|
1. 蜕变中嘅懒人 2014-08-11 08:46:58 |
|
湯博士，早上好 懶人係博士逢三退一信徒，照足網上指引做，原來只係三分一功力已經令懶人覺得心中安穩，我唔會見樓價高番啲就諗三諗四後悔，話懶人擦博士鞋係对懶人精神鼓勵，博士出書，懶人祈待買到簽名版珍藏，希望博士有咁嘅安排，预祝一書風行。 |
|
2. 蜕变中嘅懒人 2014-08-11 08:47:33 |
|
湯博士，早上好 懶人係博士逢三退一信徒，照足網上指引做，原來只係三分一功力已經令懶人覺得心中安穩，我唔會見樓價高番啲就諗三諗四後悔，話懶人擦博士鞋係对懶人精神鼓勵，博士出書，懶人祈待買到簽名版珍藏，希望博士有咁嘅安排，预祝一書風行。 |
|
3. Joseph Low Nang 2014-08-11 09:00:48 |
|
主張租樓的人，只會幫人供樓，永遠都係窮L. |
|
4. 大寶二寶 2014-08-11 10:09:26 |
|
博士，我也想要你本新書嘅親筆簽名版，吾知得吾得呢?
|
|
5. To 3/F brother 2014-08-11 10:32:55 |
|
No good to curse other people. Everyone's situation is different and may be wealthier and happier than other people think. |
|
6. 大王妹 2014-08-11 10:36:49 |
|
博士，雖則我看你文章後，做了逢三退一的決定（七間賣三間），但我不是因樓價破頂而後悔，而係銀行唔再借樓按比我換其他更優質的，但若是Full Paid買的話，冇槓桿又唔好玩兼唔抵！ 所以損失四百萬固之然有些所失，之但係深刻體會賣左買唔返之道理！ |
|
7. 惜緣 2014-08-11 10:59:03 |
|
|
|
8. 大王妹 2014-08-11 11:04:55 |
|
不過在我心想，冇所謂啦！ 正所謂03年４間負資產都捱得過，到現在４間正資產，仲有點儲備，又點會唔感恩先得㗎！ 而且錢夠用就ok,最緊要有喜歡的屋及伴侶就已經心足啦！ |
|
9. 大寶二寶 2014-08-11 11:21:49 |
|
回8 大王妹
非常認同又羡慕。 做人最緊要知足。祝生活愉快。
共勉之， 哈哈！ |
|
10. 亭子間嫂嫂 2014-08-11 11:28:56 |
|
博士的逢三退一理論很有道理。但對於像我這類實力唔夠的小業主就未必適用, 我只能根據自己的能力逐間買入果D細價單位,而後長揸唔放. |
|
11. 師nine 2014-08-11 11:33:10 |
|
各位仁兄仁姐，逢三退一係咪有三間樓賣—間意思？湯博士最近是否覺得樓市明年會下跌？可否解釋一下。謝謝 |
|
12. 睇得通 2014-08-11 11:38:42 |
|
首部曲叫去蕪存菁，而第二，三部曲我仍正在構思名字，.......... 輕鬆上陣,收復失地!!! 丟掉幻想,準備戰鬥!!! |
|
13. 村長 2014-08-11 11:46:21 |
|
本村長, 2年前都把握左一次黃金機會, 逢三退一 ..... 應該係, 退一進三先岩
以超高價連約冇樓睇賣出 1 樓劣質單位, 換入三間自己認為更有投資價值的九龍東細單位.
結果到今天, 換入的 3 個單位, 升左 3成多. 而賣出的單位, 跟據最近樓上的成交價, 極可能原地踏步, 冇升過 |
|
14. 亮劍 2014-08-11 11:50:10 |
|
買樓賺大錢 要抵住誘惑 陸振球 2012年2月25日 近期樓市出現「小陽春」，令業主和準買家既喜旦驚，喜的是樓市似已穩定下來，但業主又怕稍後樓價又再受壓，對於準買家而言，似乎是追價入市機會，卻又恐變成摸頂。為此，《明報》上周舉辦樓市研討會，為大家剖析樓市最新形勢，並提供策略部署建議。
紀惠集團行政總裁湯文亮在研討會上指出，他早在1月時已公開表示，樓價會稍跌回升，當時指待銀行年中放寬按揭後，樓市將出現如天文學的「厄爾尼諾」現象，準買家加快入市，同時刺激原來未有入市意欲者，看到樓價回升，也加入搶貨行列，從而搶高樓價。
湯文亮：不要介懷短期波幅
湯文亮說，農曆新年過後出現樓市價量齊颷，速度較其原來預期更快，並指樓市因過去一年交投萎縮，所以凝聚龐大的購買力，估計今次小陽春的力度，會較一般人預期的更強，並更持久。
至於部署策略方面，湯認為但凡買樓，應從長線和賺大錢角度出發，不要太介懷短時間的波幅。他解釋，就如紀惠現時擁有價值200億元的物業資產，在入市時，都是先評估10年後的租金收益和升值潛力，而極少作短炒買賣。
他指出，買物業收租，其租金收益和升值潛力，其實具有被稱為「世上第11奇蹟」的複利效應，要時間發酵，收租和樓價格升幅，就如公務員一樣，既有隨大市的升幅和「增薪點」，更有因社區和經濟發展而出現的額外升幅（公務升職後加人工），當10年、20年以後，隨時有數十倍的複利式增長。 然而，湯指要長期持有物業並不容易，一是要能抵住誘惑，比如買入一個價值1億元的優質舖位，只付了1000萬元訂金，沒多久便有經紀說有客願意以1.1億元洽購此項物業。
驟眼看，沒花了多少功夫，只付了1000萬元，轉售便能多賺1000萬元，獲利1倍，很吸引？其實不然，因這些機會不是時常有，賣了優質物業，卻不容易買回，更喪失了長線賺大錢的機會。
低息時代 長線揸貨更有利
另外，就算能抵住誘惑，如當初入市槓桿太過高，當市況逆轉時，有可能因供不起樓，又或是被銀行追差價，如應付不來，則可能在低潮時被逼沽出物業。因此，買樓最重要是「量力而為」。
他又指出，以往高息年代，因租金收入往往抵不夠供樓，投資者要被逼「以戰養戰」，即雖然看到租金和樓價的長期升值潛力，也要沽出一些已升值物業，變現來為餘下的組合供樓。
但近年低息，令到租金收入容易夠供樓之餘，更可能有淨收入落袋，更加有利投資者長線持有物業。
小陽春後 樓市料牛皮
明報地產版主管陸振球在同一場合指出，他經常會以10個指標來觀察樓市，包括﹕（1）供應、（2）利率和按息、（3）通脹、（4）租金回報、（5）供樓負擔比率、（6）經濟增長、（7）失業率、（8）股市、 （9）貨幣供應及（10）美元走勢。
先說供應，近一年來政府無疑增加了土地供應，並答允復建居屋，但建居屋需時，估計2014年以前，每年落成量仍不足2萬伙，對樓市未必即時造成太大衝擊。同一時間，美國聯儲局卻暗示2014年底前仍會維持超低息，近期雖然中國和香港通脹稍為回落，但仍在相對高水平，則對樓市有支持作用。
至於租金回報，現時一般住宅單位仍平均3厘多回報率，仍高於按揭息率，供樓負擔比率接近20年的略高於四成水平，對樓市屬於中性。雖然預計今年經濟增長率會較去年回落，但失業率卻處於近年低位，兩者的好淡作用可算互相抵消。
美元回軟港股回升 造就小陽春
另外，市場憧憬中國會放寬銀根，以及美國有可能在總統大選前推出QE3（第三輪量化寬鬆措施），如成事，則有利刺激香港的貨幣供應增加，但效果料會遜於QE1和QE2。至於美元走勢，歷史數據顯示，每當美元走強，香港樓價多偏軟，美元弱時，香港樓價則強，近期歐債危機緩和，除令港股大幅回升，有助增加樓市信心外，歐元也趁勢反彈，令美元回軟，香港也同一時間出現了「小陽春」。
油價升穿頸線 反映地緣政治風險
陸振球認為，總合上述10個指標，對樓市的影響好淡皆有，因此，估計當「小陽春」過後，樓市表現會牛皮居多，不會大升，也不虞急跌。當然，後市仍要考慮特首選情後的政策風險，以及近期油價升穿大型頭肩底的頸線阻力，其中原因包括市場憂慮美國及盟友會否攻打伊朗，若真成事，將影響全球尤其中國的石油供應，對股市和樓市，都可能會造成衝擊。
