有老友的兒子打算移民，老友當然唔想，叫我勸吓他的兒子，我話冇得勸，愈勸他的兒子會愈下定決心，倒不如讓他的兒子移民，兩三年如果唔適應就會回流，老友話咁就難搞，兩三年之後回流，香港都唔知變成什麼世界，倒不如落地生根，希望可以有突破性發展。
我同老友講，叫我勸冇用，應該叫那些回流人士勸，他們一句抵得我十句，現在打算移民的人好似買劏場舖，我曾經勸人唔好買劏場舖，點知俾人窒返轉頭，那人話，唔夠買一個車位的價錢，可以買到一個舖位，又有5%租金保證，點解唔買，後來那人始終冇買，原來有一個曾經買劏場舖的人講買劏場舖的血淚史，當兩年租金保證之後，從來未租出過，而且每月要交一筆管理費，如果要賣走，兩折都賣唔到，打算買劏場舖的人聽到血淚史，又點敢買，打算移民的人都是一樣，聽到移民之後血淚史，又點敢移民。
