沒有投資者樓市如訊號盡失東鐵

摸王210萬沽和富車位創高價

(綜合報道)(星島日報報道)近期淡出住宅市場的「摸王」黎汝遠（見圖），繼早前以新高價三百九十二萬元，連環購入北角和富中心兩個私家車位，近日續有動作，黎氏近日透過旗下「柏新有限公司」持有的另一個和富中心高層地下三十一號車位，日前以二百一十萬元沽出，刷出成交價新高。黎氏於二○一一年十二月，以一百二十三萬元買入該車位，持貨兩年轉手獲利八十七萬元，升約值百分之七十。

　　先買後賣均創高價

　　由黎汝遠等擔任董事的「達緯公司」及「寶峻企業」，於上月底各以一百九十六萬元，分別購入北角和富中心高層地下五十三及五十四號兩個相連車位，創出當時和富中心車位價格新高，涉資三百九十二萬元。

　　中醫師沽窩8車位

　　另一邊廂，位於窩打老道8號一項私家車位，亦錄高價成交，該三樓C四十四號車位，以一百八十萬元成交。資料顯示，買家為「祥益藥業」，董事為王錫麟，其登記地址及註冊中醫師王錫麟均相同。

　　原業主於○七年以四十六萬元買入，持貨七年獲利一百三十四萬元，升值近三倍。資料顯示，窩打老道8號於去年未錄私車位成交。

懶人病到儍儍吓，望住網頁都唔知內容寫乜，睇報纸字又细隻無晒心機，唯有再瞓。

今早起來睇2張報纸最搶眼球，就係一手樓盤以諾曼第登陸形式搶攻，以尖咀海魚兵團身先士卒最勇猛，鯇魚海軍陣容最強大.......，睇嚟又有啲似赤壁之戰决勝前夕，對後市去向有绝對指導性，升、平、跌，此役結果有足夠啓示可期，唉，又瞓過。

環宇海灣就來出價單，小弟不才想給雄哥一 D 意見：

你哋呢個盤有成 1,717 伙，主打仲係最惡賣嘅 3 及 4 房單位，單計呢兩种貨就總共佔過千伙過外，那麽呢 D過十个月樓花期嘅樓，你雄哥究竟想將這批單位賣給甚麼人？

愚見認為你首次批最好只攞果 D 兩房出來俾人揀好喎，而那些以換樓客為主打嘅3 及 4 房單位，就最好等到今年年底或明年初才陸續推，最好執到佢靚一靚先交匙，等買家唔使點執就可入伙就完美。

現在大中型單位買家，應以換樓客為主，客路你都知不用憂慮，大把人就係等緊你呢种單位推售，但他們面對最大嘅置業難題，係先賣後買樓換樓，要搬兩次屋，咁你們可否揾定一批服務式住宅，給呢批人短租？如提供埋一 D 迷你倉俾人放什物就更貼身，當然呢 D 支出最好有得打折就係常識啦！

另一方面如果你哋環宇嘅準買家，係用先買後賣的方式樓換樓的話，咁你環宇那些3 及 4 房單位，我提出最好有部分單位要以賣現樓方式推出好D喎，咁嗰班新樓買家，就隨時可做到無縫交接，我可同你雄哥講聲，呢D 客唔少嫁！

購買力已所餘無幾了>>>>>？？？？

舊文重貼：

亮劍 2013-11-29 15:54:35我咁寫

由今年(2013年)2月開始，港私樓租售比例，由之前37變成73，當每個月租售加埋係萬二個，咁嗰四成本來係買，依家變租嘅人，每個月咪成5千咁濟？？

呢十個月夾夾埋埋，幾萬個起碼，而呢班人過完一年死約之後，就面對下述呢班「港漂」同你們搶樓租！

內地學生來港讀書簽證、輸入內地人才計劃、優秀人才入境計劃、非本地畢業生留港／回港就業安排等，合稱「港漂」，過去十年本港來了16萬，這數年總獲批個案，分別係：

09 年 1·92萬

10 年 2·19萬

11 年 2·65萬

12 年 3·16萬

其實「港漂」對香港人口老化問題，可起倒舒緩作用，但因為呢班人嘅湧入，對本來已經供不應求嘅樓市，帶來沉重嘅負擔！

要是加上最近的雙非童入讀幼稚園安排，幾乎肯定下幾年港樓需求會有增冇減。

呢班人或其家人，應該唔能夠用港人身份去買樓，因為政府要人家俾成 15％  BSD 喎，叫起手都唔係人人肯，那麼合理推算，佢哋會去租樓住先！

醒目投資者已經陸續出手掃微型火柴盒，等第二時去租俾人，樓價升唔升我不能100％肯定，但租金唔升絕對無天理！

亮劍 2013-12-28 11:18:20我咁寫

2013-12-28我咁寫：【喺政府打出 DSD 黃牌之後，樓市租售比率發生大逆轉，每月有幾仟宗由買轉租個案，有樓出租嘅業主，個個嘅尿袋都有人幫手叉電！

由天璽、The Austin、囍匯嗰啲中小型單位賣得熱火朝天得知，投資者嘅尿袋好多已經叉到爆，遊資四濺要揾地方擺！下年地產商要出貨其實好簡單，貼市價之餘再幫投資者交 DSD！】