明報2012年2月25日<<睇樓Guide>> |
|
15. Oscar Lam 2014-08-11 11:56:21 |
|
| 逢三退一
| 131. Oscar Lam 2014-07-27 11:02:35 |
|
127/f 珍港兄，看你的投資策略，你不止是一位長期投資者，更可以說是超級長期投資者。哈哈哈！
在下認為，住宅物業，除了第一層自住外，其他的均為投資產品，和股票、基金等無異。 既然是投資產品，除了租金收入以外，我們更加應該要追求它的價格升跌，不應存有太多 的私人感情。因此，在價格相對高的時候，我們會把部份物業賣掉，套取現金備用， 等待下一次的投資機會。這和貪心、見好就殺雞、或賺埋最後嘅銅板無關。
在以前，我們還可以利用物業升值原因向銀行申請加按套取現金再投資，但現在已經很難 做到這一點。如果我們單獨靠租金收入儲錢再投資將會十分緩慢，中間更加有可能失去 其他投資機會。簡單來說，如果沒有足夠的資金，就算機遇來到，你也很難做到人棄我取。 因此，在適當的高位賣掉一些物業是合理的做法。博士所講的逢三退一投資策略的精神 亦是如此。
另外，你提到的優質資產，如果是住宅，相同的地區、相同的屋邨、相同的大廈，供應 不會少，將來要回購，有何難度？如果價格好，為何不可以賣出？
在下也是長期投資者，一般持貨超過三、五年才會考慮賣出，因為我相信，只有足夠的 時間才能充分反映物業本身的價值，但就不會像珍港兄一樣有入無出。法子兄說過當衡 平比達到1.6的時候就是出貨的好時機，不知珍港兄認為何時才是出貨的好時機呢？
|
|
|
16. 不明白 2014-08-11 12:27:45 |
|
博士,你本書幾時出 ? 期待 ! |
|
17. Oscar Lam 2014-08-11 12:40:39 |
|
期待博士新書！ |
|
18. Oscar Lam 2014-08-11 12:58:35 |
|
| 逢三退一
135. Oscar Lam 2014-07-28 07:51:15 |
| 133/f 珍港兄， 你任何時候都是那麼理智和謹慎的，哈哈哈！我完全明白你的投資心態。
對於投資，你知道我們最關鍵的分別是甚麼嗎？在於對優質資產的理解，和處理的分法。
你的理解：
我的確喺傾向於長期持有我認為優質嘅資產。優質資產，响我嘅定義裡面，屬於高回報，可抵押，同保值果隻。保值，唔等於升值，雖然現實喺，保值嘢，好多時都會升值嘅。 就以住宅物業為例，我買入嘅單位，都喺位於當時未完全發展，但好有潛力嘅地區； 今時今日，呢啲地區已經好難再有新嘅供應。除非有好大嘅誘因，唔喺嘅話，都好難令到 我沽咗呢啲貨佢；而在我嚟講，價錢，唔喺一個關鍵嘅誘因。要沽嘅話，只會喺因為果啲 資產，响可見嘅未來，會變成唔再喺優質。
我的理解：
我也傾向於長期持有我認為優質嘅資產。優質資產，响我嘅定義裡面，屬於目前回報 不高、甚至沒有回報，但隨著時間的改變、地區的發展，它的價值在將來有可能有巨大 升值潛力果隻。就以商舖為例，我買入嘅單位，都喺位於當時未完全發展，但好有潛力 嘅地區或街道；今時今日，如果呢啲地區或者街道如果已經發展成熟，而我的單位又找 到了一位好租客，雖然它可以給我提供穩定的租金收入，但我認為它的價值已充份反映 了它的潛力，再大幅升值的機會不大，我會沽咗呢啲貨佢；然後，我會用這些現金再去尋 找我心目中的優質資產。如此生生不息，即是投資又是生意。
對於投資，就如八仙過海，各顯神通。這就是我喜歡博士文章和本網站的原因。共勉之！
|
|
|
19. 打工仔 Andy 2014-08-11 13:40:12 |
|
期待博士新書！ |
|
20. 蜕变中嘅懒人 2014-08-11 13:45:23 |
|
懒人其實唔係好認同自住樓唔係投資產品，其餘可租可賣嘅物業先至係投資產品，自住樓唔係投資產品，但又唔係消費品，懶人真係唔識自住樓以投資角度應該命名係乜品，不如暫時當佢係一項奇特產品，唔係投資產品、又唔係消費品，懶人專有名詞叫做自住樓，咁懶人想請教各位網友，到底喺經濟學上，自住樓有無一個類詞，或者專有名詞呢？懶人真係唔識又想知，唔係講笑！謝謝。 |
|
21. 蜕变中嘅懒人 2014-08-11 13:49:16 |
|
唔好話俾懶人知係記念品，咪講笑。 |
|
22. 肥婆四 2014-08-11 14:06:56 |
|
懶兄，先幾年四叔話D屋可以係珍藏品咁，咁珍藏品當然可以買賣。 |
|
23. 回 21 2014-08-11 14:22:35 |
|
要在人生旅途打拼先有嘅，咁應該喺 戰利品，自已老婆/老公都算喺 戰利品， 要自已努力爭取番嚟嘅 。
|
|
24. 打工仔 Andy 2014-08-11 14:29:09 |
|
To 20 懶兄, 小弟記得讀經濟學果時亞Sir有話過, 買樓自住都算是投資，因為自住可以租樓！ 當買入物業時, 所投入的資金會產生正或負的經濟收益, 即樓價上升或下跌！ 還有原本投入的資金是有機會成本在內, 不過, 現在的自住樓好似變成必需品多d！哈哈哈. |
|
25. 蜕变中嘅懒人 2014-08-11 15:13:53 |
|
懶人真佩服各位兄台創意，必須品正路啲、但珍藏品、甚至戰利品真係犀利過記念品多多聲，娛樂性更豐富。
打工仔兄講必須品正經啲，可以討論吓，自住樓其實大家明白係指自置物業作自住用途，住屋係必須品，可以租，唔係一定要買，所以自置物業--自住樓唔係必須品，理論上唔可以算係，理由係有代用品，唔知打工仔兄有無異議？ |
|
26. 買到樓是人生中的一份光榮 2014-08-11 15:26:35 |
|
小市民上車 興奮如中六合彩 樓市重現瘋狂，古怪現象又再次出現，臨場反價，業主突然玩失蹤個案比比皆是外，有成功上車當小業主的買家在網上予人分享抽籤抽了3次（新盤），以400萬元買到500方呎單位，計劃借足九成按揭，上車初哥感興奮。
事實上，樓價瘋癲除了令業主心雄，屢見反價外，更令人覺得買到樓是人生中的一份光榮。近日在網上討論區有一個買家表示「budget（預算）有限，第一次買樓，見400萬左右有500方呎，抽左3次終於抽到」，該買家自爆是做九成按揭，即40萬元左右作首期，更表示期待收樓。
網上share 逾百回應看似普通的一個小市民上車個案，豈料收到過百個留言回應，不少均表示恭賀，反映出買樓是不少港人願窮一生精力去達成的願望，而且近年來樓價越搶越癲，加上發展商「擠牙膏式」的賣樓手法將物業包裝得像是買少見少，又在售樓處製造萬人空巷的畫面，令人認為成功上車，幸運程度不下於中六合彩。
另外，有法律界人士指，政府推出辣招調控樓市，買第二個物業投資需付重稅，令近月到律師樓簽契約的客戶多了兩種人，一種是年齡逾60歲或以上的老人家，另一種是一些剛成年約18歲、但絕沒有能力有首期買樓的年輕人，相信是為了家中早已有樓在手的成員「做人頭」，避開辣招，如斯怪現象確實令人擔憂樓市將近「爆煲」。  |
|
27. Oscar Lam 2014-08-11 15:34:08 |
|
To: 25/F 懶人兄,
自住樓係必須品和投資產品。 |
|
28. CD ROM 2014-08-11 15:36:36 |
|
期待博士新書面世, 對於讀U都唔買書既小弟, 定必買一本回家, 好好細嚼收藏!!! 裝備一下自己~~~
其實有時一D知識並唔係直接能套用到自己之上, 但當中裡面的道理, 消化後再將其演譯在自己situation上, 也並無不可啊~~ 有一外國教授教過我一個sem, 佢一句 "U a here to learn how to learn ~" 我感受好深...
