五一勞動節假期，晚上家宴，請了幾位國內朋友屋企食飯，他們不約而同恭喜我，起初我一頭霧水，後來知道他們從小紅書得知，浸大在英國泰唔士高等教育亞洲大學排名，由105位躍升至63位，我這個舊生會會長我與有榮焉，所以，他們恭喜我，並讚我良禽擇木而棲，我話做會長不但冇人工，仲成日要倒貼，但我了解浸大管理團隊做得很好，所以才會做舊生會會長，不是擇木而棲，而我是生意人，以投資角度出發，是鳳凰無寶不落。

　　我多口問一句，如果浸大排名大幅下跌，他們會不會取笑我，國內朋友亦是生意人，答案當然是不會，未能雪中送碳，亦不會落井下石，唔似得香港執笠群組，捐窿捐罅搵一些執笠或者就嚟執笠的舖頭出嚟公諸於世，其實，當事人無論是什麼原因執笠，都唔想其他人知道，執笠群組將他們執笠的消息公開，無形之中是落井下石，令當事人受害，自己又沒有得益，損人不利己，最下等之人。

　　我問過一個很喜歡將別人執笠消息放上網的人，點解要咁樣做，回答是市民有知情權，我認為是浪費時間，如果得閒不如諗下點樣搵錢仲好，知情權只不過是揭人私隱的一個藉口，最奇怪的就是將執笠消息放上網的人幾乎全部都是匿名或者是假名，他們的理由是擔心受害人報復，連受害人都沒有知情權，點解可以用市民知情權揭人私隱。