幾年前，英國容許香港BNOer移居英國，五年之後可以申請做移民，有不滿香港政府的老友打算一家移民去英國，臨行前向我哂命，仲話佢就有得走，我就冇得走。
我同老友講，如果移民是攞多一個身份，的確冇問題，好似移民加拿大的人，有八成已經回流，但如果是長住，就要多作考慮，不是考慮本身問題，而是考慮當地原居民，試問有邊一個家庭喜歡招待親戚入住，因為家主知道，招待親戚入住，最後惹家人不滿，結果是初而口角，繼而動武。
老友當然唔理我，仲話我食唔到的葡萄是酸的，最近英國出現反移民社會運動， 英國政府嚴陣以待、其實，這
個情況很難解決，因為並不是針對某一族人或者某個宗教，而是原居民與新移民，就算BNOer冇做過任何犯法甚至不利英國政府的事，都極有可能被當地居民針對，就算開一間餐廳，隨時都會被原居民掟磚，損失事少，心理威脅極大，更何況現在英國的經濟環境不佳，搵唔到工作，或者工資被大幅削減，這口怨氣一定會向新移民發洩，新移民唯有逆來順受。
以前啲人點樣招呼親戚入住，他們用了一招叫朝行晚拆，其實是朝拆晚行，沒有固定睡床，晚上才行床，朝早拆咗佢，代表家主每一日都可以叫親戚離開，英國政府則用5+1，到埗五年之後可以申請移民，如果唔批，就唔該申請者返回原居地，現在咁嘅時勢，就算到期都暫時唔好申請做移民，萬一唔批，就要返回香港，好難面對香港班老友。
