樓市吹淡風，連凶宅大王亦未能沽貨。轟動全港的荃灣中心六屍恐怖凶宅，業主凶宅大王「佳叔」陳應佳即使想甩貨，但由於單位連租約及「太猛」，又被額外印花稅（ SSD）綁死，凶宅放售 3個月也乏人問津，「原本都有客傾緊，但最後都縮埋沙」。

買家縮沙　「繼續收租囉」

佳叔 1個月前曾向記者透露，荃灣中心六屍凶宅「有幾個客傾緊，等緊收票」。記者昨日再問佳叔凶宅是否售出，「冇啦冇啦，家個市咁差，銀行又不借錢，本來都有人傾緊，但最後都縮埋沙，繼續收租囉……遲啲梁振英上場仲衰，佢打擊樓價嘛……入啦，唔講啦」。
佳叔持有的六屍凶宅，今年 5月在拍賣場上力壓另一凶宅投資者伍冠流以 118.5萬元投得。凶宅之後以每月約 5500元租出，據知租客為基督徒。區內代理透露，該單位今年 9月開價 170萬元連 SSD放售，較市價約 200萬元平近兩成，但單位放售 3個月都沒人問過。
荃灣中心錄呎租新高成交。美聯物業高級營業經理梁仲維表示，杭州樓頂層連天台 287方呎迷你戶，剛以每月 7300元租出，呎租高達 25.4元，創屋苑新高。另慈雲山居屋創天價，慈安苑高層 10室， 820方呎，自由市場成交價高達 450萬元，呎價 5488元。 

係香港嘅紀律部隊都有宿舍提供俾員工申請，而編排邊個入先、入後、地區、大細係以計分制厘定！ 
紀律部隊員工想快啲入住宿舍，最快手係升級，其次係結婚生細路，如果職又無得升，婚又結唔倒， 
咁就慢慢排隊，以年資換分數！       
          
香港人日思夜想都要買樓，政府就成全拒！其實資助房屋可以參考這種計分制，我提議：-  
          
1) 香港永久居民有 1000 分。        
2) 18 歲以上居民每大一個月有一分。       
3) 由申請當日起計每一個月有一分。       
          
以上分數可以用家庭做單位，以人頭計數，如果加入一兩個老人家，絛數就認真襟計！  
          
4) 每一名子女有 1000 分。        
5) 每納 100 元薪俸稅有一分，仲有追溯權及累積滾存。     
6) 交回公屋單位又有 1000 分。       
          
以上分數係體驗申請人對社會嘅供獻。       
          
7) 成世人都未擁有過物業嘅有 1000 分。       
8) 曾經擁有過物業嘅人都有分，每做一年無殼蝸牛有 50 分。     
          
有物業嘅人都可以申請，以便樓換樓，不過你哋無迫切需要，所以無分！   
          
咁居屋就唔好起喇，將呢啲地攞出來賣鬼左拒，然後將啲錢折現派俾申請人！因為：-  
          
1) 2 手樓平過新樓，同一幅地可整多一倍受助人數。     
          
2) 本來起居屋嘅地，如果位處旺區，政府係雙重補貼，例如赤柱都有居屋起左，如果當日係用黎起豪宅嘅話，
呢塊地應該值幾錢？依家起左居屋，一來賣唔得起錢，二來要打折，三來仲要影響埋附近私人樓嘅樓價！
          
3)  居屋有樣嘢玩倒人嘅係你唔知幾時輪到你，而輪到你果陣啲地區、大小、間格又未必係你嘅心水！ 
          
4) 如果抽倒居屋，你就會住到老，好難搬去第 2 度，無論你係轉左工、細路左校、家庭成員有變---- 
          
邊個多分就邊個先，可買乜嘢樓都得，但只限自住，邊個將個單位出租就會收監！  
申請人有 1 蚊首期，政府就俾 1 蚊，上限 50 萬，只計街息，幾時鬆動就幾時還。   
批左確認提取權一年內揀你喜歡嘅樓，揀唔倒倒扣 5000 分再排隊。    
呢種房屋福利一生人只係得一次，所以申請倒居屋者免問！     
為公平起見，申請左呢種房屋資助者賣樓果陣唔該連本帶利還錢！    
          
