|
1. 亮劍 2014-12-24 15:00:04 |
|
本人沒有反對移民政策的意思，只是覺得現今屬於非常時期，如政策優先處理高質素的移民申請，會較符合目前香港整體社會利益-------- 跑馬地樂活道 僅13租盤
跑馬地樂活道租盤十分「乾枯」，以數個傳統屋苑計，僅13間放租，嚴重影響租務交投。 中原地產黃健忠稱，樂活道以樂活臺、樂陶苑、樂翠台及比華利山等計，僅13間租盤，為歷年罕見的現象，當中绝大部分集中在比華利山，而前兩者在11月錄得租務成交後，已沒有任何單位在市場放租……
跑馬地樂活道呢度只係冰山一角，要是各位 C兄唔信邪，其實可以走訪各區睇睇市價放租盤多唔多。 本人深信下一年供不應求的情況，只會更加惡劣，實在看不到改善的苗頭。 到時醫得頭來腳反跟，劏房問題舒緩，輪到私人楼租金飛升。 本人提議開發南Y島，或者索性填個人工島出來解決問題！
|
|
2. 引刀一快 2014-12-24 17:22:14 |
|
|
|
3. 我同意 2014-12-24 19:37:27 |
|
星加坡收錄投資移民,自然劏房較少. "每年有5.5個內地人批准來港定居，當中很多是低學歷、低技術的人士，他們剛來港沒資格申請公屋，被迫大量租住劏房。" |
|
4. 我同意 2014-12-24 19:38:49 |
|
"講到劏房由之前6.6萬個增加至現今的8.6萬個，房屋局局長張炳良形容，「劏房是社會的悲哀」，還表示「不可能有病時，不服藥不看醫生，讓它自己康復」。" |
|
5. 上車難 2014-12-24 20:17:22 |
|
樓宇係呢度業主嘅投資搵錢工具,不過亦都係我們未上車者嘅悲哀! |
|
6. 睇得通 2014-12-24 22:06:40 |
|
劏房租客 多為低學歷新移民 講到劏房由之前6.6萬個增加至現今的8.6萬個，房屋局局長張炳良形容，「劏房是社會的悲哀」，還表示「不可能有病時，不服藥不看醫生，讓它自己康復」。????????????? 1975年,香港是一個來去自由的香港,政府並沒有派綜援,不會強留不適合在香港謀生的市民/過客,現在的香港政府自1992年起,不斷去培植一個寄生社群,硬在香港成立一個香港人民公社社群模式,禍害香港百年基業.......現在已經每年派出569億社福開支...... |
|
7. 望樓 2014-12-24 22:42:56 |
|
十分唔忿氣嘅係我們基層市民,未買過樓一出社會就要高價接貨,俾炒家炒到咁貴,值唔值得買呀,劏房真正係社會嘅悲哀,香港奇恥大辱! |
|
8. Joe 2014-12-25 00:12:29 |
|
To 7/f
既然係基層市民，根本不會現在買樓，𣎴能高價接貨，所以你根本不須唔忿氣。 依家接貨的多是有實力人仕，他們的死活，你只須剝花生睇戲，不須動氣。 你可能係唔忿氣當初樓平時點解自己冇買姐，不過唔緊要，香港地機會總有的。 又如有自住須要，學筆者建議，居屋都係一個選擇。
|
|
9. 望樓 2014-12-25 01:35:12 |
|
TO:8樓, 樓價咁易跌呀?專家轉軑都講樓價唔跌,仲會上升,我等咗4 年了,樓價升咗幾成,當初以為政府出招樓價必跌. 結果又係好失望,高官同專家都欺騙市民,,之前成日叫人唔好買樓,話樓價會跌一兩成,宜家搞到我地上唔到車,真係好慘,成日俾炒家,專家和政府欺騙,唔忿氣呀! |
|
10. 過路者 2014-12-25 01:43:02 |
|
大城市樓宇都有投資保值作用! [房價並不只是香港高，繁榮城市樓價都高，以人均收入計算，上海人購買樓房一樣困難，假如以升幅來看，近年內地樓價更加跑贏香港。更重要的是，大家必須懂得，樓宇不僅可作居住用途，還具有投資功能，如果投資有道，既不怕失業，還可送兒女出國留學。] |
|
11. Joe 2014-12-25 02:05:39 |
|
To 9/f
咪玩啦，之前你信專家話會跌，結果係乜大家知；依家專家話會升，你點解仲繼續信?
你呢D羊群心態，確實不適宜瞓身投資，你冇參予樓市係應分，現可保存實力，根本無須唔忿氣。
怨炒家／政府／專家? 你響度玩野居多。
|
|
12. 引刀一快 2014-12-25 02:12:38 |
|
蔡生
“ 只是覺得現今屬於非常時期，如政策優先處理高質素的移民申請，會較符合目前香港整體社會利益。”
咁如果係高學歷嘅港人申請冇學歷嘅大陸配偶來港呢? |
|
13. 引刀一快 2014-12-25 02:29:03 |
|
Joe兄
買貴買平，同買得起買唔起，係好大區別嘅。
專家話乜信乜，係正常嘅，起碼呢個人擔起“專家”呢個稱謂嘅時候，冇人反對等于認同喇。
專家之言，五花八門，信專家冇問題，信著邊個專家就係運氣問題。 |
|
14. 望樓 2014-12-25 02:48:11 |
|
TO:11樓, 咪玩啦,我地小市民唔信專家及政府信邊個?作為政府有責任幫助市民置業,俾啲錯誤訊息就係誤導市民,仲唔止一次幾個高官同特首輪流叫市民唔好買樓. 成日扮嘢叫人小心樓市泡沫,又話風險好大,樓市就來爆破等等,呢啲仲唔係危言聳聽?咪玩啦,11樓人兄,你講嘢都唔好成日維護政府高官先得嘅. |
|
15. 實現買房夢需要200年。 2014-12-25 07:05:58 |
|
印度—高房價秒殺倫敦 印度人均工資21240元/年，平均房價約5萬元/平方米，實現買房夢需要200年。 印度的高房價甚至秒殺了英國倫敦，但是需要解釋的是，印度由於貧富差距過大，平均值受人口、最低工資的影響會出現一些偏差。以印度醫生爲標準，一年的年薪都在百萬左右，更難以想象的是，印度人最近正以去美國買房爲樂。 日本—平均年收入32萬—35萬人民幣 東京一套房子折合人民幣單價爲2.6萬元左右，這個價格甚至低於上海內環左右的房價，但是東京的收入卻是上海的十倍。而大阪、橫濱則更加便宜。 加拿大 加拿大多倫多錯層帶地下室的房子250多平方米，售價100來萬左右。 德國 法國 新加坡 新加坡平均薪水高達4000新幣/月，一套住房約186.5萬人民幣。 瑞士 瑞士平均收入3000瑞士法郎-6000瑞士法郎左右，在蘇黎士市區或風景區的房價約合2500-7000瑞士法郎，也就是合每平方米1.5萬-4萬元人民幣。一套100平方米的住宅售價爲15萬-20萬瑞士法郎，約合90萬-120萬元人民幣。而瑞士人均收入相差不大，超市售貨員的月薪爲3000瑞士法郎 |
|
16. 引刀一快 2014-12-25 10:28:47 |
|
To 15樓
呢個就係考慮當地消費水平嘅重要性，話之你月入10萬，如果食飯都要2500一日，一樣買唔起樓。 |
|
17. Joe 2014-12-25 12:15:45 |
|
To 13/14 刀兄 望兄
置業與否，是不少人一生中一個重大的決定，很多小市民一生中的財富就是放在物業身上，如我們如此輕率只把這樣重要的東西交予專家、高官、特首之所謂建議，而沒有認真了解香港樓市的特性，咁錯信人也就不要怨天尤人。
他們都是人嘛，不會出錯嗎? 所謂： 自知者不怨人，知命者不怨天，怨人者窮，怨天者無志。
|
|
18. 望樓 2014-12-25 12:26:44 |
|
JOE兄: 先唔講買唔到樓好激氣,就講樓市辣招,出咗幾年樓價唔跌反升,係唔係力度唔夠呀? 宜家咁高樓價市民根本負擔唔起,悲哀城市就係咁形成,好心大家正視呢啲問題,否則社會對立愈來愈嚴重,有錢佬最终要付出代價! |
|
19. Joe 2014-12-25 13:36:29 |
|
望兄
誤以為辣招目的為推倒樓價，而以此作為投資指引，這可以怪誰?
