主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 文亮言

瀏覽人次：83544 回應：50

完美抑或完未的金融風暴

2014年8月12日

湯文亮

紀惠集團行政總裁

　　我有時候覺得做官的人非常可憐，就算天下本無事，亦經常要市民提高警覺，風暴即將來臨，但又很奇怪，當風暴有跡象來臨的時候，做官的人反而會說，無事，甚至說Everything under control。我知道這句話是藍爺口頭禪，我亦無意影射藍爺。不過，如果不說Everything under control，又如何做官，唔通話失控。

　　什麼是完美？可以說在世界上是沒有完美二字，舉例說，如果教練沙比說阿根廷在世界盃決賽打了一場完美的足球比賽，阿根廷總統一定會問，既然是完美，怎麼不能夠贏得世界盃，所以，如果結局未如理想，就算過程絕無瑕疵都不是完美，反而贏得冠軍的德國隊，教練路維又唔會承認打了一場完美的比賽，他只會說，阿根廷其實打得很完美，即是德國比完美更完美，而我相信完美是抽象詞中最抽象，既然是這樣，香港又怎會出現一個完美的金融風暴，或者財爺應該修改為接近完美的金融風暴，就算是如此，如果政府讓一個接近完美的金融風暴在香港發生，那麼，香港的官員就是極不完美，我相信以香港的財金官員質素，接近完美甚至不甚完美的金融風暴都很難在香港發生，但財爺叫我們小心金融風暴，很多人反而會反問財爺，究竟金融風暴完未？

　　在2009年環球金融海嘯襲港的後期，同一位財爺，不斷叫市民小心之外，又緊握開支，例如食物銀行當時接近乾塘，向政府申請撥款一億元購買必需食品，但財爺以環球金融海嘯，經濟尚未復甦為理由而拒絕，但是在幾個月之後，政府以經濟早已復甦，樓價趨升為理由開始出招，我真的不明白，點解香港的經濟狀況在大環境沒有重大變化之下，在幾個月間就由崩潰邊緣推向復甦，而在復甦之前，政府又不提出任何啟示，試問一個普通的香港人，又怎樣能夠知道香港經濟幾時會崩潰，幾時會復甦，而從政府發出的訊息，只有崩潰，風暴，海嘯，叫大家小心，那些聽從政府的順民損失了不少機會，甚至錯過置業良機，政府其實是知道，所以不斷出招壓樓價，目的是向那些順民交代，但樓價不跌，在政府官員來說，就是一個風暴，但官員們亦知道，政府如果再出招壓樓價，就必定會打擊香港經濟，甚至會出現一個接近完美的風暴。

　　在香港官員心目中，金融根本沒有風暴，完美風暴只會出現在房地產，財爺今次叫大家小心香港會出現完美的金融風暴，即是叫各位有意投資房地產的人打定輸數，在未來的日子是不會撤銷辣招，因為財爺不止一次說，當香港經濟有改善，樓價下跌的時候才會考慮撤招，未來有完美金融風暴，財爺又怎會撤招。

上一則：

逢三退一之去蕪存菁

下一則：

完美金融風暴只不過是財爺的驚方

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 法子 2014-08-12 08:40:52

法子《新盤租務市場的變化》

2014年8月12日

過去新盤一落成，由於有大批投資客同一時間收到鎖鍉去放租，租金都會「好抵」，甚至同區租務也會因為這原因租金會短期被影響。

但過去兩年，情況開始改變，例如車公廟溱八收鎖鍉，並沒有對同區租金有太大影響，而自己屋苑的租金也很快回覆正常。

現在（看節錄），新盤租盤竟然反過來可以「吊高來租」。這些變化都印證了我們一直的說法，香港起少咗樓，欠市場的單位越來越多，這是累積性的問題。樓市價格雖然上升了，但同意也越來越「實淨」，所以衡平比還維持在1.1到1.2之間，沒有跟隨樓價而上升。

-------------------------

節錄自2014年8月12日蘋果日報

逸峯叫租狼死　貴同區60%

【本報訊】租金持續攀升，連帶過往有望平租的入伙盤，業主也狼叫租。預計可於10月入伙的粉嶺逸峯，屬區內新落成較大型屋苑，有業主以每方呎叫租達實用呎租35元，媲美市區屋苑之餘，更較同區高出近60%。

