|
1. 收水加息資產升值完了 2021-12-18 15:17:09 |
|
今年以來疫情不退，加上通脹升溫，部分央行已率先加息以防通脹失控，而美國聯儲局近次會議亦已清楚交代縮減買債(即「收水」)時間表，預計加息周期將提早在明年展開，為全球貨幣政策由鬆轉緊、告別零息環境正式揭開序幕。嚴重偏離宏觀經濟基本面的全球資產泡沫盛宴，恐怕難以維持。 |
|
2. 小角色 2021-12-18 19:20:31 |
|
讀者不才，有幾點不明白： 點解鬼佬就一定係”行政人員”，唔可以係”做靚”呢？ 會唔會鬼佬住得比較大所以較多在家工作呢？而香港及國國內人居住環境比細，所以多D返公司呢？ 中資企業受債務影響比較集中內房，咁其他行業嘅走勢如何呢？會唔會多啲國企落嚟香港替補呢？ |
|
3. 菜菜子 2021-12-18 20:36:25 |
|
日本樓市爆破, 但係從人均GDP 3萬升到4萬美金,有完善醫療和退休金(高過內地中產工資)物價仲愈來愈平所以樓市係漫長有序下跌, 無咁恐慌,但係中國工資低好多, 國民7成以上財富都在層樓,一旦泡沫爆破, 樓市支持能力會差好多，收緊日子以十年起計。 |
|
4. 樓價不斷破頂 2021-12-18 23:05:34 |
|
升市時都有人書股票，迫住蝕讓賣樓。成交比率可能是千份之一。當然成個傳媒很努力找出這些個案，因為大部份讀者都無樓（網上話自己有一兩層樓的人）。可是樓價實際不斷破頂。
- 樂悠居低層18室，312呎，成交價649萬，呎價 20,801，*屋苑標準戶呎價歷史新高*
- 瓏門2期 8座高層G室, 379呎，成交價743萬，呎價 19,604，*屋苑1房歷史新高*
- 世宙2座層A室, 646呎, 成交價1,020萬，呎價 15,789，*屋苑樓價歷史新高*
- 大興花園1期3座中層E室，428呎，成交價608萬，呎價 14,206, *屋苑呎價歷史新高*
- 屏欣苑A座低層16室, 447呎，成交價609萬，呎價 13,624, *屋苑已補價歷史新高*
- 清水灣道8號高層 A室，720呎，1,465萬，呎價 20,347，*屋苑造價歷史新高*
- The Parkside 1A 座高層D室, 541尺，1090萬，呎價20,148，*屋苑2房歷史新高*
- 世宙5座高層D室, 426呎，786萬，呎價 18,451，*屋苑2房歷史新高*
- 宏福花園4座高層B室, 598呎，930萬，呎價 15,552 *屋苑呎價歷史新高*
以上係近期11-12月既成交，資料來自經濟日報，*係咪好suprise 呢？* 明明好多負面新聞㗎，明明好靜㗎，點解會咁既？
|
|
5. Hongkong People 2021-12-18 23:57:51 |
|
菜菜子姐，
樓價貴就唔代表一定有泡沫，国内樓老早就限購同埋有好多按揭限制，落手買樓嘅好多都資本雄厚！好似港樓咁，貴絕全球，但又唔係好泡沫化，只要剛需仍然強，樓價好難跌！
日本嘅情況，我唔清楚當年日本樓嘅按揭情況，但一定勁貴，日本最大問題係人口老化嚴重，人口亦不斷減少，經濟迷失三十年，年輕人覺得無希望，又佛系又敞平，樓市無剛需，當然拾級而下！
中國經濟如日中天，如果可以順利改結構，將迎來新一輪經濟升級，樓價自然再跟上；中國人嘅財富七成係層樓，唔代表樓價就會跌，香港人嘅財富可能八成係層樓，莫非就會跌嗎？樓價要大跌，除非普遍性借貸過度，好似香港97年嘅情況！ |
|
6. 內房開始爆 2021-12-19 00:35:18 |
|
信用評級機構標普全球（S&P Global）正式宣布中國恆大集團違約。這家龐大的地產開發商本月早些時候未能按期完成債務償付。預料多間內房會相繼違約 |
|
7. 富盈門特色户插水 2021-12-19 09:17:04 |
|
偏遠地區新盤持續錄得蝕讓，當中特色戶蝕讓幅度驚人。大埔富．盈門頂層連天台特色單位，實用1,550呎上月以2,200萬元沽，連雙車位，實用呎價14,194元。資料顯示，原業主2017年以約2,990萬元購入，帳面蝕790萬元或約26%。 |
|
8. 精靈小神仙 2021-12-19 12:26:51 |
|
中国問題係人口開始老化，人口亦開始減少，經濟升了三十年後開始放緩，年輕人覺得無希望，又佛系又敞平，樓市泡沫，剛需減少，加上內房企業集體步入違約邊缘。現階段樓價下行壓力大；中國人嘅財富七成係層樓，樓價大跌影响巨大，香港人嘅財富可能八成係層樓，但借貸嚴控，風險可控。中國樓價大跌，將危及整體經濟。 |
|
9. 不能不升 2021-12-19 15:51:00 |
|
皇帝都係訓一張床，早買早享受，遲買貴幾球，呢個價無得輸啦
今日低價明日高價
尼個真係荀盤尼
自住既話怕咩跌喎
樓市就見頂，好快會跌啦
收租好過打劫
無樓無高潮 |
|
10. Hongkong People 2021-12-19 17:40:31 |
|
神仙兄，
国內樓宇借貸亦係嚴控，仲有限購，比香港更嚴，係香港外地人願意俾15%sd都有机会買，國内限購城市，外來人口，有錢都買唔倒！
樓市有危機，国内仲有好多政策救市，例如撤限購，降準增加流動性，降按息（現水平大概5％p.a.）, 比香港多好多政策使用!
