|
1. 無地無供應 2014-12-17 13:21:28 |
|
巴士的點評——無地無供應 佔中後政府出招搞房屋，公佈長遠房屋策略，最新估計香港未來十年要供應48萬個住宅單位，較去年長遠房屋策略督導委員會預測的47萬個單位，多出一萬個，即是未來十年每年要額外供應1,000個單位，全數是供出售的資助房屋。
房屋局局長張炳良話未來公私營房屋供應維持在六四之比，即公營房屋供應可增至29萬個，當中包括公屋單位維持20萬個供應，仍符合「三年上樓」承諾。
過完一場佔中，了解到年輕對買樓的需求很大，每年供應單位增加到48000個，增加1000個居屋之類的資助房屋單位出售。若然在房屋政策上主要就是出這些招數，頂多都是60分而已，借用國父孫中山的名言，革命尚未成功，同志仍須努力。我和官員、議員、發展商、長策會成員傾過，對未來土地供應的看法頗紛紜。發展商大多話政府按長策規劃推出這麼多土地，未來供應好多，所以他們不便宜不會去投地。但明白土地供應現況的議員、高官、甚至長策會的成員都話搵地難，不要說每年1000個單位到每年48000個單位，即使是47000個單位，都找不到地起樓。若然未來10年每年做到48000個單位會好夠，問題是做不做得到呢？
無地的關鍵，是過去十幾年，香港民主了很多，注重環保了很多，很多法例改了，在各個提供土地的環節，都增加了法律和政治關卡，很多人可以提出反對，一來把造地的時間大大延長，二來很多土地開發計劃就在這樣反對那樣反對下，胎死腹中或者拖遲。
在上屆政府，特首煲呔曾好像和發展商關係好好，所以造不出地，外界就理解為官商勾結。今屆梁特首和發展商關係麻麻，按理不用畀面，但還是造不出太多地來，政治和法律關卡的問題才凸顯出來。
結論是只講增加規劃供應量無用，無地無供應，出的只是口術，不易見到實效。
有媒體話「CY派樓買民心」，現實是根本造不出很多新供應來，講來講去只是轉一兩幢公屋去出售，或者將石硤尾一幅細地重建出來賣，簡直是海洋中的兩滴水，真相是「CY無力派樓買民心」，都幾諷刺。要樓價下跌，要增加供應，只有兩種可能。第一是等運到，這個樓市大升浪，和美、日、中、歐各地央行大印錢有關，不止香港樓價暴升，倫敦、紐約、多倫多、北京樓價都大升，金錢無限資產有限，必然大升。到央行收水，利息大幅上升，或現爆煲潮時，樓價才下跌。
若然話等運到好被動，第二個可能是政府搵到一兩個突破口，集中增加大量土地供應，例如搵到立法會同意在維港以外大幅填海之類，不過這種長遠規劃，要十年之後才收效，不知政府有無興趣去做。 |
|
2. 過路者 2014-12-17 13:23:52 |
|
同意這段話: [政治訴求源於經濟原因，除了部份政治人物為了自己的政治生涯和職業所需之外，相信大部份的年輕人出來示威抗爭，都是出於對現實的不滿。例如工作不順利薪水又低，感覺前途渺茫，眼看內地土豪的消費模式，心裡不是滋味。很多人感懷身處繁榮都市，利益受到侵佔，於是矛頭指向中央和香港政府，最近常有人強調「我們是香港人」，就是本土主義的最佳表現。] |
|
3. 中年人 2014-12-17 13:26:19 |
|
年輕人學中年人的努力是應該的,一畢業就有豪宅住不可能吧,發達城市樓價當然貴,有道理! |
|
4. 過路者 2014-12-17 13:27:25 |
|
[沒有佔領行動，經濟重回正軌，樓市還會繼續上升。淡友們天天盼望樓價大跌，似乎脫離現實，與其走向街頭，不如腳踏實地，學中年人的勤奮並不是一件羞愧的事。年輕朋友，整個香港社會都知道欠了你們很多，千方百計在製造機會給你們，然而，你們有沒有想過，今天又為社會付出了幾多？] 完全正確! |
|
5. Like 2014-12-17 15:37:59 |
|
LIKE! |
|
6. 上車難 2014-12-17 15:52:00 |
|
[要怪就怪生不逢時吧！處身國際大都會，剛性需求使樓價長期高企，城市愈繁榮樓價愈高似乎成了定律。加上全球推行量寬政策，使大量遊資流進號稱自由港的香港，物業成了最佳投資工具。從近來許多基金購買整幢物業的個案所見，外資看好本港投資前景，他們並不擔心雙倍印花稅（DSD）帶來的額外負擔。] 咁貴樓價好離譜,我們上車很困難呀! |