政府當然可以加辣至推冧樓市，但這當然不是政府想見到的結果。
如政府可調控樓價，當時彭定康調控左幾年就不會有97年天價了，董建華就不會讓樓價跌足六年至沙士價了，溫家寶調控樓價應很成功了。
前車可鑑，仍只懂依賴政府特首，得罪說句，愚不可及....
|
|
20. 惜緣 2014-12-25 13:48:42 |
|
To 18樓 望樓兄
在下很明白、理解兄台現在的心情，兄台唔好只睇到現在小業主的風光，沙士的教訓還歷歷在目，你能理解當時小業主的無奈心情嗎？有十多萬負資產及很多似有還無的資產。
兄台話樓價未跌的原因是否辣招唔夠辣？錯。政府過去幾年的樓市辣招係世上最辣的，樓價還未跌的真正原因是香港樓市的底子太厚了。除了首置之外，政府把其他所有的購買力都趕出市場，兄台應該感恩才對。
Joe兄說得對:“怨人者窮”，兄台你見唔見得到呢度的師兄師姐埋怨他人？ 所以，才那麽富有，而且不單是財富的富足。
願兄台能夠放下成見、改變態度、開窮並邁向成功。
|
|
21. 向饭民说不 2014-12-25 14:44:50 |
|
18楼，97年到03年，对有楼的是一种报应，当时做公屋户更富贵。你又点解无走出来呢？ 做业主，借几百万买楼，而对冲基金日日想令港币贬值，而毒果和他背后的金主，日日想搞破坏，业主对这些负面消失不顾，对香港投下一票，对国家投下一票，有回报，其实是应该的。 还有今日的楼价高和通胀，主要是因为美国人量化宽松，和最低工资年年增加。 |
|
22. 亮劍 2014-12-26 10:00:19 |
|
現在香港楼市，已盡量將投機者、投資者、收租佬、大陸客拒於門外，只剩下首置客活動自如，點解仲唔跌？
小弟早兩叁年前提出的財富效應論可作解釋。
衣加一層细细哋上車盤，首期動不動要半球，青年人要是家人無自置物業叫你去儲，真的叫晒救命唔知點算！
但如果他的屋企人有楼的話，咁點計先？
在香港有大约一半人口居於自置私楼，合理估計呢一大批人的揾錢能力，應比居於政府資助房屋的居民高。
而居於自置房屋的人仕，佢哋的經濟常識，平均比住公屋的人高，大家應該唔會反對啩。
而對上五六年，绝大部分居於自置私楼的小業主，佢哋每個月在住房的實際支出，比租住於同等質素私楼的租客少，應該是合理推算。
那麼當私楼在呢幾年反覆上升，咁呢一班居於自置私楼的小業主，甚至有多一兩層楼收緊租的人，是否如虎添翼？
至於香港楼價，除了微型单位有輕微過熱外，整體上基本處於合理價值區，若要港楼狂跌，一定要出黑天鹅。
例如有人提到：
1 大亞灣核電廠發生福島式核災難。
2 等同十年前南亞海嘯規模的天災。
3 小行星空降華南地區。
4 中國發生政變，習總被軍方扣押，中共倒台並解體，然後中國各個軍事力量各据一方，發生大規模內戰。
5 香港發生暴動，警察不受指揮，最終要出動解放軍血腥平亂。
咁如果有一或兩層神早供甩，而佢哋又唔信真的有黑天鹅嘅話，那麼他們想方設法去買多層，係理所當然喎。
因為他們集合收入高、有經濟常識、有財富效應……
呢度只爭一個無買過楼嘅人頭，或發展商包底代付SD亦可。 |
|
23. 引刀一快 2014-12-26 10:50:51 |
|
亮劍兄
"而居於自置房屋的人仕，佢哋的經濟常識，平均比住公屋的人高，大家應該唔會反對啩。"
當然反對，係誤導性假設。其一，“平均”并不能反映實際情况。其二，“ 而居於自置房屋 ”完全可以係傳承、摩頂買、或者係同經濟無關嘅高薪者。
“例如有人提到：
1 大亞灣核電廠發....................”