中國的確有人口老化問題，但人口仍然係增長（根據2020人口普查），有見人口增長，已開放三孩，連隨有好多鼓勵生育政策，應該會慢慢改善人口結構！ |
|
11. 太古城變老人邨 2021-12-19 17:41:48 |
|
太古城附近行左半小時，一個後生仔都吾見，走去西苑飲茶都吾見後生仔出嚟，D後生係咪已放棄太古城？太古城得番銀髮族，幾年後又走一批，怪不得太古城的樓價升吾起了，現在太古城已是老人邨 |
|
12. 精靈小神仙 2021-12-19 21:10:39 |
|
樓市有危機，缘於三條紅線政策，其目的是壓止內房過度借貸，但仍無法阻止內房向外瘋狂發債，現在無法還債息，破產免不了，国内仲有好多政策救市，但太遲了，单恒大日後破產後，將有80萬爛尾单位，多間银行因此壞帳大升，數十萬業主被迫破產，現撤限購，降準增加流動性，降按息（現水平大概5％p.a.）, 只是杯水車薪，救不了，香港多好得多，因發展負債低財政健康，無須政策支持!
中國的確有人口老化問題，但人口仍然係大幅放緩（根據2020人口普查），已開放三孩，但年青一代結婚率下跌，婚後不生或只生一孩成主流，政府推好多鼓勵生育政策，躺平一代此終不願生育，最終難改善人口老年化問題。 |
|
13. 愛國者 2021-12-20 05:51:59 |
|
外國勢力，不要也擺，愛國者治港。 |
|
15. 中環人 2021-12-20 06:16:09 |
|
2樓，做靚的居住還境都好過做港人或國內人，咁果我地條命真係賤了。作者想講高增值的人在中環越少，何謂高增值？幾個人handle 幾億到十億projects, 年薪幾百萬的人。 |
|
16. 一世租勞 2021-12-20 08:42:17 |
|
不少朋友年年睇淡樓市，變淡淡後日日怨婦咁話樓價貴到不能負擔. 見到乜都話會影響樓市要跌返三成以上，十幾年後已一世買不起，一世做租勞。 |
|
18. 十一哥 2021-12-20 11:26:36 |
|
了解咗日本遺產稅制同租務條例，就會明白磚頭唔可以藏金。 |
|
19. Hongkong People 2021-12-20 13:37:04 |
|
小神仙兄,
恒大爆煲事件風險可控, 恒大向國內銀行嘅借貸,絶大部分係有抵押貸款,違約亦有資產,只要樓市唔爆煲,資可抵債;至於向外發嘅債違約了,損失就係為恒大融資賺髙息嘅外資了; 至於爛尾樓,聽聞中央已恊調國企發展商及地方政府準備接管恒大樓盤埋尾,應該情況可控,呢個就係社會主義制度優勢!