|
7. 肥婆四 2014-12-17 16:02:29 |
|
年輕朋友，整個香港社會都知道欠了你們很多，千方百計在製造機會給你們，然而，你們有沒有想過，今天又為社會付出了幾多？ 咦！點解社會欠左佢？唔係佢欠社會咩！納稅人每年貼比學校係天文數字喎。 |
|
8. AH-HO 2014-12-17 16:06:14 |
|
真的，我覺得社會沒有欠學生的。 我剛剛畢業時覺得我是賺了，因為政府補貼了我很多很多的學費，所以是主動找稅局叫佢寄張FORM來報稅的。 |
|
9. 亮劍 2014-12-17 16:24:08 |
|
呢兩日聽果D瘋烟節目，見識過「地產盲」點向政府進計歪理當真理，真係唔少夠佢哋夠本都唔得！
租金管制……喺自由市場實踐過啦，行唔行得通已有公論，請記著業主並非傻瓜，大把路数解毒，喺呢度費事教精呢班岸居仔。
收空置稅……唔該講呢翻話嘅76 稍移玉步，求其去一個稍為大少少的屋邨，問一問地代有多少實盤先講嘢啦。
收增值稅……在求過於供的情況不能逆轉下，根本所有新增稅項都係揾著租客來攪。
棕土地發展……大部份呢D棕土地，都實際上用來做緊貨櫃場、汽車或癈物回收埸、貨車停車場、修車場等，請問呢D埸主同業主，會唔會咁順攤無償俾塊地出來先？而且若果政府真的能收回呢D棕地，咁使唔使安置呢D場主呀！
再抽重些3D……現在仲有幾多人去短炒？有幾多個大陸客落來香港掃豪宅？又有多少長線客走去買楼收租？有無人答倒我，要再加重幾多3D，先可減少幾多個百分點嘅購買力出來呀！？
起多D公屋……現在香港係咪有幾仟公頃閒置土地俾你政府任舞去起楼？在土地資源緊缺下，你將某些土地撥作公屋用途，即意未著私楼供應更是吃緊，咁是否就你們所想？
起多D居屋……不单要起多、还要半價賣，但喺現行建築成本高企下，咁即係叫房萎會倒貼俾幸運兒買楼賺錢啫，那麼對抽唔倒居屋又有實際居住需要嘅人公平咩！ |
|
10. Hongkong People 2014-12-17 16:42:22 |
|
同意樓上，唔覺得社會對佢哋有何虧欠？ |
|
11. 淡友 2014-12-17 17:11:00 |
|
又係呢啲嘢,大家都吹高樓價,呢度業主都係大好友!冇辦法,講極都唔化! |
|
12. 淡友 2014-12-17 17:15:45 |
|
如果係柴灣東大填海，到時係柴灣東海邊起一百幢西灣台這樣高質素的新樓，柴灣東將變成港島新樓供應重災區，我想柴灣樓價一定急跌! 只有市區地供應增加，樓價才有可能下跌，在新界增加天量的供應是不能令樓價下跌的，因為發展商賣市區樓一樣照賣幾萬元一呎，所以我認為柴灣東填海是唯一大幅增加市區地的方法。 |
|
13. 自食其力 2014-12-17 17:45:27 |
|
業主如果唔係睇好香港經濟同樓價，點解唔賣樓？真金白銀甚至成份身家放落去，唔係好友係咩？況且買到樓嘅人正常都唔信樓價可以唱好唱淡，如果唔係呢幾年一定賣左樓啦。
相反，情願日日要求政府搶納稅人錢、搶基層福利、連累香港未來經濟、賤價賣地益發展商，都要政府貼俾佢買樓嘅，話自己係淡友，叫人唔好接火棒？
誰真心誰假意？ |
|
14. 淡友 2014-12-17 18:14:29 |
|
柴灣東填海是香港的救命草 |
|
15. 努力年輕人 2014-12-17 23:05:11 |
|
有冇搞錯? 繁榮城市樓價就要貴到冇道理？！咁當年香港經濟起飛又唔見樓價貴到咁難買？
衣家中年人成日話大學手一出來就話要買樓，其實唔啱。因為老實講, 如果樓價係正常我地年輕人努力十年八年可以上車都可以接受。但依家唔係。我們大部分年輕人努力十年八年都好難上到車，人工根本追不上樓價。有人話將就下住遠D ， 依家樓價咁貴就要我地將就？咁中年人長遠勞動力比我地低又唔見你地將就下？冇錯係有年輕人非常厲害有非常高搵錢能力，但有幾多個？正常教書, 會計，甚至律師都已經貶值，連明天都看不到，可以冇怨氣嗎？
