|
1. 小學雞 2012-01-09 13:20:33 |
|
CY講嘢一時一樣，一時屯門，天水圍，東涌，係邊遠地區，昨天又話香港沒有邊遠地區，公屋要建在市區，是否在中環，灣仔，尖沙咀，廣東道建工屋！這樣香港就有救了。 |
|
2. 王先生 2012-01-09 13:23:38 |
|
係香港嘅紀律部隊都有宿舍提供俾員工申請，而編排邊個入先、入後、地區、大細係以計分制厘定！
紀律部隊員工想快啲入住宿舍，最快手係升級，其次係結婚生細路，如果職又無得升，婚又結唔倒，
咁就慢慢排隊，以年資換分數！
香港人日思夜想都要買樓，政府就成全拒！其實資助房屋可以參考這種計分制，我提議：-
1) 香港永久居民有 1000 分。
2) 18 歲以上居民每大一個月有一分。
3) 由申請當日起計每一個月有一分。
以上分數可以用家庭做單位，以人頭計數，如果加入一兩個老人家，絛數就認真襟計！
4) 每一名子女有 1000 分。
5) 每納 100 元薪俸稅有一分，仲有追溯權及累積滾存。
6) 交回公屋單位又有 1000 分。
以上分數係體驗申請人對社會嘅供獻。
7) 成世人都未擁有過物業嘅有 1000 分。
8) 曾經擁有過物業嘅人都有分，每做一年無殼蝸牛有 50 分。
有物業嘅人都可以申請，以便樓換樓，不過你哋無迫切需要，所以無分！
咁居屋、夾屋及置安心就唔好起喇，將呢啲地攞出來賣鬼左拒，然後將啲錢折現派俾申請人！因為：-
1) 2 手樓平過新樓，同一幅地可整多一倍受助人數。
2) 本來起居屋嘅地，如果位處旺區，政府係雙重補貼，例如赤柱都有居屋起左，如果當日係用黎起豪宅嘅話，
呢塊地應該值幾錢？依家起左居屋，一來賣唔得起錢，二來要打折，三來仲要影響埋附近私人樓嘅樓價！
3) 居屋有樣嘢玩倒人嘅係你唔知幾時輪到你，而輪到你果陣啲地區、大小、間格又未必係你嘅心水！
4) 如果抽倒居屋，你就會住到老，好難搬去第 2 度，無論你係轉左工、細路左校、家庭成員有變----
邊個多分就邊個先，可買乜嘢樓都得，但只限自住，邊個將個單位出租就會收監！
申請人有 1 蚊首期，政府就俾 1 蚊，上限 50 萬，只計街息，幾時鬆動就幾時還。
批左確認提取權一年內揀你喜歡嘅樓，揀唔倒倒扣 5000 分再排隊。
呢種房屋福利一生人只係得一次，所以申請倒居屋者免問！
為公平起見，申請左呢種房屋資助者賣樓果陣唔該連本帶利還錢！
咁第時邊個走出黎話「我買唔倒樓」！政府高官就會問拒「你排緊隊未」？
如果拒話「排左十年」！政府就問「你成世人納過稅未？你結過婚未？你生左細路未？」
政府最緊要係如湯博士所謂，優化勾地制度，保持充足土地供應，滿足上述申請人需求，以免樓市大起大落！
以上計分制有幾個好處：-
1) 申請人會大約知道幾時輪到，會作好首期準備。
2) 自由選擇地區、單位大小、座向、樓齡新舊-----
3) 政府資助金額可以維倒數。
4) 資助係有好大機會收得翻。
5) 可以立刻推出，唔使等幾年。
6) 有份納稅嘅人申請倒機會會大好多，咁樣會公平啲。
7) 連樓換樓嘅人都招呼埋，反對聲音會少好多。
8) 家有長者會得高分，連安老問題都照顧到。
9) 生多件化骨龍都有分加，解決人口老化問題。
10) 公屋居民如果交雙倍或市值租，就會立即申請，咁又可起少間公屋。
11) 永久性居民優先，合唔合理？
12) 俾到個希望啲無殼蝸牛，而且係可望達到嘅希望！
以上計分制分數係我個人初步構思，以便拋磚引玉，希望大家指教指教！！！ |
|
3. 法子 2012-01-09 14:25:39 |
|
CY 根本就係一個騙子, 現在為了選票不停改口, 見人講人話, 見鬼講鬼話. |
|
4. 王先生---轉載蘋果日報左丁山專欄 2012-01-09 15:11:40 |
|
港人港地不可行 2012年01月09日 行政長官選舉候選人梁振英推出房屋政策，其中最引人注意一項係「善用短期可發展土地（二至三年）：推出港人港地，以賣出地契條款限制新建成住宅後只可售予香港居民。」