唔駛，大陸經濟唔好香港就分分鐘扳機，而大陸經濟問題正係一步步露出水面，大陸經濟唔好就已經黑天鵝。上述嚴重危言聳聽嘅舉例，只係利用大家嘅正常判斷作爲暗示，偸換概念將兩類發生機率唔一樣嘅嘢劃上等號。
你應該先訂立“狂跌”嘅定義。
“那麼他們想方設法去買多層，係理所當然喎。”
如果樓價低走，唔知跌到幾時，你仲會唔會咁諗？所謂“想方設法”，到時就應該係先賣樓揸錢等跌價，反正有屋住，300萬嘅屋，一年跌6％，就係每月唔見萬五。多過租金。
“呢度只爭一個無買過楼嘅人頭，或發展商包底代付SD亦可。”
如果發展商代付SD，咁我就一定要發展商俾個等同SD金額嘅優惠我，明顯佢地俾得起喇。
|
|
24. 亮劍 2014-12-26 12:25:09 |
|
當然反對，係誤導性假設。其一，“平均”并不能反映實際情况……
我自己親自問過身邊朋友以下問題不下百次：
1 甚麼是同業拆息？(hibor)
2 1個月H現在做幾多厘？(0.24%)
3 如果借一球，分30年还，咁實際供1 厘同2.15厘，分別每月要还多少楼貸 (3,216.40/3,771.66)，而佢哋嘅本同息分別係多少？(76%/24%；55%/45%)
4 你知不知乜嘢係QE or 量化寬鬆？(兩者一樣，都係揼錢出街)
你可以不同意小弟的数据，因為私楼業主同公屋居民的落差實在太大，如果兄台有懷疑，你可自己做民調。
其二，“ 而居於自置房屋 ”完全可以係傳承、摩頂買、或者係同經濟無關嘅高薪者……
點解我話居於自住私楼的業主，經濟常識比較多，最主要的原因係你要去問銀行贷款買楼，每個月都要揾錢去供楼，咁你就要焗着留意利率走向及財經消息，那麼經年累月累積下來，他們當然俾乜都有政府睇数，自動有政棍同你爭取，住喺公屋嘅人識多D經濟啦。
唔駛，大陸經濟唔好香港就分分鐘扳機，而大陸經濟問題正係一步步露出水面，大陸經濟唔好就已經黑天鵝……
引刀兄你睇大陸經濟好淡下，而小弟亦不能抹煞你呢次講得對，但你都應該知，中央其實已經在幾年前開始收縮信貸，加存款準備金率，以應對楼房過熱，咁要是今次大陸楼真的發生塌方事件，那麼習總會係加存準金同加貸款息加一腳；一或反其道而行去救市呢？
而且對上十年大陸楼普遍升咗十倍八倍，不少地方的空置率達雙位数，泡沫爆破真的有可能，反之香港對上幾年的落成量平均都是1萬伙咁上下，整體空置得幾個%，不可同日而語，你大陸楼炒到坐火箭，我們香港只是踏单車，那為何人哋死，我們要墊屍底先？？
如果發展商代付SD，咁我就一定要發展商俾個等同SD金額嘅優惠我，明顯佢地俾得起喇……
香港一手楼定價機制分幾類： 1 真正益街坊價盤，例如天璽，就算攞唔攞倒發展商SD折頭，都係抵嗰隻，但呢啲盤，絕大多數只限貴到痴線嘅大碼楼。 2 同一楼盤計，開放式、一或兩房係市價，因為SD無乜回贈關係，因此想拉低入貨平均數，就要自備首置人頭；反之三或四房不单均呎價比較平，SD仲有得打折，最合收租佬、大陸客及換楼人士胃口。 3 有得回SD之外，仲可以用各式各樣回贈某一百分比俾你，做到買者有份扣、均呎價相若的楼盤，通常係貴夾唔抵，不過呢盤的銷售佣金比較高，你向地代打爛沙盤問到篤，不排除回多幾隻，那麼用埋首置人頭去買入，真的慳番唔少 。 請注意「發展商俾得起，同俾唔俾你，」係兩碼子的事。 如果心怡嗰個盤，係賣緊6M以下上車貨為主的話，我唔理你均呎價圍幾多；啲单位幾咁的骰；個則幾咁含引痴孖根……你走去問發展商攞 DSD及BSD回增，咁你不如慳啲，我費事你俾人小露寶！
|
|
25. 望樓 2014-12-26 16:46:53 |
|
TO:20樓 惜緣兄, 你地嘅好意本人當然明白,不過大家心態有啲唔同,炒家及有樓人士因樓價升值心理好舒暢,講起嘢來梗係輕鬆自在. 我地等緊上車買樓自住嘅年輕人,努力儲蓄都追唔到樓價升幅,好多身邊事情做唔成,例如結婚工作生仔等等,點樣可以一等再等? 我話特首高官專家一路叫人唔好買樓,什麼要提防樓市風險爆破,搞到我地以為樓價必跌,咁即係老點啦,累死人係唔係?我唔係怨天尤人,大家成年人後果要自負,唯有加倍努力,鬼叫你唔戴眼識人?講吓發洩吓係提醒年輕人唔好隨便相信他人,尤其是高官專家及投資者嘅言論,佢地都係自私嘅一群. |
|
26. 惜緣 2014-12-26 18:05:25 |
|
望樓兄
師兄能夠不怨天尤人，而且肯自己負責後果，這是邁向成功的第一步，加上師兄的加倍努力，在量力而為的前提下，在下相信師兄將來一定會實現自己的夢想，在下期待有一天師兄在呢度分享成功的經驗。
|
|
27. 引刀一快 2014-12-26 21:26:08 |
|
望樓兄
“ 唯有加倍努力,鬼叫你唔戴眼識人?”
愚見認爲，你應該先搞清楚人家嘅勸告，到底係明跣你，還是出心爲你好。如果呢頭教你唔好出手，果頭自己又買咗，咁就要有個合理解釋。
如果人地係爲你好你都咁樣話人，神仙先可以同你做friend，幾年前個個都睇跌架喇。
|
|
28. Joe 2014-12-27 01:35:36 |
|
望兄
師兄苦況，因樓價高而令結婚工作生仔一等再等，我們了解，這令我想起97樓市爆煲至03沙士時，亦有不少香港人工作不穩定甚至失業，連結婚生仔買樓也不敢，其實每個時代都有不同的難題，真係唔知怨得邊個，或者盡量往好果方面想，又或珍惜你現在有的東西，因為人有三衰六旺，有時時不予你，你擁有的亦未必是必然的。
另外，請摒除果D'唔信專家／高官信邊個'的心態，現今社會資訊發達，好壞參差，我地更須要自己努力分析邊D係對／有用的資訊，否則，今時阿A令你冇入市，他朝阿B或會令你接火棒，所以投資與否真係對自己負責，輸左怨邊個都冇用。
|
|
29. 引刀一快 2014-12-27 01:39:08 |
|
兩句講晒：料係人地俾，決定自己做。 |
|
30. 望樓 2014-12-27 02:23:18 |
|
TO: JOE兄,惜緣兄&引刀兄 幾位有所不知,點解本人外號叫望樓,就係因為望穿秋水要買樓嘅意思,今日搞成咁,年近30仍然上車無期,更別講做其他嘢了,心裡面難免有啲憤怒. 本人畢業後一直努力工作,每日OT加班搏取上司讚賞,做咗5年嘢,平時知慳識檢少娛樂,累積60萬首期,本想可以安居樂業,在市區買層細單位,然後成家立室,宜家連買新界細樓仔首期都唔夠,你話嬲唔嬲? 樓市咁樣發展落去,睇怕樓價要跌唔容易,宜家專家又話未來樓市會繼續升,佢地一時又話跌,一時又話升,我地小市民無所適從,簡直當我地傻仔咁玩弄,我地奉公守法,努力進取,冇理由要受呢啲折磨呀! |
|
31. 引刀一快 2014-12-27 06:35:10 |
|
望樓兄