曾特首在位官商勾結連地都冇咩點賣 ，放自由行，但又冇長遠D諗大陸人來搶樓 . 依家先來做 DSD 之類政策會唔會太遲？仲未計大量民生問題！你們中年人如果連生仔既床位同奶粉都分分中俾人搶晒會冇怨氣嗎？其實好多問題係可以有政策同有遠見既官員避免，但有呢D有能力既官員嗎？政府既責任唔係令大眾安居樂業嗎？難道繁榮城市背後就一定有咁多怨氣？
大部分中年人因為資產上升有樓甚至乎幾層樓當然可以講呢D説話，不如大家試想下如果你係一個年輕人，有學位，有上進心，但個社會好似衣家咁，你會不心淡，還能講出呢D説話嗎？ |
|
16. 望樓 2014-12-17 23:42:32 |
|
我支持樓上15樓言論,年輕人冇機會,社會唔公平,令年輕人反感,作出抗爭係十分正常嘅事,改變政權爭取普選係好嘅出路! |
|
17. 望樓 2014-12-17 23:56:57 |
|
呢度班小業主成日想樓價升,都係想財產大漲,分明就係炒家,同炒家爭論樓價貴唔貴,最終都講唔嬴佢地. 如果有一日佢地沽貨離場,佢地至會轉軑. |
|
18. 努力年輕人 2014-12-18 00:14:58 |
|
學中年人的勤奮並不是一件羞愧的事。年輕朋友，整個香港社會都知道欠了你們很多，千方百計在製造機會給你們，然而，你們有沒有想過，今天又為社會付出了幾多？
勤奮？請問有冇具體D既例子可以點勤奮？成日O丅，人工升幅莫講話樓，連 inflation 都未心追得上。𣎴如你俾一D more specific 既例子或方法俾我地？冇人話社會欠我們很多，但起碼政策唔好向大地產或大商家一面倒先好冇？我年年都交足稅又唔見有幾多福利！ 我地默默付出就係交租俾所謂成功中年人或大地産商，社會資源被搶走，你還想繼續付出嗎？
中年人冇錯，我承認你們有努力，有今天既成就。但難道不能將心比已在我們的角度想下，還要講風涼說話？ |
|
19. Joe 2014-12-18 00:59:52 |
|
To 努力年輕人
如果我係你，你要具體D既例子點樣勤奮買到樓?
有，不過除勤奮外，重要有計劃、忍耐、肯降低現時生活質素、和執行計劃之決心，並耐心等待樓市下跌。
首先你要搬回同父母住，慳番房租，又假設計埋OT你搵萬六，你要要求自己每月最少儲七千，七年下來有接近六十萬儲蓄。
樓市有週期循環，說不定七年後樓市又係另一個世界(低位？），到時你三十歲左右，有三成首期在手，二佰萬的樓就係你的目標了。
當然你會話如樓市到時仍冇跌怎辦? 正所謂謀事在人，成事在天，也總好過你只懂怨天怨地，放棄自己，數年後回首一看仍是一事無成....
香港地，樓，從來都不是易買。
|
|
20. Joe 2014-12-18 01:17:45 |
|
補充一點，因樓價高而好似16樓D廢物話要作出抗爭，就絕對唔會係出路，如果得，阿長毛條廢物抗爭左十幾年應該買到樓啦。
|
|
21. 講事實 2014-12-18 02:11:19 |
|
學中年人的勤奮係困難嘅,宜家社會同以往唔同,以前窮人雖然多,但大家生活係公平社會,一齊努力工作和儲蓄,心態積極進取,最後慢慢儲錢買樓致富. 今日見到香港富二代豪華生活,內地土豪揮金如土,本地年輕人相比之下,生活及工作唔如意,諗起要努力十年八載至有機會買樓,仲要省吃儉用過緊日子,好多人都放棄啦. 捱咁長時間至有出頭天,沒有富爸爸俾首期,買樓上車係好艱難,就算肯努力,心裡都唔舒服,所以咁多人出來抗爭係有理據. |
|
22. 努力年輕人 2014-12-18 03:14:58 |
|
TO JOE
你既講法我絕對認同，而且我亦已經有計劃實行中，本人月入三萬多一個月不是很多錢所以亦係與家人同住。亦希望樓價可以跌至二百萬，但根據過往政府既政策同往績，再加埋環境因素，跌幅到二百萬市區樓既可能性我不敢評論有幾大或幾細，但一個政府責任唔係應該俾市民看到將來，安居樂業，而唔係令我地年輕人成日害怕資源被搶奪或有沒有將來。
冇錯，謀事在人，成事在天，但我相信呢個人除左我們自己，與民生息息相關既政府亦包括在內，可惜事實反映政府過往甚至現在冇好多德政令我地年輕人有信心。