你講嘅低生育情況,國內的確有,政府亦積極梳理影響生育嘅各項因素,成效如何有待時間觀察,不好妄斷,我哋再討論都只係各有各説! |
|
20. 二手蝕讓潮 2021-12-20 18:30:25 |
|
二手私樓市場過去一周亦連續錄得多宗明賺實蝕個案，例如粉嶺碧湖花園3座低層F室，實用400呎兩房戶新近526萬元沽，呎價13150元，較原業主2018年以508萬元買入價略高18萬元，但扣除使費卻實蝕約8萬元。 |
|
21. 伯傲莊又爆鑊 2021-12-21 09:22:21 |
|
新世界發展與港鐵合作的大圍站上蓋物業項目柏傲莊，再爆出混凝土強度未達標。繼項目3期柏傲莊III的兩幢大廈因牆身底座混凝土強度未達標而須拆卸重建後，屋宇署早前要求發展商為同一項目其餘5幢住宅大廈進行額外測試並提交報告。結果顯示，1期柏傲莊I的第2及第3座，約5%的混凝土強度低於要求等級，而整體結構則沒有明顯危險。屋宇署要求新世界安排跟進，已批准加固工程及發出施工同意書。 |
|
22. 匯璽價軟 2021-12-21 09:47:23 |
|
匯璽二手蝕讓觸發鐵路盤「價崩」？今年經歷過「屯馬開通的很興奮」、白石角站等振興樓市消息後，有人偷步入市搶飲啖湯，亦有人鬥快高位沽貨。不過，在九龍西南的鐵路盤卻錄得連環失利，受惠高鐵效應的西九龍大型新盤匯璽，先入伙以來租售盤源湧現，更有業主在「辣招」鬆綁後仍然蝕讓離場。
文章 |
|
23. 精靈小神仙 2021-12-21 11:47:24 |
|
恒大爆煲事件風險難以控制, 恒大向國內銀行嘅借貸,部分係有抵押貸款,違約後，所有資產被凍結，由於公司債持有人有優先分產權，因此它日變賣的資產，因國內银行分產權排在隊尾，因此攤分後國內銀行可取回的借款幾近零，加上樓市位處爆煲邊缘,資產絕不能低債，因此違約後,損失最大就係國企銀行及持有其股票的國內基金，至於爛尾樓,中央已恊調國企發展商及地方政府準備接管恒大樓盤埋尾,但成效不大，因基本上冇一間發展商冇自身問題，地方政府賣地收益大減，那有餘錢收購爛尾樓，恒大危機正全面擴散，真正要解決問題，必需由中央人民銀行全面接管收購，協調地方政府處理這國家重大危機事件，並不適合，效果不彰已是意料中事。
|
|
25. 賭幸福 2021-12-21 23:02:57 |
|
賣自住樓, 賭徒心態, 將家人幸福作賭注。 |
|
26. 有對等資訊的人 2021-12-22 03:18:10 |
|
23樓，同意。另外中國發展商違約，令好多外國投資者覺得中國大公司無口齒，影響深遠。19樓，你活在飛機文中，唱好阿爺都要有深度，低級紅比人笑的。一睇就知係是冷氣軍團的人啦，去中國生活一下，同中國公司做下生意啦。好多外國年青人，已有幾球身家啦，你身邊的年青人有無？ |
|
27. 趕旺市 2021-12-22 07:35:29 |
|
聖誕節長假期將至，鑑於本港新冠肺炎疫情大幅緩和，多個新盤趁勢搶攻聖誕黃金檔期。元朗矚目大盤The YOHO Hub（The YOHO Hub發展項目第B期）的發展商新地，有意日內再加推新一張價單，料不少於106伙，最快本月26日（周日）進行首輪銷售。長實元朗同區新盤洪水橋#LYOS、會德豐地產與信置牽頭發展的西南九龍長沙灣維港滙，亦分別夥拍代理推出聖誕優惠吸客 |
|
28. Hong Kong Peeper 2021-12-22 14:42:39 |
|
中資企業受債務影響比較集中內房，咁其他行業嘅走勢如何呢？可說一樣惨，教培業一夜間消失了，旅遊業久未能復甦，科技業裁員，公務減薪，那有企業來港租買寫字樓。會唔會多啲國企落嚟香港替補呢？要落早落了，未來收入大減，只能做內循環生意，2022年香港前路甚艱難。 |
|
29. 破刀一把 2021-12-22 19:47:07 |
|
買樓同買菜一樣，問銀行借五成，都變相double左風險(double左賺幅)唔好彩(好彩)，樓價跌2成(升兩成)，就等如本金無左4成(賺左4成)，借得愈多，玩得愈大，賺得愈多。借錢買樓致富之道。 |
|
30. 小森愛 2021-12-22 21:21:13 |
|
現時再谷都無幾多購買力架啦，早前成交大增就係因為移民盤沽貨，租客租接貨，現時能買的好多都買左，買唔到的基本等居屋，主流剛需已經去左居屋度，私樓承接力係移民潮下已經枯竭啦，點谷都無用，要知道現時移民盤唔劈都已經難走貨啦，但下年估計又走十萬人那，個市好難頂落去。 |