未到30，大把世界，駛咩為間樓心煩吖，我30果陣仲係烏鼠一隻。
樓市升定跌，唔係官員定，係由天定，反正你有錢喺手，進可攻，退可守。 |
|
32. 亮劍 2014-12-27 08:33:03 |
|
幾年前個個都睇跌架喇………… 引刀C兄當我係乜先，喺呢幾年楼市小弟好似睇升喎！ 我以王先生同亮劍的筆名做回應，在這幾年不斷指出政府高官、某些財演同磚家老點！ 佢呢班友混淆視聽，將各式楼宇供應数据；美國加息時間表；置業者的供款能力……任意演繹！ 谷鬼氣之下，我會同一班老友玩踢爆！ 我們從價值投資角度，運用圖表、数据、市場觀察調查，反證上述呢班友「害人筆錢」！ 引刀兄一句個個睇淡，小弟一萬個不服，你呢鑊咁來屈小弟，最少要向我道歉呀～ |
|
33. 肥婆四 2014-12-27 11:04:20 |
|
睇睇下面的數，無黑天鵝樓價難跌！ 個表98年至14年共落成公私住宅13.42萬伙，今後十年平均每年4.8萬伙。但由98年至14年國內單程來港93萬人，未計學生優材,投資其他，我計4 人用1伙，都要23萬伙，呢度欠10 萬伙，仲未計本地分支家庭，就算政府一年4,8萬伙應市，追返欠個啲都有排喇。 |
|
34. 惜緣 2014-12-27 11:12:33 |
|
望樓兄
師兄你被那些專家玩弄了幾年還未夠？專家話升就升、話跌就跌？你估專家是神呀！呢度的師兄師姐只不過當專家是“明燈”而已。
希望師兄多多學習湯博士、蔡SIR、三劍俠及各師兄師姐的智慧，你將會茅塞頓開。 |
|
35. 亮劍 2014-12-27 11:34:38 |
|
巴士的點評——居屋多多都不夠 房委會經過十二年後，再推二千一百六十個新建居屋單位出售，幾日就派出超過十萬份申請表，估計超額認購六十倍，可見市民求居屋之心，如何熱切。
居屋停停建建，真是十年人事幾番新。回想九八年金融風暴後，樓價暴跌，到○○年科網股狂潮時，樓價略為反彈，到科網股爆煲後再插，政府在○二年推出孫九招救樓市，宣佈無限期擱置居屋計劃，不再興建新居屋發售，成為如今居屋短缺的根源。樓市大跌時停建居屋合理，問題是樓市復甦後，為何不復建居屋。
大家應該記得，○五年後，樓市開始觸底回升，到○七年，股市炒好熱爆煲，到○八年金融海嘯，○九年美國放水救市，樓市已出現全面復甦的苗頭。我在公開場合多次見到政府高官，問起他們為何不復建居屋。初時的答案是金融海嘯後樓市未穩定，重推居屋怕推樓市。後來話樓價上升主要因為內地豪客買的貴價樓，不是八百呎以下的中小型樓宇。總之有一個理由，不想太快復建。即使不從陰謀論的角度去分析政府官員的動機，他們的決策好慢，滯後於市場。後來樓價開始急升，政府被人嘈得很厲害，遲至一一年才宣佈復建居屋，搞到首批復建居屋到如今才開始發售。
樓價升跌，底因關乎供求，香港有二百萬個家庭，一年有百分之二新家庭因結婚而產生，每年大約有四萬個新家庭，成為新的住屋需求。估計一半即兩萬個需求由私樓解決，一半由公屋加居屋滿足，當中有接近一萬間居屋供應，即一年約有三萬個出售房屋才夠。
政府在○一年開始大幅減少賣地，由賣地到樓宇落成約四年，私樓落成量自○五年開始拾級而降，跌到去年是新樓落成量只有八千二百五十四個，遠低於一年兩萬個的需求，而居屋更是零供應，以去年計，單是私樓加居屋的缺額已有兩萬二千個。今年私樓落成量大增，估計有一萬七千個，但仍然未有居屋，即是私樓加居屋的缺額降至一萬三千個。明年開始有居屋供應，若私樓有近兩萬個供應，缺額可望進一步下降。
但大家不要忘記，過去十年私樓和居屋供應嚴重不足，每年出售房屋的缺額有一萬多兩萬個，加起來有很大的累積購買力，只是被高樓價嚇怕了不敢出來買樓，遇上較便宜的居屋出售時，可能有幾萬個累積購買力湧出來，造成居屋認購萬人空巷。
市民想買樓好心急，居屋多多都不夠。政府見到排隊買居屋的人龍，真是要急市民所急，盡量挖多一點居屋出來賣，甚至遠期一點的樓花也可以賣，以求最大限度地滿足市民的需要 |
|
36. 亮劍 2014-12-27 11:36:16 |
|
港樓升勢不停 全城皆錯
■多間大行的樓市預測都錯誤。 【預測失準】
今年多間大行都看淡本地樓市，年初睇樓市跌一至三成，惟今年中原城市領先指數已累升一成，證明全城睇錯。其中睇得最淡的是摩通及美林，原先睇今年樓價跌25%，摩通更指最壞情況樓市跌三成，惟7月份兩行均轉軚睇跌半成。
瑞銀再看淡明年樓價 其他大行甚至轉軚睇好。大摩年初原預測今年樓市跌一成，至7月份更改為看好樓市，認為需求釋放，2014及2015年樓價各升5%，由跌一成改為睇好未來兩年合共升一成，轉軚力道強勁。
同樣原本睇跌一成的花旗，年中改口指中小型住宅樓價持平，至第三季更列出三大理由睇好本地地產股，曲線唱好樓市，最新更預測明年樓價升8%，認為明年2月企業派發花紅及加人工後，3月樓市將現小陽春，呼籲「盡早上車」。
不過，瑞銀相信明年本地一手及二手樓價將按年跌半成至一成，料樓市「十年大浪」終告結束，寬鬆貨幣政策已令本港樓價10年間勁升3.2倍，隨着美國明年加息，將拖累本港樓市，而本港樓宇供應逐步增加，樓價會拾級而下。
------------- 大行幾乎無一年準。 |
|
37. 引刀一快 2014-12-27 12:22:54 |
|
亮劍兄
稍安毌躁，唔駛咁大火呀哇，幾年前我都未踏足呢個網站，有冇“屈”你咁嚴重呀！我意思係“幾年前，我身邊都係個個睇淡”，你果時喺引刀身邊咩？唔係吖嘛。寫得簡略咗D啫。
幾年前我又冇留意到呢度，可以講，當時我對行情嘅探討完全係用眼睇、用腳行，而且重大陸輕香港，遇到嘅人，連出手買咗樓嘅都話樓價好高好危，我身邊的確冇個睇好，連趙世增都話要以十年為周期睇漲跌，係事實嚟架。當時我遇到唯一叫人入市嘅講法，唔係出于你王大爺手筆，而係李先生，阿嘉誠哥呀。 |
|
38. 引刀一快 2014-12-27 12:33:00 |
|
肥婆四兄
你呢個表同樣冇列出離港人士果部份啫，單程證亦唔一定居港，唔少係深圳定居嘅人，甚至好似引刀咁“嫁”咗番大陸.................... |
|
39. 引刀一快 2014-12-27 12:34:18 |
|
仲有，亮劍兄，段俄羅斯新聞你睇咗未？ |
|
40. Joe 2014-12-27 12:56:53 |
|
望兄
師兄已有一個很好的開始了，已比不少無計劃的年青人優勝，你現時的失意只係錯信人言，摒除這個令人失敗的基因，並繼續努力做功課，你的成功其實只是時機問題，只要手上有資金，今回上升浪捕捉不到不要緊，何愁怕以後無機會呢?
人的一生有很多反敗為勝的轉捩點，師兄還年輕，機會多的是!