而且老實說，除了樓，社會貧富懸殊，民生，中港問題係未試過咁嚴重，亦未見得有太大改善，我們年輕人並不是單單要一層樓就可以滿足，因為資產係重要但不是代表所有，一個社會環境，價值觀，教育，平等機會，等等都非常重要。如果我們每人有層豪宅，但一落街講普通話仲多過廣東話，我既仔問点解有人隨街大便，學位不夠既時候，我相信我有三層豪宅都未必開心。
|
|
23. 二叔公 2014-12-18 08:56:48 |
|
TO：努力年輕人
政府有責任俾市民看到將來，又有責任比市民安居樂業 ？
正在飲咖啡， 差啲俾你嘅留言嚇到跌咗杯咖啡，好明顯你唔知道自己係生活係一個弱肉强食嘅社會，其實如果你睇清楚一啲社會現實情況，就會馬上發現以下情況， 政府公務員嘅人工和生活係比大多數佢哋要服務嘅市民好很多很多嘅，咁你話係市民服務緊政府定係政府服務緊市民呢？ |
|
24. 二叔公 2014-12-18 09:05:21 |
|
世上最可悲嘅莫過於身為奴隸的人卻夢想著自己是主人了! |
|
25. 亮劍 2014-12-18 10:00:02 |
|
我又老實講句，在倫敦及紐約等金融中心，佢哋嘅貧富懸殊其實一樣嚴重，他們無中港問題，但新移民及其他有色人種問題又簡單嗎？ 香港的治安良好，犯罪率在先進國家亦算處於低水平，起碼大家行夜街都唔使驚俾人老笠甚至無端端對冧！ 我同意一個社會的環境，價值觀，教育，平等機會，等等都非常重要，但呢度都應該有一個過程，就好似70年代香港咁，通過清潔香港運動改善環境；在80年代推行9年免費教育改善港人質素；在90年代大量興建楼宇给人安居。 果D一落街講普通話仲多過廣東話，有人隨街大便，學位不夠既問題，追源究始係香港要吃四方飯，咁客源來自五湖四海各大洲之下，當然會良莠不齊啦，你可揾3皮幾，肯定係受過高等教育的人，但喺香港其實仲有唔少人係年紀大、低学歷及低技術水平嘅，唔揾D佢哋能力做得來的工種，你唔通叫佢哋去死嗎？ 泥水佬開門口，過得人過得自己，鬼唔知喺中環坐国金sell計劃俾強国富豪可揾大錢，你估人人做倒咩！ 改變唔倒現實，就調整你的心態，咁就算住太古城都開心。 |
|
26. 引刀一快 2014-12-18 10:05:09 |
|
To 二叔公
互為因果，識得爭取嘅先有機會成主，社會弱肉强食，但係弱肉都要搵嘢食，强弱更替，就係世情。 |
|
27. 思維失掉 2014-12-18 11:21:31 |
|
|
|
28. Hongkong People 2014-12-18 12:30:35 |
|
二叔公，
我有唔少朋友做公務員，亦有好多朋友做生意或私營機構;我嘅觀察，公務員一般生活穩定，但經濟上只屬小小康，無多上望嘅機會; 做生意嘅，掂嘅億億身家，滿手豪宅，普通嘅，努力中; 私營機構人士，叻嘅，年薪幾百萬或近百，年尾尚有bonus，普通嘅都有4-5萬。。。唔覺得公務員有咁好，你可鍾意攞佢哋同最低下層比，但比較嘅嘢應該apple to apple, 唔係冇意義，我同李嘉誠比，直頭係地底泥。。。 |
|
29. Joe 2014-12-18 13:38:07 |
|
亮劍大叔又塞錢比年輕人喇.... 點都好，年輕人只看到半杯水果一半，要看得通要靠自己的經歷，放眼看世界，不是一味被毒果洗腦只放大政府、內地的不善之處。
|
|
30. 努力年輕人 2014-12-18 13:40:00 |
|
冇錯，香港係一個治安良好，有一定程度自由既社會，甚至比好多國家好很多，我不能否認。但每個地方文化，法律等等都不同，根本不能比。例如中東某些國家如果女性外露身體面容而俾人強姦會係佢既錯，再要比，美國或歐洲士威對佔中根本小巫見大巫，有人話香港警察已經好克制，喺美國一早打死你，但代表佢地啱嗎？所以根本不能比。
時代進行需要時間，啱，年輕人亦冇叫低學歷中年人去死，反而我們更想爭取對基層既福利。社會冇完美，但前提係政府己盡力去做，譲有能力既人擔任要位，如果最後社會還是嚴重撕裂，民生問題嚴重，都起碼叫做盡了力。但如果官商勾結，政策一面倒，冇能力既官員在位而要我們將就，對不起，我們口服心不服。再者我只係一個默默努力既年輕人，已經不能不將就。
|
|
31. 二叔公 2014-12-18 13:41:56 |
|
To: Hongkong People
