近日天陰陰，不時有雨，如果在平時，大家想截一個的士都很難，唔係冇的士，而是大部分都是冚旗揀客，我試過已經截停的士，但突然落雨，司機立刻冚旗話要去接客，之後就很難截到的士，唯有轉搭地鐵。
同事在這幾日出外見客，很早就回到公司，我問同事是否不順利，同事話非常順利，包括截的士，雖然落緊雨，竟然可以截到的士，同事主動問要加幾多錢，的士司機話照錶收費，唔好做壞規矩，令到同事以為自己移咗民，香港的士司機幾時變得如此規矩。
有同事搭Uber，平時收費150元的車程，最近竟然只收70元，同事百思不得其解，我話很簡單，的士平日落雨加
錢，Uber司機知道，亦會加價，70元車程車資收150元，已經是很保守，現在只收70元，不過唔知會維持幾耐，所以，大家現在出行，應該多坐的士，令到的士司機知道，原來維持正常收費，生意會咁好，揸車載客總好過空車揀客。
大家可能冇發覺，香港原來好似一個的士司機，商家對於來港旅客，甚至自己友都不大重視，認為生意唔憂做，當大灣區崛起，港人北上消費，而內地人減少嚟香港，在香港做生意的人才識得驚，自我提高質量，希望吸引多些旅客來港，以及港人留港消費，有食肆老闆同我講，最近將所有菜餚加大份量，可以做50個餐的食材，只做40個餐，食客覺得抵，就會主動繼續幫襯，做生意是長做長有，並不是一次性的，加大份量之後，生意多咗，亦轉虧為盈，這才是生存之道，如果開徵什麼離境稅，銷售稅，始終會自我毀滅。