況且刀兄說得對，年輕人也不一定只把置業視為唯一目標，暫時放開望樓，或許有更寬闊的路呢。不過呢度確係有不少有識之仕已多年提及他們對樓市看升的睇法，睇錯邊也就不能怨天尤人....
|
|
41. 亮劍 2014-12-27 13:47:18 |
|
引刀兄……
如果你睇翻小弟早前的回應，兄台會發現不才引用兩個理論來預測楼市： 1 28定律……根據長期数据顯示，在投資市場中，2成人贏其餘8成人錢，咁如果你相信呢個理論係正確無誤嘅話，那你身邊的人無個睇好、人人看淡的話，咁正正係強烈入市訊號，當然首要的條件係你唔好識埋一班揾朝唔得晚嘅沙漠朋友啦。
2 半杯水理論……绝大部分人睇淡，但個市又拒絕下跌，咁代表沽售壓力已到山窮水盡的地步，所以你應買入而並不是跟沽！道理其實好簡單，當香港的租售比率由28变成82，咁根據小弟用半杯水來理解，即好多購買力因為避險由買轉租，那麼呢部分的購買力只是被壓抑，而並不是消失掉，要是呢堆購買力有日得知，他們的決定係錯誤的話，咁他們就會作出修正，到時成交會大增，而爆边甚至井噴因此成型。 |
|
42. 肥婆四 2014-12-27 14:08:55 |
|
引刀兄，移民的人應該唔會話比政府知永不回港，我唔知有冇得計，不過你可以參考以下人口普查的網址。http://www.censtatd.gov.hk/hkstat/sub/so20_tc.jsp |
|
43. 肥婆四 2014-12-27 14:16:54 |
|
引刀兄，你話自己「嫁」咗返大陸，但你好似講過唔不捨得賣你在港的舊物業喎。 |
|
44. 引刀一快 2014-12-27 14:27:46 |
|
亮劍兄
依傢有嘢做，晏D慢慢列出呢兩個理論嘅變數你睇，你就知道你係孔明，我都唔係張昭。 |
|
45. 引刀一快 2014-12-27 14:37:57 |
|
肥婆四兄
香港嘅物業梗係唔捨得喇，我都係土生土長，係我嘅根，但係近年我主力喺大陸，所以對港樓冇大陸樓咁積極，我帶埋父母番大陸照顧，咁係咪可以算係用少咗一個quota？
其它人情况好多都係老一脫自己番大陸養老，剩番間屋俾仔女，呢D都係緩衝咗需求增長嘅。 |
|
46. 肥婆四 2014-12-27 15:52:33 |
|
引刀兄，係你依家的講法，係用少咗一個quota，但係如果講你一家都在大陸生活，又持有港樓，咁就佔多咗一個quota喇。其實呢啲都唔重要，重要係目前市場需求強勁，吉樓真的可以兩三日租到出去，賣盤一日有幾台客睇，印證建屋量嚴重不足。 |
|
47. 惜緣 2014-12-27 18:30:16 |
|
望樓兄
同師兄分享下在下於2010年的買樓經歷: 由於業務的需要，在下同老婆於2010年11月19日的早上簽了臨時合約買了九龍灣一工業中心自用，晚上返到家睇電視新聞才知道政府推出第一次的樓市辣招，老婆有些擔心，在下睇完辣招的詳細內容後，對老婆這樣說: “第一: 政府點解要出招壓樓市？係驚升定驚跌？當然係驚升，所以，後市上升動力大。 第二: 辣招會令至沒受辣招所捆綁的物業更加值錢。 第三: 辣招會令至市場上的供應越來越少，因賣一間就少一間。” 老婆聽完之後放心落來。雖然近年幾的工業樓比較淡靜，但估值還是比買入價升了2倍。 但同時期，我大舅仔就因太擔心後市，而選擇撻訂了一個於11月22日簽大訂的住宅單位，損失了數十萬元。
所以，同一個信息，應該自己細心分析，不能人云亦云。 不同的決定導致不同的結果；不同的態度成就不同的人生。
|
|
48. 肥師奶 2014-12-27 21:45:54 |
|
從我住在美國不同地區的朋友回覆，美國的就業情况乃然很差，個人意見，美國至少三年内無條件加息。 |
|
49. yy 2014-12-27 23:51:41 |
|
優材計劃輸入的內地人仕，初來的幾年也是租住劏房的。年前旺角排檔火災波及的唐樓，當中有劏房租客是大專講師。香港的劏房租客已不一定是低學歷，有部分是際遇問題。 |
|
50. 惜緣 2014-12-28 00:35:01 |
|
汪敦敬先生-----好文分享重新認知樓市再上路 2014-12-24 12月16日，運輸及房屋局局長張炳良公布了《長遠房屋策略》，主要內容只是將未來十年47萬的建築量增加多一萬為48萬，及表態不會進行租務管制！外界認為有關政策「無料到」！但是我認為政府近期包括今次公佈表現的態度和言行都進步了不少！證明政府內有較多的人開始懂得樓市！是！很遺憾！不少高官或者處理房策的公職人員其實也不懂樓市！往往會將正確的房屋政策處理錯！有如「左腳穿著右腳鞋」！表錯態的包括了我欣賞的真君子財爺曾俊華！財爺多年以來都是提醒小市民小心美國加息的，但他的言詞其實太過強調「買有風險」！而掩蓋了「不買樓的風險」！顯示了很多高官都不明實質甚麼是機會成本（Opportunity Cost）！ 美國加息風險怎會比樓價物價上升的風險更大！？筆者不是在這時候抽水，我多年來已經提出多次，在事前、事發也有作出提醒！最近特首梁振英也有向市民提示小心加息！但是卻清楚說出了環球資產上升的客觀背景！這樣就能表現出買有風險，不買也有風險的客觀實況了！我覺得就平衡得多！我認為特首應該要多和高官們上一上堂！ 公道一點說，香港官員很努力而且犧牲不少，我們應多欣賞及支持他們，但懂不懂房地產是技術層面，不可含糊，見錯必須盡言盡責提出，過去數年高官言論「忽略不買樓的風險」及「容許政策會令樓價下跌的期望」令很多「原來買得起樓的人」擔誤了上車機會，已「累死好多人」！ 認為樓價因為政策或增加供應而樓價大跌，其實是很可笑也很危險的！政府雖可以衝擊市場，卻不可以控制市場！除非這市場是封閉及比政府更細小的，但香港是國際市場既開放且龐大，當大市場就「小」政府的政策作出回應時，其實難以駕馭！也恐怕政府官員不容易作出應對！就以「樓市辣招」為例，當有關策略令再投資的成本及風險也大增後，二手市場便愈來愈少人放盤，這種衍生的市場動力政府更難以化解！ 另外一直以來，很多人以為樓價起跌的法則是供求！或者是經濟的上落！其實這些只是樓價上落的因素！卻不是法則！樓價上落其實是---「買賣雙方的博弈」！業主形勢強樓價就易升難跌！買家形勢強樓價就易跌難升！這個博弈才是樓價上落的法則！