點解要有「港人港地」？背後原因係內地人來港買樓，產生擠出效應（ crowding out effect），令本地人無法買樓（因為內地人更有錢，可出更高價），為咗抵銷（或說保護本地人）外人銀紙多嘅效果，就曾經有人提議過興建一啲樓宇只准香港人購買，外地人不得沾手，此人就是施永青，梁振英並非首創「港人港樓」呢個概念嘅。
站在自由港，自由市場，摒棄保護主義呢個角度，左丁山自然反對任何形式嘅保護主義，反對港人港地呢種借屍還魂嘅保護政策；外國當然有限制境外人士買官地物業嘅措施，但香港情形與外國完全不同，我地並無任何天然資源，發達靠晒物資與資本出入自由呢個大原則，全無資格搞保護主義。
根據中原地產代理研究部發表過嘅買家調查，大陸內地人在港買樓，以豪宅為主，仲未對中小型單位上車盤有大興趣，特區政府目前推出一啲「限量單位」、「限呎單位」，其實只係本地未有物業嘅人士會有興趣入市，換樓人士就未必嘞，換樓想換一間大啲嘅啫，點會賣六百呎舊樓去買入六百呎新樓㗎，如住在四十年殘舊六百呎，自然係例外。既然如此，將來港人港地實施起嚟，操作問題甚多，第一就係誰人可買？有無入息審查？如有，則與居屋有何不同？如無，則住在淺水灣、九肚山嘅富戶為子女掃貨入幾間，咁「港人港樓」又有乜幫助中產嘅意思？
解決目前香港最多爭議之房屋及產婦兩大問題，長期解決方法係擴大供應，即林奮強所講「做大個餅」，而唔係搞保護主義，限制需求。幾十年前經濟學者關於經濟發展方面，已有 inward-looking（內向）與 outward-looking（外向）政策之辯，如內向之中國印度變成大落後，外向四小龍贏晒，卒之中印現在都靠開放外向而衝番上嚟，香港斷不可能在二十一世紀走回頭路，阻止內地人來港產子買樓，愈係咁做，愈係會引發「香港」與「中國人」之身份紛爭。  |
|
5. TRON 2012-01-09 15:20:22 |
|
CY是對的, 港人港地是應該的, 外人來買貴了地, 就不可以給他們買, 這個只是開始! 仲要港人港米, 港人港菜, 港人港肉...呢D都係港人嘅基本需要, 同"地"嘅需求一樣, 外人來香港食到D野貴曬, 一於食得嘅都唔賣比佢地, 以CY的智慧聰明, 一定無錯啦! 香港就不需要有明天, 但係一定要有CY! |
|
6. 向泛民说不 2012-01-09 15:22:34 |
|
居屋不是已经只可以卖比港人了吗？点解还要搞什么港人港地。真系废物。 |
|
7. 王先生 2012-01-09 16:50:50 |
|
居屋補左地價之後就係私人樓！ 可以賣俾邊個都得，包括大陸同胞！ |
|
8. 外国工作港人 2012-01-09 17:16:36 |
|
我都觉得CY是对的，见基层就讲包你一世衣食无忧，见青年就说包有工做，还提供上游机会，见未上车中产，就说包你有平楼住，以后还会有钱赚。目的：增加民气。钱从何来：政府大把，唔关我事，唔够，向中产开刀。 |
|
9. Sun Moon 2012-01-09 17:24:00 |
|
同胞如此有米, 點會買已補地價之二手居屋. 大部份均買新的私人屋苑. |
|
10. O了 2012-01-09 18:01:17 |
|
5楼的建议未够完善 内地手买贵啲奶粉和尿片, CY应推出港人港奶,港人港尿片 |
|
11. Oversea Chinese 2012-01-09 18:46:49 |
|
「港人港地 what is wrong with it. My wife is Malaysian she has relatives work in Singapore. they are not allowed to buy some of the houses there, which are left for Singapore citizen. Also when they buy houses there they have to paid much higher price than the Singapore citizen for the same house. I think CY just suggests something which is working very well for some successful country.