恒地（012）發展的逸峯，位於粉嶺馬適路，全數4幢提供共728伙，毗鄰綠悠軒及帝庭軒屋苑。

美聯王子超表示，逸峯現有約10個預租盤，平均實用呎租約32元。屋苑現時叫租最平單位為1座高層B室，實用面積429方呎，兩房間隔，叫租13,000元，實用呎租約30.5元，原業主一手買入價約405萬元，若成功租出，預期租金回報率約3.85厘。

逸峯叫租最貴的單位為3座高層B室，實用面積511方呎，屬三房間隔，叫租18,000元，實用呎租35元，原業主一手買入價約477萬元，預期租金回報率約4.5厘。據悉，逸峯預計於今年10月底入伙。現時綠悠軒及帝庭軒，平均實用呎租約22元，該35元呎租高市價達59%。即使逸峯最平叫租每呎32元，亦高出區內平均呎租45%。

■逸峯預計可於10月入伙。

天晉2期陸續錄預租

另一邊廂，新地（016）將軍澳天晉2期，市場消息指，物業預計下月底可收樓，市場陸續錄預租，如3B座高層D室，實用面積549方呎，月租1.95萬元，呎租35.5元。

另屋苑1B座高層D室，實用面積550方呎，月租1.85萬元，每呎33.6元；5A座中層C室，面積845方呎，月租2.8萬元，呎租33.1元；5B座中層D室，627方呎，月租2.1萬元，每呎33.4元，天晉2期呎租與將軍澳中心呎租介乎32至39元相若。

2. 香港無奈 2014-08-12 08:44:08

其實財爺說的是，完尾的金融風暴，小心已經完了的金融風暴之後啟動的升勢。

3. 法子 2014-08-12 08:48:28

法子《新盤租務市場的變化》

2014年8月12日

過去新盤一落成，由於有大批投資客同一時間收到鎖鍉去放租，租金都會「好抵」，甚至同區租務也會因為這原因租金會短期被影響。

但過去兩年，情況開始改變，例如車公廟溱八收鎖鍉，並沒有對同區租金有太大影響，而自己屋苑的租金也很快回覆正常。

現在（看節錄），新盤租盤竟然反過來可以「吊高來租」。這些變化都印證了我們一直的說法，香港起少咗樓，欠市場的單位越來越多，這是累積性的問題。樓市價格雖然上升了，但同時也越來越「實淨」，所以衡平比還維持在1.1到1.2之間，沒有跟隨樓價而上升。

-------------------------

節錄自2014年8月12日蘋果日報

逸峯叫租狼死　貴同區60%

恒地（012）發展的逸峯，位於粉嶺馬適路，全數4幢提供共728伙，毗鄰綠悠軒及帝庭軒屋苑。

■逸峯預計可於10月入伙。

天晉2期陸續錄預租

4. 睇得通 2014-08-12 08:55:49

香港又怎會出現一個完美的金融風暴，或者財爺應該修改為接近完美的金融風暴，........

財爺是否感覺到他是一位完美的財爺???不斷警告/提醒香港市民要小心置業的財爺,他的苦口婆心,就如像提醒一位小朋友不要學習走路/跑步........永遠不會長大的,........坐著就可以安穩成長,成為一位成功人士........不怪得香港有這麼多坐輪椅的小朋友......

5. 做官的人非常可憐 2014-08-12 09:48:37

金融海嘯時基本食物好過鮑蔘翅肚，未復蘇就應該讓食物銀行儲定食物等派救濟啦，唔通等人食二手飯時都冇救濟咩，都唔知佢地點諗野嘅。

6. 有冇地產界5絕? 2014-08-12 09:48:56

港股的東邪、西毒、南帝、北丐、中

神通

如果有睇過金庸《射鵰三部曲》都知，想當年，第一次華山論劍，「天下五絕」東邪、西毒、南帝、北丐、中神通，爭奪武功天下第一，以奪取《九陰真經》。呢五位，堪稱當年中原武林五大絕頂高手，試想像，如果五人聯手，睇怕世間無人可匹敵。

返來現實世界，華山論劍啲咁Juicy嘅大戰，今日當然冇。不過今日港股界嘅東邪、西毒、南帝、北丐、中神通，如果聯手發揮內地，唱淡港股！你都咪話唔驚！

東邪－陸東：
話陸東係「東邪」，除咗好膚淺地因為有個「東」字外，最重要係因為，佢真係準過黃藥師占卦。
由7月28日開始，就開始見佢不斷講「港股難破25000…港股難破25000…」喃嘸喃嘸喃嘸、喃嘸到港股真係去到24900點附近就行人止步。

