有老友話今次大鑊了，他申請加按其他物業來支持兒子買樓，但銀行竟然唔批，老友話諗極都唔明，在過去幾十年，從未試過脫期供樓，信用應該很好，而且借貸比率不足三成，理論上銀行唔會唔批，但銀行回覆是物業估值冇問題，但租金收入不足，唔能夠加按，好彩仍未落訂，沒有甚麼損失，但兒子就買唔到一個心儀已久，現在又非常超值的單位。
現在銀行非常保守，業主唔好講加按，唔被追差額已經還得神落，所以，如果打算加按買樓，就一定要先加按，後買樓，否則落了訂之後銀行不批准加按，就會損失訂金。
如果打算買樓，最好辦法就是打算買樓的人在未買樓之前替自己做一次估價，例如只能夠攞幾多錢做首期，可以買大約幾多錢的樓，有了銀行一個簡單回覆之後才去搵樓，千祈唔好未得銀行承諾就先買樓，很多時銀行本來可以借最後都唔借，買樓的人就會失了預算，市場上不時有撻訂的個案，並不是買家膽細，臨陣退縮，而是銀行唔借錢畀他們買樓。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
銀行回覆是物業估值冇問題，但租金收入不足，唔能夠加按，好彩仍未落訂，沒有甚麼損失，但兒子就買唔到一個心儀已久，現在又非常超值的單位。