|
|
12. 計分制 2012-01-09 19:19:05 |
|
王先生的計分制很有參攷價值，希望政府認真參攷，研究。 |
|
13. 港人港地是死胡同 2012-01-09 19:43:40 |
|
改革開放令中國走向繁榮倡盛的康莊大道,港人港地是保守主義的死胡同.
加緊開發土地, 作大個餅,分享國家的成果,也為國家作貢献,才是香港的唯一出路. 改善資源錯配,如收緊富戶政策,改善濫用公屋,也可缓解供应.
|
|
14. 小學雞 2012-01-09 21:03:56 |
|
CY應該向港人保證，生養，死葬。 |
|
15. 大嬸 2012-01-09 22:22:19 |
|
Ask 11 邯鄲學步者 那麼我們是否也該學Singapore 政府禁止市民吃香口膠? 刑罰還有用藤杖打pet pet? |
|
16. mini 2012-01-09 23:01:38 |
|
If CY is Chinese Yogurt, it may not be hazardous to your health. If LV is Lower Value, it may at least give you something. If HT means Higher Tower, it may at least let you know what it is. Which one you like/love ? |
|
17. 上善若水 2012-01-09 23:30:23 |
|
“港人港地”一事，小弟認為可作如下思考： 1）此事一定要比重建居屋或者其他政府津貼買樓的政策要好，至少不必拿公帑去補貼個別人置業，而且“港人港地”可讓香港居民人人有份，比居屋只讓少數通過抽籤的幸運者得益要公平很多。 2）香港日益國際化，外來的購買力與日俱增。與源源不絕的外來精英比較，大多數香港市民的財力肯定不足。如果放任自流，則香港的房屋遲早多數被外來精英買下，樓價一定會是普通香港市民難以負擔！情況一如紐約、倫敦，或者北京、上海等。 如果我們採取自由競爭、汰弱留強的方法，若干年後，香港人口一定大換血，外來精英將聚居香港，普通香港本土人士，可能要租住外來精英的房屋，或住在政府津貼的各類房屋裏面，甚至無法繼續在香港立足，要移民他方。當然這樣的結果是香港一定行大運！但是否目前多數香港市民所願見？ 3）如果不採用“汰弱留強”的政策，要保護香港本土市民，那麼“港人港地”相對於其他政府津貼置業的行為，已經算是一個良方了。可以從細節上加以優化，例如：在“港人港地”上起的樓只有香港永久居民可以購買，只限第一次置業，日後轉售對象也只可以是首次置業的香港永久居民等，其實施永青先生一年前已經提出具體措施。 無論如何，“港人港地”是一個無奈形勢下的權宜之策！ |
|
18. 仲達 2012-01-09 23:32:40 |
|
港人港地真荒謬 梁振英(下稱CY)由始至終對香港的樓市抱着錯誤的認知，以為所謂創新思維可以解決市民的置業問題，搞「樓市創新」，拋出一大堆似是而非的空頭支票，慷中產之慨就可扭轉乾坤，奪取特首寶座。 CY的錯誤認知在於以為內地人「買貴晒」香港的樓，其實內地客多數鍾情新樓，對二手市場的滲透率最多只有十數百份點，至於新樓購入比率，亦由年初的三四十巴仙(瓏璽等)降至年尾的二十巴仙左右(天賦海灣、深灣9號)，這些都是以千萬計的豪宅，與極欲上車的小市民何干？ 更何況，大部份以上所指的豪宅，無論位處何區，都以港人買家佔大多數，證明港人的購買力一點都不弱---事實上，誠如湯博士一直所言，現在仍有很多早幾年沽空了自住樓的人等機會入市，只要按揭成數放寬或減低SSD稅率，購買力就會再次爆發。 