啱啱睇到 Bloomberg 專題報道，話香港市面 250 億美金嘅壞帳，推動緊金融業內人士商討成立「壞帳銀行」的可行性。 其實先前有恒生銀行裁員的消息，已經敲響咗銀行業，在營運上可能出現困難。 恒生銀行嘅放貸業務主要以香港本地為主，但近年來香港經濟嘅主要產業越來越狹窄，作為亞洲金融中心也受到新加坡嘅挑戰，有不少外資金融機構亞洲總部搬去新加坡甚至迪拜。 我個仔雖然是老細，佢間基金話搬就搬咗去杜拜，不到你自己話事。
至於香港作為大陸同世界各地嘅貿易轉運中心，近年來受到大陸港口嘅迅速崛起，青衣附近嘅貨櫃碼頭，只會睇到可鄰的零碎貨運活動。 原本話大陸有來不完的遊客，佢哋手頭寬裕，來香港掃貨揮金如土，疫情前銅鑼灣羅素街九龍廣東道舖租就寸金尺土，世界上最貴。 好多人原本以為三年疫情後香港經濟會報復性反彈，想不到期望高而現實好殘酷。
依家望返轉頭，原本是香港經濟支柱的地產，
自 2018 年初到 2021 年底，中原城市領先指數四年間一直在 175 - 190 間震盪。 疫情後好多人以為雨後天晴，有不少細炒家大舉入市掘金。 意想不到的是三年的經濟停滯，早就毫不留情為香港地產炒翻天嘅時代劃上咗句號。 尤其是無論國際地緣政治，抑或係中南海嘅國策，同埋香港就業前景都面對巨大不確定性。 好明顯香港地產世上無雙嘅天價，尤其係商業或辦公室嘅價格，會有使二十年前好成功嘅炒家係今次漫長嘅熊市裡面翻船沒頂。 我估計要等到銀行撇除壞帳，先到商業同埋辦公室，仲要有耐心等埋住屋抵押貸款，地產價格至有機會係底部揾到支撐。 耐心點啦。
