|
1. 王先生 2011-12-28 11:12:27 |
|
以下呢篇文章，經濟日報今日都有登係 D11板，呢位 80 後嘅經歷好發人深省！ 也是八十後。。。。置業分享  [按此打開] [隱藏] 本人從未在此板發過言，見到有個八十後師兄既分享，有同感所以發表一下，不喜勿小。。謝謝大家手下留情。
自問算是窮人。收入不多，
今年28歲， 19歲開始pt ， 21歲開始全職工作， 全職工作後搬出去住，住嘉湖，710尺三房，當時4100租。（因為當時兩房3800。三房先4100）
23歲果陣樓價低， 老豆係咁同我講交租等於幫人供樓，於是就逼我置業， 由於自細住天水圍，工作問題離唔開元朗天水圍，
於是買左層二手居屋，天盛苑，700尺左右，向東南，向西鐵站，景觀好好，一望無際，交通非常方便，出市區既巴士尾站，上巴士就直上高速，回程第二個站就落車，步行到西鐵站不用五分鐘，出旺角大約半小時，去尖咀都只係七八個字。
當時樓價12x萬，二千蚊尺都唔洗，當時息口只係2.25，比左兩成首期（用盡所有積蓄）分10年供（因為老豆想我唔可以亂洗錢，迫我十年內供完），再問老豆借左十萬左右裝修同買家俬電器，剛到24歲就做左業主，供樓既支出大約佔當時收入既四成。
雖然地區係人人都覺得悲情既天水圍，但天盛係消防局同差館隔離，一d 都唔雜。
而家供左五年， 仲有五年就供完，即係我33－34歲之間就供完，由於低息及當時低樓價買入，所以供樓唔算係負擔，望一望隔離嘉湖一期，一個七百尺既單住都要租成七字頭， 真係供樓抵過租樓。
做左一個小業主五年，想分享既係， 機會真係留比有準備既人， 妳地唔好太在意住咩地區，妳想要方便要住市區，樓價一定貴，有乜可能妳大學畢業二十出頭就要買市區樓上車？ 萬事起頭難，但起左個頭之後就會舒服好多， 香港生活最大支出係乜？ 一定係住，34歲供斷一層樓，價好賣左佢換樓夠哂比首期換市區樓，收入高左既話就直接買多層，舊既租出去，有人幫手供新樓，有左第一層，第二三四五層就會跟住黎。
所以想同d 八十後九十後既後生仔講， 樓價高就唔好急住搬出黎住，同屋企人住儲下錢先，樓市是有週期的，雖然整體上係不停咁升，（睇返過往三十年既樓價，升左N倍） 但總有回落既時候（如八萬五，沙士，雷曼。。。近期的ssd 等等等等）， 妳地唔會知銀行幾時放水，幾時收緊銀根，加上政府既政策改變。。。當妳儲到二十萬三十萬，妳就做好入市上車準備。市場環境天天變，妳如果唔為將來打算，個個月出糧都玩哂洗哂既話， 妳搵幾多錢都無用，唔好講上車，租金上升，真係隨時住既地方都無。。。去住劏房。。。
而家好多八十後九十後不停嘈有錢佬，其實。。。先投資然後致富係理所當然，我唔評論人地有幾霸權，社會有幾不公，政府有幾癈， 但要先自問自己有無做好自己本份先， 月光族或低收入的年青人， 不進修不儲蓄就是等於借貸度日，總有一日連利息都付不起被社會淘汰，李嘉x 也窮過，當年人地都係做投資先有今日既富貴，人地有人地既大投資， 我地有我地既小投資去致富，樓係必須買，租樓係純支出，供樓係住宿開支＋儲蓄，有左第一層樓，解決左住既問題，唔洗交租唔洗供樓既時候妳就會發覺份糧好好洗。。。就會發現要過理想生活並不困難， 欠既只係妳地既第一步。
幸好我有個老豆逼我行出第一步，而家層樓升到2xx，加息週期又就快殺到， 如果而家先黎供， 我就唔只供十年， 可能要供15－20年，所以我奉嚾各位，年青就要打算將來，買樓不急於一時，但要先準備好，不要整天怨天尤人，好好努力才是。
|
|
2. 向泛民说不 2011-12-28 11:32:19 |
|
泛民班废材，日日闹代理，说他们是寄生虫，所以感觉他们没有用，可以在社会上消失。但是没有了地产经纪，房子怎样成交，怎样可以有效率的成交。 这种思维同大跃进时中共，打麻雀，其实是一样，当年共产党认为麻雀吃了农民的粮食，所以发动人民打麻雀，结果第二年，麻雀是死了，但是却来了蝗祸。 泛民班共产党，全部都是四肢发达，头脑简单的废材，其实比中共更废，中共最少会拨乱反正。但是泛民废材还是要将错就错。 |
|