咁第時邊個走出黎話「我買唔倒樓」！政府高官就會問拒「你排緊隊未」？   
如果拒話「排左十年」！政府就問「你成世人納過稅未？你結過婚未？你生左細路未？」  
          
政府最緊要係保持充足土地供應，滿足上述申請人需求，以免樓市大起大落！   
          
以上計分制有幾個好處：-        
          
1) 申請人會大約知道幾時輪到，會作好首期準備。      
2) 自由選擇地區、單位大小、座向、樓齡新舊-----      
3) 政府資助金額可以維倒數。        
4) 資助係有好大機會收得翻。        
5) 可以立刻推出，唔使等幾年。       
6) 有份納稅嘅人申請倒機會會大好多，咁樣會公平啲。     
7) 連樓換樓嘅人都招呼埋，反對聲音會少好多。      
8) 家有長者會得高分，連安老問題都照顧到。      
9) 生多件化骨龍都有分加，解決人口老化問題。      
10) 公屋居民如果交雙倍或市值租，就會立即申請，咁又可起少間公屋。   
11) 永久性居民優先，合唔合理？       
12) 俾到個希望啲無殼蝸牛，而且係可望達到嘅希望！     
          
以上計分制分數係我個人初步構思，以便拋磚引玉，希望大家指教指教！！！

上醫治未病。

善戰者，無智名，無勇功。

然多數人看重“救火隊長”，認為他們才是力挽狂瀾的英雄。

政客們深明此道，他們從不理會“防火措施”，也許他們更熱衷於製造火災，以示他們“救火隊長”的“英雄本色”。03年，他們挾10萬個負資產家庭之勢以攻擊政府，令政府減少房屋供應，以致供應斷層，樓價大升，導致現時買樓難的困境。現在他們又站在相反的一方，壓逼政府打擊樓市。

萬一他們如願以償，大家可以想像，他們又必定站在負資產小業主的立場，幫大家爭取“權益”。他們永遠站在道德高地！然而人為造成的樓價大幅波動，過程中多少家庭生活痛苦？甚至多少人變成孤魂野鬼？這是否大家所樂見？

我們需要的是能“治未病”的政治家，而不是“救火隊長”的跳梁小丑！

王先生：

問題是我們是否需要政府過多干涉樓市？

小弟認為政府不應補貼市民買樓，一旦補貼，就會有如何補貼？補貼誰人？錢從何來？等問題。這些問題永遠糾纏不清，永遠無公平可言。

建立福利網，幫助窮人是所有政府的職責，因此小弟認為公屋已經足夠，公屋政策已能保障窮人的居住權，政府無責任幫人買樓置業。

接下來的問題是如何保障有足夠公屋供應？簡單來講有兩點：

1）對人口，尤其是需要入住公屋的人口有詳細調查，以此制定起屋數量。

2）公屋應建立有入有出的制度。

To Reply 6:-

道理上正確，不代表政治上正確！一旦政治化政府干擾房屋市場無法避免！

To Reply 4:-

the idea is creative but too cumbersome which inevitably causes difficulties in scrutiny, extra admin costs and inefficiency.  I agree with "上善若水" that the Gov has no obligation to subsidy people for property purchase which is in same nature of subsidying people to invest for return. The gov's duty is to provide sufficient living place of reasonable quality to the public. The focus shall be on the building and improvement of public estates instead of subsidied housing.

政府賣地政策, 係地產霸權嘅始作蛹者, 地皮太大, 來來去去只係幾個發展商之爭...小型發展商跟本無能力投!  就好似超市同街市咁, 超市來貨比街市平, 理應該賣價比街市平, 但點解會比小店經常貴幾成什至過倍呢?  小店為左競爭, 會平啲賣, 但超市賣唔到, 只會向代理施壓, 叫小店加價或叫代理減價!  喺內地一啲地方而家嘅超市係比小店及街市平或差唔多(以我所知), 但消費模式改變後, 呢個情况可能易轉, 但內地始終地方大, 可以容衲更多競爭.  而家喺香港市區, 經常有屋苑佔左幾條街, 唔係住戶又唔比行, 要繞過屋苑, 以前啲大屋苑係有路可以比外人行....

地皮應該鎅細啲, 等多啲發展商可參與, 引入競爭 ...尤其是一啲限尺限高嘅地皮, 政府一定唔會賣平左, 樓又未必賣貴左....

我看透個班無能組別政棍,乞選票的技倆.不是為香港整體利益.

為選票,讓部份人惡起來.

