由信置（083）、合和（054）及市建局合作發展的灣仔利東街住宅項目囍匯，項目第2期共1,096伙終獲批售樓紙，有指準備月內發售。
囍匯分兩期，第1至3座屬第2期，2015年11月落成；第5座則屬1期，共179伙，明年12月入伙，消息稱，囍匯2期的樓書正準備中，有機會本月發售。
同區壹環近期發售的一批貨尾單位，實用呎價介乎約2.3萬至4.5萬元。
咁若果囍匯真的於短期開售，實呎價 3 萬，應該叫貼市價啦。
可能有人話----1個市區3 百多呎的單位, 要價成800萬至1000萬？？
從香港過去10年房屋價格來看, 單看價錢應該是屬於豪宅房屋！！
但以面積來看, 又不是富有人士應該會住的地方！
既然不是豪宅面積, 為何價格是豪宅價錢呢 ???
在香港撈得掂嘅發展商，最叻看風轉舵、見縫插針，如果拒哋唔係做過廣泛調查，又點會將旗下地盤，開呢啲只係得 300 零呎嘅則出來賣俾人？
而亂咁規劃同開則，或在唔適當時間，又亂咁開價，咁市場就會對拒作出懲罰，大家還記得市建局嘅Queen’s Cube 嗎？
點解市區微型單位可以要你兩叁萬呢？在此講吓我所見所聞，喺呢十多年，有唔少跨國機構希望進軍大陸市場，拒哋為求穩陣，唔多唔少都會派啲先頭部隊，走來香港成立橋頭堡收集第一手資料！
當然呢班人通常唔會係公司嘅高層，不過使唔使揾個地方俾人住先？
而呢啲公司為咗方便，都會集中在維港兩岸，咁嗰啲先遣人員喺公司附近揾樓租又正唔正路？
這些外籍員工因為只係中層僱員，所以房屋津貼好奀，只係每月 2 萬元上下，他們要方便、要近公司、又想有靚會所、加上拒哋好多都係單身人仕，食飯就出街食或叫外賣，涼就喺樓下健身室沖，衫就攞去洗衣店洗，加上佢哋又要成日飛翻祖家匯報，或翻大陸做嘢---
租你層樓兩年，廚房廁所嘅設施隨時有八成新，最主要拒哋每日只係瞓你幾個鐘，唔介意住得迫啲！
有市場就有供應，咁嗰啲地產發展商咪起啲迷你單位俾人收租，專攻這班人嘅市場！
呢啲樓緊係貴到飛起啦，因為這些單位嘅客路，係一班可以俾得起租嘅外藉人仕，而唔係啲剛剛畢業嘅港人呀！
香港要做紐倫港，要做國際大都會，咁樓價就會同你反映出來！