3. 過來人 2011-12-28 11:32:39 |
|
湯老兄, 小弟從事此行多年,沒有揸價,何來多單,出貨者'入貨者如按市價成交,始乃生存或營商之道,無可厚非,但行內抄家'行家林立,立沒有統計多少不正常呎價成交,有賴director' 編劇'演員等,何來高commission 或特別成交,行內應自我查找,特別是中'高層之質數問題,上樑不正,下面何來高質...(陰招'粗言乃必修科,但work) |
|
4. O了 2011-12-28 11:42:50 |
|
多谢王先生分享 |
|
5. 王先生 2011-12-28 12:05:48 |
|
任何一個行業，都有機會出害群之馬：-
例如老師與學生亂攪男女關係、神職人員强姦年幼信徒、律師私吞客户委托-----
其實現在做經記要攞牌，果啲古靈精怪嘢已經少左好多！
我都識得唔少經記，有啲仲同我嘅屋企人幾十年老友，所謂樹大有枯枝，唔好一口咬定全部經記都係衰人！！
|
|
6. 道破 2011-12-28 12:15:58 |
|
鬧得經紀越甘,正是那些從來沒有買過樓的,他們不甘心,為何沒資格被經紀搵笨,反而要睇到業主發達,心理越來越不平衡. |
|
7. 70後人間正道 2011-12-28 12:40:09 |
|
請不要吓吓用登記之物業代理的數字來駭人, 登記/有牌不代表現職是物業代理, 很多人都是諗有牌傍身而己, 經常說三萬幾人, 難道每個月要三萬幾個物業成交, 才能一人一個盤, 所以不要說不盡不實的數據來誤導別人啦! 所以湯生, 請你已行內人數數實際在職代理才出來說話吧! |
|
8. 王先生 2011-12-28 12:56:55 |
|
我有屋企人識得一個地胆經記，她每個月都走去拒度索料，已經幾拾年，每次樓宇買賣、放租、遇上租務斗紛----
都問吓拒意見，有時啲親朋好友想買樓，就揾拒做買方代表，咁樣埋枱傾價真係順好多。
係呢個代理冰河時期，嗰啲環頭環尾嘅地胆仲生存，就係拒哋手上還有呢張牌可打！
|
|
9. 非常憤怒的人 2011-12-28 13:03:59 |
|
To: 1. 王先生 多谢分享，好多業主都是多年儲蓄而是由小屋，偏遠或好舊的樓上車先。 識念的人會董，但如小道講，說服到他是無用的，因社會有很大打壓樓價的聲音。 先不講樓價是否高，因沙士是夠低啦，但經濟不好，一樣無人買，香港樓價幾時都係貴， 只是現在有很多人想easy money，想付出小小，收獲大大，及姓賴，因有政棍幫忙，咪用公平，公義大同為借口囉！ 現在人金句： 同老细講：你比小人工，咪做小嘢囉！ 同父母講：鬼叫你生我蠢呀，咪考弟尾囉！ 或人地老豆有錢，我都無要求你，你要求我勤力xx？ 同男女朋友講 ：你對我好啲，我咪對你好啲囉！ 人是否可成功(當然不是要成請李超人啦這麼高)，不在是否聰明，在於勤力及有計劃，而不是怕吃虧，及姓賴。 |
|
10. 馬鞍山業主 2011-12-28 15:21:37 |
|
我現在持有的自住物業，是經紀夾我買的，本身在沙田第一城看中單位，但諗過馬鞍山整體樓齡新，社區整潔，又有海景，被經紀呃了去他分行，跟原來的業主傾樓價，業主唔願減，我又唔願加，經紀就減佣金遷就我，跟住買了現在單位。到今日，物業已升值三成，袋過百萬，好多謝當日那位夾我買樓的經紀，諗住新年封一封大禮事給佢，原來佢無做，我又無他電話，心內有點愧疚，當日，經紀做得久，做得辛苦，想返轉頭，係唔應該當日減他佣金。 |
|
11. RE: 非常憤怒的人 2011-12-28 15:33:54 |
|
我是過內人，知道打工仔跟老闆係唔同心態，你老細出少糧，員工們自然做少Ｄ野，唔會做多野貢獻老闆，一分錢一分貨，個個都係咁；老細肯出多Ｄ糧員工，員工又無情情對公司好少少，朝早仲有伙記請老細食三文治，晚該收工又遲少少，無怨言。 依家仲有班上左年紀的過氣老細，侍住後生仔搵工難，就唔俾員工放工早走，要遲半個鐘走人先叫合格，又無方法跟班八十後九十後員工打好關係，出糧少少要求多多，做老細的，點會唔知依家班Ｏ靚仔Ｏ靚妹根本唔會驚老細，唔妥你老細咪話劈砲唔撈，你吹得佢脹。我公司的年輕人，有創意，有膽，只要肯俾機會年輕人發揮，佢地行動力仲好過班四五十歲，侍老賣老的老屎忽員工，而且我地做開生意班老友都話，世袋唔同，家下最捨得使錢班人，根本就係呢班八十九十後，我親近多點呢班員工，對了解市場較有幫助。我買馬鞍山樓，另一個某個原因係貪後生仔多，好過住將軍澳人多迫人。 |