至於外表方面，金庸筆下嘅黃藥師，身穿青衣直綴，頭戴同色方巾，文士模樣，「正中帶有七分邪，邪中帶有三分正」。至於陸東，外表是正是邪，我唔評論。不過如果睇股市準，你梗係覺得佢正氣架，至於睇樓市呢？你懂的。

西毒－大摩：
來自西方的大摩真係好毒！今日突然出報告，高呼恒指升到5萬點嘅機會高咗！首先，大摩喺上年3月，首次作出2015年恒指5萬點嘅預測，當時恒指大約22000點。

結果上年6月，恒指就跌到去全年最低約19400點，足足唔見咗2600點呀！好可怕。再翻查紀錄，大摩97年金融風暴前，亦吹過恒指兩年內見28000點！「摩笛」今次好毒呀，失驚無神又吹多次「5萬點」。點解俾我炒多排，開心多陣都唔得？

歐陽鋒當年逆練《九陰真經》，搞到走火入魔，瘋瘋癲癲，搞到唔記得自己係誰邊個。講真，做得華爾街嘅大行嘅Banker，有邊個唔係走火入魔？如果唔係邊捱到？

南帝－沈大師：
沈大師冇可能唔係南帝囉，大師法力無邊，今日於本報以「派對開始不妨鬥癲」為題，話港股踏入牛市，港股即時贈慶跌成200點，唔好話「一燈大師」，叫佢「爆燈大師」都仲得呀！

如果南帝「一燈大師」點出一陽指，對方經脈盡斷；家陣沈大師，唔係貼升市咁簡單，佢係唱港股牛市呀！咁港股經沈大師一點，港股輕則上升動力全失，重則急插。

北丐－葉茂林：
葉茂林對大市走勢，本來冇咩指標作用。不過，佢今日一句「滬港通係大時代的來臨！」真係嚇到我心肝仔噗噗跳。大佬呀，依家講緊大時代，即時諗到「丁蟹效應」，「大時代」真係跌市嘅代名詞嚟架！葉茂林呢句，講到尾，就係唔老黎囉。

至於點解葉茂林係北丐？我只係知道，每晚Magnum（2080）門口，都會有一堆飢渴嘅男女去排隊跟葉生搵食。丐幫幫主，非葉茂林莫屬。

中神通：
王重陽，全真派的創派祖師，武功略高於東邪、西毒、南帝、北丐。中神通，作為Final Boss，身份當然唔係咁簡單。即係咁，每個散戶，身邊總會有啲朋友，好燈！呢盞燈一出招，佢就有能力抗衡一切外力。可能係佢一沽貨，個市就爆升；又或者佢一去旅行，個市就即隊。至於你身邊有冇「中神通」，就要靠你細心留意身邊人事。（都叫你哋炒股多做功課啦，功課唔係只係睇專欄就得架！）

by千頌C@堆填區

7. 向饭民说不 2014-08-12 09:59:30

97年的金融风暴难道不是完美的金融风暴。

今日香港的最大问题是美国佬在香港的代言人站在民主高地玩分裂，而大陆在主权问题上不可能退让。大家都已经show hand了，可幸的是美国佬代言人的占中应该是搞不成了。

美国鬼到处点火，在乌克兰，伊拉克搞到一团糟。虽然我反共，但是也要庆幸背靠强大的祖国，有人民解放军安定民心。如果不是香港一定被美国鬼颠覆，像乌克兰，伊拉克等等那样。

8. 蜕变中嘅懒人 2014-08-12 10:10:22

懶人有個財神牌牀頭鬧鐘，指示長時間支針唔準，指示短時間支針都唔準，啲指示無時準，靜係識得食電，而且食量好大，要駁個火牛俾佢任食，至滿足到佢咁大支出，但係個財神牌牀頭鬧鐘仲衰過個唔識行嘅鬧鐘，連一日準兩次嘅能力都無，唉！都算嘞，見佢個樣執得幾正、幾靚仔，攞係度當裝飾都好，點知佢近來仲衰多幾錢重，九一自動鬧吓、九二自動鬧吓，總之隨時失驚無神就嚇吓你，半夜三更都嚟臣，嚇到你三魂唔見七魄，正宗衰神自動鬧鐘，噤都唔停，嬲起上嚟掟咗佢落垃圾桶，留佢喺度赚嚇死你為止。

你明架啦。

9. 蜕变中嘅懒人 2014-08-12 10:10:58

你明架啦。

10. 心血管塞佐 2014-08-12 10:25:18

連一日準兩次嘅能力都無，唉！都算嘞，見佢個樣執得幾正、幾靚仔，攞係度當裝飾都好，?????????

