上星期二突然唔想返工，於是約老婆中午去鴨脷洲食海鮮，去之前打電話問海鮮檔老闆有冇靚海鮮，老闆話黃勒，老鼠斑乜都有，但今日太多人訂海鮮，恐怕加工大排檔冇位，由於冇得訂位，老闆叫我早一些去攞位，多謝老闆提點，攞到最後一張雙人枱，否則就要攞返屋企煮。
老婆話點解咁奇怪，星期二中午，鴨脷洲街市熟食中心竟然爆滿，不少退休人士用海鮮打邊爐，隊啤酒，唔似報紙所講，太多人北上消費，香港的經濟環境很差，老實說，我真係唔知道點講，或者香港人鍾意聽負面訊息，報紙投其所好而已。
近日報紙不斷報道低價成交，令到大多數人誤會樓市很差，
但在咁差環境下，新盤不斷一Q清袋，這根本很難想像，唯有用地產商解釋蝕本賣樓，老實說，殺人生意有人做，蝕本生意又點會有人做，蝕本賣樓只是托詞而已。
有一個事實報紙沒有報道，就是在特首宣布取消逆週期措施之後，多了很多人睇樓，不少小型地產代理重開，如果唔了解實情，以為樓市仍然下跌，到警覺的時候，所有荀盤都俾人買哂，最後只能買一些又貴質素又差的單位，打算買樓的人要有前瞻性，如果等報紙講樓市已經轉勢，到那個時候，想用較合理的價錢，買較好的單位都很難，所以，如果見睇樓的人多了，就應該知道樓市很快就會止跌回升，反之如果睇樓人數下降，樓市想唔跌都難。
雖然金管局已經放寛逆週期措施，但銀行仍然不願借錢俾人買樓，冇銀行支持，樓市要反彈仍然有難度，就好似小店明知道有很多人會幫襯，但老闆仍然唔願意請多一兩個廚師應付，生意又點會好。
