陳先生----温州人賭性同香港人好相似，温州人可以自我代入角式：    
          
香港好多人係賭精託世，唔輸清光都唔安樂！依家樓無得炒，咪走曬去炒牛熊証，但呢啲金融產品極之唔公平，
          
發行商有曬散户持倉數据，又有數以拾億計現金 / 信貸 / 股票做後盾，加上專業智識，散户能贏倒錢嗎？
散户輸左啲錢最終去邊度？金融區嘅大業主會執少少，牛熊証發行商嘅員工都執倒啲，但執得最深嘅係邊個？
          
牛熊証發行商擁有發放消息渠道，重有呢啲消息嘅解釋權，加上各國政府高層千方百計討好拒地， 
贏就拒地裝曬落袋，萬一輸曬就公家承擔，咁叫做「資本主義」？叫「搶錢主義」好啲！！  
          
香港政府重要助桀為虐，俾大鱷如魚得水咁致黑人僧！呢啲外國企業賺完錢放低 15 % 就走得！ 
但對樓宇買賣嘅人仕就當仇人咁辨，業主點衰都好，話曬都對政府庫房有供獻，但係呢啲大鱷？ 
咪得條毛咁大把囉！！計我話香港人咁喜歡賭，咪將房地產市場分割，一邊係投資者樂園，楂定錢等埋位！
          
咁政府就可以坐地分肥，用呢啲  Dirty-money 黎攪福利；而另一方就限定部份土地用途，只限永久性港人沾手！
作為自住用途，幾多人結婚、幾多人組織小家庭、幾多嬰兒出生---全都有跡可循，建屋預算？中學畢業生都做倒！
政府要做嘅嘢，唔係用居屋做派糖工具，而係撥一啲地俾香港永久居民、首置、自住、400 呎樓下----去買！
邊個儲倒首期，而又供得起嘅買先，儲未夠錢嘅--咁同志還需努力，政府保証土地會源源不絕，直到大家飽為止。
          
這些樓不存在補貼，不可作出租用途，轉手只限於上述人仕-----這方案由施永青提出，政府不能因人廢言！