|
12. RE:王生 2011-12-28 15:42:51 |
|
謝謝分享，很好發人深省的感受，我即時就叫員工來電腦面前看了。 |
|
13. 70後 2011-12-28 16:28:40 |
|
我對地產代理無偏見, 我有朋友都做代理, 但真係比你試1,2次過喺街攔住你, 唔比走, 咁你會點, 企喺度唔郁, 要你繞過佢, 喺度挑戰你嘅EQ....之後仲有個類似亞頭話攞張單就比你過㗎啦....我真係唔攞, 喺咪過唔到??? 搵食啫....係咪大晒, 坑渠油, 毒奶粉, 都係搵食啫! 筆者, 如果有過伙記喺辦公室, 食煙, 講粗口, 揭你秘書條裙, 你會點, 你梗係會阻止佢, 什至炒左佢, 1次2次, 佢話玩吓啫, 你會唔會由佢..... 中美利港, 係咪要比啲守則班伙記! 淘汰吓係應該嘅.... |
|
14. CD ROM 2011-12-28 17:01:36 |
|
王先生又再次找來好文分享!!! 為我們80後打點氣... 80後是負面的標籤, 地產代理都是負面標籤, 但, 宏觀點看整体吧, 不要將個別事件無限量放大. 地產代理: 好的例子網友們已有論述, 不作多談. 要明白代理本身是一個Sales, 賣的是service, 加入(合法)營銷技考是無可厚非促成交易是無可厚非. 如果把agent的話100%沒經過濾並加入自己分析, 這是你的天真... 80後: 他們的工作真的如坊間說的一文不值嗎? 還是, 你還未學懂好好運用他們在你的團隊中發揮作用? 我(80後)工作上要管理70和80後的員工, 說實的對我來說80後員工更好管理, 重點是如何引用他們的內在的任性, 反應/速度於工作上. 時間所限希望遲點有機會與網友分享~~ |
|
15. RE:70後 2011-12-28 17:35:32 |
|
揭你秘書條裙？ 唔使老細炒，秘書小姐已報警啦！ |
|
16. Himi 2011-12-28 17:42:47 |
|
雖然我不是從事物業代理工作，但我也是好感謝有他們的服務，好讓我多次找到合適的居所。物業代理從業員們，努力和加油呀！在寒冬中，香港也有不少住家想趁低入市的。只要表現專業，一定有人識欣賞的。 |
|
17. RE: CD ROM 2011-12-28 17:43:04 |
|
現在潮流行得好快，今日的潮流，明日已ＯＵＴ，無可否認，八九十後是勇敢創新的一伙，不是上了年紀的五六十歲「老」細可比。 |
|
18. 絕望的真相 2011-12-28 18:03:34 |
|
HIMI：只要表現專業，一定有人識欣賞的。老千的買家們，是不會感謝專業經紀的。何謂專業經紀？對買家而言，劈價劈到業主七孔流血，免收佣金，就是專業！對賣樓業主而言，谷到買家流鼻血，買貴佢單位，唔收佣就是專業。 為何買家或者業主，一方面要求經紀要專業，但另一方面卻無情無義？原因：保障他們業主或買家貪得無厭的利益而已。買家無義，唔簽睇樓紙，跟第二個經紀買樓，講晒大話，聲稱對面馬路間經紀行，應承佢唔收佢佣，講晒大話！業主又係，唔比飯經紀食，邊個經紀唔使比佣，就賣比邊個。 市場上，不少魔鬼撒旦無情無義，要你專業之餘，又唔想你搵到食，保障佢地魔鬼心腸的所謂消費者利益！地產經紀是時候清醒，看清貪婪消費者的真實面目，不要相信所謂專業，你會發現，行內不少專業程度不敢恭維的經紀，好可能是最搵到食的一班，因為佢地明白行業規則，就係對買家來說，提供的盤夠便，對業主來說，搵到買家買貴佢層樓，最好高過銀行估價，這就是專業！ |
|
19. 70後 2011-12-28 18:22:55 |
|
18樓的兄台講嘢夠串夠直接,揮手先.... |
|