心血管塞佐,要爭先通波仔.........

11. 亮劍 2014-08-12 11:01:16

自我陶醉兄----

1. 超級跑車---炫耀自用保值
2. 陳年紅酒---自用保值
3. 極罕有錯版郵票<全國山河一片紅>---炫耀保值
4. 清末圓明園十二生肖銅獸首---炫耀保值做人情
5. 黃金---炫耀自用保值
6. 奢侈品---炫耀自用保值

7. 股票---收息保值
8. 債券---收息保值

9. 樓宇---自用收息保值三合一，極端稀有的豪宅還可以作炫耀工具

10 衍生工具---係賭博啫

現在請問你，世界上有邊啲奢侈品，可一炮過作人百幾二百萬，幾千萬甚至十億八億？而且佢還可陸續有來，長玩長有呢？

想起來唯有某些地區嘅房地產能做得到！

客觀來講，你香港作為大陸同胞其中一個資金落腳點，我們應該大叫執倒，你 CY 仲唔打蛇隨棍上，幫助庫房搵翻一大筆--------真不該！

可能有人話：

香港無地起樓喎⋯⋯每次去機場及落馬洲，只要你見識下沿途十分八分鐘荒蕪景像，你就會少爆呢個特衰正苦攪乜傢伙，剩呢兩度都可以起你幾拾萬個單位，咁有啲公屋居屋，一半起私楼，得唔得呀！

無工人去起樓呀⋯⋯建築工人唔夠，咪揾外勞囉，新加坡同澳門咪又係咁大興土木！

會做成貧富懸殊⋯⋯強國人來買靚樓，點都要跌啲出來，咁政府咪有錢起公屋、攪基建、建醫院去製造就業，扶助貧困人仕囉！

炒熱二手樓樓價⋯⋯你驚同胞及公司客搶高D樓價，那麼可規定佢哋只能買嗰啲幾千萬未開頭嘅靚嘢啫，那你政府齋係坐喺度抽佢哋水，都抽到你嘔啦，呢啲就係「劫富濟貧」，請問咁係咪正路先？

沽空樓市的你請注意以下事項:----

1 理論上淡倉被夾, 升幅可以係無限, 例如香港最近呢四五十年, 樓價就算計賬面, 亦可升成幾拾甚至成百倍.

2 如果計算有誤, 淡友好多時要在你唔合心水既位果陣, 被迫平淡倉, 但持倉者如果借貸唔重, 槓桿唔大, 大丈夫話唔出就唔出.

3 大市要是牛皮, 持貨者可有租金收入幫補以戰養戰, 但沽空樓市者就要不停俾租.

4 沽空樓市要速戰速決, 不能磨爛蓆乃常識, 但持有物業者就可運用短中長棍, 而且自用或收租亦可.

12. 向饭民说不 2014-08-12 11:26:25

邓小平真厉害，当年一定要在香港驻军，香港无老解，香港必定被毒果，饭民和老美玩残。

13. Small Potato 2014-08-12 11:37:53

覺得財爺同董伯伯當年一樣，好心做壞事！香港人會為自己打算，如果財爺反過來経常為他們提供完美的福利，反而累了他們，因人總有惰性，取易捨難。

但人總要為自己生存，只要他們経歴肚餓，便會有目標地努力工作。相反，零工作零付出，便可以完美地不愁生活，有屋住又每個月定時有現金比你，任誰都會取易捨難，但這些完美的福利只會越來越多越完美，我們可以無止境咁付這些賬嗎？這樣下去，香港又如何可以繁榮下去？

14. 好自私言論 2014-08-12 12:08:42

其實終日說三道四的財爺原因只得一個就是想人覺得香港不能沒有他

15. 他最想有金融風暴 2014-08-12 12:17:06

他已在位太久如果又有金融風暴他又可以坐這位置多三五年對嗎?

