香港走出疫情，大家都以為經濟會有報復性嘅反彈。大失所望，唔單止地產價格冇反彈，中原城市領先指數由歷史高位嘅 191.34 回落，今日已經到 137.9，跌幅幾達 30%，亦就係十年前嘅價位。如果從個案來講，最近有香港山頂歌賦山道豪宅在揸咗十年之後終於成功出售，虧損竟然達 60%！當然，呢類豪宅不能作為市場嘅指標，但係亦表白咗地產市道冰凍，尤其是流動性乾涸嘅現實。

　　其實商業地產，舖頭同埋寫字樓嘅價格可以話一早好快就崩盤，跌幅超過 50% 比比皆是，就算跌到七八十巴仙都唔一定揾到接盤俠。至於實體經濟，最近連大家熟悉嘅酒樓連鎖店如稻香及富臨都陷入咗幾千萬嘅虧損。如果連呢點資本雄厚嘅品牌都經營困難而瘦身，其他小本生意嘅生存困境可想而知。正所謂屋漏偏逢連夜雨，有消息四年來四百幾間財仔爆咗煲，如果最近有關銀行嘅裁員加埋佢嘅壞賬激增，估計近年來通過槓桿而係這波二十年來的香港地產的上升狂潮中通過資產增值至富的富豪，當然亦包括上咗車十年嘅一般市民，會在這一浪退潮中，打回原形。不破產已經係不幸中之大幸。

　　希望這次經濟不景氣，從任何的角度都已經開始有蔓延到金融領域的跡象，到此止血沒有更壞的發展。如果身邊有餘錢，提議忘記去揾錢而去漫遊世界增添人生色彩。