
|
|
40. To 39/F 2014-10-07 14:01:48 |
|
Junior So.'s salary varies in private sector from 25K to 60K in the first year of practice. My info. only. |
|
41. 引刀一快 2014-10-07 15:11:50 |
|
To 38樓
兄台可能誤會了，我話“ 2009年， 市區新樓都唔係話買唔起啫，10000蚊呎都好好喇。”
意指當年打電話同DT講，買唔到樓嘅醫生律師夫婦，係假嘢！
當時10000蚊已經可以買市區新樓，冇理由呢對高收入男女買唔到樓，咁解。 |
|
42. 好難講喔 2014-10-07 16:00:12 |
|
我和老婆月入合計三萬八，有一仔五歲，什麼樓盤合適？
月入只係用黎計按揭, 更重要的係月"可供"幾多...
可供幾多其實都唔太重要, 更更重要的係"首期"有幾多...
仲有, 你住開邊區? 你想你小朋友的校網係? 你有咩要求?
唔係釣魚的話, 就俾多啲資料啦.
咩都無講, 點答你?
答左都未必有用啦
e.g. 懶人兄答左都屯門, ok 喎... 但點知你可能原本住開港島東... ?
===================================== 一直同父母住係旺角。你要計月供，我好難答你，因為依傢每月交一萬蚊畀屋企當房租伙食水電就得，如果以後自己住開條數唔知點計？至於首期亦講唔埋，必要時向父母借啲應該仲得。我目前想買個兩房一廳，實用面積 600呎左右，最好有升值潛力。將來仔女讀書方面我認為小學唔需要太計較名校，方便及安全最緊要。屯門嫌遠咗少少。 |
|
43. To： 引刀一快 2014-10-07 16:27:31 |
|
我是38樓。 明白了，谢谢。
我想講，買唔到樓，唔好賴人。 |
|
44. 亮劍 2014-10-07 16:40:11 |
|
家庭月入38K，以我標準係乘100倍計，你只能買380萬左右的楼宇。 當借7成分25年供，以現行息率計算，供款每月11.5K，加3厘壓力測試约16K，都可过關合格。 搬出來住，每月水電煤差地管要計多约5K。 小家庭首置上件600实呎，仲要近市區应沒戲了，將軍澳都要10K幾啦… 為今之計，真係如蛻變兄話齌，只能選大西北咋。 |
|
45. 蜕变中嘅懒人 2014-10-07 18:51:13 |
|
懶人早個多月前話二手私樓上車盤300萬最後召集，现在連最低水嘅屯門碼頭區都無盤了，现在懶人話二手私樓上車盤350萬最後召集，有買襯手，唔係嚇鬼遲啲又無了。
现在懶人話二手居屋上車盤300萬最後召集，有買襯手，蘇州過後無艇搭，追悔莫及！ |
|
46. 蜕变中嘅懒人 2014-10-07 18:51:15 |
|
懶人早個多月前話二手私樓上車盤300萬最後召集，现在連最低水嘅屯門碼頭區都無盤了，现在懶人話二手私樓上車盤350萬最後召集，有買襯手，唔係嚇鬼遲啲又無了。
现在懶人話二手居屋上車盤300萬最後召集，有買襯手，蘇州過後無艇搭，追悔莫及！ |
|
47. 蜕变中嘅懒人 2014-10-07 19:00:19 |
|
二手上車盤睇嚟要谷到上400萬先會停，好嚇人？ 用心諗下，諗唔到唔緊要，遲吓樓市會表演俾你睇，不過嗰陣要大力揼，揼乜？大家都明白的。 |
|
48. 亮劍 2014-10-07 19:20:26 |
|
現在揾 30幾 K~40幾 K的家庭最頭痕，因為呢D家庭唔少係年輕新婚夫婦，但居屋就僧多粥少仲要係樓花，而 4M楼下的單位又就來步入揮手區，現在出埋佔中都不能質冧個市，呢次非常頭痛。 |
|
49. 引刀一快 2014-10-07 19:55:06 |
|
chun
春
Spring |
|
50. 引刀一快 2014-10-07 19:59:33 |
|
亮劍兄
今次要多謝佔中，大陸客消費下跌俾佔中掩飾咗，事實好快睇到，陸客真係減緊。唔關佔中唔佔中。 |
|
51. 新界東有冇運行？ 2014-10-07 20:07:02 |
|