我都係用"去蕪存菁"既心法, 由低質上車盤換高質, Size不變, 主要upgrade地區, 樓層. 我唔知有無演譯錯, 但係只有一層自住樓也只能咁樣做呀...
以我賣為例, 宜家去買你層樓既人都係好beginner level, 你裝扮一下, 佢地好容易就會neglect 左一D好客觀既negative facts, 比主觀感覺lead住去追你價~~~ 好似低層(低估價), 追坐向(比貴D個估價唔count), 拆左間房, open kitchen(影響resell value).
到你買, 講真係咪都貴, 我起碼保持到個客觀既心去換件值咁貴既貨... 無辨法一步登天, 但總能跟著正確的方向走, 等時間幫你啦... D Bank剛adjust過d網上估價, 我剛賣果度升在8個, 剛買果度升20個, 兩者價格差30% only, 我已經好開心啦, 唔係話賺錢開心, 係覺得行呢一步似乎無做錯... |
|
29. 打工仔 Andy 2014-08-11 15:47:33 |
|
To 25 懶兄, 都有道理！會唔會先作一個假設, 首先每個人都要住屋, 所以住屋是〝必需品〞是成立的！ 不過, 如果此人與家人同住或租樓住的, 房屋對這個人來說都是〝必需品〞但是有〝代替品〞的取代, 因此此人不需買樓自住！ 正如公共交通工具是私家車的〝代替品〞！我估好難有定論, 都要睇個人的價值觀！ |
|
30. to 28/F 2014-08-11 15:50:39 |
|
CD ROM : would you do it if expenses is larger? |
|
31. 蜕变中嘅懒人 2014-08-11 15:53:06 |
|
租樓住代價少，無得住要瞓街行周公之禮，無唔得，因此住屋係必須品。 自住樓代價昂貴，但有亷價代用品，所以唔係必須品。
同理，米價平係必須品，唔食會餓瓜，無唔得，因此米係必須品。 魚翅賣價昂貴，可以唔食，米係亷價代用品，所以魚翅唔係必須品。
咁自住樓唔係必須品，但又話唔係投資產品，咁係珍藏品？戰利品？記念品？ 天呀，自住樓到底係乜品？ 哦！化粧樓！唔通係化粧品？ |
|
32. 引刀一快 2014-08-11 15:58:04 |
|
自住樓當然係投資品，配合政府嘅法律法規，好多嘢都可以玩出好多花樣，如果有人將所有物業、股票、現金存款轉晒俾老婆，然後假離婚，可以去排隊攞公屋，完全合法，吹佢唔漲。 |
|
33. 引刀一快 2014-08-11 16:06:07 |
|
大陸嘅土地（包括香港）都係屬于國家嘅，住緊嘅屋係你嘅地唔係你嘅，算唔算自住樓？咪一樣孕育咗十幾億人岀嚟！ |
|
34. 引刀一快 2014-08-11 16:12:08 |
|
懶人兄
“ 唔好話俾懶人知係記念品，咪講笑。”
如果係離婚分番嚟嘅屋，或者係有感情嘅長輩遺留嘅，叫紀念品都啱喔！ |
|
35. 引刀一快 2014-08-11 16:18:23 |
|
To 29樓 打工仔兄
“ 正如公共交通工具是私家車的〝代替品〞！我估好難有定論, 都要睇個人的價值觀！”
個人睇法，衣食住行嘅“行”，基本上係指路，而唔係車船，交通工具係喺路嘅基礎上附加上去嘅，所以，私傢車同的士，係喺“行”呢個概念上，應該等價。 |
|
36. CD ROM 2014-08-11 16:40:22 |
|
回 #30
當然會, 我宜家要供多差唔多1倍mortgage... 但點解都去馬呢: - 我一家大細, 自住樓只會換, 不會沽. 最多睇淡我向下換, 睇好我向上換.
- Location我認為是一個抗跌的重要因素, 銀碼上是高了, 我反而覺個風險上係低左.
- 因為校網同近屋企人, 我有對此location的實製需要.
- 1倍既供款還可以認付, 而且我會用賣車去抵銷一部分開支, 因為3分鐘到MTR令開車需求減至極低, 並可迫自己將$投在有價值的東西身上.
|
|
37. 打工仔 Andy 2014-08-11 16:41:50 |
|
To 35 引刀兄, 果然是高人！我要消化下先！哈哈 |
|
38. 蜕变中嘅懒人 2014-08-11 16:47:12 |
|
TO 27樓 Oscar Lam兄
兄台話：（自住樓係必須品和投資產品。）
懶人覺得必須品有無可替代嘅含意，而投資產品應該有多種選擇，兩者意義上矛盾。 假如混合兩者意義，懶人感覺似係：1. 必須要投資嘅產品。2. 可投資嘅必須品。 第1點：即係話你一定要買自住樓。好明顯唔合邏輯。 第2點：即係話你可以買自住樓投資。懶人理解係有能力可以買自住樓作投資又可自住，無能力就租樓住唔投資，但唔租樓就唔得，同樣淨投資唔租樓都唔得。 當然第2點就較為合理容易接受。
懶人對自住樓嘅睇法係：唔使交租係投資自住樓保證有嘅獲利中一部分，蝕價中嘅一分對冲，同投資任何一種產品無分別，假設你買咗一間自住樓10年來無升跌，同你買一隻股票10年來無升跌，而收嘅息等同10來付出嘅死約租金相同，請問兩者有乜分別？
懶人諗盡量唔好賣走自住樓嘅含意，係歷史經驗中長揸自住樓平均而言，比長揸任何一種投資產品更安全，更具升值潛力，自住樓絕對係一件穩健投資產品。
Oscar Lam兄不知是否認同或另有高見，提出研究吓，謝謝。 |
|
39. 蜕变中嘅懒人 2014-08-11 16:54:18 |
|
TO 引刀一快兄 自住樓係戰利品、珍藏品，兄台點演譯呢？化粧品唔使囉掛。 |
|
40. To CD ROM 2014-08-11 17:13:38 |
|
Same thinking. Location is very important. Can save time and expenses in travel. Like your idea of changing residence can be up/down.
|
|
41. CD ROM 2014-08-11 17:28:19 |
|
回懶人兄, 引刀兄,
可能有需要將自住樓拆開 "地價" 同 "樓價" 兩個part先解釋到wor...
