Without the competence and integrity, are you willing to spend your time to study the finanical reports from the CFO ?

If these elements are not applicable, please be advised the minimum requirements of the CE of HK 

7月7日那一場由地產代理業界發起的遊行，主題是「要求政府撒回壓抑樓價的辣招」，嗯……有咩問題？其實遊行係無問題，不過點解聽落總係好奇怪呢。遊行當日，地產代理公司的老闆大聲疾呼，話政府的辣招是落錯藥、樓價不跌反升，要求政府撒回措施，甚至設日落條款；否則呢，將有二千間經紀行會結業，成萬人要轉行云云。其實筆者真係想問一句︰香港嘅地產舖仲有人嫌少咩？！你樓下經營多年的士多、餐廳，是否早已結業變成地產舖？地產代理街上狂搶買家，群抽互毆亦非新鮮事，商場內又有幾多間地產舖，有時我懷疑，地產舖開得多，並不是真的擴充經營等實質需要；而是要充，充什麼？建立品牌規模、增加投資者信心，為咩人？你知我知，佢地都知，但係偏唔講，只用那種冠冕堂皇的理由，甚麼影響市場經濟呀、製造失業人口呀、分化社會呀。不認不認還需認，施永青終在記者會中講出︰「樓市交投下跌7成，辣招減低外國投資者意慾。」真相大白，一場大龍鳯，要求撒銷買家印花稅、雙倍印花稅，咪就係要。做。大。陸。人。生。意囉！你想要大陸人炒樓，想重返4百萬樓都可以寫成「窮人恩物」嘅年代；因為佢地唔嚟炒樓，你就會失業；而你唔想失業，就要大家挨貴樓，這就一個畸形社會種下的畸形情況。不過知還知，地產代理呢場戲就點都要做嘅，唔係又點同地產商交代？ 

最後，載個頭盔，來一個東張西望式總結︰「其實香港剩下不多的自由中有「遊行集會自由」，各團體都可以表達自己訴求，雖然唔支持但都應該要尊重嘅。」（不過成件事最荒謬係大會聲稱遊行人數有2萬2人，咁咪即係只比七一遊行少4萬？！）