亮劍 2014-03-24 11:31:10我咁寫

截到昨晚止，貼市價推盤的長沙灣丰滙未開賣先旺場，久違的睇樓排隊人龍再現，現時累積入票約3 千張，日內有望加推，預料本周六（29日）開賣。昨午現場所見，售樓處外集結人龍，並且打曬蛇餅------

現在新盤開價有一個現象，就係三房有折讓、兩房貼市價！

而一房單位，因為之前開賣嘅新盤及貨尾，鑊鑊一炮過清倉，因此地產商不單止冇平賣俾人，仲會開出溢價揾翻少少，以補貼大碼貨滯銷之損失。

政府之前推限呎限量地，本想增加整體樓宇供應來造數，那發展商仲唔借題發揮，先落个低價來食你政府庫房頭注？

再借政府呢個 3 D笨招，鎖死那些 2手A及B類中下價供應，地產商便可提供各小业主不能承受嘅弍按安排，以及 SD回贈吸客，因此呢 D限呎限量地所起嘅樓，好大可能食埋 「2 島」！

再計埋呢个打房政策，話就話打擊需求，實際上連供應都打擊埋，因此政府隨時輸埋个尾！

呢幾拾鋪政府同地產商玩嘅十三張，真係好可能頭弍尾到輸曬，隨時通派！！

現在嘅狀況係：-

上車客買樓冇平到，隨時同大碼樓買家代找 SD。

政府加埋曬整體上土地供應冇多到，樓宇庫存龜速增長。

整體上平均賣地價低咗，成交狂跌印花稅少埋，庫房收入減咗唔少。

攪到小业主鬼揸、地代猫挖、裝修及律師小露寶！

剩下有米嘅 D及 E類買家，可用「平價」買倒樓！！

TO 19樓 引刀一快兄

兄台呢番話無論對或錯，同懒人向來想法完全一致，嗰次同個仔咁講，慘被個仔炳咗一餐，諗起而家仲咕咕聲，以後都唔敢提，無法，錫個仔，慈父多敗兒，無計。

TO 33樓 NOBODY 兄

懶人睇完兄台嘅大作，先知道嗰仔只係以兄台千分一功力嚟炳我，我而家當堂無晒咕咕聲，興幸有個咁嘅仔都唔係太對唔住祖先。我都係無得揀嚟英治時代香港出世，我原本以為我懒所以學英文特別差，原來係因為我無讀寫障礙症，我又以為我中文ok啦，點知睇完兄台嘅中文大作先知懒人中文程度渣到痺，兄台以精通英文為榮，好彩你用認為只係識聽同講，就夠應酬啲無可奈何同種同文嘅中國人嘅中文寫呢篇大作，如果兄台用英文寫，可能鬧得更加字字鏗鏘，舉出唔止10项香港同內地中國人嘅醜態悪行，可能過百項，但係懒人就唔知你寫乜；懶人唔會咁無聊寫番10项中國人嘅好野嚟頂撞兄台，但係懒人以身為中國人有中國心為榮，我以今日中國人好嘅地方，好嘅成就為榮，唔好嘅行為為戒，希望假以時日，中國人會受全世界人尊重，華人與狗，不得進入呢8個字，nobody兄覺得與有榮然？

唔係喎﹐係弟弟你親口講過話你自己在此論壇中屬於有"壓倒性學歷"之人喎﹐咁快唔記得 ﹖在下只是看不過有人目空一切而已。原來弟弟認為認識一些國內高學歷人士就可攞出嚟大人 ﹖咁就睇得出你係屬於邊一個層次啦 。

TO 引刀一快兄， 自我陶醉兄，NOBODY兄

懒人一向以尊重每一個人為座右銘，無論意見同與不同，年齡地位成就差異全不重要，皆有值得我學習之處；唯懶人雖生於長於香港，對國家有濃厚情意結，眼見中國近幾十年來，由全國瘡痍遍地發展到今日嘅成就，無論由何党何人成就都值得敬佩，只望好嘅方面發展延續，壞嘅方面不斷改進，中國必有希望。

一時衝動，冒犯處還請nobody兄見諒。