地價 = 投資品 淨樓價 = 消費品
現價 = 地價 + 淨樓價 |
|
42. 打工仔 Andy 2014-08-11 17:30:30 |
|
To 36 CD ROM兄 同意你的見解！地段先行, 我也一樣兩分鐘行落MTR！好難換屋！ |
|
43. CD ROM 2014-08-11 17:41:40 |
|
加多2句解釋:
我買樓, 投資部分在地價, 因供應有限, 長久必升. 而自用部分就係淨樓價, 係一種不斷消費品, 不斷貶值, 並需隔一段時間維修保養才能用落去. (有如車, 手錶). 不過2者要bundle出售.
租樓不買, 就係純消費. 其實如果對自己的投資, 或生意有信心, 會跑贏地價這投資, 其實連自住樓都無必要買ga... 但係要長遠地去跑贏HK地價的升幅, 談何容易...
|
|
44. 引刀一快 2014-08-11 17:42:29 |
|
To 39樓 懶人兄
李小龍故居我認同係珍藏品，其它所謂珍藏好多其實係電視直銷品！至于戰利品，咁就要曹達華先有深刻嘅解釋俾你嘞！ |
|
45. 自我陶醉 2014-08-11 17:42:47 |
|
我認為自住樓係乜品， 要視乎個人嘅交租意欲而定。
對唔想交租嘅人嚟講， 自住樓係必須品。 要視為投資品， 首先要看回報， 再與其他投資機會比較， 如果幾多錢都唔會賣， 又唔會理用嚟自住嘅機會成本， 一定唔係投資品。 但當你換樓， 有三種情況， 即刻賣， 就係用嚟交換另一件必須品， 好價先賣就變成投資品， 好價都唔賣， 就係收藏品。
對於唔介意交租嘅人嚟講， 自住樓唔會係必須品。 平買就係租樓嘅代替品， 貴買用嚟炫耀就係奢侈品， 有好價會考慮賣出賺錢嘅就係投資品。 賣出之後又嫌賺少咗仲賴人教佢賣就係冇品， 等唔切又貴買坐艇嘅係犧牲品， 有能耐等到平先去買嘅係極品， 錢洗晒買唔返就影定張相做紀念品。 |
|
46. 引刀一快 2014-08-11 17:45:41 |
|
自我陶醉兄
高見！ |
|
47. 引刀一快 2014-08-11 17:49:20 |
|
To CD ROM 兄
地價有限期，似乎都可以係消費品喔。 |
|
48. 蜕变中嘅懒人 2014-08-11 17:54:07 |
|
TO 41樓 CD ROM兄
地價 = 投資品 淨樓價 = 消費品
現價 = 地價 + 淨樓價
大煲飯了，懶人睇極都唔明，好複雜，買新樓時發展商都無講 地價係幾多， 淨樓價係幾多， 買二手樓時咁問業主，佢會話：咪玩野，過址，其實係點攪作呢？請指教。 |
|
49. 蜕变中嘅懒人 2014-08-11 17:54:42 |
|
TO 41樓 CD ROM兄
地價 = 投資品 淨樓價 = 消費品
現價 = 地價 + 淨樓價
大煲飯了，懶人睇極都唔明，好複雜，買新樓時發展商都無講 地價係幾多， 淨樓價係幾多， 買二手樓時咁問業主，佢會話：咪玩野，過址，其實係點攪作呢？請指教。 |
|
50. 引刀一快 2014-08-11 18:02:39 |
|
淨樓價
個人理解就係
材料、設計、造工、座向、層高、折舊、管理、鄰居質素嘅綜合價值。 |
|
51. 蜕变中嘅懒人 2014-08-11 18:05:35 |
|
TO 45樓 自我陶醉兄 兄台真係犀飛利，懶人諗都諗唔到可以攪咁多出品，咁有間屋放咗好耐都租唔出、賣唔出，九成俾地代當係陳列品。 |
|
52. 肥豬肉到口竟然甩咗 2014-08-11 18:08:10 |
|
樓聲物語——父母挾愛女買樓不遂花生騷 2014-08-11
新盤繼續成為市場焦點，發展商下半年盡力推盤，一眾新盤銷情旺熱，當中細價盤交投最為活躍。近日推出市場的新盤，細價樓承接力最強，除了新盤，部份位於新界的舊盤，亦成為發展商主要推盤目標，始終有關樓盤銀碼較細，故連日亦吸納不少買家，不過，近日卻出現一宗頗為得意的個案，事緣發生父母帶同愛女買樓不遂的花生騷，可說熱爆「售樓廠」。
該宗花生騷位於新界元朗一個上車新盤，代理興高采烈帶客到達售樓廠，客人正是一對父母及其女兒，這對真是「24孝父母」，知道女兒難於上車置業，故便為其支付首期，理論上這單成交對代理而言可謂「實食無黐牙」，由於實客已到，訂金首期完工無問題，只須大筆一揮就佣金袋袋平安，一切都掌握在代理如意算盤中，但未到最後一刻，事情往往都有機會弄垮。
肥豬肉到口竟然甩了
代理憶述，當日帶同客人一早已到達售樓廠，正當準備簽約一刻，「24孝父母」準備先付訂金時，其女兒向代理查詢每月供款情況，當獲悉每月需繳付逾萬元供款後，即時用計數機左計又計，表現相當慌張，代理查究下獲悉該名小妮子剛畢業不久，投身社會做事才年多，每月薪金只有萬多元，代理更安慰，以小妮子月薪而言，每月供款應不成問題，此時父母更加把嘴只需慳些少就得啦，不說還好，小妮子聽到要慳些少，即時放聲大哭，哭聲更震撼整個售樓廠，這場花生騷正式展開。
原來小妮子左計又計，是每月供款後只剩下兩三千元，剩下的金錢，怎可滿足每月開支，小妮子更一邊哭一邊細訴其每月的化妝品、行街食飯及買袋添新裝的開支，當時聽到在旁其他代理都不禁有點淚光，當一眾人等淚灑售樓廠時，由開心買樓變成哭喪般，怎樣收科，單刁（成交）最後梗係簽唔成啦，一場父母挾愛女買樓不遂花生騷就咁落幕。
以為事件告一段落，該位代理送走了客人後，縮在一角中痛哭，又真係好難接受，肥豬肉基本上已到口，竟然會甩掉了，真的難於接受，及後該代理更須主管到場安慰，心情才得以平復，可想而知代理的壓力。不過，從今次買樓不遂事件亦可反映部份年輕人心態，雖然市場有不少的成功買樓個案，都由父母付出首期，但間中亦會出現類似上述的失敗個案，尤其不可忽視年輕人每月開支，甚至有可能因供樓而大失預算。
細盤造價頻頻破頂
從各大屋苑成交量可理解，尤其新界屋苑不時出現新高造價，大部份以細價樓為主，造價更頻頻破頂，有部份屋苑更於3天內出現2宗破頂價的驚人成交，這可能與入場費低有關，所以300至400方呎細單位最受垂青。事實上，從差餉物業估價署最新數字指出，6月份樓價指數創出歷史高位，上半年細價樓樓價累積升幅達2.5%，而且升勢未有放慢，反映市場承接力相當強橫。此外，土地註冊處最新於7月份錄得逾9400宗樓宇交投，更是17個月以來新高數字，顯示成交量已大幅回升，但相信交投量應開始逐漸放慢。
張日強 |
|
53. 蜕变中嘅懒人 2014-08-11 18:11:47 |
|