16. 子婷 2014-08-12 12:58:28

其實自由市場，會自然調節，自己就會put itself into control，何必他們出招？他們出招，才影響了control。

每個人對『完美』的定義都不同，正如位置不同，『對』『錯』也不同。

17. 順民 2014-08-12 13:27:10

雖然我係食齋，但我好慶幸飯桌上有件厚切安格斯牛扒配埋枝法國紅酒。雖然我係反美，但我好慶幸在暑熱街頭，能走進去麥記買杯可樂加冰。哈哈！

18. e_kam 2014-08-12 13:53:37

完美風暴 - Perfect Storm
http://en.wikipedia.org/wiki/Perfect_storm
A "perfect storm" is an expression that describes an event where a rare combination of circumstances will aggravate a situation drastically.^[1] The term is also used to describe an actual phenomenon that happens to occur in such a confluence, resulting in an event of unusual magnitude.

19. 打工仔 Andy 2014-08-12 15:49:06

作為財爺, 提醒市民小心市場風險是無可厚非！

但點解要加上〝完美〞兩個字呢？唔通連佢你已都講到悶晒, 要加d形容詞上去！

但聽起上泥, 好似有 d 睇下你地點死的感覺！

20. 小子 2014-08-12 17:21:15

1. 財爺沒有義務幫大家發達, 但佢唔想你地PK.

2. 完美風暴只係列出條件, 財爺係指條件俱備, 但發不發生他就沒說.

其實在其為, 謀其政, 他說那番話也無可厚非!

21. 小陽 2014-08-12 18:51:04

湯博士係e缐金融網----又學嘢！

22. Albert 2014-08-12 19:03:17

財爺中咗"老媽吟沉咒"......

睇車呀.....睇路呀....小心食嘢.....小心D落樓梯.....唔好去夜街.....小心識到壞人.....小心熱親,....小心凍親......買股有股災.....買樓有冧市.....出街有天災...........

23. 小陽 2014-08-12 19:06:49

新盤兩日旺銷234夥傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實

24. 小陽 2014-08-12 19:35:02

湯博士，係香港電台聽到你訪問，好開心，又學嘢，真係好期待你本大作，真的要簽名，俾我show係Facebook .

25. 兒毒可殺父 2014-08-12 20:44:01

新盤兩日旺銷234夥傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實????????????????

兒毒可殺父!!!!周? 亮!!!

26. 物業初哥 2014-08-13 00:41:13

剛剛聽完博士的電台訪問,要再聽多次!

27. 引刀一快 2014-08-13 02:17:49

原來順民兄食齋，阿彌陀佛，善哉善哉。

今日欠人家少D，第日還得輕鬆D。

28. 引刀一快 2014-08-13 02:33:24

To 20樓小子兄

索羅斯已經扎好馬，呢D消息我唔信呢度嘅臺柱唔知道，不過冇人會提啫。索羅斯一心返嚟尋仇，喺邊度跌低就喺邊度頼死咬住唔放。

29. 怕麻煩怎得世間財？ 2014-08-13 07:22:54

昨天放工後與一班朋友宵夜，天南地北一番，當中突然有兩位出來工作數年的較年輕朋友，說樓價又破頂，他們更難上車，實在不甘心云云。

筆者多事，向這兩位朋友問有沒有申請今期的iBond，並說只要用幾萬元抽得兩手，昨天在暗盤市場沽出，已能獲利近800元。得到的回答，其一說「太麻煩」，另一則說沒有幾萬元的資金。

筆者就說，你倆出來工作已有數年，月入也有萬餘元，雖說不多，怎麼連數萬元也儲不了？那就算樓價跌七成，你們也沒有首期置業和供樓。

筆者又說，抽iBond有何麻煩？筆者在網上申請，只花了約半分鐘，如要出售，也合共只花了一分鐘，便有近800元落袋。既想買樓，有錢又不去「執」，如何說得過去？

其實，世上想有好處，卻怕「麻煩」的人多的是，只會白白錯失機會。

筆者昨日看到新聞，說天水圍嘉湖山莊錄得了一宗專業人士以1.7萬元租了一個800餘呎三房單位，代理說該單位景觀靚兼有全屋裝修，兼嘉湖缺租盤，才有這宗建呎逾20元的租盤成交。

