ENG
瀏覽人次:11752    回應:3

業主對租客仁慈,對自己殘忍

湯文亮

紀惠集團行政總裁

  有收租老友同我講,最近被銀行call loan call到失魂,原因是老友的現金流不符合銀行要求,所以要還返多少錢,至於點解現金流不符合銀行要求,是好心做壞事,不過壞事並不是對租客,而是對業主自己。

  老友話在疫情之後,響應政府對有需要租客減租,開始時冇事,但近排銀行以租金收入大減,未能支持貸款利息,要求老友還款,其實老友早已準備了一大筆錢還銀行貸款,不過就要按步就班,如果租金收入不足還貸款利息,就會賣走一些物業,不會尋求加按,但突然間要還咁多錢,從事地產行業的人,冇乜邊個唔吃力,不過,事情一定可以解決,好似成都人解決問題,一餐火鍋唔夠就食夠兩餐,業主賣一個物業唔夠就賣夠兩個,係就係慘,不過一定可以解決問題。

  在疫情開始之後,零售業協會立即開記者會要求業主減租,而政府亦作出呼籲,不少收租業主亦知道時勢艱難,大幅減租,甚至超過一半,疫情之後經濟未能立刻復常,業主亦很難收回正常租金,本來都冇問題,租金是慢慢上升,但銀行以租金收入減少,業主現金流出現問題,而向業主call loan,令到不少收租業主出現財務困難,不過又不能夠怪責銀行,如果唔call loan而出現太多壞帳,會直接影響香港金融體系健全。

  有收租業主同我講,以後寧願空置都唔會平租,因為對租客仁慈即是對自己殘忍,平租可能被銀行call loan,空置就唔會,所以,政府與什麼零售業協會千祈唔好叫業主減租,業主非不為而是不能也。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2024-12-14 21:09:23
空置似乎對自己殘忍過對租客。
2. 十一哥 2024-12-15 11:46:32
刀刀妳d大灣貨搵到交替未?空置又真係幾殘忍嘅⋯⋯
3. 引刀一快 2024-12-17 13:54:18
十一座順嫂,你過到清明,過唔到重陽,快啲認輸,仲可以保住二分顏面。

陰功,冇咗Facebook,你匿都冇碇匿。