家庭月入38K，以我標準係乘100倍計，你只能買380萬左右的楼宇。 當借7成分25年供，以現行息率計算，供款每月11.5K，加3厘壓力測試约16K，都可过關合格。 搬出來住，每月水電煤差地管要計多约5K。 小家庭首置上件600实呎，仲要近市區应沒戲了，將軍澳都要10K幾啦… 為今之計，真係如蛻變兄話齌，只能選大西北咋。 ========================== 多謝亮劍兄。我係紅磡個邊返工。想落如果大西北，不如睇下新界東有冇運行？起碼升值潛力似乎更大？面積細小小都可以，但如果唔夠500呎，或者冇兩房一廳，以後仔大啲會唔系幾方便。 |
|
52. to all 2014-10-07 22:40:47 |
|
成班on 9 喺度廢up!一d人應有之物政府根本就應該公平分配
投資物業得三個字: die, die 同 die
大家好快會中晒三個 |
|
53. 蜕变中嘅懒人 2014-10-07 22:55:11 |
|
52樓士佛痕，瞓唔著。 |
|
54. 蜕变中嘅懒人 2014-10-07 22:55:13 |
|
52樓士佛痕，瞓唔著。 |
|
55. 東 2014-10-07 22:57:49 |
|
52 共產過共產黨? |
|
56. 睇得通 2014-10-07 23:49:40 |
|
新界東有冇運行？ 傳統上新界東地理位置好過新界西, 新界西的風水學給人有一種不吉利的思慮??? 例如屯門山景光禿禿石陣,風水術語:食西北風,......等等,所以我一直對大西北沒有什麼好的觀感,此是個人分析觀點,大家不要介意......新界東地理位置則是一個中/港交通網交滙點...... |
|
57. 70後普通人 2014-10-08 01:13:23 |
|
To : 51樓
宜家400萬左右有2房，近千伙屋苑30年樓齡以下，近港鐵嘅私樓選擇極有限，以下一D屋苑請參考：
新界東 新港城 (馬鞍山站)、太湖花園 (太和站)、牽晴間 (粉嶺站)、粉嶺中心 (粉嶺站)、御皇庭 (上水站)、上水中心 (上水站)
新界西 屯門市廣場 (屯門站)、叠茵庭 (兆康站)、朗庭園 (朗屏站)、荃景花園 (荃灣站)、海濱花園 (荃灣西站)、翠怡花園 (青衣站) |
|
58. 亮劍 2014-10-08 08:57:48 |
|
我係紅磡個邊返工。想落如果大西北，不如睇下新界東有冇運行？起碼升值潛力似乎更大？面積細小小都可以，但如果唔夠500呎，或者冇兩房一廳，以後仔大啲會唔系幾方便…………
咁上水中心啦，要是早上7点幾上車，九成有位坐，睇下報紙、玩玩手機就到红磡，不過第二時要與双非童爭免費學位呢度頭痕，但4M楼下都有機会買500实呎。 |
|
59. CH 2014-10-08 09:28:28 |
|
要視乎小朋友係邊年出世，如果2013年前，政府未推0雙非，的確會面對大量雙非競爭，但如果係2013之後出世，雙非數字已大量減少，只剩餘少量衝閘得手嘅。即使如此，北區依然是跨境學童嘅“重鎮“，呢啲多數係單非，所以要考慮嘅反而會係教學質素嘅問題。至於上水中心，實尺500已經係三房單位，有純3, 1.5廁，及1.5廁連儲物房，一共三種，除了純三房可能低於5M, 但其他都要5M以上，而且無論邊隻三房，盤源都極少。4M以下只能買3百幾實尺嘅眼鏡房。 |
|
60. 引刀一快 2014-10-10 06:55:19 |
|
上水中心好呀，由屋企行到港鐵都有瓦遮頭，十號風球都唔怕。 |
|
61. 舍神 2014-10-10 09:24:01 |
|
一年前有個朋友在錦上路買了一棟全新村屋, 叫我入去睇.....我心想, 嘩.....山卡la 咁遠! 但去過後....令我改觀哂, 西鐵站少而快速, 比起東跌,由錦上路出TST 真正只需20mins! 肯定快過上水出九龍! 而且一個站就到荃灣! 去到錦上路站, 車站好大! 但四野平原,我所見到的活像一個未發展的沙田! 4個月前仲有around 200萬的單層村屋 (現在己近300萬) 結果加桉自住單位, 買了一層收租!租剛好夠供! 租約滿了....下個租約會開始有$袋! 呢三個月...西北的樓升到癲癲地! |
|
62. 舍神 2014-10-10 09:28:04 |
|
floor 51. 實地去睇睇有計啦! 不過....好似, 而家乜盤都吸乾!慘! My conclusion is: 不可以用舊觀念睇西北! |
|