不過，根據筆者了解，同區慧豪廷一個50多樓，建築面積逾千呎的四房單位，擁有大露台，望盡深圳灣兼米埔270度超靚景，也有超靚裝修，絕對是樓王單位，今天才起租，月租只是1.6萬元，建呎租金略低於16元。

看來，那位用1.7萬元租嘉湖的專業人士，並不知該屋苑最近仍有9000多元的三房連裝修租務成交，一聽代理說缺盤，便「怕麻煩」的付出遠超市值3至4成的租金，如對自己的荷包有仇。

撰文：陸振球（明報地產版主管）

30. 工商舖學神 2014-08-13 14:07:15

小弟都好期待湯博士本大作, 到時排隊索簽名！

31. 蟹民　對著幹篇 2014-08-13 15:15:02

亞爺比張十月好牌你上，你唔領情做番舖靚牌，仲掉轉頭話小心會累街坊輸仆街。

曾爺爺，你成日計錯數都算喇，伊家仲衰到憎人富貴要人貧先覺得自己有存在價值！！你老喇！無謂害di後生一次又一次錯過黃金機會。正所謂人生有幾多個十年，十年前亞爺比個購物自由行你，班狗官唔好好搞好城市硬件，十年後比多次機會你，比個股票自由行你，你就話製造咩Q完美風暴，你唔好話比香港人聽，你班狗官連錢多都驚想唔要，而唔係把握好機會去做好佢做大個餠。教到班後生只懂計縮數，靠上一代剩落既，再唔係伸手攞公屋綜援.............!!

曾爺爺，為香港好，為下一代好，你提早退休啦！！

不過話分兩頭，有智慧既一小部份香港人，都知道曾爺爺你係一箋明燈！

聰明人會知到點去理解你既說話，就如點去睇你年年計錯數一樣！！　

　　信你一成，雙目失明！！

32. 香港無奈 2014-08-13 17:23:40

香港個個所謂高官，人工貴貴，能力低低。。

33. 博士都識暗寸淡友 2014-08-27 11:21:54

那些聽從政府的順民損失了不少機會，甚至錯過置業良機，或者這幾年以引刀一快的決心賣了自己間屋，等樓價跌再買返。如今只能每天和幾個順民在這裡自我陶醉。

34. 引刀一快 2014-08-28 09:05:26

小心呀，做人陰陰濕濕，分分鐘爛屎忽。

嘻嘻，你心情仲未平復？？唔駛咁嚟搵平衡喎！

35. 引刀一快 2014-08-28 09:20:53

To 33樓

你個名，出賣咗你喇，撈波弟。

36. HK 民主已失去，樓價不能不跌 2014-08-28 11:06:17

下年樓價要下跌！美國要加息，港樓冇得升

37. 下年羊年不利港經濟 2014-08-28 11:10:56

有風水師也說每逢羊年不利港1967，2003年你也記得香港怎樣，不可能樓價不跌！

38. 東 2014-08-28 11:35:14

to 36

對, HK 民主已失去
要多數人服從少數, 唔服從就癱瘓中環, 惡意中傷對方, 反對自己的人即炒...

香港民主已死 ......