|
31. Hong Kong People 2021-12-23 00:00:07 |
|
小神仙兄,
多謝閣下详细解释，本人才明白国企银行也會因恒大爆煲而蒙受损失，壞帳亦會因此而大幅上升，問题比我想像的嚴重. |
|
32. 引刀一快 2021-12-23 07:14:42 |
|
Hong Kong people姐
真係難得，呢類嘢你會咁輕易聽信，向飯又唔出嚟鬧人抹黑，少見。
大陸整體樓市係有危機，不過呢類“專業分析”避開咗大陸人口流動呢個重要因素，大灣區會係中國人口流入重點地區，限購一直都係一收一放，放一放，半年升四成係2020-2021年間喺廣州發生嘅事，呢啲就得我一個講。恆大問題正釜冇掩飾，債係死得，但係樓一定有得收，要等。 |
|
33. 一手加價 2021-12-23 08:06:26 |
|
今年壓軸大型新盤、由新地發展的元朗The YOHO Hub（The YOHO Hub發展項目第B期），昨天再度加推新一張3號價單，涉及109伙，折實平均呎價21799元，較上一批調升3.7%，並推出價單上的325伙於本月26日（周日）進行首輪銷售。再有新盤搶聖誕黃金檔期推售，由益兆集團及俊和發展合作的旺角單幢盤雋薈，昨發出首張70伙價單，折實平均呎價24179元，較約8個月前同區同期推售、由信置牽頭發展的ONE SOHO及遠洋集團旗下千望首批單位，分別高出12.3%及7.3%，相當進取，折實入場費338.8萬元則屬區內新盤首批單位近4年半最平。 |
|
34. 一元 2021-12-23 09:11:52 |
|
內地整頓大企業，恒大老板要賣自己資産填數。
西方世界，很多過咗海就是神仙，特朗普更加摆明逃税。
！！资本主，定民主？ |
|
36. 灣區大師 2021-12-23 10:13:20 |
|
恆大問題政府冇掩飾，債係死得，但係樓亦一定收吾到，過往廣州深圳珠海不少爛尾樓爛足20年，也收不到樓，不少買家血本無歸。 |
|
37. 等到2047 2021-12-23 19:30:15 |
|
樓市唔同股市，交易費用咁高，樓市唔會存在股市嘅大戶控制樓價，用家主導，你覺得經濟差，可能只係你嘅世界睇得唔夠大。可能你見到受疫情影響個群，個班人就係永遠都唔會買樓嘅人。一手樓仲大把人入市，等跌入市，等到2047年。 |
|
39. 大碼成交升 2021-12-24 08:20:49 |
|
中港通關前夕，富豪入市超級豪宅愈掃愈起勁，新盤本月以來已錄10宗造價逾億元的大碼成交，較上月全月激增1.5倍，昨天單日添2宗，萬科香港屯門掃管笏上源以1.15億元賣出35號屋，呎價高見23663元，不論銀碼或呎價俱創項目次高。百利保牽頭的沙田九肚富豪．山峯，同日以約1.14億元售出11號洋房，亦令該項目今年吸金量進一步飆至逾12億元。 |
|
40. 縮龍成寸 2021-12-24 11:23:06 |
|
新建的居屋細到百幾尺，一個人都太細了，除非你打算唔結婚，又或，如果唔係真係冇必要買，2個人都住唔到。 |
|
41. 4厘回報 2021-12-24 13:56:55 |
|
民生舖位受資金追捧，天水圍嘉湖新北江商場一籃子向街地舖以約5400萬元易手，原業主賬面僅微賺約86萬元離場。天水圍天湖路1號嘉湖新北江商場地下A116至A119及A123號舖，建築面積共約2243方呎，以約5400萬元售出，呎價約2.41萬元。據悉，舖位現由3個租戶承租，包括中原地產及兩家教育機構，月租共18.17萬元，新買家可享逾4厘租金回報。 |
|
42. 「名城」成劏房名厦 2021-12-24 20:59:56 |
|
香港的劏房面貌多元；呎數由數十呎至二百多呎，不論唐樓、洋樓、大型屋苑，區區也能找到劏房蹤影。坐落大圍火車站上蓋的「名城」，近年也出現豪宅劏房，整個屋苑十二座大廈，保守估計約存在過百劏房單位。這些千尺单位，一单位劏成八房，本為內地大學生的據點，疫情過後，反而多了本地人的身影。 |
|
43. Hongkong People 2021-12-25 13:32:19 |
|
刀兄,
我有少少被抬舉嘅感覺,希望Hong Kong People只係雷同,唔係有心魚目混珠!