如果大家同意我的說法，看回頭，有很多人用了錯的舊觀念來評估樓市了！想一想，樓市辣招其實會令業主的博弈能力更加提高！少按揭！抑制再投資！業主保留了更強實力！業主保留的能力更高，樓價的趨勢就清楚不過了！ 只要普遍業主的博弈能力仍比買家強，樓價上升的機會就比下跌大！於是樓市辣招後，雖成交大減，但樓價並沒有跌！反而升！原因正是業主博弈能力提高的影響！如果環球經濟崩潰！樓價是否一定會跌？這只能說有了樓價下跌的重大因素！但如果經濟崩潰之餘，銀紙仍然貶值！而偏偏市民又認為樓市是資金避難所可以平衡貶值的話，樓價一樣可升！ 不要以為筆者想唱好樓市，樓價一樣可以在經濟景氣、供應不足下因「業主博弈弱勢」而下跌，世事無神話，看好看跌也不要迷信！ 政府可透過樓市辣招分配機會和資源！但市民不應對樓價下跌有太多的幻想！由一開始以來我也強調，樓市辣招作用只有buy time（買時間）！如果從buy Time的角度去看，政府已經非常成功，而且做到了極限！政府的確是令到市場低運作個別時段低升幅下，半冬眠了三年左右！偷來了的三年！只可惜香港人沒有珍惜這偷來的時間！沒有掌握機會入市！更沒有掌握時間去支持政府開發土地，偷完一次後未必可以再偷！相信一直至到有足夠供應為止，市民心目中的樓價「太高」問題，不單只不容易改善，還可以繼續惡化！政府再出招已不容易產生效應，市民唯一可以選擇的就是上街去支持政府發展土地（包括郊野公園）！或者選擇環境繼續惡劣下去！ 執筆的時候，無論房委會也好，市建局也好，也面對了赤字的危機！政府部門一樣要講究市場效益！政府更是市場其中一個重要持份者！最後，政府會因為需要收支平衡的關係，由自己一手證明樓價繼續上升這事實！ 市民不肯支持政府施政，嗚呼哀哉！ 買樓的金科玉律只有一條！就是「量力而為」！「買」與「不買」同具風險！希望看官切記！高官切記！我自己當然切記！ 能量力而為者！「買到你就赢」（只能長遠有效）！不要不自量力輕舟強渡入市！ |
|
51. 引刀一快 2014-12-28 00:56:48 |
|
1 28定律……根據長期数据顯示，在投資市場中，2成人贏其餘8成人錢，咁如果你相信呢個理論係正確無誤嘅話，那你身邊的人無個睇好、人人看淡的話，咁正正係強烈入市訊號，當然首要的條件係你唔好識埋一班揾朝唔得晚嘅沙漠朋友啦。 呢個理論，可能會係一個悖論，好簡單，假設你同其他人冇分別，你可以知道其他人意向而人地亦可以知道你意向嘅話，咁你係冇可能知道社會持好淡意見嘅準確比例嘅。
2 半杯水理論……绝大部分人睇淡，但個市又拒絕下跌，咁代表沽售壓力已到山窮水盡的地步，所以你應買入而並不是跟沽！道理其實好簡單，當香港的租售比率由28变成82，咁根據小弟用半杯水來理解，即好多購買力因為避險由買轉租，那麼呢部分的購買力只是被壓抑，而並不是消失掉，要是呢堆購買力有日得知，他們的決定係錯誤的話，咁他們就會作出修正，到時成交會大增，而爆边甚至井噴因此成型。
“要是呢堆購買力有日得知，他們的決定係錯誤的話，”，呢點你就已經作出假定，咁結論梗係爆邊爆乜都得喇，係咪。好明顯你跌咗落定義循環嘅陷阱。另一方面，“當香港的租售比率由28变成82”，可唔可以係購買力同購買意向同時到水尾或者低潮呢？ |
|
52. 元朗人 2014-12-28 09:24:50 |
|
惜緣兄，
"香港官員很努力而且犧牲不少，我們應多欣賞及支持他們，....過去數年高官言論「忽略不買樓的風險」及「容許政策會令樓價下跌的期望」令很多「原來買得起樓的人」擔誤了上車機會，已「累死好多人」！"
當年如果由張建宗代替張炳良任房屋及運輸局長，相信會好很多。由擁有9個單位的官員介紹房屋政策，必能讓香港市民明白「房屋政策」和「房屋對策」，不會弄錯，死少好多人。 |
|
53. 惜緣 2014-12-28 12:28:06 |
|
|
|
54. 望樓 2014-12-28 13:13:21 |
|
TO惜緣兄: 人生係沒有如果,假如早啲入來呢個網站識咗仁兄,可能小弟命運有所改變,起碼上車買層細樓仔有機會,唔駛揹起冇買樓嘅風險,冇買樓好多計劃都有機會出現變數,包括人生事業與家庭,亦都會影響心態同立場. 身邊類似本人嘅例子比比皆是,你叫年輕人點唔憤怒?地產霸權唔單止令社會撕裂,甚至出現暴動,你地有樓業主咪以為好小事,佔中只係預演,到有一天窮人都跑出來革命時,資本主義制度會出現危機. 其實諗落當年初出社會,唔一定要買私樓,以前首期唔夠,都可以申請居屋,或者學宜家大學生咁,讀書時就申請定公屋,咁現在就有多啲選擇.今天諗起真係悔不當初,都係埋怨自己唔醒目呀! |
|
55. 惜緣 2014-12-28 15:13:16 |
|
望樓兄
認識師兄亦是一種緣份。 雖然人生的過去沒有如果，但人生的將來應有假如；過去不能改變，但將來會因人的不同行為而改變。有時間請多D重溫湯博士以前的文章及各師兄師姐的回應，你一定會有所得著，在下一有空就會重溫舊文及回應，每次都有不同的收獲。師兄已經比很多年青人優勝了，只要堅持信念、不放棄，一定會有機會的，師兄一定會有美好的將來。 |
|
56. 法子 2014-12-28 18:12:00 |
|
法子《沙漠礦泉水之實現》
2014年12月28日
請參考今日的一篇報導和我上年7月的一篇文章，你會發現《沙漠礦泉水》實在地發生了，但上年我發表這文時，正好市場氣氛低迷，沒人相信。
--------------------------------------- 節錄自2014年12月28日
趣BLOGBLOG：求價不求呎的報應 - 股榮
求價不求呎的報應 用Small is beautiful形容今年的樓市，相信最能凸顯當中的畸形。反映樓價的中原城市領先指數（CCL），今年累升超過11%，但問題是，真的只有11%嗎？答案是否定的。
中原指數系列今年新增大型及中小型單位指數，以面積為1,076呎單位作分水嶺，今年升幅分別為12%及6%。在劏房盛行的年代，更實際的，是推出500呎以下的細單位指數，才能反映社會實況。樓價指數成份屋苑共有117個，其中跑贏整體CCL 11.4%升幅的，港島區有12個（佔比36%）、九龍區有15個（佔比47%）、新界東有18個（佔比75%）、新界西有18個（佔比64%）。