39. 佔中一獨即發 2014-08-30 11:21:35

佔中似乎使政治動亂，樓價終於下跌！

40. 蜕变中嘅懒人 2014-08-30 12:12:44

佔中牌假偉哥，食咗2年都無厘火氣發唔到威，今次形勢比人強，上多幾粒夾硬搞，結果會點？懶人预測，雷聲細，雨點微，夾尾狂奔早唞收皮，應該係咁。

以上描述係講佔中三鼠，唔係講懶人，敬請明鑒。

41. To 40，你是親中派 2014-09-01 13:28:12

不要看低佔中三子，昨天已說HK 抗命開始，仲有一班大專生加入，當年89年民運也是學生開始！

42. 打工仔 Andy 2014-09-01 13:52:06

To 40 懶人兄

昨晚在電視見到佔三子係到〝打鑼打鼓〞個樣真好可憐, 中央已經作了最壞打算, 唔通堂堂大國會怕什麼三子嗎？得不到的就要倒亂！做乜野教授？做乜野牧師？

唔滿意就快快移民吧！

43. 蜕变中嘅懒人 2014-09-01 14:28:42

TO 41樓兄台

懶人唔係兄台諗嗰類盲目親中派，基本上算得上係政治冷感派，回歸以來只登記過一次做選民，投過一次票，懶人係愛國者，愛嘅係國土同胞，喺香港出世更愛香港，只愛對國土同胞好嘅统治者，恨禍國殃民嘅统治者，對英國強搶香港但卻以顯赫經濟成就回歸祖國，心裡只有佩服英國人嘅能力，但並無一絲亳感激、更加無愛，非我族類其心必異係歷史教訓，懶人只對樓市升跌有興趣，用心觀察政治環境係為投資取向服務，何人做特首、何人做國家主席，懶人都要一樣要靠自己揾食生存，好嘅统治者令人民生活好一啲，令國家強啲不致受外國欺凌，令人民有尊嚴地活下去，但一樣要自力更生才有個人前景成就，全國都人有前景成就，國家才有成就，至於泛民佔中集團必以失敗告終係懶人估計，兄台請走着瞧，並多謝回應。

44. 蜕变中嘅懒人 2014-09-01 14:48:00

TO 42樓打工仔兄

兄台與懶人同一感覺，真係心有靈犀一點通。

45. 引刀一快 2014-09-01 23:10:35

懶人兄

“對英國強搶香港但卻以顯赫經濟成就回歸祖國，心裡只有佩服英國人嘅能力，但並無一絲亳感激、更加無愛，非我族類其心必異係歷史教訓”

我加多様，就係對國人唔爭氣感到極端痛心。

46. 蜕变中嘅懒人 2014-09-02 03:49:25

TO 45樓引刀一快兄

兄台話：（對國人唔爭氣感到極端痛心。）

懶人係中共立國之年7月在香港出生，係大中共3個月嘅亞哥，與中共一起成長，不知何解有種難兄難弟嘅感覺。

懶人細路仔時一無是處，懶讀書、逃學、打架、反叛、偷錢、唔怕打激死老豆揾山拜，唯一興幸係未試過吸毒，13歲半輟學做學徒，之後6年轉過幾份工，不知努力上進，被炒鱿2、3次，直至20歲前喺工廠邂逅前妻，有幸共處28年，前妻嘅溫柔婉顺、堅毅不屈嘅性格令懶人從此改变一生，刻苦勤工、進修增值，直至1997年6月、香港回歸前再婚生子至今。

懶人以10年作一階段回顧一生，當中縱有大小波折不斷，但到今日而言一段比一段好，但願往後一如既往，不斷努力、一帆風顺、終此一生。

懶人對比中共立國至今、同樣以10年作一階段回顧、顺逆跌蕩何其相似，中共不足之處仍多，但慶幸仍向不斷改進、不斷強大之途邁進，兄台對國人唔爭氣感到極端痛心之餘，仍請体諒治理十多億人口大國，工程何期繁鎖艱巨，安內攘外在在須時，再10年又再10年，中國自有一番新風象，懶人願以有生之年，與引兄耐心等待。

47. 引刀一快 2014-09-02 07:53:35

懶人兄

我所講，令人痛心嘅，唔係指中共，而主要係國人本身！

中國人有句話，人心不古，我唔知古到幾時係好嘅，但係依傢，起碼從我成長以來，見到劣品多于佳品，社會共同嘅價值觀，講同做完全分兩套。

我舉個例子，我以前剛到大陸讀書，大陸以前D學校係有宵禁嘅，11點全部關燈停電，後來太熱慘無人道先放幾個鐘頭電俾人吹風扇。有晚成個宿舍嘅人，熄燈之後繼續吹水，大家講起好多外省女仔嚟廣東省打工，有個叫阿榮，佢話佢果班friend好勁，呃咗隻雞岀嚟，五個人輪姦佢，搶晒佢D錢，跟住打佢一身，仲要除晒衫褲先掟佢出街。我聽到好唔自在，我話：“阿榮，你班friend真係人渣嚟嘅喎，你仲話佢地勁呀！”，當時其他人都係顧左右言他。往後四年，我未停過俾呢個人整，最可怕嘅係佢拉攏到人一齊整。懶人兄，我呢班宿友係當年嘅尖子，千軍萬馬過獨木橋岀嚟嘅同學，都有咁嘅情况。呢個世界邊度都有衰人，但係衰人喺大陸好有生存空間，衰人可以當道，係因爲整體中國人文化出現致命嘅缺陷，我覺得同文革脫不了干係。呢件只係我呢21年見過嘅無數事例中，比較容易簡單直接咁講岀嚟嘅一件啫。