公務員除咗比一般市民人工高但工作少之外，也享有各種各樣嘅高福利，包括送子女去外國讀書，醫療，退休長俸等等。。。
保守估計，香港嘅總儲備大約有一萬一千億港元，而其中嘅9000億將會係公務員福利嘅開支，大家要知道，香港嘅公務員總人數大約有106803人，而香港總人口大約係718萬人，以區區約七十一分之一嘅公務員人口，但卻將會用了全香港人努力多年得到嘅總儲備嘅差不多八成。
當大家看到以上嘅數字，還看不清楚在香港這個社會，誰是主人， 誰是奴隸 ？ |
|
32. 努力年輕人 2014-12-18 13:58:13 |
|
TO 二叔公
我猜二叔公是退休公務員？現在新一代公務員褔利己大不如前，例如長糧已經成為歷史。而且根據二叔公所言及數字，你亦即係同意資源過度向公務員一面倒？所以現在已經沒有長糧，否則本人亦可能己成公務員。
至於主人同奴隸既說法，恕我不能明白呢個價值觀，我希望一個社會人人平等（雖然事實冇完美）但我們年輕人亦盡力去追求。二叔公，我替你既後代非常可悲，因為如果佢地不是公務員，便是奴隸。 |
|
33. 二叔公 2014-12-18 14:14:45 |
|
To:年輕人小友
世界上只有兩種人，就係管人嘅人和被管嘅人, 前者係主人後者係奴隸, 舉個簡單例子,如果你老婆係管人嘅人,而你係被管嘅人,你就會變成老婆奴.
其實係屋企我都係奴隸一名 : ) |
|
34. 亮劍 2014-12-18 15:07:13 |
|
社會冇完美，但前提係政府己盡力去做，譲有能力既人擔任要位，如果最後社會還是嚴重撕裂，民生問題嚴重，都起碼叫做盡了力…… 呢度真是可圈可點，請問在董建華嗰時嘅梁錦松、楊永強、葉劉淑儀、陳馮富珍、李國章等，算唔算有能力、做倒嘢同肯承擔？ 但泛民主派的政棍同爛果報，點對付佢哋呀？ 最曲街嘅係，爛果同政棍上下其手壞事做盡，又無事或 輕輕帶過，無天理到極！ 攪到現在有料到嘅人，因為費事成為政棍箭靶，而唔肯去做問責官員，李嘉誠講得無錯，「有料嘅唔肯做、無料嘅爭住做」！ |
|
35. 心水清 2014-12-18 15:26:43 |
|
李嘉誠當時係出晒面支持唐唐嘅,但係輸咗比英明神武嘅振英哥, 之後李嘉誠先無奈咁講" 有料嘅唔肯做、無料嘅爭住做"
當然,李嘉誠支持唐唐得罪中央嘅後果就係佢要差唔多要賣晒大陸嘅物業, 提早退休. |
|
36. To: 努力年輕人 2014-12-18 16:16:36 |
|
努力年輕人, 你可以學下借力打力, 你人工有三萬, 可以留意下三百萬以下的樓, 入一間跟住放租, 有租客同你一齊儲錢同承擔風險, 還是相對穩陣. 這是我可給予的意見...希望你善用你優勢...年輕和時間, 讓資產增值...加油! |
|
37. 上車易 2014-12-18 17:13:32 |
|
有關內容值得推崇: [淡友們天天盼望樓價大跌，似乎脫離現實，與其走向街頭，不如腳踏實地，學中年人的勤奮並不是一件羞愧的事。年輕朋友，整個香港社會都知道欠了你們很多，千方百計在製造機會給你們，然而，你們有沒有想過，今天又為社會付出了幾多？] |
|
38. 法子 2014-12-18 17:20:38 |
|
蔡sir 說得好！ |
|
39. 引刀一快 2014-12-18 23:22:04 |
|
To 34樓 亮劍兄
楊永強就應該拉去坐十年監喇，冇嘢呀你？ |
|
40. 長命幾天 2014-12-19 01:30:22 |
|
《香港公社》給《巴黎公社》長命幾天...... 巴黎公社（法語：la Commune de Paris）是一個在1871年3月18日（正式成立的日期為同年的3月28日）到5月28日的2個月中，短暫地統治巴黎的政府。到後來它宣布要接管法國全境。[1]由於公社衛隊殺死了兩名法國將軍加上公社拒絕接受法國當局的管理，終於導致了被稱為「血腥一周」的嚴厲鎮壓。[2] 由於評價者意識形態的不同，對它的描述也存在很大分歧，傾向於資本主義或中立者認為它是無政府主義；而傾向於社會主義或自由主義者則認為它是社會主義的早期實驗；更有被認為標誌當代世界政治左翼運動崛起光輝起始里程碑，影響廣大深遠。馬克思認為它是對他的共產主義理論的一個有力證明，而俄羅斯無政府主義之父巴枯寧則對此持反對意見，因為它既沒有依賴於一個先鋒隊，也沒有掌控國家或者企圖建立一個新的革命政府，所以它實際上還是無政府主義。 |
