唔使幾耐，財政預算案又出台，今次如無意外，財赤大約有一千億，不過，政府一向都是大喊十，大大聲講話有千億財赤，叫大家俾下意見點樣解決，但公報之後，我估計財赤大約有八百億，其實，一啲都唔難解決。
既然政府出到聲，立刻有不少人發表意見，很多人唔知道，香港人有魚蛋論精神，並不是希望自己可以攞到多少著數，而是希望現在攞著數的人唔可以繼續攞，首先是要求公務員減薪，降薪，其次是取消二元乘車優惠，就算政府聽隨民意，搞到咁大件事，每年亦只不過慳到二三十億，細眉細眼，相比千億財赤，根本沒有作用，政府要解決問題就要考慮開源，而且要開水源充足的源頭。
千億財赤如果放在其他發達國家簡直是小事一件，如果唔推出銷售稅就發債，只要不超過100% GDP，國際評級都會視之為安全水平，但香港人唔接受，其實，發債就好似問銀行借錢做生意，搵到錢就還返俾銀行，但如果發債是解決民生開支，咁就要考慮，否則就好似美國一樣，只會愈發愈多，美國可以強迫其他國家買債，香港就沒有能力，所以，香港並不是考慮發債，而是考慮有冇能力發債。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
大大聲講話有千億財赤，叫大家俾下意見點樣解決，但公報之後，我估計財赤大約有八百億，其實，一啲都唔難解決。