作者講出業主心聲，令人甚有同感！

上善若水兄----你所提出嘅問題其實我已經係上面寫曬出來。    
         
例如---如何補貼？        
邊個多分就邊個先，可買乜嘢樓都得，但只限自住，邊個將個單位出租就會收監！ 
{分多行先，公唔公平？}       
申請人有 1 蚊首期，政府就俾 1 蚊，上限 50 萬，只計街息，幾時鬆動就幾時還。  
{政府只係資助少少利息與申請人，但拒哋供樓嘅負擔相對賣按揭保險可少弍成！} 
         
例如---補貼誰人？        
呢種房屋福利一生人只係得一次，所以申請倒居屋者免問！    
{理論上係有樓之人都可借錢樓換樓}！      
         
例如---錢從何來？        
咁居屋就唔好起喇，將呢啲地攞出來賣鬼左拒，然後將啲錢折現派俾申請人！  
{唔起居屋，將啲地折現，政府唔使額外出錢，以同一數量土地計，受惠人數其實仲多左！} 
為公平起見，申請左呢種房屋資助者賣樓果陣唔該連本帶利還錢！   
{香港住係私樓嘅人平均十年會換樓，而換樓就要連本帶利還款，同一筆錢可循環使用！} 
         
點解我提出計分制？因為資助無殼蝸牛係政治議題！唔係公唔公平嘅問題！  
相對政府起居屋、置安心、或再起夾屋----其實係兩害取其輕：-   
一來預左起樓啲地會俾班政棍係咁舞，等拒哋建立一個弍個萬年票倉！   
二來政府自己一手包辦起居屋，棧俾拒哋係咁開位，請埋一大班易請難送嘅高官！ 
三來等得政府咨詢、拍板、規劃、興建、抽籤、發售-----快者 3 年，慢者 7 年！  
樓市周期轉左幾轉都仲得，到時樓市低迷，啲居屋用來養老鼠咩？   
         
以上計分制分數係我個人初步構思，以便拋磚引玉，希望你指教指教！！！

王先生：

仔細拜讀了你的回應，大概理解了！

你的提議要比複建居屋為佳，至少評分標準較公平，而且你是參考了紀律部隊申請宿舍的程序，理應有一定可行性！適當時候你可以在聚會時向大家提出，一起討論。

不過，小弟只贊成政府有責任幫助市民安居，反對政府以任何形式資助市民置業，置業牽涉到投資，理應由當事人獨自承擔風險，獨享成果。因此，政府應致力於起足夠公屋！

王先生,

計分制確實是一條很好的方案,相比過往政策,在政府投入資金相對地減少,以及公平來說是值得深入討論的.

在此重新講我哋業主唔係要啲樓價，係咁升、唔俾跌，我哋只係要政府房地產政策唔好一時一樣！
         
一係餓死、一係飽親！好似有人忙過頭，無食午餐，可唔可以係晚飯時間連隊两個义雞飯補翻數？？
或者有一晚同朋友玩通頂，第二日連續瞓夠拾幾個鐘當打和？？可能真係有人咁做，健唔健康先！
         
幾年前好多代表中產嘅報紙，都係咁叫政府改善勾地表機制，啲社論出完一次又一次，真係講到口臭！
唔知都以為嗰啲社論主筆乾曬塘，不斷陳腔濫調！土地供應短缺令到樓價上升，有讀過經濟嘅人都知！
幾年唔做嘢，臨收工就做凸，重攪到一塌糊塗，令有樓同無樓；新居屋同舊居屋；平樓同貴樓分化曬！
         
最攪嘢係將質素好嘅地段都劃來起 1-2 房細單位，咁第時果啲揸住 2 房新界樓嘅業主唔俾多一倍呎價，
都唔好稔換市區三房或四房，重要係 2 手，因為新盤大單位斷曬層！！！！  
         
如果樓市下跌，可以令到上唔倒車嘅人買倒樓，咁我哋呢啲小業主嘅壯烈犧牲都話有少少價值！
但依家係啲中下階層繼續上唔倒車，因為金管局要啲銀行收緊按揭，只係益左有大舊錢嘅人先買倒樓！
         
特首房屋政策唯一亮點係唔俾啲邊緣人仕買樓，以免拒地成為負資產，但後果係啲樓俾大陸豪客買埋！
重要係合理價，第時嗰啲在「房屋安全網」以外嘅人就要同大陸業主租先有樓住，真係多得政府唔少！
         
現在政府攪乜福利都係劃一條線，線下面就拾幾樣資助，線上面嘅中產，就只係有份埋單無份埋枱食！

王先生：

政府和金管局關注的是：萬一樓市爆煲，不要拖累金融體系。而並非關心中下階層是否能上車！

好好笑,如果CY連150個選委票都拿唔到,即你話香港咁嘅小圈子選舉,公信力極之低,呢班小圈子選委太唔似樣了.

真係咁,係香港嘅不幸,實俾外國人笑話,仲講甚麼民主,講甚麼普選,簡直不知所謂,與民為敵者最終搞到全民皆反,香港必然要付出代價!