|
41. 香港-----中外角力場？ 2014-12-19 08:11:41 |
|
香港於中英回歸談判前-----中外齊齊揾食樂園-----双贏。 香港於中英回歸談判時-----中外政治角力擂臺-----中方勝。 香港於回歸落實前十年-----中方盡力籌組统治班底、渗透各政府部門及民間組織-----暗戰期。 香港於回歸落實後十年-----外國盡力強化傳媒力量、渗透香港宗教界、教育架構暗藏伏兵-----暗戰期。 泛民策動香港民間反國安法大遊行-----明戰期-----外國勝。 泛民+學界策動香港民間反國教示威、學界伏兵小試牛刀嶄露頭角-----明戰期-----外國勝。 世界名地顏色革命重大成果，鼓勵催生以長時間宣傳佔中構思抗衡中式普選法-----決戰前夕備戰試探期。 中方洞悉兇險勢態，密謀多手對策、運籌帷幄伺機應對-----決戰前夕備戰試探期。 外國估計時機成熟，全力策動學界伏兵牽頭、教育界、宗教育、中外傳媒界、泛民全力以黃色雨傘革命衝擊香港、中國，2個半月後慘敗收場-----中方大勝。 中外角力不斷，結局何去何從，2047揭曉。 |
|
42. 東江遊擊隊 2014-12-19 09:16:24 |
|
To:41/F
高見， 但還是計少了外國對香港法律界的影響力，不小港英時期留下來嘅法官都是非常有問題的，中央應盡快處理。 |
|
43. 引刀一快 2014-12-19 12:38:19 |
|
澳門尋日開始24小時通關，岐關亦加長通關時間，如果呢個大禮送埋俾香港，大把人湧去深圳買屋，2100蚊呎嘅，大把。依傢淨係皇崗呢個咁麻煩嘅口岸全日通關，係唔夠用嘅，一旦深圳灣同羅湖都24小時通關，大把“剛需”走過去，咁大陸樓市冧嘅大波涌入香港就更直接。 |
|
44. 東 2014-12-19 13:47:37 |
|
To: 21 講事實 請問你會唔會出黎抗爭, 爭取叫政府立法作出管制,
以後仔女一出世就要將老豆老母的身家充公, 以令下一代可以公平啲, 有同一條起跑線??? ========================================================
學中年人的勤奮係困難嘅,宜家社會同以往唔同,以前窮人雖然多,但大家生活係公平社會,一齊努力工作和儲蓄,心態積極進取,最後慢慢儲錢買樓致富. 今日見到香港富二代豪華生活,內地土豪揮金如土,本地年輕人相比之下,生活及工作唔如意,諗起要努力十年八載至有機會買樓,仲要省吃儉用過緊日子,好多人都放棄啦. 捱咁長時間至有出頭天,沒有富爸爸俾首期,買樓上車係好艱難,就算肯努力,心裡都唔舒服,所以咁多人出來抗爭係有理據. |
|
45. 東 2014-12-19 13:52:42 |
|
係時候出黎抗爭下, 爭取全香港大家一齊仆街
===============================================
王子華 魚蛋論
做咩呀？做咩大家買串魚蛋（一樣）咁多錢，佢串魚蛋多我兩粒㗎？
我唔要你比番兩粒我，我要你攞走佢果兩粒！大家少兩粒，咁就公平呀！
做乜佢有甜醬我冇呀？
我唔要你比甜醬我，我要你舔走佢果啲甜醬！大家都唔甜，咁就公平呀！
做咩佢又無咗甜醬，又無咗兩粒，佢仲食得咁開心呀？唔公平！
咁點先公平呀？大家都唔開心囉！大家食得好仆街咁囉！
|
|
46. 引刀一快 2014-12-19 14:00:20 |
|
|
|
47. 亮劍 2014-12-19 14:01:05 |
|
東…… 其實今天那些草根階層有層平價公屋住，他們的子女可接受12年免費教育，佢地可享受近乎免費的優質醫療……全部係一班走去買楼的中產卑嫁！ |
|
48. 引刀一快 2014-12-19 14:11:40 |
|
個人睇法，不喜任插。
第一日： 做咩呀？做咩大家買串魚蛋（一樣）咁多錢，佢串魚蛋多我兩粒㗎？
