當有人話香港電影已經過時，冇得做，突然間又爆咗一套 破·地獄 出嚟，有老友問我，有冇睇過現實版 破·地獄，我當然有睇過，不過，第一次並不是在香港睇，而是在新加坡睇，20年前，我有工作要去新加坡，晚上百無聊賴，行吓組屋，見到有人做法事，屍體放在中央，我嚇了一跳，問人那個法事有冇名稱，答案是破·地獄。
破·地獄是道教為死者做的法事，意思是為死者打通地獄之路，可以早日獲得新生，但令到破·地獄出名是佛教人物，大家都聽過目連救母，今日破·地獄就是以目連救母為藍圖，在中國，道佛早已一家親。
目連破·地獄是為了救他的母親，而另一個人物亦有可能曾經破·地獄，他並不是救一個人，
而是令所有亡靈獲得公正審判，我講大家一定唔信，天主教徒亦唔信，甚至連我自己都唔信， 大家當故仔聽下就算。
話說耶穌當日走上加爾瓦略山在十字架上被釘死，三日之後復活，四十日之後升天，在升天當日，送行群衆當中有人問耶穌幾時世界末日，耶穌話當他重臨，就是世界末日，屆時所有亡靈都會復活，同時會進行大審判，耶穌點解咁肯定，因為在耶穌死後的三日進入了地獄，向地獄亡靈作出了一個保證，一定有一個大審判日到來，這個傳聞雖然不是來自正統福音，但亦有道理，否則，很難解釋耶穌死後三日去了那裏，由於三日之後要升天，一定不會上天堂，應該是去了地獄向亡靈作出大審判日的保證，有老友話，咁即是破·地獄。