20. 70後 2011-12-28 18:22:55 |
|
18樓的兄台講嘢夠串夠直接,揮手先.... |
|
21. CD ROM 2011-12-28 18:46:54 |
|
回#18, haha所言甚是, 不過應該總体情況未致於咁灰gar...... 對於真正用家, 講真1%應該都肯比人賺下ha wah... |
|
22. 非常憤怒的人 2011-12-28 19:22:48 |
|
To: 11. RE: 非常憤怒的人 其實小弟並非講80或90後，小弟見過很多老屎勿又懶又唔願跟時代改變。 小弟想指出成功的要素，不是要姓賴，要靠自己。 至於人工，這是有鷄先定蛋先的問題，一個老细請人，唔知你能力(尤其畢業生) ，一般不會比高人工，之後看你表現而再加或升職，(當然衰老细除外，東家唔打打西家囉) ，如果因人工少而做少，(人工係咪少，好主觀性) ，而令自己無進步向上，損失係自己。 打工同做生意一樣，是sell 自己，要做好自己的名譽。 正如有些年輕人為合資格申請公屋，而不向上爬，非常不值得。 |
|
23. 非常憤怒的人 2011-12-28 19:29:14 |
|
補充，如追女仔一樣，唔通問她先，你會唔會做我女朋友，否則我唔會花時間同全錢去追你呀！ |
|
24. 法子 2011-12-28 21:12:12 |
|
我也認識了一位在荃灣的代理…何先生，已經很多年。他很老實，不會為促成交易，呃呃偏偏。很多謝當年佢幫我兩公婆搵到個合心水的單位。想在這裡向佢講聲：「Kenny 多謝你！希望你可以捱過這個寒冬。…楊生」 |
|
25. 吳師奶 2011-12-28 23:50:01 |
|
這真是地產代理的寒冬,本人每每遇有關物業的問題,都會致電一位較為資深的物業代理,最近都有致電給她,想了解市場上有沒有要跳樓的樓價,她的答案很簡單,耍跳樓的樓價就沒有,要跳樓的地產代理則每日增加. 於是便問她的近況,她很坦白說,地產代理這份工,真是心力交瘁,還好是她這幾年算是有些成績,所以打算休息一年,放回這十年的年假. |
|
26. biu 2011-12-29 00:50:13 |
|
代理經紀佬,聽你們講得那麼痛苦的說話,人生唔係食古不發,轉行係唔會死,唔好似班拿眾援的人士,好似香港欠佢哋成世甘思維啦,你哋以前都係班廉價勞工,唔係唔知呀.(重要被人話係老千,你哋話做人做到甘折度,有何依戀.....) |
|
27. 地惨仔 2011-12-29 04:01:37 |
|
無生意、想停牌、但大長時間停咗又驚考唔返個牌、每年比牌費由唔係平、两頭縮、頭有点痛。所以持牌人數不一定係揾食人數。 |
|
28. 吳師奶 2011-12-29 10:45:25 |
|
to: biu 你唔好亂話人地行業,他們前分工唔一定是低價勞工,你說的話有點偏低人,這態度不好的.不境地產代理都是升冬靠自己能力,不須靠政府,你何必說這些話. |
|
29. 70後人間正道 2011-12-29 11:02:09 |
|
回八十後。。。。置業分享] 凡事有兩面的: a) 你有一個有錢的爸爸--------有錢資助你首期. b) 碰正樓市上升期. 沒有人是先知的. 有的己經發達, 文中所說的代理尤如賭場(鈎)爛腳, 教你買大開大就收你錢, 買大開細唔見影的. |
|
30. 地產代理人大衛 2012-01-01 07:20:36 |
|
湯先生：對你說聲＂多謝＂ |
|
31. 路人 2012-01-03 09:42:04 |
|
上星期係地產公司網上見到有個平盤 ($375萬), 懷疑出錯資料, 可能係 $475; 打電話去問個代理該盤是否連租約或有其他原因, 代理答覆唔係特別平呀, 有匙可以即睇, 於是約定 12月31號去睇. 去到睇咗幾個其他單位, 其中一個係網上睇係 $515萬, 代理同我哋講 $517萬; 而 $375萬個單位個鎖壞咗, 試咗好多次都開唔到門, 冇睇到, 代理話個單位叫價 $480. 咦, 乜唔係 $375 咩? 都費事問啦, 已經對呢個代理失咗信任. |
|