我唔要你比番兩粒我，我要你攞走佢果兩粒！大家少兩粒，咁就公平呀！ 引刀建議做法係：唔駛補兩粒俾我，更唔駛攞走佢兩粒，老細識得講句唔好意思就得嘞。
第二日： 做咩呀？做咩又係大家買串魚蛋（一樣）咁多錢，佢地串魚蛋多我兩粒㗎？
我唔要你比番兩粒我，我要你攞走佢果兩粒！大家少兩粒，咁就公平呀！ 引刀建議做法係：要老細補番俾少咗嘅魚蛋，仲要講明下次唔會先得。
第三日： 做咩呀？做咩大家買串魚蛋（一樣）咁多錢，次次佢串魚蛋多我兩粒㗎？
我唔要你比番兩粒我，我要你攞走佢果兩粒！大家少兩粒，咁就公平呀！ 引刀建議做法係：偷偷地放只老鼠係佢煲咖喱果度，然後通知食環署，因爲真金白銀日日幫襯佢，佢仲玩針對，唔駛同佢客氣。
本來黃子華舉嘅例就係好大漏洞。 |
|
49. 東 2014-12-19 14:16:01 |
|
咁唔公平, 我要求我的公屋要一千呎樓下仲要有泳池我要求我的仔女可以免費讀12年"國際"學校 |
|
50. 引刀一快 2014-12-19 14:17:21 |
|
|
|
51. 共產黨始終係共產黨 2014-12-19 14:34:23 |
|
唔知幾時大陸政府會充公晒你嘅財產弊呢，係大陸做有錢佬好危險嘅。 |
|
52. Joe 2014-12-19 14:49:56 |
|
阿淡兄佢轉幾多個分身都好，心態始終如一，廢物一個，轉幾多次分身都冇用，廢人講廢話。
|
|
53. 引刀一快 2014-12-19 15:19:57 |
|
To 51樓
咁咪唔好做有錢佬囉，係咪？ 如果大陸真係冇啦啦充公人嘅財産，咁香港都唔會走得甩嘅。 |
|
54. 能不心痛？ 2014-12-19 16:27:01 |
|
【年輕人上車無望】輸在起跑線唔緊要，最慘係輸智慧、輸志向！ 輸在起跑線唔緊要，最慘係輸智慧、輸目標、輸志向！
。大學畢業生覺得上車無望，爭相輪候公屋...
。為免超出入息限額，情願放棄長工，要求僱主唔好升職加薪...
睇見呢啲新聞，都幾心痛... 年青人輪候公屋少則四、五年，多則十年八載！
由大學畢業到 30 歲，是人生非常重要的學習、成長階段，應該努力工作，累積經驗、人脈、資本，更上一層樓！身邊不少朋友，包括筆者自己到 30 歲的時候，已經升至中層管理、薪金已經翻了幾倍，有些朋友跑得更快，30 歲已經成為公司高層，甚至創業做老闆！ 竟然用自己的黃金 10 年去換一間公屋？ 情願放棄發展機會？ 要求老闆唔好升職加薪？ 就當你 30 歲排到公屋，咁又點？！
公屋輪候冊申請宗數突破 26 萬，仍在不斷上升中！
根據日前長發會的報告，未來 10 年計劃興建 48 萬個單位，當中公屋大約佔 29 萬，嘩！咁咪要成十年先上到樓？！ 數係咁計！資源是有限的...公屋是社會福利，是用來幫助有需要的弱勢社群！ 作為大學畢業生，竟然跟老弱傷殘去爭社會福利，還要振振有辭，高呼政府沒有政策扶助他們，能不心痛？ 作為大學畢業生，唔係應該諗吓自己可以點樣貢獻社會咩？ 點解淨係問社會可以俾乜嘢你？能不心痛？
講到買樓...大學生點會上車無望？只係你唔識啫！
絕對是大迷信！無奈傳媒樂於報導，市民樂於接受！
即使今天樓價已經創出新高，然而上車還是容易的！ 以 $300 萬的物業為例，一成首期只需要 $30 萬，月供只需要 $1.1 萬左右，無數的 1% 投資兵團年青戰友已經成功上車，30 歲隨時已經有樓收租，40 歲的時候已經有幾層樓，逾千萬資產了！ 難在甚麼地方？ 就好似報導之中接受訪問的八十後，與女友兩人月入約 $40,000，竟然高呼生活吃力，儲唔到錢！ 明顯自己理財不善！...難？難在自己唔肯去認識！難在逃避而已！ |
|
55. 肥婆四 2014-12-19 17:26:11 |
|
政府起到的公屋靚靚，有啲在市區甚至有海景，執政者以為係德政，實質害社會，長此下去必然吸引部分人走上公屋攞綜援之路。 |
|
56. To 25 2014-12-19 17:55:46 |
|
