G7在日本廣島開會，7個國家領導人冇一個在國內支持率超過一半，最叻都是意大利梅洛尼，有49%，最低分是馬克龍，只得25%，有人揶揄話G7其實是失意領導人俱樂部，是豬7。我認為不是豬7，最多是豬6，有一個一定唔係，不是美國拜登，而是日本首相岸田文雄。
日本揀廣島主辦今次G7開會地點，其實有一個目的，就是洗底，令到發動二次大戰的日本變成一個受害者，連拜
登都中計，佢話唔會為了用原子彈炸廣島而道歉，連道歉都講得出，日本仲唔係受害者，岸田文雄真係唔少嘢。
美國當日用原子彈轟炸廣島有兩個目的，一個為公一個為私，為公的目的是消滅負責防守本州、九州和四國的日本第二總軍，而為私的就是廣島從未被轟炸，美國人藉完整的廣島來測試原子彈的威力，最後美國兩個目的都達到，但德國蕭爾茨不是味兒，在日本投降的時候，在中國以及東南亞各地仲有700萬軍隊，而德國雖然未戰至最後一兵一卒，但7000士兵都唔知有冇，有700萬軍隊都要投降，德國人是睇唔起日本人亦是正常的。
今次G7開會，7個國家有6個曾經參加八國聯軍進攻北京，簽下一大堆不平等條約，有人話今次G7開會，可能是食髓知味，見中國經濟體系強大，再一次瓜分中國，我相信這不是真的，現今全世界國家都希望與中國做生意，以武力瓜分中國已經不合時宜。萬一搞到變成核子戰爭就唔好，全世界就一鑊熟，G7並不是希望與中國打仗，只是希望中國唔好發展得咁快，莫講其他國家，就算美國都跟唔上，所以G7並不是豬7。
G7曲終人散，以「去風險，不脫勾」作為總結，很多人以為美國未能拉攏盟友壓制中國，未達到既定目的。其實美國目的已達，但日本對於今次結果應該不甚滿意，雖然狐假虎威，但G7未有發表對中國的強硬共同宣言，對日本來說，是非常不安，因為在G7中，只有日本正式侵華，現在中國強大，日本人非常擔心中國報復，其他什麼鴉片戰爭，八國聯軍都已經是清代的事，所以不擔心現代中國政府報復。如果今次G7發表對中國的強硬宣言，甚至宣布圍堵中國，就中了日本的計謀，G7變了J7，變成由日本帶隊的Japan7。