至於上車問題，究其根本，是政府不肯推出徹底的解決方法---首置樓房計劃，不以扭曲市場的新居屋或置安心為依歸，純以首次置業的市民能負擔的價錢，以最公平的市場機制得出價格，自可解決所有因人為決定的配給方法引起的不公！ 此為長期的上車問題解決方案。 能更快見效的解決方案，在於適度寬免樓市調控措施---當換樓難度下降，市民自可釋放原本的上車盤換取換樓盤，換樓鏈則可恢復正常運作，不至現時想換樓的人換不了，想上車的人上不了，更害苦了所有與地產行業有關的從業員，範圍之廣、程度之深，不足歎冷氣鐵飯碗的公務員道矣。 凡此種種，無論應急措施和長遠樓房政策，與港人港地何干？ 錯誤認知、空頭支票、慷中產慨，以及八萬五的新仇舊恨......所有港人，無論是何身份，都應對CY說不！ 一言蔽之：錯誤認知害死人，港人港地真荒謬！ |
|
19. CY萬歲 2012-01-10 01:08:56 |
|
CY萬歲 CY今日又有新招, 畀你3年幼稚園免費. 以CY的才智,不應當香港的特首,因為香港不能自己印銀紙! 不停派福利,不印銀紙,錢從何來? |
|
20. O了 2012-01-10 03:13:32 |
|
陳佐耳當年批評港英政府大派福利是想香港車毀人亡. 現在CY重拾港英政府的福利政策,就像當年延續港英遺留下來的八萬五政策一样,要香港車毁人亡. 結論是CY有99%是港英政府的黄大仙,是無間道. |
|
21. Oversea Chinese 2012-01-10 08:00:29 |
|
|
|
22. 70後 2012-01-10 09:30:41 |
|
港人港地, 真係超廢, 你不如將居屋禁售期加至十年... 期間只能賣比政府, 十年內回收價同買入價一樣, 扣番折舊, 租屋都要錢㗎!!!! 咁咪港人港地囉.....又剔除左炒賣嘅基因....間屋住左十年都抵佢賺啦..... |
|
23. 王先生 2012-01-10 09:54:13 |
|
發展局數字顯示，特區政府現時預留 1,640公頃土地，供丁屋未來興建之用，即相等於 86個維園，面積也較擬填海的更大。政府其實一直都推行港人港地，不過只有原居民先係港人，才能有港地！ |
|
24. 利港人 2012-01-10 10:40:20 |
|
仲達兄又一傑作，佩服！ 上善兄的意見也不錯。 希望其他高手如雲兄、80後銀行從業員等也能略抒己見，賜教網友。 |
|
25. 王先生-平時嗰個 2012-01-10 11:45:07 |
|
23 樓 王先生---以下呢篇嘢係中天嘅文章，我百份百同意其立場！ 平時嗰個王先生。 2011年12月6日 丁屋政策繼續出賣大眾利益 丁屋政策造成之土地資源錯配似乎繼續無限膨脹！本應為市民把關嘅規劃署，昨天竟然以「滿足新界原居民的丁屋需求」為名，將邊境禁區12條村附近嘅丁屋地加碼批多20公頃！但係咁多地卻只夠興建雞碎咁多嘅800間丁屋！呢個決定既違反保育生態原則，招致綠色力量、世界自然基金會、嘉道理農場、香港觀鳥會及創建香港等機構發聯合聲明反對，更對增加土地供應呢個全港性嘅大難題置之不理—如果呢20公頃地劃成五倍地積比嘅高層大廈，隨時起到7000個800方呎嘅單位，比800間丁屋多成七倍幾！此外，典型嘅劣質丁屋建築及規劃，將再令依家寧靜嘅綠野糟蹋殆盡（見10月25日拙文〈選舉期票開到丁屋？雙英應向市民攤牌〉），造成香港「四失」局面：浪費土地供應，丟失優化城規契機，製造社會不公，以及加重貧富懸殊！呢個決定亦充分反映筆者上周所指政府喺土地房屋管理之上之傲慢與獨斷，喺姑息鄉下土地既得利益者及發展商之餘，亦斷送咗如果補地價本來可以代全港市民收取嘅土地收入。