正義感存在於中國大多數人身上，不過會發揮岀嚟嘅係極少數，愛國心存在于每一個中國人嘅心裏面，不過知道如何為愛國付出嘅人，比例又係極少。喊口號就鋪天蓋地，做實事嘅就少到可以上報紙。去謾駡，打爛人地D嘢，打爛人地部日本車就識，點為國家爭面子就冇個識，我痛心就係痛心呢D，呢D問題唔改善，等幾耐都係假，國家會一直顧此失彼。

不過，南風北吹，近年已經好咗好多，香港嘅電視起咗好大好大嘅作用，依傢廣州人冇幾多操濃厚廣州口音，因爲睇香港劇集成長嘅人多，禮貌好咗、比以前講道理。相對嚟講，算係越嚟越守規矩、”素質“越嚟越高。

我所放眼嘅係統一，香港嘅問題完全冇國家嘅問題咁入心，對香港嘅期待係點樣可以發揮香港歷史遺留嘅作用，為大陸注入利好元素，加速大陸發展，同埋，對大陸發展取向起良性導引作用。

懶人兄屬牛，可以諗得到令尊掌你呢隻牛有幾辛苦，引刀嘅經驗，屬牛嘅人真係一邊頸嘅，不過都係正道人居多，我有兩個屬牛嘅師弟，不約而同，都係：叫佢去玩－－唔去，叫佢食宵夜－－咁夜唔去，有事叫佢幫手－－馬上到！若果想改變屬牛嘅人嘅想法，呵呵呵，不如改變自己好過。

懶人兄前妻對懶人兄嘅影響好正面，聽落有春風化雨頑石點頭之感，共聚時間又咁長，唔知懶人兄有冇同前妻嗌過交呢？我諗懶人兄就算回憶起嘅係嗌交，心都係一絲牽腸一絲甜。個人少少建議，就算懶人兄与引刀同爲吃貨，唔好食貓狗，最好見到野味就救下，小小建議，我諗懶人兄咁醒必然心領神會。

48. 佔中發動樓價跌！ 2014-09-02 13:52:59

有樓在高位好走喇！

49. 蜕变中嘅懒人 2014-09-02 14:17:00

回47樓引刀一快兄

懶人其實明白引兄痛心嘅係國民素質，只係平均國民素質就係國家素質，人願意向好，即使用上廾卅年光景係值得，领導層願國家好，即使用上五十、一百年光景都係值得，國家與國民同在波瀾壯濶環境反覆之勢向好之中，時間證明過去如是、未來仍將如是。

引兄觀察屬牛之人性格真可能類似：梗直、守信、耐苦、固執，懶人性格都近似。

至於前妻係一個懶人永遠唔會對佢呼喝一聲嘅溫柔婉顺女人，佢只要用幽怨嘅眼神望住懶人，懶人就知道做錯事，28年來我俩從未試過一次嗌交，懒人只知為她每日要做得更好，到離開十多年後今日，每次思念亡妻惟有眼淚两行。

引兄叫懶人唔好食猫、狗、野味，自當從命，根本己經好多好多年我都無食過，更加明白引兄嘅心意所指，我會以後都唔食。多謝引兄好意！

50. 樓價要下跌！ 2014-09-03 13:03:49

佔中今下月發生，樓價要回落了！

完美抑或完未的金融風暴

湯文亮

紀惠集團行政總裁

港股的東邪、西毒、南帝、北丐、中

雖然我係食齋，但我好慶幸飯桌上有件厚切安格斯牛扒配埋枝法國紅酒。雖然我係反美，但我好慶幸在暑熱街頭，能走進去麥記買杯可樂加冰。哈哈 ！

新盤兩日旺銷234夥 傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實

新盤兩日旺銷234夥 傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實????????????????

兒毒可殺父!!!!周? 亮!!!

雖然我係食齋，但我好慶幸飯桌上有件厚切安格斯牛扒配埋枝法國紅酒。雖然我係反美，但我好慶幸在暑熱街頭，能走進去麥記買杯可樂加冰。哈哈！

新盤兩日旺銷234夥傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實

新盤兩日旺銷234夥傳湯家驊1175萬購逸瓏灣. -----父毒不吃兒-----唔駛驚佔中啦！口裏說不，行動卻最誠實????????????????