小神仙兄,
債權人嘅優先次序實乃會計101, 有抵押貸款,就算公司唔破產,只要唔按時還款,債權人都有權沒收資產拍賣抵債,如何國內銀行會收唔債呢? 我講緊國有發展商可接收恒大發展嘅盤,你又話我知,邊間發展商有財務問題? 就算唔係國有發展商,香港發展商例如李十X都計劃重投中國市場,只要夠平有賺幅,你估佢出唔出手?
有好多未來預估嘅情況,各有各睇法,各舒己見就好,只要basic assumptions啱,其他都無需爭辯,讓時間証明就好!
26樓,
你講得啱,凡事要有深度,盲目就真係唔好,樣樣唱黑祖國亦令人發笑!
我都人到中年,退休一段時間,生意我無做,但每年有半年周圍住下,歐美日同中國都有去住同了解下,覺得啱嘅亦會投資下當地房地產,你講嘅外國年青人有幾百萬,聴落同之前黑暴所講,香港係暴政同亂世一樣咁平行空間, 既然大家生存係不同嘅平行空間, 討論落去都好無聊,就此打住! |
|
44. 引刀一快 2021-12-26 05:11:58 |
|
Hong Kong people姐
唔想俾人冒充就註冊筆名，最好快手啲，俾人註冊咗先你就要改名。
呢個冒牌hkp都有啲水平，冒得幾似你慣常語氣。 |
|
45. Hongkong People 2021-12-26 11:43:39 |
|
|
|
46. 精靈小神仙 2021-12-27 18:13:47 |
|
國企银行貸給恒大資金，就算有抵押(抵押品過高估值或甚至抵押品重覆抵押)，但計及地價貶值及賠償給已付款業主，最少也要作五成減值撥備，但银行一直不主動沒收抵押品，因只要做這動作，就等如自揭大量濫批的貸款曝光，結果批貸款的高層就要問責，不沒收抵押品，不停追債就不須撥備，無人須負責。2020年，內房股「營收王」易主，恆大以5072.48億元奪魁，碧桂園以4628.56億元排在第2位，萬科以4191.12億元排第3，與碧桂園相差不足500億元。最大國企地產商中國海外以1827億排第五，現恒大有2萬億債務，排第二的碧桂園及排第四的融創亦出現債務問題，當中排第三的萬科暗示不買恒大爛產，所以營收只及萬科一半的中國海外，也隻字不提收購恒大爛資產。爛尾樓早於二十多年前全國各地已有，一直圪立至今不拆卸不重建，大部份付了款的業主，永遠收不到樓，也收不到任何賠償，今日大灣區各城市中，也不難發現圪立於城區中已荒廢了二三十年的爛尾樓。 |
|
47. Hongkong People 2021-12-28 11:29:23 |
|
小神仙兄,
係其他新聞網揾倒D關於恒大債務結構嘅資料同你分享下:
"中國銀保監會也表示，這是個案現象。恒大集團全部債務中金融債務占比約三分之一，結構比較分散，其金融投資數額很小，因此不會對中國銀行業、保險業的正常運行造成任何負面影響。"
"2020年9月资本市场曾流传一份《恒大集团有限公司关于恳请支持重大资产重组项目的情况报告》（以下简称“报告”），多个恒大的人士向经济观察报记者确认了该报告的真实性。 这份报告详细披露了恒大的负债情况，恒大集团有息负债合计8355亿元，其中非银行金融机构融资占比44.1%，银行借款占比27.7%，剩余为境内外信用债。" 恒大銀行借款占比三成,以中國嘅體量似乎可控,三家國企發展商分接恒大樓盤,再加國有銀行為國企發展商融資,如何不能解決問題呢?呢個就係中國特式社會主義嘅制度優勢,並唔會出現類似美國係金融海嘯時,銀行同地產商一片倒嘅情況! 以而家中國樓市,由早前髙位下行由5-20%(不同區域不同下跌情況),國家已經出手降準釋放流動性,銀行亦連續3次降低按揭利率,政府仲有大把政策空間,睇唔出樓市仲有幾多下跌空間,恒大抵押資產如何會變負資產,而令銀行壞賬大幅上升呢? |
|
從租賃角度看經濟活動，大概也可看出問題出現了，中環甲級商廈租金大概已下跌了一成半，乙級商廈更下跌至兩成至兩成半，呎價已下跌了兩成以上，來年租賃買賣的趨勢，更不容樂觀。