樓市咁淡靜,但樓價唔跌,就係政府打壓措施不力,宜家不應取消任何打擊樓市政策,相反好似馮檢基今天所講,要將樓價打倒係民心所向,此政策係任何一位未來特首必定貫徹嘅方針之一!

所以講,業主炒家要認清未來香港形勢,盡早作出沽樓行動,否則後悔莫及,樓價大跌係潮流所趨!

to:80後的蟻民:

發覺你有啲強詞奪理,大家都係80後,唔通你唔知宜家香港嘅80後上車困難之苦,毫無同情心,只識講風涼話.

呢度嘅小業主和炒家們都係一班自私友,不理社會上反對高樓價嘅主流意見,自己係呢個平台吹噓一番,以為得到外界認同,令人啼笑皆非.

自我膨脹係冇用嘅,因為將來無論邊個做特首,都會順應民意,將樓價打倒,呢個幾乎係必然嘅政策,80後的蟻民,你有何睇法?

文章重溫：「淡友的9大誤解」

To: 小道

你可以話樓價貴，但你所持的理據就不正確，你買唔到樓唔代表樓價，當所有基層都買到樓時，攞综援果個又話唔公平，到攞综援果個買到樓時，到瞓街果個又話唔公平，係咪所有700萬市民每人都能買樓才算公平?

幫大多數基層就是德政? 民主就是小數服從多數? 如果係，所有社區都排擠精神病院建於該區，是否多數服從小數就可不理精神病者?

相信你都答唔出，因小弟之前都問過你問題，但你都答唔出，

只是你都像你所說的業主都係一樣自私，為了你自己可以買到樓。

大家想想，如果民主就是小數的人服從多數的基層，但大部份的稅收不是來自基層，但他們可以得到大部份的福利，這樣係唔係公平呢?

昨天看新聞，澳門有議員憂慮如果大多的福利，會鼓勵人們倚賴，為何在香港沒有？

香港為何唔可以人人都買得起樓?就算低下基層人士也應有此權利,係人類追求大同嘅世界裡,低廉嘅樓價人人可安居樂業,唔駛為供樓四處奔波,咁樣至可以專心工作,找尋理想.

自私小業主成日以為買咗樓後,樓價就要大升,分明係想炒賣穫利嘅自私行為,仲成日係此平台自我麻醉和吹噓一番,咁樣令人好反感!

To: 小道

無人話低下層唔可以買樓，有好多業主都是低下層，靠自己努力加上多年儲蓄而上車。

你講得出 "香港為何唔可以人人都買得起樓?"，正明你智力好有問題。

如果人人都買得起樓，我相信無人會買樓，因就算地產商唔賺，都要成本，瞓街果個，攞综援果個，或大花筒果個，那有能力付建樓成本。現在樓價跌9成，他們都買唔到。

同意"32樓王先生"講，"小道、大時代呢啲人係現今香港社會有好多，同拒哋玩認真，會死好多細胞"

; )
小道, 如果你係一個中五學歷以上既香港人, 我會為香港教育制度感到悲哀。

1個好簡單既理由, 你話, 私人樓好貴, 政府應該推倒樓價, 等人人上到車買到樓
咁同樣道理,
食物好貴, 政府應該日日向7百萬香港人派飯, 仲要任君選擇4送1湯白飯任裝 ?
黃金好貴, 政府應該幫補市民購買黃金以保障財產, 令市民唔洗做野既時候都大把錢用
鑽石好貴, 政府應該過時過節每人派1粒鑽石, 令每個港人開開心心
鮮花好貴, 政府應該每年情人節送1大扎玫瑰花俾每位女仕, 等佢地日日有初戀感覺
聖誕樹好貴, 政府應該每戶送1大棵真既聖誕樹, 等佢地無野掛都可以掛自己上去

我真心想問, 有咩係唔貴 ? 無錢你就唔好買啦
我唔反對政府起公屋俾你呢d社會垃圾去訓, 但唔該唔好令到香港變廢港, 呢d思想完全係思想大倒退, 咩人會咁 ? bb仔囉, 想要呢樣, 無就喊, 想要果樣, 無就喊。

用下腦啦低能兒, 政府要樣樣野俾曬你, d錢係邊到黎 ? 石頭爆出黎 ? 定係屎坑噴出黎
年青人買唔到樓有幾慘我又唔覺, 今日買唔到, 你咪努力d做野, 洗少d錢囉, 有恆心一定買得到囉, 所以我一直唔擔心我會買唔到樓囉, 但係你呢d短視, 懶惰既就好難講了。 而垃圾們不單只向中產及富戶辛苦掙番黎既錢到拎得就拎, 仲成日想斷人米路, 呢d先叫慘囉。你想享受人既成果, 我諗好多人都唔介意施捨俾你, 但斷人衣食尢如殺人父母, 用下你個載滿草既腦去諗下啦。

