湯博士-----我有個提議，安老按揭要由市建區夾埋按揭證券公司主導去做，法律工作就組織義務律師團(政黨爭住提供人材)，輔導工作由非牟利社福機構或區議員攪，咁樣就大量節省前期成本。
銀行做呢啲生意，開發初期點都要揾幾個人接波，肯定係豬頭骨做一單虧一單，銀行點會同你真做？又點做大到合符成本效益？慢吓手老業主上天堂，銀行大把嘢要跟，咁張單重唔水蛇春咁長，唔問你攞算你好彩，重想有錢落袋？
但如果市建局做呢？咁就照市值扣成本俾翻業主後人，唔同意你就自己去揾客賣樓還翻俾市建局又得，後人抬錢贖翻層樓亦得...........
市區樓地價講緊佔樓價7成以上，層樓舊越舊其實越有價！
市建局收翻層樓可以簡單裝修後租俾人等一等；
又可以同其他發展商貨換貨，以集中管理。
或者集齊多啲業權重建又得；
又可以起一些新樓同啲啲舊樓業主樓換樓，等老業主做逆按揭嗰陣可以每個月多啲錢落袋.............
請問銀行或保險公司又做唔做倒以上提到嘅嘢呢？
致於只係想謀著老人副身家，但又唔肯俾家用嘅人，咁拒哋就自有分寸啦！