TO 43樓 CDROM兄 50樓 引刀一快兄
經2位兄台一點，懶人明咗，謝謝。 |
|
54. 自我陶醉 2014-08-11 18:18:20 |
|
多謝懶人兄同各位嘅討論， 這令我重新整理對自住樓嘅思維。 |
|
55. 回 39 2014-08-11 18:18:52 |
|
其實 老婆/老公 都不一定是必須品，都能找到代用品。 我堅持 自主樓、老婆/ 老公是戰利品，是自已努力爭取的，唔使人施捨，根據維基百科……戰利品，是相對於一些成就的回報或紀念，通常事後拿到，以作為成功的證明。 或 古羅馬憲法……在羅馬男人看來，妻子只是丈夫的財物和女奴隸的頭領。強姦並不看作是男人對女人的傷害行為，而是一個男人對另一個男人的「財產盜竊罪」，犯罪者可以用金錢賠償受害女子的丈夫或父親來抵罪。
|
|
56. 引刀一快 2014-08-11 18:20:52 |
|
講到地價，對我嚟講就太高深，我諗會牽涉好多好多抽象嘅概念，唔該請問呢度有冇地産界嘅白居易？ |
|
57. 引刀一快 2014-08-11 18:23:51 |
|
對，看來曹達華嘅，可以亦叫做抵押品，唔係純粹嘅戰利品。 |
|
58. 引刀一快 2014-08-11 18:44:21 |
|
呢個花生騒，笑中有淚，但係亦淚中有笑。
如果呢個女仔咁勉强嚟買咗間屋，佢有可能遇到以下情况：
1，樓市跌，喊得仲大聲
2，見到樓市跌咗先入市嘅女同事，每月零用支出比佢多，再喊大聲D
3，樓市跌先入市嘅女同事，化妝品多過佢靚過佢，升職快過佢，喊到鼻涕平吞
4，冇錢參與工餘活動，心儀嘅靚仔俾後入市嘅女同事搞掂咗，喊到收唔到聲
5，加息，連兩三千蚊都冇得駛，唔止日日要番娘家食飯，連衛生巾都要黐阿媽嘅嚟駛
.........................................
|
|
59. 惜緣 2014-08-11 19:27:09 |
|
To 45樓 自醉兄 及 51樓 懶人兄， 兩位兄台講得又幽默、又搞笑，簡直係上品。 |
|
60. 引刀一快 2014-08-11 20:28:34 |
|
原來小妮子左計又計，是每月供款後只剩下兩三千元，剩下的金錢，怎可滿足每月開支，小妮子更一邊哭一邊細訴其每月的化妝品、行街食飯及買袋添新裝的開支，當時聽到在旁其他代理都不禁有點淚光，當一眾人等淚灑售樓廠時，由開心買樓變成哭喪般，怎樣收科，單刁（成交）最後梗係簽唔成啦，一場父母挾愛女買樓不遂花生騷就咁落幕。
管理費、水電、差餉、網絡、電話費、煤氣費..................計咗未？
地産代理喊，就係一次，呢個妹妹喊－－－就係一世。 |
|
61. Oscar Lam 2014-08-11 20:31:53 |
|
懶人兄，你說
＂懶人諗盡量唔好賣走自住樓嘅含意，係歷史經驗中長揸自住樓平均而言，比長揸任何一種投資產品更安全，更具升值潛力，自住樓絕對係一件穩健投資產品。＂絕對同意！
那為甚麼在下會說自住樓同時也屬於必須品呢？主要在於本人對於自住樓的傳統信念。作為衣食住行，在香港，最難解決的就是住屋。有自己的安樂窩，和自己的致愛一起生活，不用擔心被業主趕走、加租，是何等寧靜、幸福的事情，決非用金錢可以買得到。更何況，當你遇到財務困境時，自住樓住住為你提供了快速、低成本的融資渠道，使你安然渡過難關。自住樓有這麼多的好處，如財務上許可，擁有它是理所當然的事情，這還不是必須品？ |
|
62. Oscar Lam 2014-08-11 21:20:35 |
|
懶人兄， 在會計和稅務處理上，我們往往會將物業分開土地成本（估計）和建築成本分別入帳。建築成本一般指建築材料、工人工資和其他建築成本。隨著時間的過去，建築成本會被折舊、即價值會減少，因此，建築成本是消費品。但是，土地價值會隨著通漲，地區發展、區域交通改善等原因而增值，因此，土地是投資產品。我想是這個原因，不知是否正確？ |
|
63. 引刀一快 2014-08-11 21:45:19 |
|
Oscar Lam 兄
你所講自住樓嘅好處，全部同意，不過所謂“必須品”，應該有所有之正常人，或者所有正常家庭都不可或缺嘅共性。
住房係必須品，而自置住房，我都係覺得睇鎹食飯啫。 |
|
64. 引刀一快 2014-08-11 21:48:15 |
|
另外， 土地價值，是否會隨地契剩餘年期而縮减呢？ |
|
65. 自我陶醉 2014-08-11 21:57:36 |
|
同意引刀兄 “住房係必須品，而自置住房唔一定係必須”， 水同空氣係絕對必須品， 並冇替代品， 所以唔可以冇， 亦唔可以貴， 米對某些人係必須品， 但唔代表擁有米田係必須品， 何況現時樓價對大部份人來說已經係奢侈品。 |
|
66. Oscar Lam 2014-08-11 22:01:16 |
|
引刀兄， 所以我說是我個人對於自住樓的主觀信念。哈哈！另外，土地一般按50年攤銷，相信土地的增值會比減值快。 |
|
67. 自我陶醉 2014-08-11 22:02:37 |
|
坐車差不多是每天必須， 那麼私家車也是必須品嗎？ |
|
68. Oscar Lam 2014-08-11 22:12:21 |
|
自醉兄， 我想請問你，這個世界上，有甚麼是必須品，無可替代呢？ |
|
69. 自我陶醉 2014-08-11 22:19:51 |
|
Oscar 兄，
水、空氣、鹽是必須品，房屋、食物、交通服務是必須品， 而擁有自住樓、私家車並非必須喔！ |
|
70. 蜕变中嘅懒人 2014-08-11 22:31:01 |
|
TO 61、62樓Oscar Lam 兄 兄台咁用心、以咁專業嘅角度解釋俾懒人知，真係令懶人感激萬分，兄台知懒人無任何經濟理論底子，所指出嘅道理我百分之九十九認同，只有一樣我會堅持，就係自置物業雖然用於自住，有著住房必须品嘅用途，但理論上單以自住而言，它有亷價替代品，定義上唔係必須品，主要作用始終係投資，理由： 1.租樓每月租金支出絕無回報視作理所當然，但自住樓價每月恆定以租金幅度下跌感覺绝對不一樣，若果不計2年要搬一次咁煩，你會唔會攞大筆資金嚟買呢間屋，好明顯係因為有升值期望。 2.買必須品，例如衣服、米糧，唔會有人話可升可跌，要睇時機入市，低買高賣，因為唔係投資，無升值預期，自住樓唔同，時機唔啱、能力唔夠可以唔買，但一定要租，住屋係必須嘅。 3.自住樓有附加嘅必須價值，改變唔到係投資品本質。 不過若然兄台覺得自住樓亦係必須品，其實買得起根本作用只係重叠咗，點諗都得，但如果買唔起，住屋就係必須，但投資就唔係必須。 兄台請見怪懶人固執，只係交換意見、傾閒謁啫。 |