淨係識汁人口水尾無用架, 做人要用腦, 唔係議員叫你快d去死你就仆到去死架, 見到你個豬腦諗埋d咁自私既行為真係令我異常悲憤, 覺得你不知所謂

唔好扮蟹同斷章取義牙小道, 係你就正面回應啦, 我大把時間等你
真係火都黎

To: 小道

自有生物以來，物競天擇．適者生存是大道。

不說物競天擇，因人類創造了社會道德。

說適者生存，生物進化是因應環境變化，進化成適應成生存的能力，如蟑螂不段進化而對剎蟲水免疫一樣，這種能力絕對是靠自己，別人幫不了，不是飯來張口可得。如恐龍絕種。在現今社會裏，如找工作，每次interview，人都會改善自己的表現直至成功找到工作，而不是要老闆降低要求去請你。又或者追女仔，是要你主動，對她好，才能成功，每次失敗的經驗都是改進自己的原素，而不是要啊媽幫手

我相信幸福的婚姻是"咁樣至可以專心工作,找尋理想"，唔通人結唔到婚或沒有美滿的婚姻，又要政府幫你娶老婆？

這世界是沒有大同的。大同係啲自私的人，自己無想係別人個度攞而美化的名詞。

正如之前問過你，如你中了1千萬六合彩，攞400萬買樓，餘下600萬會否捐出，你都無答啦！不要再辦野啦！到你有能力買到樓，你都反對"人人有能力買樓"

實際上高地價和房價是用來資助並維持香港的低稅率政策, 保持香港的競爭力.    香港的人口不到50％是勞動人口, 而在勞動人口中, 只有不到30％支付薪俸稅.  政府其中的主要收入是從賣地和印花稅收. 如果實施低房策, 然後個個人要支付30%薪俸稅, 你們會Ok嗎?  香港的制度, 基礎設施和保養完善, 需要大量的資源和資金支持, 相反大多數人不需繳任何稅，但只享受其好處, 哪又公平嗎?  高租金高樓價就是用來平衡這點.  相反, 共產北韓每個人都有屋住, 做或不做都$ 36, 又是我們喜歡的嗎?

你地班自私友講服我冇用嘅,能講服普羅大眾嗎?仲有,所有後選人都要以打壓樓價為重要政綱又作何解釋?

唔要係度自欺欺人啦?

To: 小道

小弟無大道理，亦認係自私，無人唔自私，只希望樓價不大跌，不想成為負資產，不想行高福利主義，不想自己的辛努白白送给別人。

支持樓價大跌，高福利社會是無同問題，但唔好來來去去都以公平，公義，大同及正義口號為理由，直接啲:

無能力買樓者: “因唔想同父母住，又唔想租樓幫業主供樓，又想有樓可得物業升值，咪要求政府幫”

攞综援或支持高福利社會者: “自己不想做工或明知自已唔努力，不可向上游，咪問政府攞”

阿伯返大陸娶妻，仔细老婆嫩:  “自己好色又養唔起老婆仔女咪要其他纳稅人養羅”

政棍或参選特首者 : “為了選票，咪幫低下層羅(因最多票) ，那理政綱是否對整體社會長遠利益”

我想問攞综援者會否拿出一点時間做一些社會義務工作，他們巳取之社會，但有否用於社會?

"你地班自私友講服我冇用嘅,能講服普羅大眾嗎?仲有,所有後選人都要以打壓樓價為重要政綱又作何解釋?
唔要係度自欺欺人啦?"

誰人以打壓樓價為重要政綱, 請提出來源資料
穩定樓價我相信有的。

要向〝小道〞封筆啦！浪費時間，無理據回答問題，明明都係自私精一明，為自己攞着數，又拉低下層落水，又話公平，正義，大同，正一偽君子。唔怪得支持CY！

要向〝小道〞封筆啦！浪費時間，無理據回答問題，明明都係自私精一明，為自己攞着數，又拉低下層落水，又話公平，正義，大同，正一偽君子。唔怪得支持CY！

原來推土地 = 打壓樓價
明白曬 ; )

演唱會加場 = 打壓入場價
旺角球場擴建 = 打壓球票價
麥當勞愈開愈多 = 打壓食品價錢
原來S上升, P一定會下降, 真係今日先知, 多謝指教

我都決定唔回啦, 同唔受教既傻仔講野都係曬時間