在施政報告之前去浸大一個晚宴，宴會期間有同學表演彈琵琶，本來大家對同學的表演沒有多大期望，老實說又不會太差，今次那位表演的同學可以用驚艶來形容，在她表演期間，全場一片寂靜
，一個字，正。
同枱有客人問我，大家講減辣已經講了很多年，今次施政報告會不會對樓市減辣，如果減又點樣減，全撤抑或唔撤，老實說，要政府全撤是冇可能，但唔撤又唔敢，既然大家已經等了咁耐，情況好似白居易等那位歌技彈琵琶，最後千呼萬喚始出來，猶抱琵琶半遮面，我相信是半撤，所有辣招都半撤，不但對得住天地良心，而且任何一方都不會話政府偏幫其他的持份者，正是不患寡，只患不均。
有人話半撤不如唔撤，唔湯唔水，我覺得又唔能夠咁講，杭思朗登陸月球時講，這是月球一小步，人類一大步，雖然是半撤，但我已經覺得很大膽，老實說，就算我做特首都唔夠膽全撤，因為全撤之後樓價必升，如果升得太急，就會受到指責，半撤是可行的，而且雖然話半撤，其實是多過半撤，以港人買第二單位為例，以往是要繳付15%印花稅，現在只需要付7.5%，其實，正確是以往要付10.75%（15-4.25 ）印花稅，現在只需要付3.25%（7.5-4.25）印花稅，大約撤了70%，算係咁啦，不能夠太過苛求。
而施政報告對樓市最關鍵就是專才從以往的先徵後退，繼而變成免印花稅，除非買樓的專才在七年內將買入的單位賣走，才要付30%印花稅，這個做法才是合情合理，香港既然要搶人才，但又要專才畀30%印花稅，講出嚟都畀人笑，估計在施政報告之後，睇淡樓市的人要重新思考。