|
71. 引刀一快 2014-08-11 22:39:49 |
|
交通服務我亦認爲只有路面嘅提供係必須。 |
|
72. Oscar Lam 2014-08-11 22:56:09 |
|
70/f 懶人兄， 老實說，你是對的。基於小弟對於物業的熱愛和傳統的觀念，主觀認為自主樓是必須品，亦明白實際解釋起來是較牽強的。 |
|
73. Oscar Lam 2014-08-11 23:00:06 |
|
|
|
74. 蜕变中嘅懒人 2014-08-11 23:02:51 |
|
TO 28樓 CDROM兄 兄台買賣樓同upgrade樓嘅心法好得，值得懶人刨多幾次，消化吸收咗當係自己料，因為兄台無專利權，講吓笑啫，好野自然有人欣賞。 |
|
75. 蜕变中嘅懒人 2014-08-11 23:44:03 |
|
TO 71樓 引刀一快兄
兄台話：（交通服務我亦認爲只有路面嘅提供係必須。 ） 呢句話好有道理，因為距離近可以行路，無交通工具無問題，有路就得；兄台話運輸工具係附加上路面嘅，因為距離太遠，行太費時太辛苦，運輸工具成咗附加必須品，當中以最亷價嘅運輸工具，如巴士、小巴係附加必須品，私家車太貴唔係必須品，因有亷價代替品。 因此結論係：任何一類一定須要嘅品種中，最亷價嗰種就係必須品。 |
|
76. 唔明 2014-08-11 23:57:53 |
|
喺必須品定是必需品，講咁耐都唔明你哋講必須品定是必需品， 小學 Miss 教我是"必需品"，暈。
|
|
77. 睇得通 2014-08-12 00:51:02 |
|
2014年香港房地產進入恐懼不敢贏的沽售樓房行動中的人不停的出現??? |
|
78. 引刀一快 2014-08-12 00:53:05 |
|
其實，私家車都分自駕同請司機，係咪？ |
|
79. 引刀一快 2014-08-12 00:54:26 |
|
或者，轉一種表述：
有大量貴重物品同私人秘密嘅人，自置住房係必需品。 |
|
80. 引刀一快 2014-08-12 01:03:53 |
|
必需品同必須品，同時出現係輸入法度，所以揀咗必須品，執正嘅話，的確係“必需品”啱D。 ◎ 必须 bìxū [must;have to] 必定;一定要
◎ 必需 bìxū [essential;indispensable;necessary] 非有不可的;不能少的
|
|
81. 阿Q 2014-08-12 01:14:58 |
|
TO:76/F 必須品定必需品都冇所謂啦，唔好寫必衰品就0k喇! |
|
82. 大王妹 2014-08-12 01:25:19 |
|
大家唔洗爭論，小女子由14歲出來工作儲蓄，19歲結婚買居屋，20歲再買間沙中，有１成利潤就賺，如是者到97有３間，全部全軍覆沒，但從無灰心，繼續奮鬥，依然有錢就買，到07年自用舖位由100萬升到400萬，就將這些錢再買多４間＝７間，我老公40歲時被公司裁員後，直到現在足足8年，也一直沒有再工作，過著輕鬆退休生活！ 而我半退休陪他，繼續我的小生意，收吓租，收吓人仔息，唔再理樓價升跌，因為知足常樂！ 我結論係私樓確實有投資成份，如果唔係，下跌時少人買，上升時多人追，所以各位量力以為，唔好比自己太大壓力，我供樓當儲蓄，先唔覺係乜野一回事，但如果覺得供樓好似搣左你忽肉咁，就唔好勉強自己喇！ 不過以我同老公由零變有些小物業，夠食夠住，唔洗擔憂，即係要盡快買樓，至少兩間，一間自住，一間收租，再有再買，50歲前退休享受人生！ |
|
83. 大王妹 2014-08-12 01:34:07 |
|
所以我逢三退一得返4間，問題也不大，現在零負責，自信心都強左，正所謂樓價升，繼續揸，樓價跌，啱價咪再買，總之唔好太煩便可！ |
|
84. Oscar Lam 2014-08-12 07:20:43 |
|
82,83/f 大王妹， 你的堅毅和努力造就了你的成功之路，值得現今的年青人去學習！我們也慶幸香港有一個如此獨特、如此美好的投資環境給我們去奮鬥，可以說是獨一無二的投資環境。共勉之！ |
|
85. To 大王妹 2014-08-12 08:15:35 |
|
你上次講你奮鬥故事已經比人話你作大喎， 點解今次個版本又唔同咗？ 上次你話第一間買沙中， 今次又話第一間買居屋， 信你邊次好呢？
89. 大王妹 2014-04-16 18:08:45 我所做的其實很卑微的工作，第一份診所姑娘，但一定是最少兩份工作，多則兼埋第三份，Call台，行街Sales,每月基本上唔放假，因為放都唔想，寧願返公司開ＯＴ，我記得19歲時已儲到十萬，當時一成首期買沙中，16%息，跟住一間換一間，儲到第二筆部份首期，（因為要比三成首期）再借部份私人貸款（12%息）再買第二間，如此類推，家人朋友也叫我有樓就算，買咁多背負咁重為乜，但我太鍾意買樓（因為所有野唔會好像買樓咁有安全感）
|
|
86. yy 2014-08-12 08:16:33 |
|
逢三退一可能是無嘢揾嘢做，pat pat痕，現在有dsd和樓價普遍過五，每次交易成本幾十萬，租金平均得三厘幾，再加上重新入貨要裝修及放租的費用，要收幾年租先追回洗費，這條數認真襟計。買物業要存集郵心態，有入無用，有時以為質素差的，反而是十倍股（被收購發展），買入十大屋苑就永遠與大市同步，沒有或然收益，人無橫財不富哦。 |
|
87. 亮劍 2014-08-12 08:31:32 |
|
联合医院病理科医生断錯症俾全城疯插，佢唔夠班、又唔知点解可攞倒呢个專業資格返來、又可过倒關俾她單拖簽發病理報告，害到病人錯失治療時机當然抵俾人少。 但俾佢攞倒專業資格嘅病理学院，联合又唔搵比較富經驗的病理医生幫幫眼实新牌仔，亦係責無旁貸。 唔夠班、断錯症、害慘人……
点解咁似香港房策主事人同牆拆会班友？？？ |
|
88. 自我陶醉 2014-08-12 10:32:12 |
|
懶人兄， 73樓 Oscar 兄，
可能我真係混淆咗 “必須品” 同 “必需品”。 必須品會係每人都必須有， 而必需品就會比較個人化， 對Oscar兄嚟講， 你唔想交租， 又唔喜歡搬屋， 擁有自住樓自然係必需品喇！ 但因為唔係每人必須有自住樓， 所以就唔係必須品。