升幅最誇張的，是青衣美景花園，去年底實呎6,800餘元，目前升至接近9,000元，一年間升31%。十大升幅屋苑中，較多上車盤的新界西佔了六席。呎價低不是爆升的關鍵，最重要係400萬元單位有得揀。以美景花園為例，要搭車出地鐵站，位置吊腳，今年有能耐急升，只因400萬元以下還有甚多選擇。根據土地註冊處最新資料，過去廿宗成交，竟有18宗是400萬元或以下，較天水圍的嘉湖山莊還多。
■青衣美景花園一年間爆升31%，全因400萬元以下還有甚多選擇。 資料圖片 細價樓隨時已屆牛三 現今樓市最大的諷刺，就是劣盤驅逐良盤。質素差、位置遜的細單位，呎價竟較質優方便的單位為高，原因只有一個，就是吼準買家心急「上住先」的心態。明知道貴，呎價瘋癲也無所謂，500呎供唔起，退而求其次揀400呎。首期唔夠，就買住300呎、繼而200呎甚至百逾呎的劏房。只要成交額還在四球樓下，就算是創新高呎價又如何。
以沙田第一城為例，一個284實呎單位，本月以372萬元易手，呎價萬三元，同一座同層景觀更佳的707呎單位，728萬元成交，呎價10,300元，前者呎價貴近三成，與其說後者「賣平了」，倒不如說前者屬「非理性亢奮」。求價不求呎，就算呎價多付溢價也沒所謂，這種潛意識蔓延至整個社會。細單位業主吼準鋤你價，發展商亦睇穿局勢，東涌新盤聲言最平一房開價「接近平盡同區」，卻未有提到呎價可能是同區新高，打住400萬元可上車的噱頭，難怪收票異常熱烈。
新一批居屋售價最貴326萬元，保守估計最少有十萬人爭2,160個單位，即超額約45倍。97年樓市高峯期，居屋曾超額認購47倍。同事話見到攞表都排三句鐘，或者重塑tom.com的神話。
如果細單位是細價股的話，今明兩年肯定是細價樓的牛三。牛三完了，What goes up must come down。
P.S.根據中原CCL資料，羅列所有屋苑全年呎價資料、變幅及排名。報紙版面有限，讀者如有興趣，可參閱網上及手機版。
股榮
---------------------------------------
法子《沙漠礦泉水效應》
2013年7月11日
我當時寫係形容，未補地價的居屋，呎價竟然追到已補地價的居屋。
在沙漠中，你已就嚟死，看見一間士多，礦泉水1支賣$3.0，兩支賣$3.5。但你口袋裡只得，$3.0
明知唔扺，你都要買。
「沙漠」也是重點。
代表「近年供應缺乏」的意思。
而「口袋只得$3.0」，就代表現在買樓的是「結婚生仔的基層」。
明知唔底，只要「價細」，你也要買。
這就是為什麼基層樓狂升。 這就是「沙漠礦泉水效應」
---------------------------------------
法子《壓力煲效應》
2014年04月16日
早幾年已經談過這將會出現，「壓力煲效應」，現在壓力都壓在上車盤。
1. 樓價、租金上升，需求向下遊，以前住3房的，現在住2房，以前住9龍塘的，現在住荃灣。他們選擇只有一個因素，就是「價細」。
2. 原本住了幾年買了「價細」樓的人，以前住幾年就會升級。但現在因為SSD、DSD、壓測和按揭利率等原因，大家唔肯換樓升級。
---------------------------------------
法子《百葉簾現象》
2014年6月22日
現在已經不用再談會否爆邊，而是細價樓爆邊後，會發生什麼事？
下一步應該係A的價把B的價，頂上去。
因為，其實A+B+C的供應數量都唔夠應付需求。
租金也是這樣。
麗城區的兩房租金，是$12500到$13500。
但3房的租金，是$13000到$14000。
這是沙漠礦泉水效應。
一支礦泉水賣$3。
兩支礦泉水賣$3.5
而家係d人袋口得3.3都要焗買一支。
現在「租金」已經出現沙漠礦泉水。
如果樓市整體唔夠樓，「整體」樓市ABCD都要升。
但B的人受限，買唔到C，C如何升？
那麼，原本能買D的人，就能買上升了的C+。
同樣價錢，住細啲，樓價一樣升。 這一定，%計，A會升多過B，B會多過C，C會多過D。
第一種升市是，80年代，個個越揾越多，想住大啲。需求增加。
那些年，豪住升得多，%計。
即係魚次、包魚價升得多過米價。
第二種升市是。
不是因為人人揾到錢，所以上升。而是「供應停咗」。
即係打扙，唔夠食物。食物價格一樣上升。但升的是低價食物，例如米，會升得勁過包魚。
A推B的不是人，是商品價格。
不是現在住A的人，換樓去買B。
而是，原本買C的人，C升了，往下望，望見A的價錢已經升到和B一樣。所以買B。
所以打扙時，應該屯米，而不是包魚。
現實是，原來住A的人呢？
去了那裡？
答案係：德雅（工厦）
當A的價升的時候，B的價定住。
到A的價升到B的價時，AB一齊走，C的價定住。
到AB的價升到C的價時，ABC一齊走。 ABCDE好像百葉簾一樣。
今日說的「百葉簾現象」，就是想說明，現在錯價的不是細價單位（A），而是中大單位（BC）。
現在A的高價不會回落，下一步是BC上升。 |
|
57. 法子 2014-12-28 18:16:27 |
|
蔡sir，
你同我講到口水都乾，政府有對症下葯嗎？
上年同佢講3D不但唔會解決到問題，只會令問題惡化，當時啲人又話炒家梗係唔想3D，又話我們唱好出貨。其實，他們這樣的思維，永遠學唔識。讓淡友繼續看淡吧。 |
|
58. 法子 2014-12-28 18:31:58 |
|
看見淡友這幾年的言行，我發現「投資」和「比武」有一個分別，就係：
比武，你打十次輸十次之後，你會知道自己技不如人。
投資，你估十次錯十次之後，你還會以為自己英明神武，依然滔滔不絕。
亮劍， 算把啦，不要再教精佢。 |
|
59. Joe 2014-12-28 18:48:59 |
|
To 54 望兄
當師兄在幾年前已有置業須要，又有一筆小資金剛夠買個新界上車細單位時，閣下有兩個決擇：
1）估樓價升，拿拿林買左個上車盤先，否則驚以後買唔到； 2）估樓價跌，搏日後可買個大D或近市區多D的單位
這個人的投資決擇，搏到就有個正D嘅單位，搏唔到就連上車細單位都冇，結果師兄選擇了後者....
為何當時的個人的錯誤選擇，會變成現在的委過於專家高官，遷怒於所謂地產霸權，而不自我檢討呢?