特首候選人只有一條路由保育角度嚟睇，唐英年嘅「高密度發展觀」其實與筆者上文簡單計算嘅背後原則有些少吻合：即係如市區模式般，利用鄉村嘅已建土地，喺對村附近綠化地帶最少影 響、侵蝕嘅原則下向高空發展（但係政府唔無限地派發新丁權，只係容許現成業主賣盤畀發展商重建），咁樣唔單止能保留原有田園綠野嘅風貌（因為可發展嘅土地喺已建村範圍內，而唔係好似規劃署咁，永無休止地橫向擴展），更為村民發展自己嘅屋／地增加誘因，因為發展商出嘅收樓條件必會優厚好多！可惜，曾特首為着得到鄉議局嘅政治支持，一直冇膽去得罪後者，導致丁屋政策尾大不掉，拖到今日。希望當今各特首候選人希望能夠鼓起勇氣，為香港絕大多數人服務，廢咗丁屋政策。因為喺平衡三四萬村屋業主／地主嘅權利，與二三百萬戶市區家庭嘅居住需求之間，有智慧／良心嘅人都會作出同一決策。中天 |
|
26. 洗腦 2012-01-10 11:56:29 |
|
CY再來個不准外來者在港經商, 飛机不准落港, 不准入口內地物資, 向北韓的金姓學習, 向港人洗腦, CY不止可以統治一世. |
|
27. 向泛民说不 2012-01-10 12:33:32 |
|
CY-这条友根本就是10成10是共产党。想解放基层，等基层人人有屋住。解决办法就是共中产产。 |
|
28. O了 2012-01-10 13:36:42 |
|
楼上错了 CY最多只系上世纪五六十年代的土共,更加可能是港英留下的无间道. 千万不要跟邓小平的走资派相提并论. |
|
29. 普通人 2012-01-10 15:01:25 |
|
現在國內也不搞福利主義,cy的福利主義是想將香港搞到車毀人亡嗎?希望中央政府千祈不能任命此等人士管理香港! |
|
30. 普通人 2012-01-10 15:11:03 |
|
cy民望高?是香港人太善忘了,8萬5的噩運剛過,又想重蹈复惻. |
|
31. 有樓人 2012-01-10 18:00:51 |
|
CY 講甘多嘢，都係為左我地d香港市民，我支持佢，我自已都有層摟市值HK$800幾萬，但係睇到其他市民買唔到樓，我都覺得唔開心，點解？？？因為個社會唔能夠安居樂業就問題大啦！！！ |
|
32. CY 食 KY 啦!!!! 2012-01-10 18:23:43 |
|
「港人港地」?!!! 咁仲要D香港男人一定要哽港女, 吾准娶妹、北妹、賓妹.... CY 你食 KY 食滯咗呀?! |
|
33. 王先生 2012-01-10 23:18:30 |
|
Dog and Garbage! |
|
34. 港人自消費 2012-01-10 23:32:09 |
|
cy可以不准內地人來港消費, "港人自消費". 舖位就也沒人租, 大家失業, 又有負資產, 沒人買樓, 樓價跌50%, 是CY的功勞, 大家向CY拿福利, 派錢, 派公屋, CY可以實現他的空頭支票. 真是一等功. |
|
35. TRON 2012-01-11 11:25:26 |
|
TO 34樓: 你太過份啦, 把CY嘅機密寫出黎, 其實CY唔止想香港成為M形社會, 仲係想香港成為L形呀, 99%都成為基層, 其餘1%就不理啦, 到時CY就要風得風! |
|
36. ABC君 2012-01-11 18:11:01 |
|
勾地政策」是解決八萬五的劣政。沒有八萬五的蘇洲屎，何來要勾地政策」。要不是沒有勾地政策」今日死的何止上千成萬。振英把樓價上升的原因推給勾地政策」，簡直是豈有此理至極。此等人來做特首，香港「香」矣。 新加坡沒有勾地政策」，樓價又為何升呢?振英你知道嗎????????????? |
|