我老豆每餐都要食飯， 米就係佢必需品， 但唔食又冇問題喎， 所以唔係必須品。 呢度嘅人每日都叫人買自住樓， 因為自住樓係佢哋心目中嘅必需品， 所以佢哋相信樓係每個人嘅必須品。 雖然係出於好意， 但係大家唔明白， 有啲人係唔怕搬屋， 又成日想住新樓或換新環境， 就好似啲人一年要轉幾份工一樣， 仲有啲人係寧願花錢去wet都唔會買樓嘅， 你叫呢啲人買樓就等於同鬼佬講你一定要買米一樣， 佢係唔會睇到有需要， 因為我嘅必需品唔等於你嘅必須品，對嗎？
|
|
89. 大王妹 2014-08-12 10:58:28 |
|
To 85／Ｆ你哋呢Ｄ人真係唔知有心理病吖定係唔抵得人，用我自己名買第一間係沙中，居屋是我老公嘅，原先係討論區唔想講得咁詳盡，不過見你咁細心去揾我咁耐嘅文，真係比你吹漲，唔係我係度吹牛！ |
|
90. Bixu 2014-08-12 11:02:47 |
|
My view is 80/F is correct. The two cannot be mixed up. |
|
91. 大王妹 2014-08-12 11:05:04 |
|
To Oscar， 香港確實係好，我都去過幾多地方，依然覺得呢度最好，但被政府咁攪法，將來就唔知喇！ |
|
92. 亮劍 2014-08-12 11:14:53 |
|
自我陶醉兄---- 1. 超級跑車---炫耀自用保值
2. 陳年紅酒---自用保值
3. 極罕有錯版郵票<全國山河一片紅>---炫耀保值
4. 清末圓明園十二生肖銅獸首---炫耀保值做人情
5. 黃金---炫耀自用保值
6. 奢侈品---炫耀自用保值 7. 股票---收息保值
8. 債券---收息保值 9. 樓宇---自用收息保值三合一，極端稀有的豪宅還可以作炫耀工具 10 衍生工具---係賭博啫 現在請問你，世界上有邊啲奢侈品，可一炮過作人百幾二百萬，幾千萬甚至十億八億？而且佢還可陸續有來，長玩長有呢？ 想起來唯有某些地區嘅房地產能做得到！ 客觀來講，你香港作為大陸同胞其中一個資金落腳點，我們應該大叫執倒，你 CY 仲唔打蛇隨棍上，幫助庫房搵翻一大筆--------真不該！ 可能有人話： 香港無地起樓喎⋯⋯每次去機場及落馬洲，只要你見識下沿途十分八分鐘荒蕪景像，你就會少爆呢個特衰正苦攪乜傢伙，剩呢兩度都可以起你幾拾萬個單位，咁有啲公屋居屋，一半起私楼，得唔得呀！ 無工人去起樓呀⋯⋯建築工人唔夠，咪揾外勞囉，新加坡同澳門咪又係咁大興土木！ 會做成貧富懸殊⋯⋯強國人來買靚樓，點都要跌啲出來，咁政府咪有錢起公屋、攪基建、建醫院去製造就業，扶助貧困人仕囉！ 炒熱二手樓樓價⋯⋯你驚同胞及公司客搶高D樓價，那麼可規定佢哋只能買嗰啲幾千萬未開頭嘅靚嘢啫，那你政府齋係坐喺度抽佢哋水，都抽到你嘔啦，呢啲就係「劫富濟貧」，請問咁係咪正路先？ 沽空樓市的你請注意以下事項:---- 1 理論上淡倉被夾, 升幅可以係無限, 例如香港最近呢四五十年, 樓價就算計賬面, 亦可升成幾拾甚至成百倍. 2 如果計算有誤, 淡友好多時要在你唔合心水既位果陣, 被迫平淡倉, 但持倉者如果借貸唔重, 槓桿唔大, 大丈夫話唔出就唔出. 3 大市要是牛皮, 持貨者可有租金收入幫補以戰養戰, 但沽空樓市者就要不停俾租. 4 沽空樓市要速戰速決, 不能磨爛蓆乃常識, 但持有物業者就可運用短中長棍, 而且自用或收租亦可. |
|
93. 引刀一快 2014-08-12 11:32:29 |
|
沽空樓市的你請注意以下事項:---- 1 理論上淡倉被夾, 升幅可以係無限, 例如香港最近呢四五十年, 樓價就算計賬面, 亦可升成幾拾甚至成百倍. 升得100倍，中間嘅波幅，每次點都有3倍掛？ 2 如果計算有誤, 淡友好多時要在你唔合心水既位果陣, 被迫平淡倉, 但持倉者如果借貸唔重, 槓桿唔大, 大丈夫話唔出就唔出. 如果計算有誤，仲會有好多嘢發生，比如計錯安全期。 3 大市要是牛皮, 持貨者可有租金收入幫補以戰養戰, 但沽空樓市者就要不停俾租. 你講緊揸住幾多間呀？一時有租收，一時又話要俾租？
4 沽空樓市要速戰速決, 不能磨爛蓆乃常識, 但持有物業者就可運用短中長棍, 而且自用或收租亦可. 97入貨果班想速戰速决都幾難。 |
|
94. 引刀一快 2014-08-12 11:39:12 |
|
現在請問你，世界上有邊啲奢侈品，可一炮過作人百幾二百萬，幾千萬甚至十億八億？而且佢還可陸續有來，長玩長有呢？ 想起來唯有某些地區嘅房地產能做得到！ 客觀來講，你香港作為大陸同胞其中一個資金落腳點，我們應該大叫執倒，你 CY 仲唔打蛇隨棍上，幫助庫房搵翻一大筆--------真不該！
你係咁諗，不過阿爺唔係咁諗噃！ 講様嘢你知，亮劍兄，阿爺比CY更想打香港樓價，一路都想。 |
|
95. 大王妹 2014-08-12 11:43:12 |
|
仲有我再詳細Ｄ係間居屋是我供㗎，因為老公為左慳錢，辭左份搵五，六千蚊嘅工，成間屋用左半年時間，是自己動手裝修，跟著又要幫屋企人手，所以頭兩年都冇錢比我及供樓！ 我呢個奮鬥故事，連睇住我由無變有的朋友也叫我可以出書，因為我經常教朋友後輩置業投資收租，不過我都好自豪冇咩靠人，而且是一個有借有還的人！
其實有Ｄ人好奇怪，塞錢落去袋，好像係害佢咁，唔信人咪唔信囉，又冇人迫你！！！
|
|
96. 大寶二寶 2014-08-12 11:58:29 |
|
個人覺得自住樓包含兩個元素， 消費同投資。 睇個人点劃分比重。 有人覺100% 投資， 因年月曰後會增值。 有人傾向消費品， 因你冇自住樓都要租屋交租， 又有折舊。有人覺得有一個安樂窩，有安全感， 吾使搬来搬去， 視為必需品。 所以冇对或錯。 全视乎個人需要。
問題就在於視為必需品嘅人手不对心而將物业當投資品賣走， 之後就後悔地要正苦出招打壓楼市好壤佢地再次將呢件投資品變回必需品。
共勉之， 哈哈！ |
|
97. 引刀一快 2014-08-12 12:06:15 |
|
