我有一個老友，做生意好叻，又好好人，但唔夠精明，在疫情開始時，有人曾經叫佢趁機炒一些人工太高，或者工作表現不佳的冗員。老友唔肯，佢話咁樣做對唔住啲職員，反而因人手過剩，讓一些同事可以WFH，佢有時都會呻吓，在WFH之後，公司做嘢的人少了，工作亦不太暢順。
在收入大降，伙記人工支出沒有減少之下，到最近始終捱唔住，並不是大家都無話可說，因為較為做得嘢伙記會話，老闆應該趁市淡的時候炒一些冗員，到市況回復正常，再請回一些工作態度積極的同事，公司就不用執笠。
有老友話電車佬馬斯克出爾反爾，一面話經濟唔好，要炒10％職員，另一方面請人，人數仲多過炒了的人，我問老友，馬斯克是不是精明老闆，一定係，否則又點做到首富，既然是精明老闆，點解唔在淡市的時候炒人。