閣下的例子沒有什麼公平唔公平，為何會因這類例子而有暴亂呢?
|
|
60. TO法子&亮劍等等 2014-12-29 01:06:38 |
|
自從2013年2月政府推出DSD後,幾乎所有人都睇淡後市,唯獨法子兄獨排眾議,並聲言樓市將爆邊上升,當時很多人皆將信將疑,今天回顧過去,不得不要向法子兄講聲:佩服! 亮劍兄是最勤奮和最沒有保留的評論者,每天見他滔滔不絕地講出對樓市的獨特看法,又不厭其煩地解答一些讀者的棘手問題,的確使一眾網友獲益良多. 當然還有惜緣兄,JOE兄,引刀兄,睇得通兄,肥婆四兄等等的精彩回應,本欄愈來愈熱鬧! |
|
61. 引刀一快 2014-12-29 02:24:36 |
|
看見好友這幾年的言行，我發現「投資」和「比武」有一個分別，就係：
比武，你打嬴一次夾硬話自己嬴十次之後，你會俾人發現自己實際係底氣不足。
投資，你估中一次當自己估中十次之後，你會以為自己嘅錯漏百出就係無敵真理。 |
|
62. 惜緣 2014-12-29 11:56:26 |
|
To 58樓 法子兄
希望法子師兄多D分享心得，好讓多D人受益，唔使望樓興歎。 |
|
63. 我是15樓 2014-12-29 15:58:34 |
|
引刀估十次錯十次，之後還會以為自己英明神武，依然滔滔不絕。 我非常認同。 |
|
64. 我是15樓 2014-12-29 16:02:16 |
|
引刀講就天下無敵， 做就有心無刀。 還留下香港的自住樓， 話自己父母回鄉養老。 |
|
65. 我是15樓 2014-12-29 16:02:18 |
|
引刀講就天下無敵， 做就有心無刀。 還留下香港的自住樓， 話自己父母回鄉養老。 |
|
66. 穋 2014-12-30 11:32:57 |
|
你話大丸執咗笠幾耐？大大話話就快廿年，睇吓當時啲工資！ 想話俾果啲八、九十年代坐經濟火箭的中產仆街聽，只係你好彩，吾係你好撚勤奮，一日做14個鐘好撚巴閉，更加吾係依家青年人吾努力，做廢青。而係經濟結構跟住大陸走，本地營商種類單一，放棄了香港兩代人的前途，再加官商勾結、地產霸權，造成今日香港之衰落。 你班藍血中產，只顧自己，為香港做過什麼？仆街啦！
|
|
67. Joe 2014-12-30 12:12:45 |
|
To 66/f
所以點解D小朋友對香港有'生於亂世、民不聊生'的感覺。
所以正是呢D垃圾言論都有年輕人認同，而另他們變得消極，睇錯邊而最後買不成樓。
|
|
68. 淡友 2014-12-30 12:22:43 |
|
我唔會氣餒,今日買唔到樓,唔代表一世買唔到,相信政府都唔想成日俾人反,居屋會大把咁推出來,實在買唔起私樓,就買居屋了. 我認為先搞掂自住居所,安頓好家庭,將來至諗投資方面,鬼叫自己生不逢時,唯有認命,相信樓價近期都難跌矣.
|
|
69. Joe 2014-12-30 12:40:22 |
|
連淡友都認為樓價不會跌的時候，就將會係樓價跌的時候。
|
|
70. 引刀自宮 + 自摸陶醉 2014-12-30 12:55:25 |
|
To: 法子兄
很好的比喻, 有D人面皮厚過包皮, 估10次輸10次仲可以咁英明神武咁扮專家, 指指點點, 真係服左佢.
To: 亮劍兄
好佩服你嘅氣量, 對住d咁低級數嘅對手仍循循善誘, 咁有耐性同佢爭辯, 依家有冇覺得晒Q氣? 佢在這裡目的根本唔係好似你同其他人想透過辯論求真理或分享, 佢目的只係想透過踩低人抬高自己來獲取快感嘅幼稚無聊之人.
|
|
71. 望樓 2014-12-30 13:17:12 |
|
淡友兄: 我地係難兄難弟,大家都唔到樓同病相憐,我諗過,為咗香港年輕人嘅福祉,我們應該入市,買居屋也好,車位都好,如果因為我們買樓而令到樓價跌,未免唔係一件好事,聽你講,居屋都可以諗諗. |
|
72. 回70樓 2014-12-30 13:21:12 |
|
最幼稚無聊之人係你，真係服左你，佩服佩服！ |
|
73. 72樓係引刀 2014-12-30 13:38:53 |
|
-- |
|
74. TO 73樓 2014-12-30 13:50:18 |
|
我都係看不過眼啫，你以為個個都好似你咁樣成日扮孫悟空吖？ |
|
75. Joe 2014-12-30 14:18:46 |
|
To 71
買樓幾時都係睇自己需要/能力/看法，對自己負責，千祈唔好話買時為左邊個邊個，買後賴左邊個邊個.....
|
|
76. 引刀一快 2014-12-30 18:32:22 |
|
|
|
77. TO 76樓 2014-12-30 18:40:37 |
|
何必呢？ |
|
78. 引刀一快 2014-12-30 18:42:37 |
|
整埋晒D人造塘邊鶴，一味歪曲人家說話，屈人，咁係唔可以激到我嘅。
你做緊乜大家有眼睇喇。 |
|
79. To 66樓 穋 2014-12-30 19:12:20 |
|
97年中原指數103點，依家133點，上升了30%左右， 97年大丸用25元起請人，依家一般零售業用35元起請人，上升了40%，比樓更多， 我睇唔到有咩問題？難道你認為中原指數應該升到14幾先合理？ 定係你覺得人工升得樓唔升得？ |
|
80. 哈哈 2014-12-30 20:14:38 |
|
如果我係決策者,真係二話不説打哂呢d資本家全部打杷
思想完全歪曲,同亞視高層冇分別 |
|
81. 引刀一快 2014-12-30 20:32:43 |
|
To 79樓
正解！講得啱！
1997年樓價跌到2003得番3成，如果加番40％，即係今次下跌仲有4成幾剩，你係咪咁嘅意思？ |
|
82. 睇得通 2014-12-30 22:00:28 |
|
淡友/淡鱷想在沽空房產時恰到好處與時機配合才能順利取勝,當年1997年開始滑落到2003年的跌市,其中一個基本原因是香港的資金外流,生產線北移以及他遷…… 而當2003年引入的自由行及投資移民計劃,改變了香港陰干的政經格局,當然,現在的《佔中》反自由行的《鳩嗚》行動是否成功有待觀察, 在2003年至2014年的上升市中,香港約有100萬單以上,宗數物業買賣成交量,目前仍然有超過50萬名市民持有適度的現金等待良機,而有30萬名市民已經自覺追回/購回房產,此是暗中自覺修正預測錯誤的行為,一般來說,不會公開出來演說…… 未來香港的資產分配格局是重組成功者…… |
|
83. 亮刀 2014-12-30 22:22:22 |
|
老奉要答你㗎？大6輸家！引刀自宮！瀨西一快！ |
|
84. 望樓 2014-12-30 22:47:24 |
|
睇得通兄: 閣下睇樓市睇得咁通,肯定揸咗很多貨,樓市都係俾你地呢班炒家炒起,冇辦法啦,我地生活係弱肉強食嘅世界,不過我唔欣賞炒家不勞而獲嘅行為. 我地年輕人唔係唔努力,只係唔識走精面,死挨死做而已,而家買唔到樓唯有認命了. 相信有朝一日風水會輪流轉. |
|
85. 霉氣招敗局 2014-12-30 23:36:06 |
|
貶低别人成功之道，不思取人之長補己之短，霉氣招敗局。 |
|