可能有人話： 香港無地起樓喎⋯⋯每次去機場及落馬洲，只要你見識下沿途十分八分鐘荒蕪景像，你就會少爆呢個特衰正苦攪乜傢伙，剩呢兩度都可以起你幾拾萬個單位，咁有啲公屋居屋，一半起私楼，得唔得呀！ 喺空中花園起間劏房，係咪可以增加收入？可以，不過損失亦不菲。 無工人去起樓呀⋯⋯建築工人唔夠，咪揾外勞囉，新加坡同澳門咪又係咁大興土木！ 李插人先生插唔插你？帶人去圍你都似。 會做成貧富懸殊⋯⋯強國人來買靚樓，點都要跌啲出來，咁政府咪有錢起公屋、攪基建、建醫院去製造就業，扶助貧困人仕囉！ 依傢開始周D帶錢外逃嘅人返嚟，遠遠都冇得走。 炒熱二手樓樓價⋯⋯你驚同胞及公司客搶高D樓價，那麼可規定佢哋只能買嗰啲幾千萬未開頭嘅靚嘢啫，那你政府齋係坐喺度抽佢哋水，都抽到你嘔啦，呢啲就係「劫富濟貧」，請問咁係咪正路先？ 最好規定自由行一定要餐餐食飯按人頭五百蚊，豆腐花都要佢地點夠五百蚊，好唔好？梗係好喇，可以嘅話..... 抽水唔係歧視，規定同一類貨品咩嘢俾買咩嘢唔俾買，係嚴重嘅歧視。 大陸都限香港人買大陸樓，但係絕對冇話要香港人只能買最貴嘅樓。 |
|
98. 自我陶醉 2014-08-12 12:48:16 |
|
亮劍兄，
1. "世界上有邊啲奢侈品，可一炮過作人百幾二百萬，幾千萬甚至十億八億？" 多到你唔信， 名畫、古玩、遊艇、郵票… - 2012年 達文西的「蒙娜麗莎的微笑」1.2億美元 - 2010年 畢卡索「裸體、綠葉和半身像」1億6百萬美元 - Steven Spielberg 嘅遊艇 “Seven Seas" 2億美元 - 中國富豪數千萬遊艇多不勝數 - 賭王買黑松露都幾百萬
2. "你 CY 仲唔打蛇隨棍上，幫助庫房搵翻一大筆" 你又知唔知乜都唔做可以有幾大鑊， 你睇吓美國樓市、 我哋97嘅樓市、 日本樓市。
3. “你驚同胞及公司客搶高D樓價，那麼可規定佢哋只能買嗰啲幾千萬未開頭嘅” 這點已經討論過， 炒完幾千萬就將千幾萬炒上幾千萬等大陸炒， 賺咗錢嘅人又會將錢向下流， 你覺得真係會有炒完一日咩？
4. “理論上淡倉被夾, 升幅可以係無限, 例如香港最近呢四五十年, 樓價就算計賬面, 亦可升成幾拾甚至成百倍.” 喺梁隼兄篇文章已講過， 對樓市嘅經濟推動力會愈來愈弱， 唔再重複。
5. “持倉者如果借貸唔重, 槓桿唔大, 大丈夫話唔出就唔出.” 這點基本同意， 但也要看個人心理素質。
6. “大市要是牛皮, 持貨者可有租金收入幫補以戰養戰, 但沽空樓市者就要不停俾租.” 那要視乎， 賣樓後嘅投資收益大還是租金開支大。 正如我45樓講， 賣自住樓係投資決定， 要比較不同投資嘅風險同回報， 當你選擇嘅其他投資回應低於租值， 係一個錯誤投資決定。 當業主賣樓係為避險而非投資， 多付嘅租金應看作保險成本。 投資最重要唔係賺多幾多， 而係心安。
7. “沽空樓市要速戰速決” 答案同第六點一樣， 另外， 對自住樓唔覺係必須品嘅人嚟講， 賣樓根本就唔係沽空。
|
|
99. 亮劍 2014-08-12 14:10:55 |
|
自我陶醉兄---- 「許是人案」就係一个沽空港楼的反面教材，試想一下以佢的聰明才智，社會地位，如果喺佢事業如日中天之時，隨便買入一兩件靓少少的豪宅，他会有多少身家？咁佢会為嗰仟零弍仟个，搅到臨老都要俾人抽插？ 唔怕得罪咁講，好多人兄嘅能力、智慧、人際關係不及他一成嘅人，都有身家过億啦！ 如果許生真的有幾層豪宅喺手，那麼他今天可能仲嘆緊红酒、聽緊莫責凸…… |
|
100. 自我陶醉 2014-08-12 14:43:13 |
|
亮劍兄，
阿許生嘅case 唔係投資問題喎！ 如果講賭錢， 有幾多身家、有幾多樓都冇用喇! 曹達華夠叻買晒樓喇， 咁佢依家身家又有冇億億聲， 定諗起佢啲樓就媽媽聲呢？
|
|
101. 小陽 2014-08-12 18:52:24 |
|
湯博士係e線金融網-----又學嘢 |
|
102. Oscar Lam 2014-08-12 20:37:36 |
|
99/f 亮劍兄， 聰明才智和投資理財是二碼子事。聰明人的理財能力可以很低。當然，一個愚蠢的人，他的理財能力一般都很有限的。但是，一個聰明人，如果他的投資理財能力高，再加上運氣好，那他肯定就天下無敵了。 |
|
103. Oscar Lam 2014-08-12 21:07:30 |
|
88/f 自醉兄， 依我所見， “必須品” 同 “必需品”其實是指同一樣東西，而必需品的寫法較正規。必需品指某些東西肯定需要，且不可替代。如果按字面解釋，自住房顯然不屬於必需品。本人的幾位朋友就沒有自住房，一直只租不買，他們一樣生活得很開心。
個人認為，自住房更像消費品和投資產品的合成體。由於擁有自住房有太多的好處，所以我們一直鼓勵有能力的人購房自住，且千萬不要將自住房賣掉，我們希望分享我們的見解。老實說，每個人的想法都不同，如果不介意，租樓住其實也是沒有問題的。 |
|
104. 睇得通 2014-08-12 22:12:52 |
|
“必須品” 同 “必需品”???? 其實香港人都利用他作為謀生計謀!!! 大約在1999年前,1998年度,在討論會,有區議員講出當你買下房產後,你將會失去領取綜援的資格,所以有很多人不敢買.....所以不是必需品... 政府推出: ..... 租者置其屋計劃，簡稱租置計劃，是香港房屋委員會於1998年為滿足公屋居民置業需求而推出，讓租戶以合理價錢購買現時居住的單位，而租者置其屋計劃中出售的屋邨全部都是於1980年代中後期至1992年（翠屏（北）邨翠樟樓除外）期間落成的公共屋邨。 竹園北邨是香港的一個公共屋邨暨租者置其屋計劃屋邨，位於九龍東黃大仙北面，穎竹街至沙田坳道之間。本邨於1999年在租者置其屋計劃（第2期）把單位出售給所屬市民，現已成立竹園北邨業主立案法團，而該邨為防止虐待兒童會市區總部。 本港經濟受金融海嘯衝擊而下滑，惟透過房委會租置計劃出售的單位售價卻不跌反升。張小姐一家三口於去年六月入住黃大仙下邨龍達樓一個約三百呎單位，當時屋邨管理處曾指單位售價約為三十六萬元。惟至今年四月初，張再度查詢時，竟獲覆售價已大幅飆升至五十多萬元，「依家經濟咁差，有乜理由會加咗價？」 公屋聯會主席王坤指出，房委會會按經過調整的重置成本計算公屋單位售價，惟因為近年建築成本上升，結果便出現混亂，「房委會應該改變政策，用番通脹或樓價升降計算會合理啲。」 房署發言人解釋，租置單位定價每兩年檢討定價，黃大仙下（一）邨上一次定價於○七年一月一日生效，並於去年十二月三十一日屆滿；新定價於今年一月一日生效。由於兩次定價期間建築成本上升，故去年年底釐定單位定價時，價格有調整。惟新租約生效首兩年內購買單位可享折扣優惠，如張於今年中購買單位，實際售價約為三十五萬元。 |
|