Right. Reduce the living space per head (current trend). So that more units can be built. Avoid extravagant decorations and facilities. Basic provisions are adequate. This way the construction cost can be cut down. There must be a marked difference in quality (still durable and easily maintainable) between private and low cost housings to motivate wealthy residents to shift to private housing. |
|
57. 向饭民说不 2014-12-19 19:46:54 |
|
51楼，事实是饭民慢慢共9你产。 |
|
58. 講道理 2014-12-19 22:54:10 |
|
香港由最安全城市跌落至排名30名之後,有人講係佔中令掛名大跌,係佔領者令香港變為唔安全城市. 我就話係因為中央和特區政府唔肯聽民意,唔尊重香港人嘅後果. |
|
59. 淡友 2014-12-19 23:54:33 |
|
呢度忽然太多淡友出現,互相混淆視聽,我淡友向來講樓價跌,係想大家關心一下年輕人上車買樓嘅願望,呢啲唔係消極,係積極進取嘅表現. 年輕人如果放棄買樓,吃喝玩樂過日子唔係好事,佢地到頭來一樣唔開心,一諗起自己冇樓住,身邊朋友有樓變得財產膨漲,更加會反叛不滿,社會要和諧要共融,就應該互相包容,有樓人士成日講風諒話,以為有層樓就可以說教,其實都係不勞而穫啫. 你地過份吹噓只會激起年輕人反抗情緒,社會撕裂你有錢都唔安樂.試諗吓,一個社會得少數人暴富,窮人通街走,富豪唔俾人打劫至奇,結果就係齊齊遭殃! |
|
60. Joe 2014-12-20 00:53:47 |
|
To 淡兄
年輕人放棄買樓，不等於轉而吃喝玩樂，更不等於會激起反抗要打劫有錢人，唔該睇少D電視劇，少D幻想。
不想討論點解依家先關注年輕人上車問題，但如在此樓市較為火熱情況下去關注甚至幫助他們上車，無疑係想佢地成為最後接火棒的糖衣毒藥。
|
|
61. Joe 2014-12-20 01:04:33 |
|
再講，唔好話你其實是想樓價跌到時年輕人可買樓，因為到時他們一定不會買樓!
|
|
62. 淡友 2014-12-20 02:07:58 |
|
我淡友唱淡樓價,都係為年輕人好,假如有樓業主成日掛住樓價升值,唔理年輕人上車置業嘅訴求,有一日社會要付出代價. 樓價貴到離晒大譜,冇理由你呢班業主唔知道,跌少少兩三成有咩相干,年輕人多啲上車社會變得安寧,點解你地咁唔化? |
|
63. 有人性嘅高薪工友 2014-12-20 05:48:54 |
|
我高薪工友唱減人工,都係為工人好,假如高薪工友仲成日掛住唱加人工,唔理老班經營困難嘅訴求,有一日高薪工友要付出失業代價. 人工貴到離晒大譜,冇理由你呢班高薪工友唔知道,減人工兩三成有咩相干,少啲老班執笠社會變得安寧,點解你地咁唔化? |
|
64. 有人性嘅租客 2014-12-20 06:20:09 |
|
呢度忽然太多租客出現,互相混淆視聽,我租客向來講準時交租,係想大家關心一下業主準時供樓嘅願望,呢啲唔係消極,係積極進取嘅表現. 租客如果成日拖租,攞啲租金去吃喝玩樂過日子唔係好事,佢地到頭來一樣唔開心,一諗起自己仲未交租,自己孭住欠租枷鎖變得坐立不安,更加會令業主不滿,社會要和諧要共融,就應該互相包容,租客成日諗住拖得就拖,以為做租覇就可以免租,其實都係不勞而穫啫. 租客過份拖租只會激起業主反抗情緒,業主去土地審裁處追租收樓，你有樓都住得唔安樂。試諗吓,一個社會得少數租客有人性嘅,租覇通街走,業主欠供唔俾銀行收樓至奇,結果就係齊齊遭殃! |
|
65. 唔望樓 2014-12-20 06:33:15 |
|
呢度班望樓成日想樓價跌,都係想壓價入貨,分明就係炒家,同炒家爭論樓價貴唔貴,最終都講唔嬴佢地. 如果有一日樓價真係狂跌,佢地會轉軑唔想買. |
|
